Генералниот директор на СЗО, Тедрос Гебрејесус, оцени дека новиот тренд покажува оти е можно да се контролира вирусот, иако се појавуваат нови видови, со примена на мерки како физичко растојание, покривање на лицето и одржување на хигиена.

Сепак, Тедрос истакна дека светот веќе бил во слична ситуација и посочи дека не е време за опуштање.

– Во текот на изминатата година, имаше моменти кога во скоро сите земји бројот на регистрирани случаи се намалуваше. Мерките за претпазливост беа олабавени, а потоа вирусот ќе продолжеше да беснее – потсети Тедрос.

Тој нагласи дека во моментот кога се врши вакцинирање на глобално ниво, потребно е да се применат мерки на претпазливост кои придонесуваат за безбедноста на луѓето, пренесува Гласот на Америка.

– Контролирањето на ширењето на вирусот придонесува за спасување животи и ги намалува шансите за појава на нови видови. Исто така, помага дејството на вакцините да биде поефикасно – рече тој.

The post СЗО: Бројот на заразени во светот се намалува трета недела по ред appeared first on plusinfo.mk.

Тој ја осуди борбата на богатите земји да обезбедат огромни количини разни вакцини против коронавирусот, додека сиромашните нации се уште не ги добиле првите дози.

Тедрос посочи дека пандемиите ги разоткриваат и експлоатираат нееднаквостите во светот и предупреди дека сега постои „вистинска опасност“ вакцините, како средство за запирање на пандемијата, да ги влошат тие нееднаквости.

Национализмот со вакцини може да послужи за краткорочни политички цели, но на крајот ќе биде кратковид и самоубиствен, рече Тедрос, пренесува Гардијан.

Тој додаде дека целта  на Ковакс почне со доставување на првите дози во следните неколку недели, и да се почне со вакцинирање на медицински работници и постарата популација во сите земји во првите 100 денови од оваа година.

Тој го повика светот да не ги повторува грешките од кризата со ХИВ инфекцијата, кога богатите земји набавуваа лекови со децении пред да станат достапни во посиромашните земји.

Тедрос исто така потсети дека за време на пандемијата на вирусот на грип Х1Н1 во 2009 година, вакцините стигнале до сиромашните земји дури по завршувањето на пандемијата.

The post СЗО: Богатите држави да не прават залихи на вакцини и лекови appeared first on plusinfo.mk.