Двајца организатори на собирите во Хонг Конг, на кои со свеќи им се оддавала почит на жртвите од Тјенанмен, се прогласени за виновни за поттикнување субверзија. Ли Чеук-јан и Чоу Ханг-тунг сега се соочуваат со казни до 10 години затвор, пишува „Гардијан“.

Протестите на плоштадот Тјенанмен во 1989 година беа едни од најголемите продемократски протести во современата историја на Кина. Кинеските власти ги задушија немирите со војска и со тенкови, а точниот број жртви до денес не е утврден.

Ли Чеук-јан (69) и Чоу Ханг-тунг (41), кои ги организирале комеморациите со палење свеќи за жртвите, билде лидери на распуштената Хонгконшка алијанса.

Нивните казни произлегуваат од законот за национална безбедност, воведен од Пекинг во 2020 година.

Бдеењата згаснаа, судската битка остана

Судењето траело 24 дена. Третиот обвинет, поранешниот пратеник Алберт Хо (74), се изјаснил за виновен уште во јануари.

Според резимето на судската одлука, Ли и Чоу, со организирање на бдеењата со свеќи, поттикнувале други луѓе да преземат дејствија за поткопување на државната власт.

Во средиштето на случајот се нашол и долгогодишниот слоган на Алијансата за „крај на еднопартиското владеење“.

Судот оценил дека обвинетите сакале да ја поткопаат довербата во Кинеската комунистичка партија. Одбраната, пак, тврдела дека станувало збор за остварување на слободата на говор.

I was a rather precocious nine-year-old in Taipei on June 4th 1989. In my childish mind’s eye…helpless students were kettled into Tienanmen square like animals in a pen before the tanks rolled over them, creating a kind of bloody, dense, student-patty. It was a flashbulb moment… pic.twitter.com/LvMBQqTdtR

— Angelica (@AngelicaOung) June 4, 2026

Срце од обвинителната клупа

Ли и Чоу им мавтале на своите поддржувачи од обвинителната клупа. Ли со рацете направил и знак во форма на срце пред да биде изведен од судницата.

Чоу, која самата се застапувала пред судот, претходно тврдела дека на судење практично се нашол и самиот закон.

Амнести интернешнл оценила дека случајот се потпира врз нејасни и премногу широки дефиниции за „субверзија“.

Тјенанмен стана забрането сеќавање

Хонг Конг и Макао некогаш биле единствените места на кинеска територија каде јавно се одбележувал 4 јуни.

Тогаш, во 1989 година, кинеските власти испратиле војници и тенкови против продемократските демонстранти во Пекинг.

Јавните комеморации во Хонг Конг практично исчезнале откако Пекинг го вовел законот за национална безбедност во 2020 година.

The post КАЗНИТЕ ГИ СТИГНАА И ОНИЕ ШТО ПАЛЕА СВЕЌИ ЗА ТЈЕНАНМЕН Познатите протести од 1989 година добиваат нов епилог appeared first on plusinfo.mk.

Додека Си се откажа само од некои од ригорозните мерки, некои велат дека полека тој ја олабавува својата политика на нула-ковид, политика која изминатите денови ја крена Кина на нозе. Беа аспени млади луѓе кои со бели А4 листови сакаа да кажат дека – не смеат ништо да кажат, во еден таков хибриден режим.

Тешко било и во 1989 година. Соговорникот за Њузвик, преживеаниот Џоу Фенгсуо, по протестите бил пратен во камп за превоспитување.

– Како преживеан од масакрот во Тјенанмен, јас сум во солзи додека ги гледам демонстрантите кои извикуваат „крај на комунистичката партија ККП“ во Шангај, родното место на ККП – рече Џоу.

Коментирајќи ги протестите, ретка глетка под владеењето на Си , Џоу рече дека студентите и младите кои се противат на кинеската влада „минуваат низ крштевањето на политичкиот активизам“ и стануваат „господари на сопствената судбина“.

– Тешко е да се предвиди исходот од протестите сега. Но, веќе гледаме олабавување на политиката за нулта-ковид, што е редок приказ на слабост за Кси Џинпинг – изјавил тој.

За време на протестите на плоштадот Тјенанмен,  стотици кинески студенти беа убиени  кога кинеската влада се тркалаше во тенкови за да го потисне несогласувањето. Кинеската влада  никогаш целосно не ги признала протестите ниту пак откри колкумина загинале.

На Џоу му било дозволено да ја напушти земјата во 1995 година и сега живее во Њујорк, според неговиот Твитер профил. Тој сепак вели дека Си Џинпинг има апсолутна контрола над Комунистичката партија.

– Си Џинпинг сè уште има целосна контрола во ККП. Но, неговата строга контрола, исто така, значи дека системот не може да се справи со изненадувања бидејќи неговите потчинети не се подгтвени да преземаат иницијативи без експлицитни упатства од Си – рече Џоу.

– Уште повеќе, системот за нулта-ковид е веќе исцрпен. Но, во оваа фаза, тој сè уште е вкоренет – додаде Џоу.

The post СИ ОЛАБАВУВА, ПОКАЖУВА РЕТКА СЛАБОСТ Преживеан Кинез од масакрот во 1989 година ги коментира сегашните случувања appeared first on plusinfo.mk.