Тамара Еклстоун, ќерката на Берни Еклстоун, долгогодишен челник на Формула 1, и на поранешната хрватска манекенка Славица Радиќ од Риека, со години привлекува внимание со својот гламурозен начин на живот, а центарот на тој свет е нејзиниот спектакуларен дом во Лондон.

Сместена во една од најскапите улици на планетата, Кенсингтон Палас Гарденс, вилата вредна повеќе од 80 милиони евра се наоѓа веднаш до британското кралско семејство, принцот Вилијам и Кејт Мидлтон кои се буквално „преку улица“.

Палата зад лондонска фасада

Тамара ја купила куќата во 2011 година и поминала две години реновирајќи ја со дизајнерот Гевин Бродин. Зад историската џорџијанска фасада се наоѓаат 57 соби, декорирани во стилот на современиот луксуз.

Иако тврди дека сакала „семеен дом“, во светот на Тамара, овој концепт се протега далеку над стандардот. Во подрумот има приватен ноќен клуб, куглана и кино. Исто така, има и салон за убавина опремен како професионален центар за убавина.

Меѓу најпознатите делови од куќата е бањата со „озлогласената“ златна када, детаљ што стана синоним за луксузот на Тамара. Таа нагласува дека за неа било важно куќата да биде „погодна за живеење“ и да не изгледа како „студен музеј“.

Гардероба на која ѝ нема крај

Гардероберот на Тамара е всушност низа соби распоредени по сезона. Вредноста на нејзината модна империја се мери во милиони, а чантите Хермес Биркин имаат посебен статус, повеќе од 30 од нив, вредни вкупно над 1,4 милиони евра. Меѓу нив е и персонализирана чанта со портрет на Тамара и нејзината ќерка.

Нејзината колекција чевли е подеднакво импресивна: 37 пара еспадрили Шанел, 22 пара влечки Гучи, безброј „Лубутени“…

Постои уште една опсесија, Тамара поседува 81 пар пижами од Викторија Сикрет, бидејќи, како што вели, за дома избира удобност и не сака да биде неуредна.

Живот одржуван од армија луѓе

И покрај монументалните димензии, животот во куќата најчесто се врти околу 3-4 соби. Сопругот Џеј Ратланд и нивните ќерки Софија и Серена го поминуваат поголемиот дел од времето во кујната и огромната семејна спална соба, каде што честопати сите спијат заедно.

За децата, целата куќа е претворена во забавен парк: поранешниот базен стана „мека соба за играње“, а има дури и минијатурна реплика на нивната куќа во градината. Играчки, куќички за кукли и декорации од „Замрзнатото кралство“ се наоѓаат на секој чекор.

Овој начин на живот бара тим од над 50 вработени: батлери, домаќинки, готвачи и цел тим кој се грижи за девет кучиња:

– Тие ми помагаат да излезам низ вратата и да го имам животот што го имам – вели искрено Тамара.

Од Формула 1 до ријалити сцената

Родена во Милано, израсната во богатство, но со силни врски со своите хрватски корени, Тамара се појави во бројни ријалити шоуа и го лансираше луксузниот бренд за нега на коса Show Beauty.

И покрај честите јавни критики за нејзината екстраваганција, таа не ја крие својата љубов кон штедливото купување во Костко, што му го припишува на својот татко: „Татко ми е најголемиот ловец на зделки“.

Нејзиниот живот не бил без драма; во 2020 година, таа беше жртва на една од најголемите кражби во модерната британска историја, кога од нејзиниот дом беа украдени накит и пари во вредност од околу 60 милиони евра. Но, Тамара вели дека останала фокусирана на она што го цени најмногу, нејзиното семејство.

The post 🎥 РАСТРГНАТА ПОМЕЃУ ПИЛАТЕС, НОКТИ, МАСАЖА, ЛИЧНИ АСИСТЕНТКИ,… Тамара Еклстоун живее во луксуз што ретко се гледа и има над 50 вработени – дома appeared first on plusinfo.mk.

Тамара Еклстон, ќерката на поранешниот шеф на Формула 1, Берни Еклстон и Славица Еклстоун, понуди награда до седум милиони евра за информации коишто би довеле до враќање на некои од нејзините скапоцени предмети коишто беа украдени во најголемата кражба во Велика Британија во историјата.

Проценетата вредност на украдениот накит, готовина и скапоцени камења, инаку, е 29,4 милиони евра.

Тамара во неделата на Инстаграм сподели дека со задоволство би доделила награда од 25 отсто од вредноста на сè што полицијата ќе успее да го врати врз основа на информациите што ги добива од изворот.

„Сега сум ќе го направам она што сакав да го направам од почетокот, и тоа во стил Мел Гибсон од филмот ‘Откуп’. Со задоволство ќе платам награда за враќањето на мојот или украдениот имот на Џеј и за фаќањето и гонењето на Даниел Вуковиќ.

Помислата на овие одвратни луѓе да претураат низ секоја соба во мојата куќа, да провалат во мојот дом, да ги допираат моите работи и да украдат некои од моите најскапоцени предмети, значи дека никогаш нема да можам да бидам во таа куќа со истото чувство на безбедност, што некогаш го имав“, додаде таа. За потсетување, во декември 2019 година, вилата на Тамара Еклстоун во западен Лондон беше една од трите куќи на познати личности кои беа ограбени од меѓународни крадци. Тамара била на одмор во Лапонија со сопругот Џеј Рутланд, нивната ќерка и кучето кога од нивниот дом во Палас Грин биле украдени вредните предмети.

Тројца Италијанци одговорни за грабежот беа фатени во ноември 2021 година и осудени на затворска казна.

Четвртиот човек – Даниел Вуковиќ, кој учествувал во грабежот, сѐ уште не е фатен, а токму за неговото откритие Тамара нуди висока награда на извор кој на полицијата ќе ѝ открие информации за него.

Полицијата соопшти дека верува оти бандата извршила слични злосторства врз жртви од висок профил низ Европа и планирала дополнителни кражби во домовите на богати и славни во Обединетото Кралство. Ниеден од украдените предмети на семејството Еклстон, освен еден пар обетки, не е пронајден.

The post ТАМАРА ЕКЛСТОУН НУДИ СЕДУМ МИЛИОНИ ЕВРА ЗА ИНФОРМАЦИЈА ЗА СРБИНОТ Богаташката го бара украдениот накит appeared first on plusinfo.mk.

Југослав Јовановиќ (24), од Милано, Италија, призна дека учествувал во кражбата на пари и накит, во вкупна вредност од 26 милиони фунти, од домовите на познати личности во Велика Британија, но имал и помошници. „Телеграф“ пишува дека Југослав бил дел од меѓународна група крадци кои, меѓу другото, упаднале во вилата на Тамара Еклстон, богатата наследничка на Барни Еклстон, во Кенсингтон и ја ограбиле.

Тоа е најголемата кражба во куќа досега во Британија. Тие украле накит и пари во вредност од 25 милиони фунти додека таа беше на одмор во Финска со нејзиниот сопруг Џеј Рутланд и ќерка им Софија, во декември 2019 година.

Жртви на кражбите биле и поранешниот фудбалер Френк Лампард и покојниот Вичај Шривадханапраба, сопственик на фудбалскиот клуб Лестер сити. Полицијата не успеала да го земе накитот и парите од трите спомнати грабежи. Украдената стока се претпоставува дека е однесена во странство.

На Јовановиќ требаше да му се суди во Ислворт, откако беше екстрадиран од Италија, но тој вчера се изјасни виновен. Тој претходно призна дека е виновен за кражби извршени меѓу 29 ноември и 18 декември 2019 година и дека неуспешно се обидел да купи две јакни „Луј Витон“ од стоковната куќа „Хародс“, со украдените пари.

Југослав ќе биде осуден на 15 ноември, како и Италијанците Алесандро Малтезе и Алесандро Донати, кои исто така беа екстрадирани. Четвртиот крадец по име Даниел Вуковиќ сѐ уште не е фатен и наводно се наоѓа во Белград, Србија. Романските државјани Александру Стан, Сори Марковичи, Марија Местер и Емил Богдан Савастру во јануари оваа година беа ослободени од обвиненијата за вмешаност во кражбите.

The post ПРИЗНАЛ ДЕКА ГИ ОГРАБИЛ ЕКЛСТОН И ЛАМПАРД Не можел да си купи јакна „Луј Витон“ во кеш appeared first on plusinfo.mk.

Тамара и Џеј се здружија со 30 уметници за да создадат онлајн-галерија со помош на која собираат пари и ги донираат за здравствените работници. Откако ги поканија сите гледачи да дадат свој финансиски придонес, тие им забележаа што бараат пари бидејќи живеат во луксуз.

„Без навреда, но ова е срамно? Сакаат да соберат милион фунти преку донации, а нивното семејство поседува речиси 4 милијарди фунти?“, се запрашаа незадоволните гледачи додека друг додаде дека не разбира како може Тамара да ги моли луѓето кои останале без работа да донираат на нејзината галерија додека таа располага со милијарди.

FOTO: ITV

The post Ова е срамота! Британците бесни ја нападнаа ќерката на Берни Еклстон appeared first on plusinfo.mk.