На венчавката која се одржа во хотелот „Александар Палас“ присуствуваа најблиските, роднините и пријателите на двојката.

Татјана носела прекрасна венчаница, додека едноставната, но ефектна фризура, ја дополнила со елегантна дијадема со бисери.

 

View this post on Instagram

 

A post shared by MoeStudioDadar (@moestudiodadar)

Татјана и Михаил 10 години како беа свршени и живееа заедно. Инаку, Михаил уште пред 10 години ја запросил убавата презентерка.

Таа претходно беше во брак со пејачот Благоја Грујовски, со кого го има синот Матеј.

ФОТО: Приватна архива/Инстаграм

The post СЕ ОМАЖИ ТАТЈАНА СТОЈАНОВСКА ТВ-презентерката му кажа „да“ на бизнисменот Михаил appeared first on plusinfo.mk.

Со сослушување сведоци предложени од Обвинителството, кои зборуваа за становите на Бихаќка за кои во обвинението се тврди дека се на поранешниот премиер Никола Груевски, денеска во Основниот кривичен суд во Скопје продолжи судењето за случајот „Плацеви на Водно“.

Сведокот Татјана Стојановска рече дека на нејзино име има стан на улица Бихаќка и уште еден до него на име на фирма чиј управител е таа, но дека тие не се нејзини туку, на трето лице.

– На имотен лист да, ама јас не ги поседувам. Мислам дека во 2008-2009 година тој период, директорот Александар Ивановски ми се обрати дека треба да се купи стан таму и така се случи, под негови ингеренции. Тој дојде и кажа дека треба да се купи стан за бившиот премиер Никола Груевски, за да нема некои несакани комшии, поради прислушкување, значи само да се фигурира. Тоа одеше преку Агенцијата за недвижности „Асторија“. Се огласија двајца таму. Дојде човек и отидовме на нотар. Толку беше, немаше ништо – објасни Стојановска.

Прашана дали таа дала пари за овој стан и дали имала клуч, таа рече дека ниту дала пари, ниту добила клуч и дека никогаш ниту влегла ниту го видела тој стан.

Стојановска, исто така, рече дека е сопственик и управител на фирмата ИТК инженеринг, основана 2008-2009 година од причина за да учествува на јавен тендер, на кој било купено градежно земјиште на Водно, како и дека на ова правно лице има запишано уште еден стан на улица Бихаќка.

За тоа како обезбедила пари за купување на станот, сведокот рече дека тие биле обезбедени од Александар Ивановски преку позајмици.

– Станот беше на иста адреса, еден до друг со станот што веќе беше запишан на мое име. Станот беше купен од постар брачен пар, исто за Никола Груевски. Немам клуч и не сум била никогаш во тој стан – рече сведокот.

За двата стана, сведокот рече дека има договори и нотарски акти и дека ги поседува.

– Во 2018 година, пред бегството на Груевски, договор за закуп ми донесе Алек, потпишани од премиерот Никола Груевски за да потпишам јас и да ги вратиме. Договорите беа дека во рок од пет години ќе се реновираат без никаков надомест – рече Стојановска.

На прашање од бранителот по службена должност на Груевски, Стојановска рече дека никогаш не се сретнала, ниту телефонски разговарала со Никола Груевски.

Прашана дали е сигурна или може само да претпостави дека тие станови се на Никола Груевски, сведокот рече „Да, можам само да претпоставам“.

На прашање од адвокатот Еленко Миланов, дали парите за станот и земјиштето се обезбедени од Александар Ивановски, сведокот рече „да“, посочувајќи дека тој никогаш не ги користел.

Случајот го води судијата Илија Трпков, а застапник на обвинението е јавната обвинителка Лиле Стефанова.

На денешното рочиште прво беше сослушан сведокот Бисерка Јовковска Ќаева, која заедно со сопругот купила стан од 57 квадрати на улица Бихаќка, кој потоа го продале.

– Станот го продадовме кога беше отплатен кредитот. Беше мал и се одлучивме да побараме друг, со поголема квадратура. Прво го понудивме на луѓето околу нас дали сакаат да го купат, вклучително и на премиерот – рече сведокот, посочувајќи дека лично не се видела со премиерот, туку со некои негови луѓе кои биле овластени по што се договориле за цената и отишле на нотар.

На прашање од адвокатот по службена должност на Груевски, дали сѐ уште чуваат примерок од купопродажбата на нотар, сведокот рече дека тој веќе го донела на обвинителката и таму пишува кој го купува.

Денеска беше сослушан и сведокот Илија Гечев, сопственик на ИГМ Трејд, кој рече дека во 2012 година разговарал со министерот за транспорт и врски Миле Јанакиевски за земјиште на Водно.

– Ми се јави Миле и ми кажа дека има интересна локација на Водно од околу 1.200-1.300 метри квадратни до резиденцијата на Вилма Трајковска. За тоа ми рече дека треба да разговарам со Ерол Хасами. Ние се видовме со Ерол Хасами по неколку дена од тој разговор. Го прашав за сопственоста, мислам дека ми рече дека е фамилијата на Панделески од „Пелистерка“ и со тоа заврши разговорот. После тоа, јас не се интересирав, ниту да градам, ниту да инвестирам и со тоа заврши – изјави сведокот Гечев.

Прашан, која била цената на плацот, Гечев рече дека бил околу милион и двесте-тристе илјади евра.

The post АЛЕК МИ КАЖА ДЕКА ТРЕБА ДА СЕ КУПИ СТАН ЗА ГРУЕВСКИ Татјана Стојановска сведочеше дека од неа се барало да фигурира appeared first on plusinfo.mk.