Украинското раководство добива јавни ветувања за европска иднина, но зад затворени врати во Европската унија се водат сосема поинакви разговори, тврди руската Служба за надворешно разузнавање (СВР). Во соопштение што го пренесе руската државна агенција ТАСС, СВР наведува дека Брисел нема реална намера да ја прими Украина во Унијата, туку ја користи европската перспектива како политичка алатка за одржување на поддршката за Киев.

Според руското разузнавање, во европските институции постои свест дека украинското членство би претставувало голем финансиски и политички товар за Унијата. Во соопштението се тврди дека европските лидери во приватните разговори признаваат оти процесот на пристапување нема реална временска рамка, додека во јавноста продолжуваат да испраќаат пораки дека местото на Украина е во Европската унија.

Од друга страна, официјалниот став на Европската унија останува непроменет. По состанокот на Европскиот совет во јуни, лидерите на ЕУ повторно потврдија дека Украина напредува во пристапниот процес и ја поздравија одлуката за отворање на нов преговарачки кластер. Тие нагласија дека понатамошниот напредок ќе зависи од исполнувањето на критериумите и од продолжувањето на реформите, во согласност со принципот на заслуги.

Сепак, и покрај оваа политичка поддршка, патот кон членството останува сложен. За прием на нова држава е потребна едногласна согласност од сите членки на Унијата, а во изминатите години неколку влади, пред сè Унгарија, во повеќе наврати го забавија или блокираа отворањето на одделни фази од преговарачкиот процес.

Во европските медиуми веќе се води дебата дали Украина може да стане полноправна членка во догледна иднина. Дел од аналитичарите сметаат дека политичката волја за поддршка на Киев е силна, но дека практичните и институционалните пречки се значителни. Се посочува дека проширувањето ќе зависи не само од реформите во Украина, туку и од подготвеноста на самата ЕУ за ново големо проширување.

Во мај годинава, според информации објавени од повеќе медиуми, германската страна предложила модел на привремено „асоцијативно членство“, кој би ѝ овозможил на Украина присуство на дел од состаноците на Унијата без право на глас. Украинскиот претседател Володимир Зеленски го отфрли таквиот предлог, оценувајќи дека неговата земја не треба да биде „присутна, но без право на збор“ во европските институции.

Засега нема независни докази што би ги потврдиле тврдењата на руската Служба за надворешно разузнавање дека европските лидери намерно ја доведуваат во заблуда украинската власт.

The post ЕВРОПЕЈЦИТЕ ЕДНО ЗБОРУВААТ МЕЃУ СЕБЕ, ДРУГО МУ КАЖУВААТ НА ЗЕЛЕНСКИ Руското разузнавање тврди дека Брисел ги лаже Украинците дека ќе влезат во ЕУ appeared first on plusinfo.mk.

Париз и Лондон наводно работат на обезбедување нуклеарно оружје за Украина, или барем на таканаречена „валкана бомба“, тврди руската Служба за надворешно разузнавање СВР.

Според руското СВР британската и француската елита не сакале да го прифатат поразот во Украина и затоа разгледувале екстремни мерки. Информацијата ја пренесе руската агенција ТАСС.

Во соопштението се додава дека Берлин одбил да учествува во, како што ја нарекуваат, опасната иницијатива.

Информациите на руското СВР не се потврдени од западни извори. Објавата на службата доаѓа на четиригодишнината од војната во Украина.

„Таен трансфер на компоненти“

„Киев би можел да се стреми кон поповолни услови за прекин на непријателствата ако поседува нуклеарна или барем таканаречена валкана бомб“, се вели во соопштението на СВР.

Според истата служба, Лондон и Париз наводно работеле на снабдување на Украина со такво оружје и со средства за негова испорака.

„Ова вклучува таен трансфер на релевантни компоненти, опрема и технологии од европско производство во Украина. Француската мала боева глава ТН-75 од балистичката ракета М51.1 лансирана од подморница се разгледува како опција“, наведува СВР.

Кршење на Договорот за неширење?

„Планот грубо го крши меѓународното право, првенствено Договорот за неширење на нуклеарно оружје, и носи ризик од уништување на глобалниот систем за неширење“, се вели во соопштението.

СВР тврди дека Британија и Франција биле свесни оти украинските вооружени сили немаат шанса да постигнат победа над Русија и затоа, како што наведуваат, се обидувале евентуалното нуклеарно вооружување да изгледа како домашен украински развој.

Предупредување од Москва

„Екстремно опасните планови на Лондон и Париз докажуваат дека тие го изгубиле контактот со реалноста“. соопшти руската служба.

Руската СВР додава дека нивните надежи за избегнување на одговорност се неосновани.

„Ништо скриено на крајот нема да остане неоткриено“.

Во моментот нема официјална потврда од Велика Британија, Франција или од Украина за вакви тврдења.

The post КИЕВ ЌЕ ДОБИЕ МАТЕРИЈАЛИ ЗА „ВАЛКАНА РАДИОАКТИВНА БОМБА“?! Москва обвинува за таен план на Лондон и Париз appeared first on plusinfo.mk.

Секторот за внатрешни работи (СВР) Охрид поднел кривична пријава против 42-годишен жител на Струга, откако кај него бил пронајден и одземен хашиш.

Според полициските инфомации дрогата била пронајдена при претрес на осомничениот со иницијали Ј. П., во момент кога тој излегувал од фабрика за производство на медицински канабис во Охрид.

„При излез од фабрика за производство на медицински канабис во Охрид, полициски службеници извршиле преглед на пријавениот, при што кај него бил пронајден и одземен хашиш“, се вели во информацијата од СВР Охрид.

Со кривичната пријава осомничениот стружанец се товари за кривичното дело неовластено производство и пуштање во промет на наркотични дроги, психотропни супстанции и прекурсори.

Од СВР Охрид информираат уште за еден случај во кој била запленета марихуана. Вчера попладне на локалниот пат помеѓу струшките села Велешта и Октиси полициски службеници го уапсиле С.А.(47) од Октиси, откако при преглед на возилото што го управувал пронашле и одзеле марихуана.

„При контрола во сообраќајот, полициските службеници сопреле патничко моторно возило ‘пежо’ со струшки регистарски ознаки, кое го управувал и по извршен преглед пронајдена и одземена е марихуана“, велат од СВР Охрид.

The post ИЗНЕСУВАЛ ХАШИШ ОД ФАБРИКА ЗА МЕДИЦИНСКИ КАНАБИС Кривична пријава за стужанец appeared first on plusinfo.mk.

Непознато лице измамило 62-годишна битолчанка и упеало да ѝ одземе поголема сума пари, информира МВР.

Измамникот ѝ се јавил на жената на телефон, се претставил како лекар во здравствена установа и ѝ рекол дека нејзината ќерка е сместена кај нив, откако била тешко повредена во сообраќајна незгода.

Лажниот лекар ѝ рекол на битолчанката дека нејзината ќерка мора итно да биде оперирана, но дека за тоа таа ќе мора да плати 27.000 евра. Битолчанката ги однела парите на договореното место, му ги дала на трето лице, а откако се слушнала на телефон со својата ќерка сфатила дека е измамена.

Случајот е пријавен во СВР Битола на 9 октомври и се преземаат мерки за негово расчистување, информира МВР во дневниот билтен.

The post ИЗМАМНИК „ЗАКРПИЛ“ БИТОЛЧАНКА ЗА 27.000 ЕВРА Излажал дека е лекар appeared first on plusinfo.mk.

Полицијата расчисти случај на интернет измама и злоупотреба на лични податоци, во кој жртва е 47-годишна жена од Штип, а осомничени се тројца сторители – двајца фатени во Велес, третиот на издржување казна во затворот во Штип.

Случајот бил пријавен на 25 јуни околу 17:20 часот во СВР Штип, кога жената пријавила дека ѝ била понудена работа преку интернет, при што испратила лични податоци. Наместо вработување, нејзините податоци биле искористени за аплицирање брз кредит во износ од 40.000 денари, кој бил одобрен и исплатен на нејзина трансакциска сметка.

Кратко по тоа, жртвата добила телефонски повик од непознато лице кое ѝ побарало да ги врати парите, тврдејќи дека по грешка биле уплатени кај неа. Сомневајќи се дека е жртва на измама, жената го пријавила случајот во полиција.

По брза акција, полициски службеници од СВР Штип и СВР Велес поставиле контролирана замка: на оштетената ѝ биле дадени обележани банкноти за да ги предаде на лицето што ќе дојде по нив. На договорена локација во Велес, таа ги предала парите на патник во такси возило. Веднаш потоа, полицијата ги уапсила Д.К. (65) од Штип, возачот на возилото, и Т.К. (46) од Велес, патничка во возилото.

При службени разговори во СВР Велес, осомничените признале дека делувале во содејство со П.С., осуденик кој моментално издржува затворска казна во КПД Штип. По добиена судска наредба, полицијата извршила претрес во домот на Т.К., каде биле пронајдени докази за други измами, а од П.С. во затворот му бил одземен мобилен телефон, преку кој, како што се сомнева, ги координирал измамите.

Според информациите од МВР, триото извршило повеќе кривични дела на сличен начин. По целосно документирање на случајот, ќе бидат поднесени соодветни кривични пријави.

The post Ѝ ВЕТИЛЕ РАБОТА, НО ЈА ЗАДОЛЖИЛЕ СО БРЗ КРЕДИТ Затвореник бил мозокот на измамата, приведени уште две лица appeared first on plusinfo.mk.

Како што наведува во соопштение, полициски службеници од Единицата за интервентна полиција при СВР Скопје завчера (21 јули) го уапсиле 34-годишниот Ј.С. од Скопје кој поради бегство од затворот „Идризово“ бил баран со потерница по наредба на Основниот кривичен суд.

„Ј.С. бил осуден на казна затвор од 12 години и 10 месеци во врска со член 188 ст.1 и чл. 236 ст. 1 т.1 в.в чл. 22 и чл. 24 од Кривичниот законик. Тој ќe биде спроведен во надлежната казнено-поправна установа“, наведува МВР.

The post СКОПСКИ ПЕДОФИЛ ВРАТЕН ЗАД РЕШЕТКИ Побегнал од „Издризово“, но бил уапсен во Скопје appeared first on plusinfo.mk.

Станува збор за момче, осмоодделенец од ОУ „Коле Канински“ во Битола, за кое наставници од училиштето велат дека претходно немало видливи здравствени проблеми.

Според информацијата на СВР Битола, вчера, попладне околу 16 часот и 45 минути, од Итната медицинска помош Битола било пријавено дека околу 15.30 часот во атарот на село Крстоар, битолско, на малолетник од Битола му се слошило и паднал по што бил пренесен во Клиничка болница Битола, каде што лекар констатирал смрт без траги на насилство.

По смртта на малолетникот, полицијата извршила увид, а по наредба на јавниот обвинител телото на починатото момче било дадено на обдукција.

The post ПОЧИНА 14 ГОДИШНО МОМЧЕ ОД БИТОЛА Трагедијата се случила кога на малолетникот му се слошило, смрт била констатирана во битолската болница appeared first on plusinfo.mk.

Тој ги запраша присутните колкумина работат во канцеларијата при што доби одговор дека станува збор за седуммина.

Џафери ја праша службеничката каде се документите за потврдата, таа беше збунета, па ѝ одговори: „20 години сум поминал во војска, 22 години сум во Собрание и знам што е барањето и потребата. Каде ви е барањето на колегата дека му треба потврда?“, рече Џафери, а службеничката му возврати: „Не ве разбирам“.

– Затоа што не ме разбирате, тој кажува дека му треба потврда финансиска, а не му треба. Ни ти, ни тој не кажувате тоа што треба. Јас знаеш колку такви потврди сум потпишал за седум години во Собрание? Он не треба да дојде овде, треба да поднесе таму кај што треба, а ти ќе го повикаш и ќе дојде – рече Џафери алудирајќи дека не му ја говорат вистината.

Се чини дека техничкиот премиер не беше задоволен од посветеноста на вработените во овој сектор.

Тој не се двоумеше со гласни тонови да ги критикува вработените во овој сектор.

– Каде е вашето работно место?

– Работам во полициска станица.

– Да, што правиш овде?

– Дојдов по потврда.

– Овде немаш официјална работа. Дојдовте да пиете кафе. Кој не е тука веднаш нека си оди – рече Талат Џафери.

The post 📽️ „НА КОЈ НЕ МУ Е ТУКА РАБОТНОТО МЕСТО, ВЕДНАШ ДА СИ ОДИ! КАФЕ ЛИ ПИЕТЕ!?“ „Командант“ Џафери ги искара вработените во СВР Тетово appeared first on plusinfo.mk.

– Вчера во 10.10 часот во Неготино, полициски службеници ја лишиле од слобода Е.К., на возраст од 34 години, од Демир Капија, затоа што во семејната куќа физички ги нападнала нејзиниот 56 – годишен сопруг и нивното малолетно дете, појаснија од СВР Велес.

За настанот бил известен јавен обвинител. По целосно документирање на случајот, против неа ќе биде поднесена соодветна пријава.

The post ГИ НАТЕПАЛА ДЕТЕТО И СОПРУГОТ Демиркапијка приведена за семејно насилство appeared first on plusinfo.mk.

Истиот ден, 58 -годишен битолчанец исто така пријавил дека во семејниот дом бил физички нападнат од страна на сопругата.

Полицијата преземаат мерки за да го расчисти случајот.

The post КОЈ КОГО НАПАДНАЛ, КОЈ ГО ИЗВЛЕКОЛ ПОДЕБЕЛИОТ КРАЈ? И мажот и жената пријавиле физички напад во полиција appeared first on plusinfo.mk.