Тајфунот Делфин денеска ја погоди источна Кина, што предизвика откажување на повеќе од 1.000 летови, евакуација на милион луѓе и прогласување на највисоко ниво на опасност, објавија метеоролошките служби, пишува Еуроњуз (Euronews).

Средишниот дел на тајфунот попладнето, по локално време, се упати кон копното во близина на градот Јухуан, во источната кинеска покраина Џеџијанг, соопшти Националниот метеоролошки центар-НМЦ (NMC) на Кина. Во моментот на ударот, максималната брзина на ветерот во близина на средиштето на тајфунот била повеќе од 150 километри на час, наведе НМЦ.

Властите евакуираа повеќе од 900.000 жители од крајбрежниот  Венџоу, во покраината Џеџијанг, во источна Кина, и отворија повеќе од 1.000 прифатни центри. Поради тајфунот денеска беа откажани речиси 1.400 летови на двата главни аеродроми во Шангај, објави државниот радиодифузер CCTV.

Последиците од тајфунот се почувствуваа и во Хонг Конг, на јужниот брег на Кина. Таму беа забележани рекордни 36,9 степени, а високата температура е последица на топлиот воздух што тајфунот Долфин го турна кон градот.

Today, Typhoon Dolphin made landfall in Taizhou, Zhejiang, China, bringing dangerous winds and severe flooding. pic.twitter.com/zu1HhD7Q7C

— Weather Monitor (@WeatherMonitors) August 9, 2026

„Бурата се движи кон Жеџијанг и понатаму во внатрешноста, а нејзините надворешни опаѓачки воздушни струи од денеска до вторник ќе донесат екстремно топло време во областа“, соопшти опсерваторијата во Хонг Конг.

Пред да стигне до Кина, тајфунот Делфин донесе обилни дождови и силни ветрови на јапонскиот остров Окинава, каде седум лица беа полесно повредени, вклучувајќи и маж над 100 години кој падна и ја удри главата откако беше соборен од налетот на ветерот, соопштија локалните власти.

До денес попладне, 5.290 домаќинства на Окинава останаа без електрична енергија, објави регионалната енергетска компанија „Окинава Електрик Пауер“. Во Тајван, денеска десетици фериботски линии беа суспендирани, а повеќе од 180 летови беа откажани бидејќи бурата донесе поројни дождови и силни ветрови во северниот дел од островот.

Кинескиот Национален Метеоролошки Центар утрово издаде црвен аларм за тајфунот, што е неговото најстрого предупредување. НМЦ предвиде „исклучително обилни врнежи од дожд“ во делови од централен и источен Жеџијанг. Обилни врнежи од дожд се очекуваат и во Шангај и делови од провинциите Фуџијан, Анхуи и Џангсу до утре попладне.

The post 📽️ ТАЈФУНОТ ДЕЛФИН JA ПОГОДИ КИНА СО 150 КМ/ЧАС Милион луѓе бегаа од брегот, откажани речиси 1.400 летови appeared first on plusinfo.mk.

Во Јапонија денеска се евакуирани над 2 милиона луѓе поради приближувањето на тајфунот Мекхал, кој може да предизвика поплави и лизгања на земјиштето.

Тајфунот Мекхал претходно го погоди Тајван.

Поради обилните дождови и силниот ветер островот е парализиран, 6 милиони луѓе не работат, а училиштата се затворени.

Мекхал засега ослабна и сега е категоризиран како тропска бура и се доближува до јапонскиот остров Рјуку.

Во Јапонија се откажани повеќе од 200 летови, десетици железнички линии се суспендирани, а многу автопатишта се затворени.

The post НАД 2 МИЛИОНИ ЛУЃЕ СЕ ЕВАКУИРАНИ ВО ЈАПОНИЈА Кон островот се приближува опасен тајфун appeared first on plusinfo.mk.

Американскиот претседател Доналд Трамп денеска изјави дека неговата претстојна одлука за понатамошната продажба на оружје на Тајван е ефикасно средство за притисок врз Пекинг, јавува ДПА.

Трамп рече дека засега го остава договорот за продажба на оружје, вреден 14 милијарди долари, да лебди во воздух, иако тој е веќе одобрен од американскиот Конгрес, пренесе германската агенција.

„Зависи од Кина“, изјави Трамп за радиодифузерот „Фокс Њуз“. „Искрено, тоа е многу добра преговарачка алатка за нас. Тоа е многу оружје“, рече тој.

Трамп претходно, во авион на враќање од Пекинг за САД, изјави дека одлуката ќе ја донесе во блиска иднина. Тој, додаде, дека за ова прашање прво мора да разговара со Тајван.

Американскиот Конгрес однапред го одобри најновиот договор за оружје со Тајван во јануари 2025 година.

Кина ги отфрла таквите продажби на оружје затоа што Тајван го смета за свој неделив дел, иако оваа островска република има независна и демократска влада.

Истовремено, во интервју за Фокс њуз Трамп го предупреди Тајван да не прогласува формална независност од Кина.

„Не сакам никој да прогласува независност – вели Трамп во интервју за американската телевизиска мрежа по враќањето од самитот со кинескиот претседател Си Џинпинг во Пекинг.

На летот за Вашингтон, Трамп рекол дека Си многу зборувал за Тајван, но тој не сакал да одговори на прашањето дали САД ќе го бранат островот кој Кина го смета за своја одметната покраина и не ја исклучува употребата на сила да го поврати суверенитетот.

Трамп рече дека политиката на САД во овој поглед не се менува. На прашањето дали може да замисли конфликт со Кина околу Тајван, Трамп рече: „Не, мислам дека не. Мислам дека сè ќе биде во ред. (Си) не сака војна“.

– Знаете, би требало да се патува 15.000 километри и да се војува. Не го сакам тоа. Сакам да се оладат. Сакам Кина да се олади – рече американскиот претседател.

Прашањето е „многу важно“ за Си и „тој не сака никакво движење за независност“, рекол Трамп.

За време на посетата, кинескиот претседател изјави дека прашањето за Тајван е најважното прашање во односите меѓу Кина и САД.

– Доколку со него не се упавува добро, двете земји би можеле да се конфронтираат, па дури и да се судрат – рече Си на самитот, цитиран од кинеските медиуми.

The post САД ЌЕ МУ ПРОДАДАТ НА ТАЈВАН ОРУЖЈЕ ВО ВРЕДНОСТ ОД 14 МИЛИЈАРДИ ДОЛАРИ? Трамп смета дека тоа е одлична алатка за притисок врз Кина appeared first on plusinfo.mk.

Кина ќе купи 200 авиони „Боинг“, при што нарачката би можела да достигне до 750, изјави денеска претседателот на САД, Доналд Трамп.

Трамп додаде дека авионите ќе бидат опремени со мотори на „Џенерал електрик“.

Доколку бидат финализирани, нарачките ќе ја означат првата голема зделка на „Боинг“ во Кина по речиси една деценија. во услови на трговски тензии меѓу Пекинг и Вашингтон, американскиот производител на авиони во последниве години во голема мера беше истиснат од вториот по големина авијациски пазар во светот.

Трамп изјави и дека размислува да ги укине санкциите против кинеските компании кои купуваат иранска нафта и дека набрзо ќе донесе одлука за тоа прашање.

Американскиот претседател ја даде изјавата во претседателскиот авион „Ер Форс Уан“ на враќање кон САД, по дводневната државна посета на Кина.

Тој, исто така, изјави дека би прифатил Иран да ја замрзне својата нуклеарна програма на 20 години, но нагласи дека од страна на Техеран мора да постои „вистинска“ посветеност.

Додаде и дека со својот кинески колега Си Џјинпинг „многу разговарале за Тајван“.

– Тој не сака да види војна за независност. Јас не коментирав, само го сослушав – додаде Трамп.

Според него, нема конфликт на оваа тема. Американскиот претседател изјави и дека не преземал никаква обврска во однос на Тајван.

Пекинг го смета островот како дел од својата територија. САД се најважниот меѓународен партнер на Тајван и негов најголем снабдувач со оружје и покрај тоа што немаат официјални дипломатски односи.

The post КИНА ЌЕ КУПИ 200 АВИОНИ „БОИНГ“ Трамп соопшти дека нарачката може да достигне и до 750 appeared first on plusinfo.mk.

Американскиот претседател Доналд Трамп и кинескиот лидер Си Џинпинг денеска заедно го посетија Небесниот храм во Пекинг, каде позираа пред камерите и два часа и 15 минути разговараа за трговијата, економијата и безбедносните односи меѓу двете сили.

На прашањето на новинарите како поминале разговорите, Трамп кратко одговори:

– Одлични се.

Потоа го пофали и самиот локалитет.

– Одлично место. Неверојатно. Кина е прекрасна.

Но, зад топлите зборови и симболичната прошетка низ еден од најпознатите кинески комплекси остана едно прашање што повторно ги затегна односите меѓу двете суперсили. Си Џинпинг директно го предупредил Трамп дека Тајван е „најважното прашање“ во односите меѓу Кина и САД.

Според кинеската државна агенција „Синхуа“, Си порачал дека правилното справување со ова прашање е клучно за стабилноста меѓу двете земји.

– Ако не се справи правилно, двете земји би можеле да се судрат или дури и да дојдат во конфликт – изјавил Си.

NOW: President Trump and President Xi visit Temple of Heaven after having “great” talks.

“China is beautiful.” pic.twitter.com/xUEiLsm6Un

— Fox News (@FoxNews) May 14, 2026

Владата во Тајпеј внимателно ја следеше средбата во Пекинг, а од Тајван стигна и реакција во која Пекинг беше обвинет дека е „единствениот извор“ на несигурност во регионот, пренесе „Ројтерс“.

Во меѓувреме, прашање на новинар за Тајван остана без одговор, бидејќи и Трамп и Си Џинпинг го игнорираа додека шетаа низ комплексот.

Стапицата на Тукидид

Си Џинпинг за време на разговорите повторно се осврнал и на таканаречената Стапица на Тукидид, термин што се користи за опасното ривалство меѓу светска сила во подем и веќе доминантна сила. Концептот потекнува од античкиот грчки историчар Тукидид, кој пишувал дека подемот на Атина и стравот што го предизвикал во Спарта ја направиле војната меѓу двете градови-држави неизбежна.

Со тоа кинескиот лидер индиректно предупредил дека ривалството меѓу Пекинг и Вашингтон не смее да се претвори во директен судир.

Нова ера во односите

Сепак, Џинпинг исто така најави нова ера во односите со Соединетите Американски Држави, ера која треба да биде дефинирана со конструктивни и стабилни односи. Според соопштението од кинеското Министерство за надворешни работи, двајцата лидери се согласиле да воспостават „конструктивен стратешки и стабилен однос“ како нова насока за билатералните односи во следните три години и понатаму.

Најзначајниот храм за Кина

Комплексот Небесен храм, изграден во 1420 година, е еден од најзначајните симболи на кинеската историја и духовност. Познат е по Салата за молитви за добра жетва, кружна дрвена градба со трослоен покрив од сини ќерамиди. Кинеските цареви речиси 5 века таму изведувале ритуали за хармонија меѓу небото и човештвото.

Трамп е првиот актуелен американски претседател што го посетил овој локалитет по Џералд Форд во 1975 година.

Маск, Тим Кук и ретките метали

Во американската делегација во Пекинг се и дел од најмоќните луѓе во американскиот бизнис, меѓу кои Илон Маск, Тим Кук и Џенсен Хуанг. Присутни се и претставници на „Боинг“, „БлекРок“, „Голдман Сакс“, „Виза“ и „Мастеркард“.

Американските директори ги опишале средбите во Пекинг како позитивни и продуктивни, изразувајќи надеж за натамошна соработка со Кина.

Кина ја крева рампата, но не и за металите?

Во исто време, Пекинг направи и конкретен економски потег. Кина ги обнови извозните лиценци за стотици американски фабрики за преработка на говедско месо, што се толкува како гест на добра волја за време на разговорите, објави „Ројтерс“.

Но, зад економските пораки останува уште еден моќен адут на Кина. Станува збор за ретките земни метали, група од 17 елементи што се користат во сè, од „ајфон“ телефони до борбените авиони Ф-35. Аналитичарите сметаат дека токму контролата врз овие ресурси му дава на Пекинг силна позиција во разговорите со Вашингтон.

Во Вашингтон внимателно се следи и како Пекинг ги користи економските отстапки во момент кога трговските односи меѓу двете земји остануваат кревки. Кина последниве години повеќепати покажа дека ретките метали и синџирите за снабдување може да ги користи како геополитичко оружје.

Токму затоа посетата на Трамп не се гледа само како дипломатска турнеја. За многумина, таа е тест дали Вашингтон и Пекинг можат да ја намалат тензијата без нова трговска или безбедносна ескалација.

Инцидент со новинарите

За време на посетата на Небесниот храм, според Ен-Би-Си Њуз, кинеските безбедносни сили наводно спречиле група американски новинари да го напуштат комплексот. Тензиите накратко се зголемиле откако американски претставници инсистирале новинарите да бидат пуштени.

Инцидентот дополнително потсети дека и покрај насмевките, свечените фотографии и зборовите за „сјајни разговори“, недовербата меѓу Вашингтон и Пекинг и понатаму останува длабока.

Во дипломатските кругови веќе се анализира секој гест од посетата, од говорот на телото на двајцата лидери до симболиката на самиот Небесен храм. Кина очигледно сакаше да испрати порака за цивилизациска стабилност и историска моќ, додека Трамп се обиде да остави впечаток на лидер што може да постигне договори и покрај длабоките разлики.

Според агендата, Си вечерва треба да организира државен банкет во чест на Трамп, чија посета на Кина е предвидено да трае до петок.

The post 📽️ТРАМП ВЕЛИ СЈАЈНО Е, КОЛЕГАТА ПРЕДУПРЕДУВА НА СТАПИЦА Кина и САД влегуваат во нова ера по разговорите во Пекинг appeared first on plusinfo.mk.

Средбата меѓу американскиот претседател Доналд Трамп и на кинескиот лидер Си Џинпинг, која треба да се одржи оваа недела во Пекинг, се смета за еден од најважните геополитички настани во 2026 година. Формално, темите се добро познати – царини, трговија, Тајван, технолошката војна, Иран и безбедноста во Азија. Но, вистинското прашање е дали двајцата најмоќни луѓе на планетата воопшто повеќе веруваат дека можат да соработуваат.

Според најавите од Пекинг и од Белата куќа, средбата треба да се одржи на 14 и 15 мај, во рамки на официјалната државна посета на американскиот претседател на Кина. Првиот ден е планирана свечена церемонија за пречек и формален билатерален состанок, а вториот ден неформална средба со работен ручек и разговори во потесен формат. Дел од американските медиуми шпекулираат дека клучните разговори би можеле да се водат во комплексот Жонгнанхаи, политичкото срце на кинеското раководство, додека кинеските власти најавуваат и силна симболика – посета на Храмот на небото и државен банкет со цел средбата да добие тежина на „историски самит“.

Доналд Трамп и Си Џинпинг добро се познаваат

Американскиот и кинескиот претседател имаа повеќе директни средби за време на првиот мандат на Трамп. Најпозната беше средбата во април 2017 година во луксузниот ресорт Мар-а-Лаго на Флорида, каде Трамп го пречека Си Џинпинг со државнички почести. Самитот остана запаметен и по тоа што токму за време на вечерата Трамп го информирал Си дека САД извршиле ракетен напад врз Сирија. Подоцна тие се сретнаа и во Пекинг, во ноември 2017 година, кога кинеските власти му организираа спектакуларен пречек во Забранетиот град, со пораки за „ново историско партнерство“.

Но, односите брзо се влошија. Во 2018 година започна големата американско-кинеска трговска војна, со меѓусебни царини и санкции, а потоа дојдоа конфликтите околу Хуавеи, технологијата, ковид-пандемијата и Тајван. Затоа новата средба ќе се одржи во сосема поинаква атмосфера од онаа во 2017 година – тогаш постоеше надеж за договор, а денес доминира недоверба и геополитичко ривалство.

Ниски очекувања од самитот или сепак…

Аналитичарите забележуваат дека ова не е средба на двајца лидери кои бараат историски компромис, туку на двајца ривали кои се обидуваат да спречат ситуацијата да излезе од контрола. Очекувањата се намерно поставени ниско. Дури и американски и кинески извори признаваат дека голем пробив е малку веројатен.

Во фокусот ќе биде трговската војна што практично никогаш не заврши. По договореното привремено смирување на тензиите во 2025 година, Вашингтон и Пекинг повторно се судрија околу високите царини, извозот на ретки минерали, вештачката интелигенција и ограничувањата за чипови. Иако претходниот самит во Бусан донесе делумно намалување на тарифите, суштинските проблеми останаа нерешени.

Трамп и натаму инсистира дека Кина со децении ја искористувала Америка преку нефер трговски практики. Од друга страна, Пекинг смета дека Вашингтон се обидува да го запре кинескиот технолошки и економски подем. Во суштина, двете страни веќе не разговараат само за трговија, туку за тоа кој ќе ја диктира глобалната економија во следните децении.

Тајван стравува од изненадувачки договор

Особено чувствително прашање ќе биде Тајван. Кина во последните месеци дополнително го зголеми воениот притисок врз островот, а во Тајпеј постои страв дека Трамп би можел да направи некаков „голем договор“ со Си Џипинг без претходна координација со тајванските власти. Токму затоа тајванската дипломатија деновиве внимателно испраќа пораки дека очекува „без изненадувања“.

Проблем е и тоа што меѓународната позиција на САД повеќе не изгледа толку доминантно како пред неколку години. Американската администрација е длабоко вклучена во кризите поврзани со Иран и Украина, а Кина проценува дека тоа му дава поголем маневарски простор на Пекинг. Неколку западни анализи дури оценуваат дека Си Џипинг на средбата влегува посигурен и посамоуверен од Трамп.

На двете страни им одговара попуштање на тензиите

Во Пекинг, оваа средба се гледа и како можност Кина да покаже дека е столб на глобалната стабилност. Кинеската економија има сериозни проблеми со забавениот раст и кризата во секторот на недвижности, па на Си му е потребно барем привремено смирување на конфликтот со Америка.

Но, Трамп исто така има свои причини да избегне нова ескалација. Финансиските пазари нервозно реагираат на секое ново заострување меѓу Вашингтон и Пекинг, а американските компании веќе предупредуваат дека нов бран царини би можел дополнително да ја зголеми инфлацијата. Дел од економистите предупредуваат дека долгорочната трговска војна може да предизвика сериозни глобални потреси.

Висок политички ризик

Сепак, најголемиот ризик можеби не е економскиот, туку политичкиот. И Трамп и Си Џипинг се лидери кои сакаат да демонстрираат сила и не сакаат да изгледаат како страна што попушта. Тоа создава атмосфера во која дури и мал дипломатски инцидент или непромислена изјава може да предизвика нова криза.

Поради тоа, аналитичарите очекуваат многу симболика, внимателно режирани фотографии и дипломатски пораки за „стабилност“ и „меѓусебно почитување“, но малку конкретни резултати. Најреалното сценарио е продолжување на привремениот трговски прекин и отворање нови канали за преговори. Но, дури и тоа би било успех. Во сегашниот свет, во кој САД и Кина веќе се натпреваруваат за доминација во технологијата, војската, енергијата и глобалното влијание, самото избегнување на директен судир почнува да се смета за добра вест.

Затоа средбата меѓу Трамп и Си Џипинг нема да биде само дипломатски спектакл. Таа ќе биде тест дали двете најголеми сили на светот уште умеат да разговараат како конкуренти – без да станат отворени непријатели.

Најважното глобално ривалство на 21 век

Современите односи меѓу САД и Кина практично започнуваат во 1972 година, кога американскиот претседател Ричард Никсон беше во историска посета на Кина и се сретна со кинескиот лидер Мао Цетунг. Тоа беше вистински геополитички шок за светот, бидејќи двете држави дотогаш беа жестоки непријатели во рамки на Студената војна. Вашингтон сакаше да ја оддалечи Кина од Советскиот Сојуз, а Пекинг бараше излез од меѓународната изолација.

Посетата на Никсон ја отвори вратата за дипломатско признавање на Народна Република Кина во 1979 година, за време на мандатот на Џими Картер. Во следните децении, Кина постепено се отвори кон светската економија, привлече западни инвестиции и се претвори во „фабрика на светот“, додека американските компании масовно го префрлаа производството таму.

Долги години односите се темелеа на неформален договор: Америка добива евтина работна сила и огромен пазар, а Кина добива технологија, капитал и пристап до глобалната економија. Но, со растот на кинеската економска и воена моќ, почна да расте и недовербата во Вашингтон. Тензиите драматично се засилија за време на првиот мандат на Доналд Трамп, кога започна големата трговска војна со царини и санкции. Подоцна конфликтот се прошири и на технологијата, чиповите, вештачката интелигенција, Јужното Кинеско Море и Тајван. Денес односите меѓу САД и Кина се опишуваат како најважното глобално ривалство на 21 век – мешавина од економска зависност, политичка недоверба и опасна борба за светска доминација.

The post РИЗИЧЕН САМИТ НА ДОНАЛД ТРАМП И СИ ЏИНПИНГ Што може да се очекува – нова трговска војна, нов студен мир или опасен договор зад затворени врати? appeared first on plusinfo.mk.

Кина би можела да се обиде со одредени „маневри“ поврзани со прашањето за Тајван за време на посетата на американскиот претседател Доналд Трамп на Кина следната недела, кога е предвидена средба со кинескиот лидер Шји Џинпинг, изјави директорот на тајванската Служба за национална безбедност, Цаи Минг-јен.

Во исто време, тој посочи дека Тајван добил уверувања од САД дека Вашингтон не ја променил својата политика кон островот. Цаи им изјави на новинарите во тајванскиот Парламент дека главниот фокус на разговорите меѓу Трамп и Шји ќе биде пристапот кон одредени прашања, а не „решавањето на фундаменталните проблеми“.

– Кога станува збор за прашањето за Тајван, сметам дека кинеските комунисти би можеле да се обидат со одредени маневри за време на разговорите. Во оваа фаза, САД постојано ни потврдуваат – и јавно и во приватна комуникација – дека нивната политика кон Тајван не е променета – додаде тој.

Американскиот државен секретар Марко Рубио оваа недела, за време на брифинг во Белата куќа, изјави дека Тајван најверојатно ќе биде една од темите на разговорите меѓу Трамп и Шји, при што и двете страни разбираат дека не е во ничиј интерес да дојде до дестабилизација поврзана со островот.

The post TАЈВАН ВО СТРАВ ЈА ОЧЕКУВА ПОСЕТАТА НА ТРАМП НА ПЕКИНГ „Можни се некои маневри“ appeared first on plusinfo.mk.

Кина денеска му предложи обединување на Тајван во име на енергетска безбедност, пренесе БТА.

Владите ширум светот се обидуваат да обезбедат алтернативни снабдувања со енергија во услови на војната на Блискиот Исток и проблемите со снабдувањето со гориво преку клучниот Ормуски Теснец.

Тајван, кој добива една третина од својот течен природен гас од Катар и не увезува енергија од Кина, изјави дека обезбедил алтернативни снабдувања за наредните месеци, вклучително и од Соединетите Американски Држави.

Портпаролот на кинеската Канцеларијата за прашања за Тајван, Чен Бинхуа, изјави дека „мирното обединување“ ќе му гарантира на Тајван поголема безбедност во однос на енергијата и ресурсите.

– Подготвени сме на нашите тајвански сонародници да им обезбедиме стабилна и сигурна енергија, како и безбедност на ресурсите за да можат да живеат подобро – рече кинескиот функционер.

The post КИНА МУ ПРЕДЛОЖИ ОБЕДИНУВАЊЕ НА ТАЈВАН Мотивот е енергетската сигурност appeared first on plusinfo.mk.

Јапонската конзервативка Санае Такаичи извојувала убедлива победа на парламентарните избори, испраќајќи јасна порака за политичка стабилност и геополитичка ориентација на Токио. Победата веднаш предизвикала реакции од Вашингтон и од азиските сојузници.

Американскиот министер за финансии Скот Бесант јавно ѝ честитал на Такаичи, нарекувајќи ја „прекрасен сојузник“. Во интервју за Фокс Њуз тој ја истакнал блискоста меѓу новата јапонска влада и Белата куќа.

– Таа е прекрасна сојузничка и има прекрасен однос со претседателот – рекол Бесант, додавајќи дека силна Јапонија значи и посилно американско присуство во Азија.

„Таа и нејзината коалиција“

Поддршката од Вашингтон не била симболична. Доналд Трамп уште пред изборите јавно застанал зад Такаичи преку објава на својата мрежа Truth Social.

„Премиерката Такаичи е личност која заслужува силно признание за работата што ја работат таа и нејзината коалиција“, напишал Трамп.

Тајван честита, Пекинг се мршти

Честитки пристигнале и од Тајпеј. Тајванскиот претседател Вилијам Лаи изразил очекување за тесна соработка со Токио, нагласувајќи ја важноста на мирот и просперитетот во Индо-пацифичкиот регион. Пораката ја објавил на платформата Икс.

Победата на Такаичи доаѓа во чувствителен момент за регионот. Односите меѓу Јапонија и Кина се затегнати откако премиерката изјавила дека Токио би можел воено да интервенира доколку Тајван биде нападнат. Пекинг одговорил со остри дипломатски и економски мерки.

Jапонија ќе преземе поголем товар?

Такаичи најавила јасна агенда за зајакнување на јапонската армија, вклучително и со зголемување на трошоците за одбрана. Таквиот курс се совпаѓа со долгогодишниот притисок од Вашингтон Јапонија да преземе поголем товар во регионалната безбедност.

Зголемените одбранбени инвестиции на Токио би можеле да ја поместат стратешката рамнотежа во корист на САД во конкуренцијата со Пекинг за воено и политичко влијание во Азија.

The post АМЕРИКАНСКИ СОЈУЗНИК ВО ИНДОПАЦИФИКОТ Вашингтон и Тајпеј ѝ честитаа на новата јапонска премиерка десничарка appeared first on plusinfo.mk.

Тајван е најважното и најчувствителното прашање во односите меѓу Кина и Соединетите Американски Држави, му рекол кинескиот лидер Си Џинпинг на американскиот претседател Доналд Трамп за време на телефонскиот разговор во средата.

– САД мора да се справат со прашањето за продажба на оружје на Тајван со претпазливост – предупредил Си, според кинеската државна новинска агенција Синхуа.

Тој му предочил на американскиот колега дека исто како што САД имаат свои загрижености, Кина исто така има загрижености.

– Ако двете страни работат во иста насока, во духот на еднаквост, почитување и взаемна корист, сигурно можеме да најдеме начини да се справиме со меѓусебните загрижености.

Си во разговорот нагласил дека самоуправниот остров е територија на Кина и дека Пекинг мора да го заштити својот суверенитет и територијален интегритет. Истовремено, според државните медиуми, тој истакнал дека придава големо значење на односите со Вашингтон и дека се надева оти двете земји ќе најдат пат за надминување на разликите.

11 милијарди за Тајван и црвената линија

Кина со години ветува дека ќе се обедини со Тајван и не ја исклучува употребата на сила. САД, иако имаат формални дипломатски односи со Пекинг, а не со Тајпеј, остануваат најмоќниот сојузник на островот и негов најголем снабдувач со оружје, движејќи се по тенка дипломатска линија.

Во декември администрацијата на Трамп одобри продажба на оружје на Тајван вредна околу 11 милијарди долари, што вклучуваше напредни ракетни лансери, самоодни хаубици и различни типови ракети.

Пекинг тогаш оцени дека ваквиот потег е обид за поддршка на независноста на Тајван и дека само ќе ја забрза ескалацијата кон опасна и насилна ситуација во Тајванскиот теснец.

„Одличен, темелен разговор“

Од друга страна, шефот на САД разговорот го оцени како одличен, долг и темелен. Во објава на „Truth Social“ Трамп напиша дека односот со Кина и неговиот личен однос со претседателот Си се исклучително добри и дека двајцата ја разбираат важноста од нивно одржување.

Телефонскиот разговор доаѓа по серија посети на западни лидери на Кина, меѓу кои и британскиот премиер Кир Стармер, со цел обновување на односите со втората најглема економија во светот. Трамп најави и сопствена посета на Кина во април, патување кое, како што рече, го очекува со нетрпение.

Соја, енергенси и геополитика

Покрај Тајван, двајцата лидери разговарале и за трговијата. Трамп изјави дека Пекинг размислува да купи 20 милиони тони американска соја, наспроти сегашните 12 милиони. На маса биле и купувањето нафта и гас од САД, војната на Русија во Украина, како и моменталната состојба во Иран.

Последниот телефонски разговор меѓу Си и Трамп пред овој бил во ноември, кога дискутирале за трговијата, руската инвазија врз Украина, фентанилот и Тајван, според американската и кинеската страна.

Часови пред повикот со Трамп, Си одржа виртуелна средба со рускиот претседател Владимир Путин, при што двајцата го поздравија продлабочувањето на врските меѓу Пекинг и Москва, сигнализирајќи дека Кина паралелно ја гради својата глобална позиција на повеќе фронтови.

Tajван го поздрави телефонскиот повик?

Тајван го поздрави телефонскиот разговор меѓу Трамп и Џинпинг, велејќи дека тоа ќе помогне во стабилизирањето на регионот.

– Не сме премногу загрижени за овој телефонски повик. Всушност, мислиме дека тоа ќе помогне во стабилизирањето на ситуацијата, особено со оглед на тоа што Кина продолжува да ги ескалира тензиите во Тајванскиот теснец и целиот регион – рече заменик-министерот за надворешни работи на Тајван, Чен Мингчи.

The post ВНИМАТЕЛНО СО ОРУЖЈЕТО ЗА ТАЈВАН Си Џинпинг телефонски го предупреди Трамп appeared first on plusinfo.mk.