Годишната инфлација во Бугарија, според прелиминарната „кратка“ проценка, се зголеми во мај од 6,8% во април на 7%, така што сега е на највисоко ниво од август 2023 година, објави денеска Националниот статистички институт (НСИ) на таа земја.

Најголем придонес за растот на цените имаше транспортниот сектор, каде што инфлацијата се забрза од претходните 18,5% на 22,1%, поради повисоките цени на горивата и трошоците за енергија поврзани со конфликтите на Блискиот Исток.

Цените во Бугарија се зголемија и во категориите алкохолни пијалаци и тутун, каде што инфлацијата достигна 7,7 %, домување, електрична енергија, гас и гориво, со раст од 5,2%, како и ресторани и хотели, каде што цените беа повисоки за 9,4%. Инфлацијата во областа на рекреација, спорт и култура остана многу висока и изнесуваше 15,8%, иако малку забави во споредба со април.

Спротивно на тоа, зголемувањето на цените на храната и безалкохолните пијалаци се забави на 4,9%, додека цените на облеката и обувките се намалија за 0,4% на годишна основа.

Според Хармонизираниот индекс на потрошувачки цени (HICP), кој го користи Евростат за споредување на инфлацијата меѓу членките на Европската Унија, годишната инфлација во Бугарија изнесуваше 6,3%,  според веб-страницата на NSI.

The post ИНФЛАЦИЈА ОД 7% ВО БУГАРИЈА Достигнато највисоко ниво во последните три години appeared first on plusinfo.mk.

57-годишната патничка патувала околу 8:30 часот со лет од меѓународниот аеродром Дон Муанг до тајландската провинција Након Си Тамарат.

Во шокантна несреќа, таа се сопнала преку својот розев куфер и механизмот на подвижната лента го зафати нејзиното стапало, што и ги скина мускулите, тетивата и коската.

Другите патници, видно вознемирени од глетката, се обиделе да го притиснат прекинувачот за итни случаи додека машината продолжила да ги кине мускулите, тетивата и коските на екстремитетите.

Медицинскиот тим на крајот мораше да и ја ампутира левата нога над коленото, соопштија аеродромските власти.

Потоа патничката била префрлена во болница во главниот град.

Медицинскиот тим во болницата рече дека патичката првично била испратена во Карун каде и било кажано дека не можат повторно да и ја „закачат“ ногата, но жената побарала да биде префрлена во друга болница за второ мислење.

Аеродромските власти наредија истрага за да се утврдат причините за несреќата, пренесува „Дејли мејл“.

На куферот што лежеше во нејзина близина недостасуваа две тркала, а на лице место се забележани и скршени делови од постојката што го покрива делот каде завршува подвижната лента.

Во меѓувреме, таа автоматска патека е затворена за патници додека инженерски тим врши инспекции и безбедносни проверки.

The post (ВОЗНЕМИРУВАЧКО ФОТО) ХОРОР НА АЕРОДРОМ Жена остана без нога откако и се заглави во подвижна лента appeared first on plusinfo.mk.

Водителка на овогодинешната церемонија беше австралиската актерка и комичарка Ребел Вилсон, која за време на церемонијата му покажа среден прст на рускиот претседател Владимир Путин.

Ребел за време на церемонијата ја коментираше руската инвазија, а публиката ѝ аплаудираше кога таа направи непристоен гест гледајќи во камерата и му се обрати на Путин.

Here’s a lesson in sign language from @RebelWilson #EEBAFTAs pic.twitter.com/4VPGug75Vu

— BAFTA (@BAFTA) March 13, 2022

„На овој настан има два различни преведувачи, едниот за американскиот знаковен јазик, а другиот за британскиот знаковен јазик. За среќа, на сите знаковни јазици ова значи исто за Путин“, речкла актерката и комичарка пред да го крене средниот прст кон камерата.

Мрачаниот вестерн „Моќта на кучето“ во неделата освои две од најзначајните награди на овогодинешните филмски награди БАФТА, за најдобар филм и најдобра режисерка – Џејн Кемпион, а научно-фантастичниот еп „Дина“ освои најмногу награди.

ФОТО: Твитер

The post ПОЗНАТАТА КОМИЧАРКА МУ ПОКАЖА СРЕДЕН ПРСТ НА ПУТИН На доделувањето на наградите БАФТА (ВИДЕО) appeared first on plusinfo.mk.

Игор откри дека со години е редовен играч на платформата на 2win.mk и дека е многу среќен што го добил скутерот, иако за разлика од повеќето играчи, се надевал на друга награда.

– Веќе пет години играм на 2win.mk, почесто спортско обложување, но знам да одиграм и на видеолотариските игри. Искрено, не очекував дека ќе го добијам скутерот, ова е големо изненадување за мене. Се надевав на тротинет, затоа што сакав да ѝ го подарам на ќерка ми, да ја изненадам, но излезе дека изненадувањето е за мене – раскажа расположениот Игор.

Бојчовски беше еден од најдобрите минатиот месец во категоријата спортско обложување, што го става во одлична позиција и во бодувањето за крајните награди на ИГРАЈ БЕЗ НЕРВОЗИ И МЕРЦЕДЕС ВОЗИ. Меѓутоа има уште многу време до 31 јануари 2022 година, кога завршува оваа фантастична наградна игра, па дотогаш секој може да игра и да собира бодови за да стигне до главните награди – два автомобила Мерцедес.

#ИграјЗаЗабава #ИграјОдговорно

The post ИГОР СЕ НАДЕВАЛ НА ТРОТИНЕТ, НО ОСВОИ СКУТЕР Бојчовски е редовен играч на платформата на игри на среќа appeared first on plusinfo.mk.

– Епидемиолозите следат, Комиисјата за заразни болести следи, информациите ги добиваат и тие, како што ги добива МОН, и тие дејствуваат врз основа на општина, регион, училиште. Упатувам на тоа дека во училиште се 240.000 ученици, а вчера бројот на позитивни ученици во училиште е 0,01, што е навистина многу низок процент. Очекувам дека ќе успееме да се одржиме во ниски проценти, затоа што највисок интерес на учениците е да бидат во училница – рече Царовска.

Таа апелираше до директорите, наставниците, родителите да ги почитуваат протоколите, да се заштитат деца, да им се обезбеди и право на учење кое е основно детско право.

Во однос на укажувањата од Народниот правобранител, Царовска посочи дека протоколите, како и планот за работа и трите сценарија се усвоени на владина седница во координација со Комисијата за заразни болести, уште во јули.

– Во моментов го спроведуваме сценариото физичко присуство во училиште, за сите ученици на цела територија освен Тетово и Гостивар кои започнуваат од следниот понеделник со настава со физичко присуство. Вчера Владата ја донесе истата оваа одлука. Но, сè останато може да е размислување на одредена институција, но најрелевантни за тоа дали треба да се скратат часовите, не треба да се скратат, дали има здравствен проблем или нема, ниту е МОН, ниту е Народниот правобранител туку е Комисијата за заразни болести. Од страна на Комисијата протоколите се усвоени и како такви детално се практикуваат, доколку има потреба од промена на истите јас сум сигурна дека Комисијата ќе нè алармира, но досега такво нешто немаме – рече Царовска.

Тоа што го спроведува нашата држава, додаде, го спроведуваат и сите држави во светот дури и најразвиените.

Царовска, одговарајќи на новинарско прашање информираше дека процентот на вакцинирани наставници е висок и изнесува над 74 проценти.

– Мислам дека до крајот на месецот ќе постигнеме и едно соодветно ниво како што велат здравствените власти за колективен имунитет кај наставниците и тоа е речиси два пати повисок број од националниот стандард и ме радува тоа бидејќи тоа покажува висока свесност кај наставниците за потребата од континуитет во настава – заклучи Царовска.

The post ЗАСЕГА НЕМА ПОТРЕБА ОД ОНЛАЈН НАСТАВА Има помалку новозаразени ученици од вчера, тврди Царовска appeared first on plusinfo.mk.

„Пожарот е веќе изгаснат и сите тимови од болницата се мобилизирани да дадат помош на повредените. Тие итно се траснспортираат во Скопје за да им се даде соодветна нега, тимовите на Клиника се мобилизирани. Наскоро ќе излеземе со нови информации“ напиша Филипче на твитер.

Според него, лекарите се борат за животите на повредените.

„Да им посакаме среќа и да останеме со мислите со нашите сограѓани вечерва. Апелирам до медиумите и граѓаните да не се шпекулира со бројките. Сите потврдени информации навреме ќе ги споделиме“, напиша Филипче.

The post МОМЕНТАЛНО ПОТВРДЕНИ 10 ЖРТВИ ВО ПОЖАРОТ ВО КОВИД ЦЕНТАРОТ ВО ТЕТОВО Филипче вели бројката може да порасне appeared first on plusinfo.mk.

Група анти-талибански бунтовници тврдат дека во нивните редови има илјадници луѓе кои се подготвени да се борат.

Али Назари, шеф за надворешни односи на Националниот фронт на отпорот во Авганистан изјави за Би-Би-Си дека групата сака да ги продолжи мировните преговори. – Но, „ако не успеат … нема да прифатат никаков вид агресија, вели тој.

Талибанците, сепак, тврдат дека го опколиле упориштето на групата во Панјшир, познатата Долина на петте лавови. Амрула Салех, вицепремиерот соборен од талибанците, во моментов е во Панјшир, провинција североисточно од главниот град Кабул. Оттаму, тој твитна дека талибанците распоредиле голем број војници во близина на влезот во долината.

Провинцијата Панјшир, особено долината со исто име, исто така, се спротивстави на советската инвазија во војната од 1979 до 1989 година, а потоа и на талибанците во 1990 -тите. Според сведоштвата, таа во моментов се уште е под контрола на Националниот фронт на отпорот во Авганистан, основан од Ахмад Масуд – син на авганистанскиот херој на отпорот Амхад Шах Масуд.

Ахмад Шах Масуд беше моќен командант кој го предводеше движењето на отпорот против Советскиот Сојуз, а потоа беше лидер на военото крило на авганистанската влада против ривалските вооружени трупи во текот на 1990 -тите, потсетува Би-Би-Си. Кога талибанците ја презедоа контролата, тој беше главниот воен противник на нивната влада, се до неговата смрт во 2001 година.

Назари за Би-Би-Си радио 4 изјави дека неодамна во провинцијата дошле противници на талибанците од  селата и биле на обука. Тој рече дека групата брои „илјадници луѓе подготвени да дадат отпор, но Би-Би-Си нагласува дека не можел да добие потврда за ова тврдење од независни извори.

The post СЕ МОБИЛИЗИРА ФРОНТ НА ОТПОР ВО АВГАНИСТАН Илјадници се подготвени да се борат против Талибанците appeared first on plusinfo.mk.