Агенцијата за храна и ветеринарство почна симулациската вежба за справување со болеста африканска чума кај свињите во Башино село кај Велес.

Каква е подготвеноста и ефективноста на системот за справување со болеста африканска чума кај свињите при евентуална нејзина појава, но и кои мерки треба да се преземат за негово подобрување, се дел од прашањата на кои во рамки на симулациската вежба за болеста африканска чума кај свињите, денеска и утре во Велес и во Башино село, одговори ќе бараат експерти од Европската унија и од Македонија, претставници од Агенцијата за храна и ветеринарство (АХВ) и од други институции и невладини здруженија и федерации.

– Согласно Одлуката за планови за итни мерки кај животните, а во врска со Законот за ветеринарно здравство, како раководител на Националниот центар за контрола на болеста, за исклучително важна за нас како држава и институција ја оценувам можноста за соработка на меѓународните и домашните експерти за справување со болеста африканска чума кај свињите, болест со која и ние како држава и институција бевме исправени пред предизвикот да се справуваме. Од голема важност е и можноста за спроведување на обука за справување со оваа болест, во рамки на оваа симулациска вежба, која се одржува во организација на Агенцијата за храна и ветеринарство (АХВ) и во соработка со Организацијата за земјоделство и храна на Обединетите нации – (FAO). Токму овие два дена ќе бидат основа за тоа како треба да се дефинираат и реализираат идните постапувања при евентуална итна кризна или вонредна состојба при појава на болеста, која го загрозува здравјето или благосостојбата на животните и претставува закана не само за питомата, туку и за дивата популација свињи, за што бевме сведоци во минатото – рече на денешното отворање на симулациската вежба во Велес директорот на Агенција за храна и ветеринарство, Оливер Миланов.

Целта на вежбата, истакна тој, е да се спроведат мерките и процедурите во случај на појава на сомнеж, или потврда на болеста, активности кои треба да ги реализираат, одгледувачите, институциите и операторите, а кои ќе значат тестирање на функционирањето и поставеноста на Националниот центар и на локалните центри за контрола на болести.

– Активностите кои ќе се спроведат во рамки на симулациската вежба се однесуваат и на собирање на податоци и нивна анализа и следствено на тоа, донесување на правни акти со цел регулирање на постапките од страна на официјалните ветеринари за понатамошно функционирање – рече Миланов.

На вежбата, презентирана ќе биде моменталната состојба со болеста африканска чума кај свињите во Европа и во нашата земја, а освежени ќе бидат и знаењата во однос на начинот на земање на примероци и дијагностицирање на болеста, пакување на мострите, нивно обележување и транспорт, спроведување на епидемиолошка истрага, воспоставување на инфективни зони, благосостојба за време на убивање и други теми од областа. Теренскиот дел од вежбата ќе се спроведе во кланица, каде ќе бидат демонстрирани постапките за омамување и земање примероци.

Симулациската вежба ќе биде основа за развој на стратегија за контрола домашната и дивата популација свињи, како и за креирање на новиот концепт на Национален план за итни мерки и оперативен прирачник за болеста африканска чума кај свињите.

The post ПОЧНА ВЕЖБАТА ЗА СИМУЛАЦИЈА НА АФРИКАНСКА ЧУМА ВО БАШИНО СЕЛО Целта е да се спроведат мерките во случај на сомнеж appeared first on plusinfo.mk.

Авион којшто летал од Амстердам до Мексико морал итно да слета на Бермудските Острови, поради миризбата од свињите што се наоѓале во товарниот простор.

Неподносливата смрдеа се проширила во патничката кабина и го принудила екипажот да побара итно слетување. Во авионот имало 259 патници и 100 свињи, јави Кралската холандска авиокомпанија „КЛМ“.

По слетувањето, патниците биле сместени во хотели. Свињите биле прегледани и однесени со друг авион во Мексико.

The post СМРДЕЛО КОРНЕЛО, НЕ СЕ ТРПЕЛО Авион принудно слетал на Бермудите поради свињи appeared first on plusinfo.mk.

-Цената на свинско месо жива мера уште е поволна, иако сега е малку падната, од 140-150 денари  на 125-120 денари, плус 5% данок. Меѓутоа добра е и таа цена во моментов, не е загрозувачка за одгледувачите на свињи- вели Сарафимов.

Според него, исплатливо е одгледувањето на свињи, имајќи предвид дека годинава откупната цена на сточната храна беше ниска, односно јачменот го откупуваа за 9 или 10 денари по килограм.

Тој додава дека по африканската чума е намален бројот на свињи во земјава, но не во голем обем, бидејќи голем дел од одгледувачите  ги обновуваат своите свињарски фарми.

-Моментално се обновуваат сите тие фарми, кои беа зафатени со африканска свинска чума, што значи дека пазарот е задоволен од свинско месо – изјави Сарафимов.

Тој посочува дека во месарите има мало намалување на свинското месо за крајните потрошувачи.

The post ЕВТИНИОТ ЈАЧМЕН ЈА НАМАЛИ ЦЕНАТА НА СВИЊИТЕ Килограм жива мера без ДДВ оди за 125 денари appeared first on plusinfo.mk.

Според анализите, фармите за одгледување на свињи и на живина ослободуваат околу 30% од вкупните емисии на амонијак во ЕУ, па со новите правила се предвидени мерки за намалување на ова нивно штетно влијание.

Одредбите за намалување на емисиите на штетни гасови со новите правила важат за сите свињарски фарми со најмалку 1.100 возрасни свињи или 700 маторици. Досега овие обврски важеа за фармите со над 2.000 свињи или 750 маторици.

Екстензивните и фармите за органското производство на свињи, каде што животните поголемиот дел од времето го минуваат на отворено, се ослободени од спроведување на овие мерки.

Новите правила важат и за живинарските фарми со најмалку 40.000 кокошки, што се одгледуваат за месо, и со најмалку 21.400 несилки.

Во првичниот предлог на Еврокомисијата, се предвидуваше и зајакнување на мерките за добиточните фарми, кои се одговорни за 50% од емисиите на метан и 25% од емисиите на амонијак во ЕУ, но по интервенција на Европскиот парламент овие одредби беа исклучени од конечната верзија на изменетата Регулатива.

Сепак, како компромис беше договорено Еврокомисијата да ги следи состојбите со емисиите на штетни гасови од фармите за одгледување крави и да поднесе извештај до крајот на 2026 година.

Новите правила предвидуваат и построги финансиски казни за прекршителите на мерките, кои за „сериозни прекршувања“ изнесуваат најмалку 3% од вкупниот годишен промет на производствените субјекти, а се предвидува и можност за затворање на фармите кои не ги почитуваат одредбите.

Дополнително, со измените на регулативата се овозможува правото на луѓето да бараат „компензација за здравствени последици предизвикани од незаконско загадување“.

Но, земјоделските здруженија и повеќето десничарски политички партии, кои во принцип се против регулативите од сферата за заштита на животната средина, сметаат дека во примената на новите правила за спречување на емисиите на штетни гасови не треба да важат исти стандарди и за фармите и за некои индустриски сектори, како што се на пример фабриките за производство на батерии или челичарниците.

Од друга страна, ни екологистите не се целосно задоволни од новата регулатива, посочувајќи на одредбата од неа со која им се дозволува на земјите членки на ЕУ да применуваат „полесен регулаторен режим“ за земјоделците, што според нив во пракса би можело да резултира со неспроведување на утврдените мерки.

The post НОВИ ЕВРОПСКИ ПРАВИЛА ЗА ЕМИСИИ НА ШТЕТНИ ГАСОВИ ВО ПРОИЗВОДСТВО Фармите за крави се спасија, ама другите сточарски фарми ќе плаќаат данок за испуштен метан appeared first on plusinfo.mk.

На 16.07.2024 околу 22.00 часот, полициски службеници од Полициската станица за граничен надзор Сопот при Регионалниот центар за гранични работи Север ги лишиле од слобода Е.Б.(29) и Е.И.(25), двајцата од Куманово.

Тие биле затекнати со уште едно лице при извршување „тешка кражба“ во објект на поранешна, сега напуштена свињарска фарма во с.Речица, Кумановско, каде што со алат демонтирале два големи мотори. Од лицата бил одземен алатот со кој го извршиле делото, а увид на местото извршила екипа од СВР Куманово. По целосно расчистување и документирање на случајот против нив ќе биде поднесена соодветна пријава.

The post СО АЛАТ РАЗМОНТИРАЛЕ МОТОРИ НА ФАРМА ЗА СВИЊИ Кумановчани направиле тешка кражба appeared first on plusinfo.mk.

Како што соопштија од СВР Струмица, настанот бил пријавен во Полициската станица во Гевгелија вчера во 10:30 часот, а лекар од Итна медицинска помош констатирал смрт без траги на насилство.

По наредба на јавен обвинител телото на починатиот било предадено на обдукција.

The post СРБИН ПРОНАЈДЕН МРТОВ НА ФАРМА ЗА СВИЊИ ВО ГЕВГЕЛИСКО Работел како стручен консултант appeared first on plusinfo.mk.

„Досега, вкупниот број на угинати свињи пред депопулација, заклучно со 2023 година изнесува 439, додека вкупниот број на угинати и депопулирани и нештетно закопани животни заклучно со декември 2023 година изнесува 14.381 свиња“, велат од АХВ.

Болеста ги загрижи одгледувачите и генерално јавноста која стравуваше од недостиг на свинско месо и зголемување на цената. Последниот случај беше во кумановско Тромеѓа во декември лани. Таму и во населбата Карпош е заштитна зона во радиус од три километри. Нештетното отстранување на угинатите свињи се спроведуваше на неколку локации во кумановско во поширокиот регион. Жителите на неколку села од кумановско и општина Старо Нагоричане реагираа зошто токму во нивниот реон се закопуваат свињите. Жестоко реагираа жителите на Речица кои стравуваа дека болеста ќе се рашири кај нивните одгледувалишта. Тие на Бадник се судрија и со полицијата која приведе неколкумина. Подоцна реагираа и жителите на Шупли Камен. И таму имаше помал инцидент. Месното население бараше двојна дезинфекција, што е и дел од протоколите на Агенцијата за храна и ветеринарство, а обично ја спроведува избрано ветеринарно друштво. Локациите за закопување ги предлага општината, а АХВ ги потврдува.

АХВ: Заштитни мерки во зоните

Согласно важечките прописи во државава во зоната од три километри се преземаат повеќе мерки, одземање, убивање и нештетно отстранување на свињите кои се наоѓаат во одгледувалиштата каде е потврдена болеста, како и во контактните одгледувалишта каде не може да се исклучи присуството на болеста. Објектите и просториите се дезинфицираат и чистат, се спроведува епидемиолошко испитување, попис, прегледи, регистрација на животните, се преземаат биосигурносни мерки, евидентирање на сите нерегистрирани одгледувалишта и нивна категоризација во однос на степенот на спроведување на биосигурносните мерки, депопулација на сите нерегистрирани одгледувалишта категоризирани со висок ризик со колење за економско искористување на месото од закланите свињи.

„Во некомерцијалните одгледувалишта колењето може да се изврши во домашни услови за сопствени потреби, единствено во присуство и под надзор на доктор по ветеринарна медицина од надлежно ветеринарно друштво со земање на мостри за лабораториско испитување. Во комерцијалните одгледувалишта со висок ризик колењето се врши во кланица со земање на мостри, месото задолжително подлежи на еден од третманите за намалување на ризикот за ширење на болеста. По исклучок, депопулација на животните кои не можат да бидат заклани поради нивната благосостојба или неможност месото економски да се искористи се врши со евтаназија и нештетно отстранување на труповите“, велат од АХВ.

Зоната под надзор е во радиус од десет километри околу потврденото жариште. И таму се слични правилата. Се забранува и одржување на добиточни пазари и саеми.

Во земјава засега не е детектирано присуство на африканска чума, ниту кај дивата, ниту кај питомата популација свињи, соопшти денеска Агенцијата за храна и ветеринарство (АХВ) откако Грција в

Свињите кои ќе бидат затекнати во промет без здравствен сертификат и без идентификација ќе бидат одземени и нештетно уништени на товар на сопственикот. На целата територија на државава ќе се спроведува и мерката на депопулација на сите нерегистрирани одгледувалишта со висок ризик во однос на спроведувањето на биосигурносните мерки.

„Одгледувачите на свињи треба да бидат исклучително одговори како сточари. Задолжително да ја следат здравствената состојба на свињите и за секоја промена или смртност да го информираат надлежното ветеринарно друштво или официјален ветеринар кои ќе преземат соодветни мерки. Сточарите да не го попречуваат спроведувањето на наредените мерки во зоните со цел спречување на ширење и ерадикација на болеста. На фармите да ги спроведуваат и одржуваат биосигурносните мерки на високо ниво, особено при влез и излез на фармите, да забранат секаков пристап до одгледувалиштето на невработени лица. Свињите да не ги хранат со помии. Одгледувалиштата по можност треба да бидат заградени со двојна ограда, со растојание помеѓу оградите од најмалку еден метар“, повикаа од АХВ.

Африканска чума не е заразна за луѓето

Болеста африканска чума не е пренослива на луѓето и кај другите животни, таа се пренесува од диви на домашни свињи и се шири само кај овие животни, велат ветеринарите од Куманово. Станува збор за инфективно заболување.

Многу е важно да се едуцираат фармерите, невреме да се преземат мерки и да се контролира болеста да не се шири и да не предизвика економска штета, ниту за одгледувачите, ниту за државата, велат ветеринарите, додавајќи дека е потребна соработка кај сите за контрола на болеста.

– Болеста е многу пренослива и Европа има проблем со справување со оваа болест – објаснува ветеринарот Зоран Пешевски.

Првпат на европска територија, како што посочува Пешевски, е појавена во Грузија во 2007 година, по што се проширува во Украина и Русија и во 2013 доаѓа на подрачјето на ЕУ, Латвија, Литванија Полска и премина и во други земји и во нашето соседство.

– И овие побогати земји од нас сè уште ја немаат искоренето болеста. Важно е да се контролира болеста – вели Пешевски.

Симптомите се висока температура, дијареја. Промените се нагли и само искусните сточари можат да ги забележат и да ги алармираат матичните ветеринари. Покрај дивите свињи, преносители може да бидат и и луѓето преку облека и обувки.

– Во однос на закопувањето, потребни се подлабоки јами, потребна е дезинфекција. Може да се најде и некоја аномалија во однос на отстранувањето. Сточарите не треба да и одмагаат на Агенцијата. Државата плаќа штета за угинатите, важно е да се донесат соодветни мерки и да се почитуваат – вели Пешевски.

Едукацијата на сточарите е најважна, категоричен е Пешевски.

Одгледувачите треба да не вршат незаконско колење и транспорт и ако се почитуваат нормите, полесно ќе биде справувањето со болеста.

Универзитетскиот професор од Земјоделскиот факултет при Универзитетот „Гоце Делчев“ – Штип, Димитри Наков укажува дека сите мора да се свесни дека болеста ќе се повторува.

– Тоа е заради самата природа на болеста, начинот на ширење, пренесување, меѓутоа и фактот што вирусот којшто ја предизвикува африканската свинска чума е многу отпорен во надворешна средина. Тука мора да се спомене и популацијата на диви свињи коишто се главен резервоар и преносител на вирусот. Токму поради тоа ни се случува ова брановидно повторување на болеста во истите региони – вели Наков.

Тој забележува дека одгледувачите на свињи и да ги почитуваат сите мерки, нема можност стопроцентно да ги заштитат животните од заразната болест. Негова оценка е дека големите фарми ги почитуваат сите биосигурносни мерки, зашто тоа е еден заокружен процес на производство. Но, апелира на поголема свест кај малите традиционални фарми, кои претходно не биле запознати со мерките, а веќе самите прашуваат и ги спроведуваат.

– Со подигнување на нивото на биосигурносните мерки, тоа значи дека треба да се ограничи влегувањето на други луѓе во фармата, да се направат бариери, да се спречи слободно движење на животни. Сите тие елементи ако се запазат, може да се намали пренесувањето на вирусот – додава Наков.

Свињарското производство во државава е важна гранка и поради тоа, додава Наков, општеството мора да се навикне да ја одржува гранката додека егзистира африканската свинска чума.

Помалиот број фарми може да предизвика недостиг на свинско месо

Од Стопанската комора на Северна Македонија велат дека фармерите и преработувачите на месо се соочиле многу порано со проблеми предизвикани од класичната свинска чума, а сега и со африканската свинска чума и веќе подолго функционираат во такви услови. Оттаму велат дека влијанијата се сложени.

– Болеста се шири во Европа и светот (Кина прва ги почувствува последиците), а традиционалните пазари од каде се набавуваше суровината за преработка значително го намалија своето производство по значително повисоки цени – велат од Комората.

Со домашното производство се покриваат 90 проценти од потребите на свежо месо, а остатокот се задоволува со увоз, од земјите од соседството.

– На терен состојбата е нестабилна, количините се десеткувани и во секој случај оваа состојба ќе потрае во наредните шест/седум месеци, а за конечно решавање и до три години, колку што е потребно еден капацитет да се подигне од почеток на нова безбедна локација и да се сврти циклусот на една фарма, така што недостатокот на свежо конзумно месо од домашно потекло ќе мора да се замени со увоз – велат од Комората.

Тие појаснуваат дека квалитетот на домашното свинско месо и месни преработки во последните дваесетина години е на највисоко ниво. Сепак, велат дека цената, снабденоста и изборот многу ќе зависат од чекорите што ќе ги преземаат надлежните институции.

– АХВ и досега е на ниво на задачата и во поглед на справување со болеста, но и безбедноста на домашното производство и преработки. Редовно и вонредно се прават контроли и тоа на секој влез во државата особено на суровината за преработка – велат од Комората.

Потпретседателот на Асоцијација на земјоделци, Гоце Сарафимов вели дека болеста се пренесува од дивите свињи, првин во погранично место на истокот од соседна Бугарија. Лани во најголемата фарма во карбинското село Таринци поради појавата на африканската свинска чума беа уништени вкупно 9.000 свињи. Сарафимов посочува дека токму поради оваа болест има недостаток на свежо свинско месо во државата, бидејќи нема веќе свињи.

– Најмногу удри на потегот од Штип до бугарската граница, Берово, Делчево, па и кај нас Штип и Карбинци. Овде се наоѓа и најголемата фарма, која задоволуваше 20 проценти од потребите на свинско месо во цела држава и затоа сега имаме недостиг на свежо свинско месо. Сега ги чистиме фармите за да ги обновиме, ама тоа оди бавно и тешко – вели Сарафимов.

Тој додава дека државата не извезува свинско месо, бидејќи одгледувачите на свињи едвај задоволуваат потребите на македонскиот пазар. Според него и забраната за увоз на свинско месо во Албанија земјава и производители на месо не претставува удар, бидејќи во Албанија и ретко имало извоз на месо. Сарафимов истакна дека поради оваа болест недостаток на свинско има и во соседните држави, па затоа цената на жива мера е малку повисока.

– Кај нас има недостиг на месо, имаме недостиг на свежо свинско месо, но недостиг има секаде и во Србија и во Бугарија и затоа цените се малку повисоки – вели Сарафимов.

Проблемот со свинската чума мора да се надмине, согласни се сточарите. Велат потребна е помош од државата, нова вакцина или нов метод и мора да постојат мерки и решенија за да не се доведеме во ситуација да нема свинско месо во земјава.

До пред две години, кога се појави и африканската свинска чума, македонските одгледувачи официјално годишно одгледуваа вкупно 250.000 свињи. Во земјава од свињарството директно или индиректно во тој период егзистираа околу 10.000 семејства, дури 60 отсто од свињите се одгледуваа во индивидуални стопанства. Стануваше збор за бизнис од 100 милиони евра, пари кои остануваа во македонската економија.

Последните податоци кои можат да се најдат на веб страницата на Државниот завод за статистика говорат дека токму во годината, кога се појави африканската свинска чума поточно во 2022 година има пад на производството на свинското месо.

– Бројот на свињи во 2022 година, во споредба со 2021 година, е намален за 1,9 проценти и во индивидуалните земјоделски стопанства и кај деловните субјекти (земјоделските претпријатија и земјоделските задруги) – велат податоците на Државниот завод за статистика.

The post БИЗНИСОТ ТРПИ МИЛИОНСКИ ШТЕТИ Болеста „африканска чума“ загрижувачка за одгледувачите на свињи appeared first on plusinfo.mk.

– Денеска, полициски службеници од СВР Куманово, постапувајќи по барање на АХВ за непречено спроведување на заклучоци од кризниот штаб на Општина Куманово, за итно нештетно отстранување на мрши од свињи угинати од африканска свинска чума, во село Речица привеле четири лица, затоа што физички нападнале полициски службеници, од кои двајца се повредени. По целосно документирање на случајот против сторителите ќе следуваат соодветни пријави – информираше полицијата.

Од Агенцијата за храна и ветеринарство, вечерва излегоа со соопштение во кое наведуваат дека Агенцијата за храна и ветеринарство (АХВ) нема сознанија зошто се бунат жителите на кумановското село Речица, бидејќи, инспекциските служби на АХВ воопшто немале активности таму.

– Закопувањето на угинатите животни од африканска чума кај свињите и депопулираните свињи од фармата во село Тромеѓа, каде неодамна од оваа болест, од 660 животни угинаа 60 свињи се врши на локација во село Режановце која за оваа намена е одредена од страна на локалната самоуправа, велат од АХВ.

По последниот случај во село Тромеѓа, засега состојбата со болеста во Кумановско е стабилна, односно нема појава на нови жаришта. Во заштитната и зоната под надзор во тек е спроведување на активности за ставање под контрола и ерадикација на болеста.

Општинскиот штаб за заштита и спасување Куманово денеска одржа состанок во просториите на Општината заради појавата на болеста африканска чума кај свињите во општината и донесоа повеќе заклучоци, меѓу нив АХВ да обезбеди заштитни мерки при транспорт на угинатите животни, јавните претпријатија да пружат логистичка поддршка, СВР Куманово да асистира, сите институции да преземат мерки за сузбивање на болеста. Од општината наведуваат дека локациите кои биле посочени од АХВ како соодветни за закоп на угинати и убиени животни согласно нивните важечки правилници, а за кои Општина Куманово доставила барање за мислење до надлежни институции и добила позитивно мислење од Агенција за храна и ветеринарство, да се користат за закоп на угинати животни. Оттаму наведоа дека Куманово, преку службите ќе треба да утврди нови предлог-локации за кои ќе спроведе постапка за утврдување на нови локации за закоп на угинати животни при евентуална појава на друго жариште.

Инаку, вечра АХВ потврди дека во кумановско повторно е регистрирана болеста африканска чума кај свињи. Лабораториските наоди од Факултетот за ветеринарна медицина – Скопје покажаа присуство на болеста африканска чума кај свињите во одгледувалиште во село Тромеѓа. Во ова село и во населбата Карпош е заштитна зона е во радиус од три километри, додека во повеќе села во радиус од десет километри Карабичане, Табановце, Четирице, Горно Коњаре, Долно Коњаре, Речица, Режановце, Лопате, Бедиње, Клечовце, Проевце, Љубодраг, Шупљи Камен, Черкези, Зубовце, Романовце, Бељановце, Доброшане и градот Куманово во Општина Куманово, Старо Нагоричане, Младо Нагоричане и Никуљане во општина Старо Нагоричане, Ваксинце и Опае во Општина Липково е зона под надзор.

Од 27 декември, лани затворен е и добиточниот пазар во Долно Конјаре.

The post 📽 ЖИТЕЛИТЕ НЕ ДАВААТ УГИНАТИТЕ СВИЊИ ДА СЕ ЗАКОПААТ ВО СЕЛОТО Четворица приведени во судир со полицијата кај кумановско Речица appeared first on plusinfo.mk.

Центарот за управување со кризи (ЦУК) информира дека два регионални центра – Делчево и Кавадарци, добиле известувања за заразни болести кај животните (епизотии) за присутната болест Африканска чума.

Регионалниот ЦУК Штип, ја пренесува информацијата од Агенција за храна и ветеринарство (АХВ) дека е донесено Решение за определување на заштитна зона и зона под надзор при потврда на болеста Африканска чума на подрачјето на Општина Делчево, што трае од 30.11.2023 година. Заштитната зона ги вклучува селата Полето, Ветрен, Очипла и Габрово, а и градот Делчево, додека Зоната под надзор ги вклучува селата Киселица, Селник, Драмче, Вратиславци, Илиово, Бигла, Косово Дабје, Чифлик, Звегот, Стамер и Град.

Регионалниот ЦУК Велес, ја пренесува информацијата од Подрачната единица (ПЕ) на Агенција за храна и ветеринарство Кавадарци дека од 13.07.2023 година, на подрачјето на Општина Кавадарци во близина на село Рожден имало помор на диви свињи, а исто така угинати диви свињи имало на повеќе локации во ридско-планинскиот дел, пријавени од ловците. Лабораториски било потврдено дека се работи за болеста Африканска чума.

The post АФРИКАНСКАТА ЧУМА КОСИ ВО ДЕЛЧЕВСКО Прогласена е заштитна зона и зона под надзор appeared first on plusinfo.mk.

Во гаснењето на пожарот ангажирани се 15 пожарникари и четири возила, а од воздух дејствува и полицискиот хеликоптер.

Коцев посочи дека сега се гаси шума. Според негова проценка, зафатени се околу 150 хектари. На терен остануваат до локализирање на пожарот, кој е во атарот на штипското село Пиперово.

Директорот на ЦУК, Стојанче Ангелов информира дека бидејки пожарот е во близина на браната Мантово, хеликоптерот на МВР направи повеќе успешни и прецизни налети.

The post ОГНЕНИТЕ ЈАЗИЦИ ИМ СЕ ЗАКАНУВАА НА СВИЊИТЕ Спасена е фарма од пожар кај штипско Пиперово appeared first on plusinfo.mk.