Театар Комедија има обновено гледалиште со 305 нови столчиња за публиката и нов ПВЦ-под. Реновирањето овозможено и со донација на Република Полска почна пред дваеетина дена и чини околу 9 милиони денари, информираше Министерството за култура.

Тие столови имаа историја од шеесетина години, носеа некоја емоција и традиција, но, сепак, веќе беа нефункционални и имаше поплаки од публиката. Им благодарам на Полската амбасада и амбасадоот Мариуш за помошта и донацијата што ја дадоа за поддршка на овој проект, кој чини околу 9 милиони денари. Министерството за култура и туризам го поддржа со околу 5,3 милиони денари проектот за реновирање на салата т.е. менување на столовите и на подот – изјави министерот за култура и туризам Зоран Љутков.

По посетата на салата во театарот, заедно со амбасадорот на Полска Мариуш Бримора, министерот посочи дека и во иднина ќе има инвестиции за Театар Комедија кој е, рече, еден од најпосетените театри во Македонија. За следната година е во план реновирање на гардеробите и менување на осветлувањето и на самата сцена.

Документ за завршениот проект со поддршка од Полска потпишаа полскиот амбасадор Мариуш Бримора и директорот на Театар Комедија, Дарко Спасов.

Бримора кажа дека поддршката е една од поважните активности на дипломатијата на Полска во многу региони во светот која го вклучува и Западен Балкан. Тој ги покани гледачите да ја проследат првата претстава во новото гледалиште овој петок – македонска премиера на претставата „Ивона, принцезата на Бургунд“ по текст од полскиот писател Витолд Гомбрович, во режија на Билјана Радиноска.

The post 📷 РЕНОВИРАНО ГЛЕДАЛИШТЕТО ВО ТЕАТАР КОМЕДИЈА, ДОНАЦИЈА ОД ПОЛСКА Нов под и 305 заменети столчиња appeared first on plusinfo.mk.

Репризата на претставата е закажана за 21 декември од 20 часот.

Претставата е во режија и адаптација на Лидија Дедовиќ, костимите се на Ивана Каранфиловска, а сценограф е Сергеј Светозарев.

Навидум сè e нормално и општествено прифатливо во животот на сестрите Аби и Марта Брустер. Тие живеат заедно со нивниот возрасен внук Теди. Средината ги почитува и им е наклонета, поради нивната милосрдност и добродушност кон соседите. Освен тоа, тие се религиозни и богоугодни, и се радуваат на новиот свештеник во заедницата, особено затоа што неговата ќерка има романтичен однос со другиот внук, театарскиот критичар Мортимер. Но, оваа идилична слика, всушност има мрачна опачина. Сестрите Брустер имаат бизарно хоби – труење осамени луѓе (претежно мажи), Теди страда од делузија на идентитет и верува дека е претседателот Теодор Рузвелт, а добро чуваната тајна во семејството на лудаци се открива со појавата на третиот внук, Џонатан, за кого се знае многу малку до неговото враќање во домот.

Овој комплекс од ликови и нивното заемно дејство, впрочем, формираат „театар во театар“ и тоа на неколку нивоа: преку идентитетската криза на Брустерови, преку класичната драмска постапка на препознавање и кулминира со метатеатралната сцена во која Мортимер ја исмева претставата што ја гледал, притоа антиципирајќи го тоа што ќе му се случи следно – речиси идентичен исход како на несреќниот лик од претставата.

„Арсеник и стара тантела“ од Џозеф Кеселринг првично била предвидена како сериозна пиеса, инспирирана од вистински настани, но потоа била преработена во фарсична црна комедија со макабристички елементи. Уште од првата изведба на Бродвеј во 1941 година станала хит, постигнувајќи неверојатен успех кај критиката и публиката, за што зборува податокот за одиграни 1.444 изведби. Пиесата добила и филмска адаптација во 1944 година, со Кери Грант во главната улога, инаку втората најголема филмска ѕвезда на сите времиња (по Хемфри Богарт) според Американскиот филмски институт.

The post ЦРНА КОМЕДИЈА ЗА СОВРЕМЕНОТО БЕЗУМИЕ Премиера на „Арсеник и стара тантела“ во петок appeared first on plusinfo.mk.

„Припаѓање“ е театарско излагање на младите авторки Хана Миленковска и Калија Киселички. Претставата се занимава со прашањето за грижата како концепт. Колку можеш да припаѓаш онаму каде што не се грижат за тебе? Како се грижиме едни за други? Колку од нашата грижа е всушност само перформанс?

Во претставата играат: Нина Елзесер, Филип Миленкоски, Сара Спиркоска, Дарко Ристовски и Ади Имери.

Авторка и режисерка е Хана Миленковска, а коавторка и драматург е Калија Киселички. Композитор е Ади Имери, продуцент – Дино Чупевски. Кореографијата е на Бобан Русески, костимографка е Мила Спасовска.

Билетите се достапни на билетарницата во Театар Комедија и онлајн на овој линк.

The post КАКО СЕ ГРИЖИМЕ ЕДНИ ЗА ДРУГИ? Претставата „Припаѓање“ на сцената на Театар Комедија appeared first on plusinfo.mk.

„Веќе не е ни смешно“ е црна комедија за комедијата денес. Пиеса што ја прикажува приказната за еден комичар кој запаѓа во депресија зашто сите почнуваат да му го јадат лебот. Хуморот, неговиот занает, станува задолжителен, излитен и банален. Комичарот се наоѓа помеѓу чеканот и наковалната: од една страна свет во кој сите се смешни и имаат слобода да го истурат својот лош хумор секаде околу себе, од друга страна цензорското око на збудалената политичка коректност. Како дa продолжи да твори фрлен среде океанот на универзалната смешка и со врзани раце и нозе од cancel-културата.

Aвтор на претставата е Сашо Кокаланов, а режисер е Срѓан Јаниќиевиќ. Играат: Атанас Атанасовски, Тино Костадиновски, Сергеј Димовски, Тони Денковски, Жаклина Петровска и Виктор Арсов.

– Комедијата на Кокаланов е инспирирана од „Човек што плаче од смеење“ на Фредерик Бегбеде и „Човекот што се смее“ на Виктор Иго. Во неа ќе препознаете и алузии на филмот „Џокер“ на Тод Филипс, на тажниот живот на големите мајстори на хуморот, како Робин Вилијамс, но, за жал, и на „кловновите“ околу нас, кои безмилосно ја освоија сцената на смеата – се вели во соопштението на Театар Комедија.

The post НОВА КОМЕДИЈА ВО „КОМЕДИЈА“ Утревечер премиера на претставата „Веќе не е ни смешно“ appeared first on plusinfo.mk.

Станува збор за пиеса која ни ги раскажува приказните на 4 актерки на различна возраст, кои сакаат различни нешта, но она што ги спојува и ги врзува е нивната заедничка гардероба зад сцената, и театарот воопшто, со сета негова магија и страст.

Улогите ги играат: Жаклина Стевковска, Жаклина Петровска Милјановска, Ева Скендеровска, Тања Мицков и Тони Денковски. Автор на музиката за претставата е Ристо Вртев, костимографијата е на Ивана Каранфиловска Угуровска, сценограф е Војдан Запров, а дизајнер на светло Милчо Александров. Асистент на режија е Иван Вртев, а драматург е Благица Секуловска.

Оваа современа комедија е во продукција на Театар Комедија, Амбасада на Република Чешка, МА2К Invest S.P.O. и SOR Libhavy OOD.

Претпремиерата ќе се одигра вечерва, првата реприза е на 28 октомври, а следна изведба на „Женска гардероба“ е на 1 ноември.

The post НОВА КОМЕДИЈА ВО „КОМЕДИЈА“ Утре премиера на „Женска гардероба“ appeared first on plusinfo.mk.

Спасов доаѓа на местото на актерката Ризова Черних, која беше поставена за в.д. директорка на театарот „Комедија“ на 24 ноември минатата година, откако беше разрешена Нора Шакири-Марковиќ.

Согласно законот Спасов како в.д. директор има мандат од 6 месеци, со можност тој да се повтори уште еднаш.

The post РАЗРЕШЕНА РИЗОВА Дарко Спасов – нов директор на Театарот „Комедија“ appeared first on plusinfo.mk.

The post РАЗРЕШЕНА ДИРЕKТОРКАТА НА „ТЕАТАР КОМЕДИЈА“ Шаќири Марковиќ водела дисциплинска постапка против вработен за време на избори appeared first on plusinfo.mk.

Таа за порталот „Локално“ изјавила дека нема коментар за ситуацијата, па топката ја префрлила кај колективот.

– Најдобро е да го прашате колективот дали им е вршен мобинг на вработените во театарот. Не знам каде да ве упатам да се јавите. Во институцијата никој од вработените нема поднесено пријава против мене, така што не знам што да ви кажам – изјавила Шаќири за Локално.

Исто така, таа рекла дека не знае со што е поткрепена пријавата.

– Во време кога театарот работи под полна пареа, работи и гостува на фестивали, навистина не знам дека тоа е мобинг – истакнала директорката.

The post ИНСПЕКЦИЈА ВО ТЕАТАР КОМЕДИЈА Директорката Нора Шаќири е пријавена за мобинг appeared first on plusinfo.mk.

Како што соопштија денеска од Министерството, при надзорот е утврдено дека директорот на театарот презел обврски над одобрените средства од Министерството за култура во вкупен износ од 8.734 486 денари без притоа да ги обезбеди од други извори.

Со тоа, како што се наведува во соопштение, е сторена повреда на чл.70 а, став 4 од Законот за култура.

До изборот на нов директор, заради непречено фунционирање на оваа установа, за в.д. директор е назначена Нора Шаќири Марковиќ, вработена во театарот.

The post Разрешен директорот на Театар Комедија, ќе го замени Нора Шаќири appeared first on plusinfo.mk.

Нивната свадба се случи на 10 август. Венчавката на Жарко и Андреа се случи во Ровињ, Хрватска во кругот на најблиските членови и пријатели почитувајќи ги правилата и препораките за заштита од коронавирусот.

Жарко преку социјалните мрежи се пофали дека веќе е женет човек. Имено, тој објави кратко видео со сопругата, а во описот напиша:

„Официјално е. Среќата само што започна. Љубов. 10.08.2020“.

 

View this post on Instagram

 

It is offiicial!! Happily ever after starts now #LOVE 10.08.2020

A post shared by Zarko Dimoski (@zakdim) on Aug 10, 2020 at 9:19am PDT

ФОТО: Инстаграм

The post Романтика: Актерот Жарко Димоски се ожени на море ВИДЕО appeared first on plusinfo.mk.