СВР Битола поднесе кривична пријава против М.Г. (56) од Битола, директор на ЈП „Стрежево“, поради сомнение за злоупотреба поврзана со работни односи и незаконски промени на работно место.

Како што информира полицијата, пријавениот во својство на директор на јавното претпријатие, во периодот од февруари до 29 јуни 2023 година, во три наврати извршил промена на работното место на едно лице спротивно на одредбите од Законот за административни службеници, Законот за работни односи и Правилникот за систематизација на работните места.

Од СВР Битола наведуваат дека со ваквите постапки постојат основи на сомнение за сторено кривично дело „повреда на право од работен однос“.

По целосно документирање на случајот, против пријавениот ќе следува соодветна постапка.

The post СКАНДАЛ ВО ЈП „СТРЕЖЕВО“ Директор пријавен за повреда на работни права appeared first on plusinfo.mk.

Полициска акција кај Битола заврши со откриени 46 пакувања марихуана, откако непознато лице побегнало при обид да биде запрено од полициски службеници на патот меѓу селата Лажец и Граешница.

Настанот се случил на вчера година околу 18:45 часот, кога полициски службеници од СВР Битола, при извршување на службени дејствија, забележале лице кое не се придржувало на издадена наредба за запирање.

Според информациите, полицијата му дала усна команда да застане, но лицето не застанало. Во обид да биде запрено, еден од полициските службеници испукал три предупредувачки куршуми во воздух, по што лицето фрлило торба и побегнало од местото.

По извршено пребарување на теренот, полицијата пронашла три торби во кои имало вкупно 46 пакувања со марихуана.

Од СВР Битола информираат дека се преземаат мерки за целосно расчистување на случајот и за идентификација на лицето.

The post ПОЛИЦИЈАТА ПУКАШЕ ВО ВОЗДУХ КАЈ БИТОЛА Не застанал на предупредувањата, фрлил торби и побегнал appeared first on plusinfo.mk.

Полицијата во Битола поднесе кривична пријава против 40-годишен жител на Прилеп, И.С., поради сомнеж дека извршил неовластен пристап до компјутерски систем и злоупотреба на лични податоци.

Според информациите, осомничениот, кој работел како административен службеник на шалтер за наплата во ЈЗУ Општа болница Прилеп, на 13 октомври 2025 година фотографирал дебитна платежна картичка од едно лице од Прилеп.

Потоа, во период од 26 октомври 2025 до 19 февруари 2026 година, преку интернет извршил вкупно 71 трансакција, при што биле потрошени 90.174 денари.

Од СВР Битола информираат дека по документирањето на случајот е поднесена кривична пријава и се преземаат понатамошни мерки за постапката.

The post ИСПРАЗНИЛ КАРТИЧКА КОЈА ЈА СЛИКНАЛ НА ШАЛТЕР Болнички службеник си купувал со туѓи пари и потрошил 90.000 денари appeared first on plusinfo.mk.

Во реката Драгор во Битола е пронајдено безживотно тело на 66-годишен битолчанец, кој пред неколку дена бил пријавен за исчезнат.

Случајот бил пријавен во СВР Битола на 8 јуни 2026 година, откако во населбата „Кланица“, кај местото познато како „Дрвено мовче“, во коритото на реката Драгор било забележано тело на починато лице.

По извршеното препознавање било утврдено дека станува збор за В.К. (66) од Битола, за кого негов роднина на 2 јуни пријавил дека се оддалечил од својот дом и оттогаш му се губела трагата.

На местото излегле полициски екипи и лекар од Итната медицинска помош, кој констатирал смрт без видливи траги на насилство.

По наредба на јавен обвинител, телото е предадено на обдукција, која треба да ги утврди точните причини за смртта.

Увид на местото извршила увидна екипа од СВР Битола, а истрагата за случајот продолжува.

The post БИТОЛЧАНЕЦ НАЈДЕН МРТОВ ВО ДРАГОР Безживотното тело на 66-годишникот пронајдено во реката appeared first on plusinfo.mk.

Полицијата во Битола поднела кривична пријава против 40-годишен професор од Демир Хисар, осомничен дека фалсификувал службен документ додека бил наставник-приправник во средно училиште.

Според информациите, тој во март 2024 година го искористил потписот на својот професор-ментор и го внел во извештај поврзан со неговата професионална обука и подготовка за полагање стручен испит.

Документот потоа бил заверен како исправен и доставен до училишната администрација, како да е целосно валиден.

Од полицијата наведуваат дека со тоа е направен обид да се прикаже дека приправникот ги исполнил потребните професионални услови на неправилен начин.

По документирање на случајот, против него е поднесена кривична пријава за „посебни случаи на фалсификување исправи“.

The post ФАЛСИФИКУВАЛ ПОТПИС НА МЕНТОР Професор од Демир Хисар осомничен за лажирање службен документ appeared first on plusinfo.mk.

Шеснаесетгодишен малолетник бил физички нападнат додека седел во паркирано возило во Битола, а случајот во полиција го пријавил заедно со неговата мајка.

Според информациите, инцидентот се случил доцна синоќа на улицата Филип Втори Македонски, каде што малолетникот се наоѓал во патничко возило „Фолксваген бора“ со битолски регистарски таблички. Во еден момент, на возачкото седиште влегол 53-годишен битолчанец со иницијали В.С. за да го помести автомобилот, по што, според пријавата, го нападнал малолетникот.

Случајот бил пријавен во СВР Битола, од каде информираат дека се преземаат мерки за целосно расчистување на настанот.

Полицијата работи на утврдување на сите околности поврзани со инцидентот.

The post 53-ГОДИШНИК НАПАДНАЛ 16-ГОДИШНИК Влегол во паркиран автомобил па го удирал малолетникот appeared first on plusinfo.mk.

Педесетгодишен пешак е тешко повреден откако бил удрен од автомобил на крстосница во Битола, информира полицијата.

Несреќата се случила вчера во 19:48 часот на крстосницата меѓу улиците Прилепска, 15 Мај и Цветан Димов, кога патничко возило „хјундаи“ со битолски регистарски ознаки, управувано од 68-годишниот Д.Т. од Битола, удрило во пешакот Ж.С. (50) од селото Долна Чарлија, општина Могила.

Во несреќата пешакот се здобил со тешки телесни повреди, кои биле констатирани во Клиничка болница Битола.

По настанот, увид на местото извршила увидна екипа од СВР Битола.

The post ПЕШАК УДРЕН НА КРСТОСНИЦА ВО БИТОЛА Жител на Долна Чарлија со тешки повреди е пренесен во болница appeared first on plusinfo.mk.

Двајца мажи, на возраст од 36 и 40 години, со државјанство на Швајцарија и Германија и престој во битолското село Свето Тодори, се уапсени откако нападнале полициски службеници за време на интервенција.

Инцидентот се случил на 10 април 2026 година околу 16:00 часот, кога полициски службеници од СВР Битола извршувале службени дејствија на терен. Според информациите од полицијата, во тој момент двајцата мажи физички се пресметале со службените лица.

По нападот, тие веднаш биле лишени од слобода и задржани во полициска станица.

Од полицијата информираат дека по целосно документирање на случајот ќе биде поднесена соодветна кривична пријава против двајцата осомничени.

The post ШВАЈЦАРЕЦ И ГЕРМАНЕЦ НАПАДНАЛЕ ПОЛИЦАЈЦИ Драма во битолско, уапсени двајца странци appeared first on plusinfo.mk.

Запуштениот простор зад зградата на СВР Битола конечно се уредува, откако започнаа градежни активности за негово партерно уредување, информираат од Општина Битола.

Станува збор за парцела која со години била неорганизирана земјена површина, а со новиот проект ќе добие целосно уреден и функционален изглед. Работите опфаќаат поставување бехатон плочки на површина од околу 800 квадратни метри, со што просторот ќе стане попристапен и погоден за користење.

Покрај уредувањето на површината, се решава и проблемот со одведување на атмосферските води. Преку поставување на собирни решетки, дождовницата ќе се насочува и одведува, со што ќе се избегнат досегашните задржувања на вода.

Од Општината велат дека ова е дел од поширок план за средување на запоставени локации во градот.

„Со ваквите зафати ја подобруваме урбаната слика на градот и создаваме пофункционални јавни простори за граѓаните. Ќе продолжиме со уредување на сите локации кои со години биле запоставени“, велат од Општина Битола.

Вредноста на проектот изнесува околу 2,3 милиони денари, а изведувач на работите е ЈП „Нискоградба“.

Од локалната самоуправа најавуваат дека во наредниот период ќе се уредуваат и други простори низ градот, особено на локации каде што претходно биле отстранети диво поставени гаражи. Меѓу нив се посочуваат делови кај Овчи Пазар, Ат Пазар, кај местото викано Хеликоптерот, како и во близина на Дрвен Пазар.

The post ОД ЗАПУШТЕНА ПОВРШИНА ДО УРЕДЕН ПРОСТОР Битола го средува делот зад СВР appeared first on plusinfo.mk.

Во стан во Битола, без траги на насилство, бил пронајден починат А.Д.(19) од Битола, соопшти Секторот за внатрешни работи Битола.

Смртта ја констатирал лекар од Итна медицинска помош Битола, а од страна на јавен обвинител телото е дадено на обдукција.

Увидот го извршила увидната екипа на СВР Битола.

The post ТИНЕЈЏЕР НАЈДЕН МРТОВ ВО БИТОЛА На телото немало траги на насилство appeared first on plusinfo.mk.