Голем одрон затрупа неколку станбени згради во округот Пенгшуи, во југозападниот кинески град Чонгкинг. Спасувачките екипи извлекле девет лица, додека бројот на луѓето под урнатините сè уште се утврдува.

Локален работник околу 8 часот забележал дека од ридот паѓаат камења. Тој веднаш предупредил за опасноста, по што властите наредиле евакуација на повеќе од 60 жители.

Свлечиштето се активирало во 9.08 часот. Земјата, камењата и урнатините се спуштиле кон објектите покрај реката и затрупале дел од луѓето.

Today’s terrifying visuals as a massive landslide caused multiple buildings to collapse near the Wujiang Three Bridges in Pengshui, Chongqing, China.

Many people are trapped under the rubble as emergency crews conduct a major search and rescue operation. pic.twitter.com/gjhujNpFDA

— Weather Monitor (@WeatherMonitors) July 17, 2026

Деветмина извлечени под урнатините

Државната агенција Синхуа објави дека спасувачите досега извлекле девет лица. Сите биле надвор од животна опасност. Точниот број на затрупани лица не е познат. Потрагата продолжува низ урнатите и оштетените објекти.

Кинеското Министерство за управување со вонредни ситуации активирало втор степен на подготвеност. Дополнително биле испратени околу 100 спасувачи. На терен веќе работеле 206 пожарникари и спасувачи со 49 возила.

Siete de las personas atrapadas tras un deslizamiento de tierra registrado en la municipalidad de Chongqing, en el suroeste de #China, han sido rescatadas, confirmaron las autoridades locales.

El deslizamiento sepultó un número indeterminado de viviendas a lo largo de un… pic.twitter.com/w3vUAGyIYP

— David de la Paz 戴维 (@daviddelapaz) July 17, 2026

Камера го снимила уривањето на ридот

Воздушните снимки покажуваат како делови од ридот се свлекуваат врз зградите. Луѓето бегаат додека густ облак прашина го покрива реонот. Снимка од автомобилска камера го прикажува моментот кога земјата се урива врз куќи и деловни објекти. Камења и делови од објектите потоа се распрснуваат по улицата.

Причината за големиот одрон засега не е утврдена.

The post 📽️ ОГРОМЕН ОДРОН НА РИД ПРОГОЛТА КУЌИ ВО КИНА Евакуацијата час претходно не ја спречи трагедијата appeared first on plusinfo.mk.

Министерството за транспорт ќе го преземе проектот за санација и стабилизација на големото свлечиште на патот кон Теферич во скопската општина Кисела Вода. Според најавите, тендерот за избор на изведувач ќе биде распишан следната недела, а работите треба да завршат пред почетокот на зимата.

Владата преку Министерството за транспорт ќе го преземе проектот за санација на свлечиштето на патот кон Теферич во Општина Кисела Вода, кое подолг период претставува сериозен проблем за жителите и учесниците во сообраќајот.

Заменик-претседателот на Владата и министер за транспорт Александар Николоски изјави дека станува збор за комплексно свлечиште, чие решавање ги надминува можностите на локалната самоуправа.

– Станува збор за голем и исклучително сериозен проблем. Имајќи го предвид искуството што го стекнавме при решавањето на свлечиштата на автопатот Кичево – Охрид, проценивме дека оваа проблематика е многу поголема од капацитетите на Општина Кисела Вода и на Градот Скопје – изјави Николоски.

Тој посочи дека по координацијата меѓу Владата, Општина Кисела Вода и Градот Скопје, на последната владина седница било одлучено Министерството за транспорт целосно да го преземе проектот.

– Веќе имаме изработен проект за стабилизација и санација и очекувам уште следната недела да биде распишан тендерот за избор на изведувач. По изборот на изведувачот, што очекуваме да биде за околу еден до еден и пол месец, ќе започнат градежните работи, а целта е санацијата да заврши пред почетокот на зимата – нагласи Николоски.

Од Министерството очекуваат со реализацијата на проектот трајно да се реши проблемот со свлечиштето и да се обезбеди безбедно одвивање на сообраќајот на оваа делница.

The post ВЛАДАТА ГО ПРЕЗЕМА СВЛЕЧИШТЕТО КОН ТЕФЕРИЧ Следната недела тендер, санацијата треба да заврши пред зимата appeared first on plusinfo.mk.

„Трудовиот и Пазарниот инспекторат немаат доволно капацитети, но тоа не треба да биде оправдување. Секоја институција во рамки на своите надлежности треба да постапува максимално и да ги казнува оние што не го почитуваат законот, особено кога станува збор за безбедноста и здравјето на работниците“.

Вака денеска изјави денеска заменик-министерот за економија, Марјан Ристески, одговорајќи на новинарско прашање зошто се дозволува фирми да профитираат на сметка на здравјето на работниците – работници да работат на скелиња кога температурите се над 40 степени или да се случуваат свлечишта како во центарот на Скопје.

Според Ристески, Инспекторатот за труд совесно ја работи работата, колку што има можности и капацитети.

– Тоа е проблем што се провлекува со години, со децении наназад. Трудовиот инспекторат совесно ја работи работата, онолку колку што има можности и капацитети. Една од препораките на Европската Унија е зголемување на капацитетите на инспекторатите – и Трудовиот и Пазарниот инспекторат, кои се под наша надлежност. Се надевам дека ефикасноста во иднина ќе биде уште поголема и ќе има поредовни контроли и поредовни казни. Треба малку повеќе да работи и совеста, а онаму каде што нема да работи совеста, ќе бидат употребени сите казнени мерки предвидени со законот и ќе бидат максимално, најригорозно казнети тие што нема да го применуваат законот онака како што треба, барем во однос на заштитата и безбедноста на здравјето на работниците – истакна Ристески.

Досега, дополни, се изречени казни.

– Треба секоја институција во рамки на своите надлежности да постапува максимално, капацитети нема доволно, но тоа не треба да биде оправдување. Треба максимално да се работи и да се казнуваат оние што прават прекршоци во делот на безбедноста и здравјето на луѓето. Инспекторатот казнува, но немам информација колку казни се досега конкретно изречени – нагласи заменик-министерот Ристески.

The post ФАЛАТ ИНСПЕКТОРИ, НО МОРА ДА СЕ КАЗНУВА Ристески бара почести контроли на безбедноста на работниците appeared first on plusinfo.mk.

Градоначалникот на Општина Центар, Горан Герасимовски, денеска изврши увид на терен на булеварот Теодосиј Гологанов, во близина на Католичката црква, заедно со деканот на Градежниот факултет, инспекциските служби на Општина Центар и стручни лица, каде се спроведуваат итни мерки за обезбедување и стабилизација на просторот по евидентираното свлечиште на земјиштето во непосредна близина на градежен зафат.

Според стручните насоки од Градежниот факултет, започнато е затрупување и зацврстување на земјиштето на градилиштето со цел да се спречат дополнителни оштетувања и да се обезбеди безбедноста на граѓаните и околните објекти, информираат од Општина Центар.

Герасимовски упати благодарност до деканот и стручниот тим на Градежниот факултет, кои веднаш излегоа на терен и дадоа конкретни насоки за надминување на состојбата.

– Безбедноста на граѓаните нема цена. Од првиот момент реагиравме веднаш, а денеска на терен заедно со стручните лица ги следиме активностите за стабилизација на просторот. Голема благодарност до деканот и тимот на Градежниот факултет за експертската помош и професионалниот пристап. Ќе постапуваме строго и без компромис кога се работи за неодговорно и несовесно градење – изјави Герасимовски.

Инспекциските служби на Општина Центар и натаму се на терен и продолжуваат со надзорот и постапувањето. Досега се изречени повеќе санкции, а постапките против инвеститорот и изведувачот продолжуваат, откако е утврдено дека дел од градежните активности не биле изведувани согласно одобрението за градење издадено од Општина Центар.

Општина Центар останува целосно посветена на надминување на состојбата, обезбедување на просторот и утврдување одговорност за сите констатирани неправилности. 

The post СЕ ЗАТРУПУВА И САНИРА ГРАДЕЖНАТА ЈАМА ВО ЦЕНТАР Герасимовски и деканот на Градежен факултет се на увид appeared first on plusinfo.mk.

Во врска со сериозниот инцидент понеделникот, кога на булеварот Митрополит Теодосиј Гологанов, во близина на Католичката црква, дел од земјиштето се урна при ископни работи на градилиште, Министерството за транспорт известува дека согласно закон, единствено надлежен орган е општината Центар.

„Имено, согласно закон, општина Центар и нејзините инспекциски служби, за градбите од втора категорија, се надлежни да утврдат дали свлечиштето довело до оштетувањето на патната инфраструктура, канализациската мрежа и уличното осветлување, како и да обезбеди соодветна заштита на граѓаните и нивно безбедно движење во непосредна близина на оштетениот простор“ – се вели во соопштение од министерството.

Министерството за транспорт ја повикува општина Центар во најбрз можен рок да постапи согласно надлежностите и да ги расчисти сите наводи околу овој инцидент.

Во меѓувладина, инспекциските служби на Општина Центар заедно со Министерството за внатрешни работи излего на терен и по извршениот увид, констатирани се оштетувања на коловозот, тротоарската површина, канализационата мрежа и уличното осветлување, при што веднаш се изречени најстроги законски казни и санкции кон инвеститорот за непочитување на обврските и предизвикување штета врз јавната инфраструктура.

Паралелно со инспекцискиот надзор, екипи на Општина Центар излегле на терен и веднаш презеле мерки за обезбедување на локацијата.

„Поставени се сигурносни појаси и предупредувачки ленти со цел заштита на граѓаните и безбедно движење во непосредна близина на оштетениот простор. Општина Центар нема да толерира несовесно и неодговорно постапување од страна на инвеститори, особено кога се загрозува безбедноста на граѓаните и се оштетува јавниот простор. За секое прекршување ќе следуваат ригорозни мерки согласно законските надлежности“ – наведуваат од Општината.

Истовремено инвеститорот бил задолжен итно да го обезбеди просторот, да преземе мерки за заштита и санација, како и целосно да ја врати оштетената инфраструктура во првобитна состојба.

Од МВР нформираа дека свлечиште на земјата настанало во општина Центар при вршење на ископ на дупка за изградба на зграда со работна машина багер, при што бил затрупан багерот, но лицето кое го управувало навреме излегло.

Од свлечиштето оштетени се делови од тротоарот и улицата, а паднала и бандера која оштетила возило „дачија сандеро”, сопственост на Е.М..

Од МВР нагласуваат дека за инцидентот се известени Центарот за управување со кризи, ЕВН и други институции, а на местото на настанот се упатени полициски службеници и се преземаат мерки за расчистување на случајот.

Според таблата поставена на градилиштето инвеститори се Про билдинг компани ДОО – Тетово и Палма траде Љумиаљ
ДООЕЛ – Тетово. Изведувач е Конструксиони-инвест ДООЕЛ Тетово. Надзорот пак го прави ХИГХ Конструктион гроуп ДООЕЛ – Гостивар.

The post СЕТА НАДЛЕЖНОСТ ЗА СВЛЕЧЕНАТА УЛИЦА Е КАЈ ОПШТИНА ЦЕНТАР Министерството за транспорт за хаваријата на „Теодосиј Гологанов“ appeared first on plusinfo.mk.

Градежниот инспектор на Општина Центар ќе побара одземање на лиценците на одговорните лица вклучени во изградбата на локацијата на која настана свлечиште во центарот на Скопје.

Општината ќе побара да се утврди одговорност од надзорот и изведувачот на објектот поради несоодветно и несовесно постапување, согласно законските прописи. За случајот ќе следуваат и соодветни пријави и постапки пред сите надлежни институции.

„Општина Центар нема да толерира несовесно и неодговорно постапување од страна на инвеститори, особено кога се загрозува безбедноста на граѓаните и се оштетува јавниот простор. Инвеститорот е задолжен итно да го обезбеди просторот, да преземе мерки за санација врз основа на експертизата од Градежниот факултет и целосно да ја врати оштетената инфраструктура во првобитна состојба“, се наведува во соопштението од Општината.

Општината до Основното јавно обвинителство достави официјално известување со цел понатамошно постапување во рамки на нивните надлежности.

Од Центар најавија дека ќе останат на терен и будно ќе го следат случајот сè до целосно отстранување на последиците и обезбедување на безбедноста на граѓаните.

Во текот на вчерашниот и денешниот ден, инспекциските служби на Општината, во координација со Министерството за внатрешни работи, Државниот градежен инспекторат и стручните служби од Секторот за урбанизам, постапуваа на терен по инцидентот на булеварот Теодосиј Гологанов, во близина на Католичката црква, каде е евидентирано свлечиште и оштетување на јавна површина и инфраструктура во непосредна близина на градежен зафат.

При извршениот увид, констатирани се оштетувања на коловозот, тротоарската површина, канализациската мрежа и уличното осветлување, како и низа неправилности во однос на изведбата на објектот. Инспекциските служби утврдиле дека постои свлечиште на земјиштето, по што веднаш се изречени најстроги законски казни и санкции согласно Законот за комунални дејности, поради непочитување на законските обврски и предизвикување штета врз јавната инфраструктура.

Паралелно со инспекцискиот надзор, екипи на Општина Центар презедоа итни мерки за обезбедување на локацијата. Поставени се сигурносни појаси и предупредувачки ленти со цел заштита на граѓаните и безбедно движење во непосредна близина на оштетениот простор, особено имајќи предвид дека градилиштето се наоѓа во непосредна близина на станбени објекти.

Во текот на денешниот ден, на терен беше повикан и државен градежен инспектор, кој заедно со стручните служби на Општина Центар констатираше дополнителни неправилности поврзани со изведбата на градежните активности. Истовремено, Општината  контактираше професори од Градежниот факултет и побара стручна експертиза и мислење за настанатата состојба и можните ризици.

The post ЦЕНТАР ЌЕ БАРА ДА ИМ СЕ ОДЗЕМАТ ЛИЦЕНЦИТЕ НА ОДГОВОРНИТЕ ЗА СВЛЕЧИШТЕТО Ќе следуваат соодветни пријави appeared first on plusinfo.mk.

Повеќе од 200 луѓе загинаа во лизгање на земјиштето предизвикано од обилните дождови во рудникот за колтан (колумбит-танталит) Рубаја во источен ДР Конго, соопшти Министерството за рударство на Конго.

Висок функционер од бунтовничката група AFC/M23, која го контролира рудникот Рубаја, претходно изјави за Ројтерс дека „само пет или шест лица“ загинале во несреќата што се случи вчера.

Рудникот Рубаја обезбедува околу 15 проценти од светското производство на колтан, руда што се преработува во тантал, метал отпорен на топлина, кој е многу баран од производителите на мобилни телефони, компјутери, компоненти за авиони и гасни турбини.

A landslide triggered by heavy rains killed more than 200 people, including around 70 children, yesterday at the Rubaya coltan mine, the mines ministry told Reuters today. Eastern Democratic Republic of the Congo.

A similar incident one month ago also killed more than 200… pic.twitter.com/XBKku9HlWp

— Weather Monitor (@WeatherMonitors) March 4, 2026

Рударското место, кое е под контрола на бунтовничката група AFC/M23 од 2024 година, неодамна беше додадено на краткиот список на наоѓалишта на ретки земји што владата на Конго им ги понуди на Соединетите Држави како дел од соработката во областа на експлоатација на минерали од ретки земјени метали.

– Се верува дека несреќата што се случи во вторникот е резултат на обилните дождови во областа во последните денови – изјави за Ројтерс друг висок функционер на AFC/M23.

Министерството за рударство на ДРК соопшти дека меѓу жртвите има околу 70 деца и дека многу од повредените се евакуирани во здравствени установи во градот Гома.

The post 📽️ РУДНИК ВО КОНГО СТАНА ГРОБНИЦА Повеќе од 200 загинати, меѓу нив има и 70 деца appeared first on plusinfo.mk.

Поради свлечиште од вчера во 18:30 часот затворена е за сообраќај обиколницата околу Битола, а сообраќајот се преносочува низ градот. Екипите на Ј.П Македонија Пат работат на расчистување на свлечиштето и нормализирање на сообраќајот, информираат од АМСМ.

Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post ПОРАДИ СВЛЕЧИШТЕ ЗАТВОРЕНА ОБИКОЛНИЦАТА ОКОЛУ БИТОЛА Сообраќајот пренасочен низ градот appeared first on plusinfo.mk.

Поради големо свлечиште и оштетувања на коловозот, како и оштетувања и поместување на мостот, на делницата Либражд – Прењас, кои се дел од Коридорот VIII, сообраќајот од преминото „Ќафасан“ кон Албанија е блокиран од неделата, поради што голем број камиони се заглавени на преминот.

Додека не се подобри состојбата на патниот правец граничен премин Ќафасан – Елбасан, делница Либражд – Прењас, одлучено да се користат алтернативни гранични премини, информираше генералниот директор на Царинската управа на Албанија, Бесмир Беја.

– Стоката што влегува на албанска од македонска територија или од други земји преку овој премин, ќе се обработува преку царинската испостава на граничниот премин Блато кај Дебар. Преземени се сите потребни мерки за задоволување на логистичките потреби и зголемување на царинскиот персонал, со цел справување со зголемениот проток и што побрзо завршување на царинските процедури – рече Беја.

Тој нагласи дека, по контактите со надлежните македонски власти, наишле на целосно разбирање за решавање на ситуацијата.

– Голема благодарност до македонските власти за разбирањето околу надминувањето на ситуацијата. Сакам да напоменам дека македонската страна ќе дозволи премин на натоварени камиони или приколки низ контролниот пункт Блато од 12 часот до 22:00 часот секој ден, додека нетоварени камиони ќе можат да циркулираат 24 часа. На овој царински пункт македонската страна не дозволува премин на прехранбени производи од животинско потекло и нафтени производи, категории што мора да поминат низ Косово – нагласи Беја.

The post ПОРАДИ СТРАОТНО СВЛЕЧИШТЕ КАЈ ЌАФАСАН СЕ КОРИСТИ ПРЕМИНОТ БЛАТО Камионите пренасочени преку Дебар appeared first on plusinfo.mk.

Во текот на ноќта се излеала Зајашка река на улицата Прилепска во Кичево, каде што се зафатени повеќе куќи. Поради тоа евакуирани се околу 180 лица, кои се згрижени во спортската сала „Христо Узунов“.

Регистрирано е и заезерување на улицата 29 Ноември во населбата Подварош, во Кичево, при што се поплавени подрумски простории во повеќе објекти. Поплавени се и објекти на кичевската болница.

Претпладнево била организирана достава на храна и вода за евакуираните со помош на тимовите на Црвениот крст. Од Скопје се упатени дополнителни тимови со ќебиња, душеци, кревети и друга неопходна помош.

Според досегашните информации, нема животно загрозени лица, но превентивната евакуација продолжува. Врнежите и понатаму се интензивни, а состојбата внимателно се следи.

Поплавени дворови во Скопскиот регион

Во текот на претпладневните часови, преку бројот 112 се примени повеќе пријави од граѓани. Пријавени се поплавени дворни места во село Идризово (Општина Гази Баба), поплавувања во село Буковиќ (Општина Сарај), поплавено дворно место и подрум во село Зелениково (Општина Зелениково), поплавено дворно место во населба Радишани (Општина Бутел).

Сите пријави се проследени до надлежните општини, извршен е увид на терен и се преземаат мерки за санирање на последиците.

Свлечиште во Тетовско

Преку бројот 112 е пријавено свлечиште на патниот правец Тетово – село Џермо, поради што патот е блокиран за сообраќај.

Од 07:45 часот на патот Тетово – Попова Шапка е воведена забрана за сообраќај на тешки товарни возила и автобуси поради врнежи од снег.

Во Гостивар и околните населби пријавени се поплавувања на куќи во село Беловиште, како и во населбите Циглана и Бањечница. Пријавен е и затрупан канал во село Балиндол, при што се поплавени неколку куќи.

Во една од поплавените куќи во Беловиште биле заглавени две деца со нивната мајка. За случајот веднаш биле известени Противпожарната единица Гостивар и полицијата во Гостивар.

Поплавите се резултат на излевање на Сушичка Река и затрупаните канали. Планирано е ангажирање механизација за расчистување на теренот.

The post 🎥 ЕВАКУИРАНИ 180 ЛУЃЕ ВО КИЧЕВСКО Мајка со две деца заглавила во поплавена куќа во Беловиште appeared first on plusinfo.mk.