Јавното обвинителство ќе донесе одлука дали ќе ја обжали ослободителната пресуда во предметот „Талир 2“ откога ќе ја добие и анализира писмено изработената пресуда и нејзиното образложение, изјави денеска државниот јавен обвинител Ненад Савески.

Одговарајќи на новинарско прашање дали Обвинителството ќе поднесе жалба, Савески рече дека како и во секој друг предмет, најнапред ќе биде разгледано целокупното образложение на судската одлука.

– Не можам да ви одговорам сега бидејќи, како и во секој предмет, така и во овој, ќе се чека писмената верзија на пресудата. Целото образложение ќе се анализира и тогаш ќе се донесе одлука дали судот го убедил Обвинителството со својата одлука и образложение или не – истакна државниот јевен обвинител.

На забелешката дека Обвинителството вообичаено најавува жалба по ослободителни пресуди и дека дел од аргументите можеле да бидат слушнати и за време на усното образложение во судницата, Савески истакна дека лично не бил присутен на изрекувањето на пресудата.

Тој се осврна и на критиките од политички партии дека повлекувањето на овластувањата на обвинителката Ленче Ристоска влијаело врз исходот на предметот „Талир 2“ оценувајќи дека таквите тврдења не одговараат на фактите.

Според него, овластувањата што биле повлечени се однесувале на постапување на обвинители во предмети за кои не биле надлежни во рамките на своето обвинителство, а Ристоска во конкретниот случај била надлежен обвинител во Основното јавно обвинителство Скопје.

– Токму овој предмет, доколку таа не поднесеше оставка, ќе беше во нејзино надлежно постапување. Во овој предмет моето повлекување на овластувањата никако не можеше да се смета дека имало последица да ѝ биде одземен предметот. Доколку останеше, таа ќе работеше на овој предмет – потенцира Савески.

Тој додаде дека јавноста треба да ја слушне и, како што рече, „оваа страна од вистината“ нагласувајќи дека одлуката на обвинителката Ристоска да поднесе оставка била нејзина лична одлука.

The post ОБВИНИТЕЛСТВОТО ЌЕ АНАЛИЗИРА ДАЛИ ЌЕ ЈА ОБЖАЛИ ПРЕСУДАТА ЗА „ТАЛИР 2“ Ако не поднела оставка, Ленче Ристовска ќе го водела предметот appeared first on plusinfo.mk.

Поранешниот премиер Никола Груевски доби ослободителни пресуди во предметите „Талир 1“ и  „Талир 2“, со што по речиси една деценија се затвораат едни од најекспонираните случаи поврзани со финансирањето на ВМРО-ДПМНЕ. Претходно падна и предметот „Талир 1“, во кој Груевски беше обвинет за незаконско финансирање на партијата. И во тој случај Основниот кривичен суд донесе ослободителна пресуда.

Судот оцени дека обвинителството не успеало да ги докаже обвиненијата надвор од разумно сомневање, а беше одбиено и барањето за конфискација на партиското седиште.

Во „Талир 2“, Основниот кривичен суд Скопје го ослободи Груевски од обвинението за злоупотреба на службената положба поврзана со изградбата на седиштето на ВМРО-ДПМНЕ. Партијата воопшто не беше обвинета во оваа постапка, а се бараше конфискација на нејзиниот имот.

Судот образложи дека по измените на Кривичниот законик од 2023 година, обвинението било изменето. Според судот, обвинителството не успеало да докаже дека делото било сторено со „пречекорување на овластувањата“ и „неизвршување на службената должност“, како што бара новата законска формулација.

„Законот за изменување и дополнување на КЗ, објавен во Сл.в.бр.188/23, беше извршена промена во инкриминираните дејствија, кои го содржат битието на предметното кривично дело – Злоупотреба на службената положба и овластување, според кој, “искористувањето” како дејствие на извршување беше декриминализирано, а како последица на тоа беше извршена и измена на обвинението, па така “искористувањето” беше заменето со “пречекорување на овластувањата и неизвршување на службената должност” како дејствија  на сторување на делото, а покрај тоа беше вметната и “намерата” како посебен субјективен елемент на делото. И покрај ваквите наизглед минорни измени, кои се состојат во само 2 елементи на битието на делото, сепак истите од правно-релевантен аспект суштински го менуваат обвинението. Меѓутоа, обвинението сепак остана да се заснова на истите докази, од кои беа утврдувани фактите како и при претходно поставената изрека на обвинението, а останаа и истите заклучоци и истата теорија на обвинението, сублимирани на ист начин и во завршните зборови на застапникот на обвинението“, соопшти Основниот кривичен суд Скопје.

Судијката Даниела Алексовска при објавата на пресудата посочи дека во случајот морале да се земат предвид измените на Кривичниот законик од 2023 година, поради кои претходно беше укината првостепената пресуда.

– Иако беа направени измени на обвинението промени во доказите и фактите изнесени пред судот немаше. Судот цени дека обвинителството не докажа надвор од разумно сомневање дека обвинетиот Никола Груевски сторил пречекорување на службената должност – изјави Алексовска.

Во оваа ситуација Судот, посочи таа, во целост го прифатил ставот на Апелацискиот суд, а тоа е дека измените на КЗ се во директна корист на обвинетиот.

– Во оваа прилика, судот ќе истакне дека со секоја пресуда се испраќа одредена порака до поблиската и пошироката јавност. Во конкретниот случај, пораката е следна: ​Ваквата ослободителна пресуда е исклучиво резултат на донесување на Законот за изменување и дополнување на Кривичниот законик во 2023 година, а како директна последица на која што беше и укинувањето на првостепената пресуда во овој предмет, како што тоа го констатира Апелациониот суд Скопје во второстепената одлука во овој предмет. ​Судот ќе истакне дека, и покрај тоа што оваа пресуда е сосема различна од претходно донесената во конкретниот предмет, сепак, анализата и оценката на доказите, утврдените факти и заклучоците изведени од страна на судот останаа непроменети. Така што, при постоење на истите докази, врз основа на кои судот претходно утврди дека е сторено предметното кривично дело со ‘искористување на службената положба и овластување’, цени дека при постоење на истите тие докази, не се докажа надвор од разумно сомневање дека делото е сторено со друг вид на дејствија, односно со ‘пречекорување на овластувањата’ и со ‘неизвршување на службената должност’.

Таа додаде:

– ​И како последно, но од најбитно значење за пошироката јавност е дека судот останува конзистентен во одлучувањето, во анализата и оценката на доказите, како и фактите кои произлегуваат од истите, на кои исклучиво ги темели своите одлуки, бидејќи само на тој начин може да се гарантира правото на правна сигурност на граѓаните во чие име судот ги носи своите пресуди.

На објавата во судницата во Основниот кривичен суд Скопје присутни беа адвокатите по службена должност на екс премиерот Никола Груевски, Петар Тимовски и на ВМРО-ДПМНЕ, Кристина Маневска, како и претставникот на партијата, адвокатката Љубица Николовска.

Трошоците за судската постапка паѓаат на Буџетот на државата, а Судот го одби и предлогот на Обвинителството за конфискација на седиштето на ВМРО-ДПМНЕ.

Пресудата е неправосилна и странките имаат право на жалба пред повисоките судови.

Во април годинава, предметот „Талир 2“ го презема обвинителот Кристијан Смилевски од ОЈО Скопје, откако обвинителката Ленче Ристовска си поднесе оставка.

Апелациониот суд Скопје во јануари 2024 година поради измените на Кривичниот законик во делот на кривичното дело од член 353 од КЗ, ја укина првостепената пресуда за случајот „Талир 2“ и предметот го врати на повторно судење пред првостепениот суд. Застареност настапи за делото „злоупотреба на службената положба“ на поранешниот генерален секретар на Владата Кирил Божиновски, а гонењето продолжи за експремиерот Никола Груевски и партијата ВМРО-ДПМНЕ.

The post ПАДНА МОНТИРАНИОТ ПОЛИТИЧКИ СЛУЧАЈ ПРОТИВ ВМРО-ДПМНЕ Ослободителна пресуда за „Талир“ appeared first on plusinfo.mk.

Обвинителката Ленче Ристоска поднесе тужба против ВМРО-ДПМНЕ. Изјавата Ристоска ја даде по одложувањето на судскиот процес за предметот „Талир1“.

Ристоска изјави дека ги користи сите институционални механизми кои ѝ се на располагање и дека недозволиво е било кое обвинето лице да врши притисок врз јавен обвинител, особено од позиција на моќ.

– Поднесов и тужба за политичката партија ВМРО-ДПМНЕ. Поднесов и за премиерот, како што е јавно објавено известување до Советот на јавни обвинители, како институција која е задолжена за заштита на самостојноста на јавните обвинители – изјави Ристоска.

Претходно таа побара и јавно извинување од премиерот Христијан Мицкоски поради навреди и дисквалификации. Советот на јавни обвинители веќе најави дека ќе ја разгледува иницијативата.

Од Владата, пак, порачаа дека премиерот не ја споменал обвинителката.

Ристоска го застапува и обвинението „Талир 2“, во кој предмет е замрзнат имотот на Белата палата, односно седиштето на ВМРО-ДПМНЕ. Во „Талир 1“ за Перење пари остануваат истите обвинети Никола Груевски, Кире Божиновски, Илија Димовски, Леко Ристовски и Миле Јанакиески.

The post ЛЕНЧЕ РИСТОСКА ПОДНЕСЕ ТУЖБА ПРОТИВ ВМРО-ДПМНЕ Го тужи и премиерот и бара извинување appeared first on plusinfo.mk.

Судијката Даниела Алексовска-Стојановска, за која денес читаме дека прифатила ургенција на поранешен министер во одбрана по партиска линија (СДСМ) да го ослободи деликвентот што сега направи убиство со моторно возило, „иако претходно требало по секој основ наместо позади волан да биде позади решетки“, е истата судијка која „од политички побуди тргна да ја затвори ВМРО-ДПМНЕ како партија“.

Ова го тврди Димче Арсовски од ВМРО-ДПМНЕ, потсетувајќи дека истата судијка е „носител на неправдата“ во случајот „Талир 2“.

Арсовски судијката ја смета за одговорна за убиството на младата Фросина Кулакова.

„Во притвор денеска треба да биде оваа судијка, која одработувала политички. Додека не бидат исчистени сите вакви од судовите, нема да има доверба“, пишува Арсовски.

Ова е неговиот пост на Фејсбук:

;

The post ИСТАТА СУДИЈКА ШТО ГО ОСЛОБОДИ ВАСКО САКАШЕ ДА ЈА ЗАТВОРИ ВМРО-ДПМНЕ Таа беше носител на неправдата во случајот „Талир 2“ appeared first on plusinfo.mk.

– Мислам дека во конкретниот случај и конфискацијата на имотот веќе не може да постои. Мислам дека не можеше никогаш да постои, но сега уште повеќе. Не знам оваа пресуда дали треба да се укине или едноставно со примена на новиот КЗ да се констатира апсолутна застареност на гонење – изјави Миланов.

Случајот „Талир 2“, за кој првостепено беа осудени екс-премиерот во бегство Никола Груевски и поранешниот генерален секретар на партијата Кирил Божиновски за изградбата на седиштето на политичката партија ВМРО-ДПМНЕ во Скопје, најверојатно ќе биде вратен од почеток.

Пресудата за Талир 2 Кривичниот суд ја донесе лани во јуни според која Груевски и Божиновски ја искористиле службената положба и овластување и спротивно на законите за политичките партии и за финансирање, овозможиле склучување договор за градење помеѓу партијата и градежната фирма Бетон и противправно прибавиле објект и имотна корист од преку 132 милиони денари. Според првостепената пресуда Груевски доби шест години затвор, Божиновски условна, а судот донесе и одлука за конфискација на зградата која е партиското седиште на ВМРО ДПМНЕ.

The post ОДБРАНАТА БАРА ДА СЕ УКИНЕ ПРЕСУДАТА ЗА „ТАЛИР 2“ Со измените на Кривичниот законик случајот застарел во јануари appeared first on plusinfo.mk.

Ова прашање од собраниската говорница го постави пратеникот Бране Петрушевски од ВМРО-ДПМНЕ. Тој на одговорност го повика и премиерот Димитар Ковачевски, обвинувајќи го дека можеби и самиот крие имот стекнат од аферата „Броило“.

Одговарајќи на пратеничкото прашање, премиерот Ковачевски повика прво секој да исчисти во сопствениот двор и потсети на аферата „Талир 2“.

– Седиштето на ВМРО-ДПМНЕ е синоним за криминал и незаконски стекнат имот. Со судската пресуда „Талир 2“ е докажано дека дворецот кој што вреди 7 милиони евра е стекнат незаконски со пари украдени од граѓаните. Деталниот урбанистички план за таа зграда три пати е менуван за да може партијата да добие 12.000 квадрати за седиштето – рече Ковачевски.

Во врска со прашањето на Петрушевски, премиерот одговори дека секој функционер, без оглед на која партија доаѓа, има должност да достави анкетен лист до ДКСК за својот имот, согласно Законот за спречување на корупцијата.

– Сите кои тоа не го сториле во законски рок треба да бидат санкционирани согласно со закон и за тоа никој не добил заштита ни од мене ни од било кој член на Владата – нагласи Ковачевски.

Во врска со делот од прашањето кој се однесува на неговиот личен имот, Ковачевски одговори дека се што поседува го стекнал низ 22-годишната кариера во приватниот сектор. Сето тоа е пријавено во ДКСК, како и секоја промена.

– Вие се повикувате на афера која ја фабрикувавте без никаква основа. За тоа се води правна постапка, а јас доставив барање до ДКСК сето тоа да се провери – нагласи Ковачевски.

Петрушевски го праша премиерот зошто не каже јавно дека уделот во „Пиксел груп“ му го отстапил на својот кум без надомест, за да избегне данок и потоа да си го врати уделот назад. На одговорот на Ковачевски, дека при отстапувањето на уделот во компанијата „Пиксел груп“ тој од неа повлекол ликвидни средства, Петрушевски го обвини дека лаже. Но, Ковачевски енергично возврати:

– Повелете, кажете го ова надвор од судница, за потоа да го докажете на суд!

Билјана Ивановска, претседателката на Антикорупциската комисија нагласи дека проверката на податоците во анкетните листови на повеќе од 5.000 избрани и именувани лица се врши „рачно“, а ДКСК до крајот на годината би требало да добие софтвер за автоматска проверка.

– Лани во акција на ДКСК откривме 710 избрани и именувани лица кои не поднеле анкетни листови и против сите се поведени прекршочни постапки. Инаку, не постои автоматска проверка, туку според годишен план, врз основа на наша проверка на ризиците. Годинава се проверуваат податоците на 54 лица. Но, ги повикувам сите што имаат информации за непочитување на законот, да ги достават до нас – рече Ивановска.

The post ПОВЕЛЕТЕ, КАЖЕТЕ ГИ ОВИЕ ЛАГИ НАДВОР ОД ГОВОРНИЦАТА, ПА ДА СЕ ВИДИМЕ НА СУД! Ковачевски возврати на повторниот атак од пратеник на ВМРО-ДПМНЕ за неговиот удел во „Пиксел груп“ appeared first on plusinfo.mk.

– Вториот процес е дефокусирање на јавноста преку судски процеси и политички прогон како што го гледаме преку случајот Талир 2. И тука да бидеме на чисто, мојот став и понатаму е и родената сестра ако се огреши пред законот треба да одговара, но не преку политички монтирани процеси и окторирани и партизирани обвинители и судии. И немам дилеми дека треба да има апсолутна правда, безусловно почитување на законите и Уставот. Но, сето тоа треба да биде низ правна процедура. Сакам да ја искористам оваа можност ги пренесам до јавноста правните факти за случајот Талир 2 кој за жал нити обвинителството, а ниту партизираното и корумпирано судство и судија ги земаа во предви – изјави Мицкоски.

Тој реагира дека самата објава на пресудата наликувала на се освен на она што треба да биде, а тоа е процесно дејствие.

– Истата наликуваше на политички процес во режија на СДСМ, ДУИ, обвинителите и судиите. После завршните зборови, веднаш следниот ден, дури и не можеа да ги прочитаат стенограмите од завршните зборови, пресудата беше веќе напишана и следеше само да биде соопштена на јавноста. Истечен е рокот за да се води било каква постапка за овој предмет. Овој кривичен предмет на почетокот мора да напоменеме дека е поднесен незаконито од неовластен тужител, надвор од рокот од 18 месеци, од страна на сега осуденета со правосилна пресуда за рекет, поранешната СЈО Катица Јанева, односно обвинението е поднесено по истек на 16 месеци од овој рок – вели тој.

Мицкоски потенцира дека ВМРО-ДПМНЕ во овој предмет не е обвинет, односно не е странка во постапката, а со пресудата се одзема имотот на ВМРО-ДПМНЕ, со според него се повредува уставно загарантираното право на сопственост, без при тоа се сослуша претставникот на политичката партија согласно одредбите од законот за кривичната постапка.

– Дури и во 1949 кога политички се отсекувале глави на политички неистомисленици и со еден или два сведоци се испраќале на Голи Оток или затворите на поранешната држава имало можност да биде сослушано лицето и странката. Во случајот воопшто не бевме сослушани, немавме право да си го кажеме нашето мислење и аргументи. Кривичниот суд надвор од негови надлежности поништи Договор кој ВМРО-ДПМНЕ го склучила со правното лице АД Бетон Скопје, при што го конфискуваше исклучиво делот кој е сопственост на партијата. Во најмала рака е нелогично како овој договор е незаконит само за ВМРО-ДПМНЕ и се конфискува имотот кој го стекнала партијата, а е законит партнерот во тој договор и не му е имотот конфискуван – смета претседателот на опозициската партија.

Нелогичност за Мицкоски е дека предмет на конфискација е исклучиво објектот сопственост на партијата, а не и земјиштето на кое објектот е изграден.

– ВМРО-ДПМНЕ на предметната локација имаше објект познат помеѓу своите членови и граѓаните во Македонија како „Жолтата зграда“ кој за никого не е спорно дека припаѓаше на партијата. Се поставува прашањето што со тој објект? Со ваквата пресуда ВМРО-ДПМНЕ е двапати незаконито оштетен, еднаш за новиот објект и еднаш за стариот објект неспорен за никого дека припаѓаше на ВМРО-ДПМНЕ.  Иако во вештиот наод на одбраната во оваа постапка се тврди дека ВМРО-ДПМНЕ во предметниот период имала и други приходи од членарини и од буџетот кои биле доволни за да се купат останатите партиски простории лоцирани низ Македонија, судот по барање на обвинителството без да обезбеди супер вештачење донесе одлука за конфискација на истите. И повторно сакам да потенцирам да биде запишано и јасно. ВМРО-ДПМНЕ не е имотот на партијата, ВМРО-ДПМНЕ е народот македонски и затоа оваа конструкција нема да ја оствари целта за којашто е измислена – додава тој.

Лидерот на ВМРО-ДПМНЕ повтори дека неговата партија ќе ја обжали пресудата, надевајќи се дека ќе пронајде правда пред македонските судови.

The post ВМРО-ДПМНЕ НЕ Е ИМОТОТ НА ПАРТИЈАТА, ТУКУ НАРОДОТ МАКЕДОНСКИ Мицкоски пронајде нелогичности во „Талир 2“ appeared first on plusinfo.mk.

„На студентите им припаѓа луксузот во кој политичарите до сега незаслужено уживаа! Ова е шансата сите заложби дека на младите е иднината и дека државата се грижи за нас да се докажат како реалност! Ова е шанса да се исправи погрешното трошење на парите. Не ни требаат вашите кристални лустери и позлатени слики, ни требаат тоалети со врата која се затвора, тавани без мувла и ѕидови со изолација!“

„Оваа идеја одамна ја дискутиравме во нашите кругови и чекавме конечно да се донесе судската одлука. Ова е шанса ние да создадеме нешто, ќе бараме и поддршка за реуредување на просторот по наш вкус, по идеја на студентите“, пишуваат од УСС на УКИМ.

Пренаменување на Белата палата во студентски дом побара и Виктор Велевски, претседател на Државниот студентски дом – Скопје.

„Да инвестираа 63 милиони во сите ученички и студентски домови, сега ќе имавме модерни и европски капацитети за сместување и исхрана на авангардата на државата, ама како велат, пусто по мило им беше да си гледаат само за нив“, реагира Велевски.

The post БЕЛАТА ПАЛАТА ДА СТАНЕ СТУДЕНТСКИ ДОМ Универзитетското собрание ќе бара поддршка за идејата appeared first on plusinfo.mk.

Имотот не е ВМРО-ДПМНЕ, туку народот, а ваквата политичка одлука на судството на СДСМ и ДУИ нема да нѐ поколеба во нашата борба, рече денеска претседателот на ВМРО-ДПМНЕ Христијан Мицкоски во врска со судската одлука за „Талир 2“.

По средбата со комесатот за проширување на Европската унија, Оливер Вархеи во Охрид, Мицкоски, одговарајќи на новинарски прашања, истакна дека во овие триесет години независност, ВМРО-ДПМНЕ поминало низ многу премрежја.

– Ќе го помине и ова, бидејќи имотот за кој се побара конфискација, не е ВМРО, туку народот е ВМРО и ова партизираното и октроирано судство и обвинителство на СДСМ и ДУИ не го суди ВМРО-ДПМНЕ, туку Македонија и македонскиот народ. Денеска ја добивме првостепената пресуда. Ова партизирано октроирано судство и обвинителство решило да го суди ВМРО-ДПМНЕ, меѓутоа, тоа не го суди ВМРО-ДПМНЕ туку го суди македонскиот народ, ја суди Македонија – рече Мицкоски.

Според него, „уште еднаш се покажа дека ВМРО-ДПМНЕ е единствената пречка за разнебитување на македонскиот идентитет и македонската држава од овие октроирани партизирани судии и обвинители на СДСМ и ДУИ“.

– Ние ќе продолжиме да ја бараме правдата, ќе се бориме, нема да се повлечеме. Ако некој мисли дека ВМРО-ДПМНЕ оваа пресуда ќе го обесхрабри, се лаже. Ова само дополнително ќе нѐ мотивира да дојдеме до правдата и нашата борба да ја ослободиме Македонија од овие криминални политичари, да го ослободиме обвинителството и судството од закани, притисоци и од стегите, ќе продолжи. Ќе повторам уште еднаш, ВМРО-ДПМНЕ и ВМРО не е имотот, ВМРО-ДПМНЕ и ВМРО е народот на Македонија и самата Македонија. Продолжуваме да се бориме сѐ додека конечно не ја добиеме правдата – рече Мицкоски.

The post ИМОТОТ НЕ Е ВМРО-ДПМНЕ, ТУКУ НАРОДОТ E ВМРО Мицкоски ја коментира пресудата за „Талир 2“ appeared first on plusinfo.mk.

– Во текот на постапката не беше сослушан претставникот на политичката партија ВМРО-ДПМНЕ за да се произнесе по однос на сите овие околности. Само ќе укажам на една работа. Да се конфискува цел имот на една политичка партија заради некакви дејствија на две обвинети лица е надвор од секаква правна и здрава логика. Имено, доколку постојат какви било дејствија и е утврдена вина како што тоа судот денеска го стори, тогаш можело да се конфискува и личен имот на обвинетите лица. Овој имот на политичката партија ВМРО-ДПМНЕ не може да се толкува дека целиот е заслуга на само две лица – изјави адвокатката Николовска и додаде дека во таа политичка партија има многу други луѓе кои што допринеле за создавање на тој имот.

Воедно, таа најави дека ќе ги користат другите правни средства кои им стојат на располагање и се надеваат дека правдата ќе биде задоволена.

The post ИМОТОТ НА ПАРТИЈАТА НЕ Е ЗАСЛУГА НА САМО ДВЕ ЛИЦА Најавена е жалба од ВМРО-ДПМНЕ appeared first on plusinfo.mk.