Според извештајот на тамошниот Институт за форензична медицина, Ана починала поради исцрпеност од топлина, пренесува „Пејџ сикс“ Таа имала сериозно оштетување на белите дробови што довело до кардиореспираторен застој. Таа не била под дејство на супстанции кои можат да предизвикаат смрт.

Потсетуваме, Ана почина додека го чекаше почетокот на концертот кој се одржа кон средината на ноември на стадионот Естадио Олимпико Нилтон Сантос во Рио де Жанеиро. Лекарите на местото на настанот се обиделе да ја оживеат младата обожавателка на Тејлор Свифт, но не успеале. Беневидес била пренесена во градската болница Салгадо Фиљо, но набргу потоа починала.

Температурите во Рио тогаш надминаа 38 степени, а бразилски „Фолха“ тврди дека температурата на стадионот била 60 степени. Пожарникарите наводно пружиле помош на повеќе од 1.000 обожаватели кои паднале во несвест.

Тејлор Свифт го објави трагичниот настан на Инстаграм.

„Не ми се верува дека го пишувам ова. Со тага во срцето известувам дека изгубивме обожавателка пред концертот. Не можам со зборови да кажам колку сум скршена. Имам мошне малку информации, знам дека била прекрасна и многу млада. Нема да можам да зборувам за ова на сцената затоа што ме обзема тага кога воопшто се обидувам да зборувам за тоа. Сакам да кажам дека ми е жал и дека моите мисли се со семејството и пријателите на починатата обожавателка. Ова е последното нешто што мислев дека може да се случи кога планирав да настапам во Бразил“, напиша таа тогаш.

The post ОТКРИЕНА ПРИЧИНАТА ЗА СМРТТА НА ОБОЖАВАТЕЛКАТА НА ТЕЈЛОР СВИФТ Младата Бразилка трагично го загуби животот на концертот на пејачката appeared first on plusinfo.mk.