светско првенство фудбал Archives - plusinfo.mk

ФИФА И ШПАНИЈА ГО ИСЕКОА ТРАМП ОД ФОТОГРАФИИТЕ Белата куќа возврати со свои фотографии

плусинфо — Tue, 21 Jul 2026 09:50:23 +0000

Светската фудбалска федерација (ФИФА) и Фудбалскиот сојуз на Шпанија се најдоа во центарот на глобален скандал откако намерно го отстранија американскиот претседател Доналд Трамп од официјалните фотографии на кои шпанските фудбалери ја слават светската титула.

По победата на Шпанија над Аргентина на стадионот „МетЛајф“, Трамп, кој учествуваше во доделувањето на пехарот, не ја напушти сцената и остана да позира покрај еуфоричните играчи и покрај обидот на претседателот на ФИФА, Џани Инфантино, да го помести од сцената.

Сепак, кога официјалните профили на социјалните мрежи ги објавија победничките кадри, Трамп беше комплетно отсечен од рамката, оставајќи го видлив само работ од неговиот темен костум.

Белата куќа не остана должнa на ова корегирање и веднаш покрена медиумска контра-офанзива против фудбалските организации. Како директен одговор, администрацијата на Трамп објави сопствена серија фотографии од истиот настан, каде што американскиот претседател е поставен во самиот центар на победничката акција на шпанскиот тим. Со овој потег, Вашингтон се обиде да го неутрализира дигиталното „бришење“ и да ја нагласи улогата на претседателот како домаќин на најголемиот спортски настан во светот.

Овој необичен визуелен конфликт ги преплави социјалните мрежи, каде што корисниците дебатираат дали потегот на ФИФА е врвен чин на понижување или пак Белата куќа претерала со обидот за присвојување на туѓ спортски триумф.

The post ФИФА И ШПАНИЈА ГО ИСЕКОА ТРАМП ОД ФОТОГРАФИИТЕ Белата куќа возврати со свои фотографии appeared first on plusinfo.mk.

МОЖЕ ДА МИ ДАДЕ КАКОВ САКА КАРТОН Жените полудеа по „Сребрената лисица“ Славко Винчиќ

плусинфо — Tue, 21 Jul 2026 09:37:00 +0000

Финалето на Светското првенство на стадионот „Метлајф“ донесе врвен фудбал, тензии, продолженија и триумф на Шпанија, но еден човек успеа да го привлече вниманието на пошироката јавност без воопшто да допре топка. Словенечкиот судија Славко Винчиќ, кој ја делеше правдата на најважниот натпревар во светот, преку ноќ стана апсолутен хит и миленик на женската публика.

Додека шпанските медиуми дебатираат за неговите одлуки и поништениот гол во продолженијата, социјалните мрежи горат со коментари за неговиот изглед. Популарната платформа TikTok и мрежата X се преплавени со кратки видеоинсерти од натпреварот во кои во преден план е ставен шармот, сериозниот изглед и авторитетот на 46-годишниот Словенец.

Го доби прекарот „Сребрена лисица“

Женската публика веднаш му го додели ласкавиот епитет „Silver Fox“ (Сребрена лисица), алудирајќи на неговата побелена коса, одлична физичка подготвеност и елеганција со која менаџираше со некои од најголемите фудбалски ѕвезди на денешницата.

Дека Винчиќ целосно ги излуде жените ширум светот, најдобро покажуваат илјадниците коментари под неговите видеа кои за само неколку часа собраа милионски прегледи:

„Не ме интересира кој ќе победи, само кажете ми како се вика судијава и каде можам да најдам негов Инстаграм?!“ – пишува една навивачка на мрежата X.

„Гледав фудбал со дечко ми и одеднаш сфатив дека цело време зјапам во судијата. Човекот изгледа како филмска ѕвезда, каков шарм и авторитет!“ – стои во еден од најпопуларните коментари на TikTok.

„Може да ми даде каков сака картон“, е најпопуларниот коментар.

„Единствената причина поради која ги изгледав сите 120 минути со продолженија. Овој човек е дефиниција за ‘Silver Fox’“, коментира друга обожавателка.

„Како успева да изгледа толку смирено и моќно додека околу него викаат десет фудбалери? Тој не суди, тој доминира на теренот“ – додава друг корисник.

Разочарување за обожавателките: Винчиќ е среќно оженет

За жал на неговите новопечени обожавателки кои масовно почнаа да го пребаруваат неговиот приватен живот, словенечкиот судија е веќе зафатен. Винчиќ со години е во среќен брак и е татко на две деца, вешто чувајќи го својот семеен живот подалеку од очите на јавноста, што за многумина го прави уште помистериозен и попривлечен.

Тој доаѓа од Марибор, на листата на ФИФА е уште од 2010 година, а врвот на својата кариера го доживеа судејќи ги финалињата на големите европски натпреварувања, вклучувајќи ја и престижната Лига на шампиони.

Од тешка животна драма до врвот на светот

Овој ненадеен бран на популарност доаѓа како круна на една исклучително интересна и бурна кариера. По професија инженер по телекомуникации, Винчиќ постепено се пробивал во судискиот свет. Пред шест години, во мај 2020 година, неговото име се најде во центарот на голем скандал во Босна и Херцеговина, кога случајно бил приведен за време на полициска рација поврзана со српска старлета, дрога и оружје.

Винчиќ тогаш брзо бил ослободен без никакви обвиненија, докажувајќи дека се нашол на погрешно место во погрешно време како гостин на деловен ручек. Светската фудбалска федерација (ФИФА) и УЕФА застанаа зад него, по што тој ја врати довербата судејќи го финалето на Лигата на шампионите во 2024 година, за деновиве да го допре и самиот врв со судење на мундијалското финале.

Винчиќ не можеше да ги сокрие солзите кога дозна дека токму нему му е доверено да го суди најважниот натпревар на Мундијалот.

Според проценките на медиумите, главниот судија за финалето ќе заработи околу 60.000 американски долари. Словенечките медиуми наведуваат дека Винчиќ од настапите на Светското првенство 2026 вкупно би можел да инкасира околу 140.000 американски долари, а конечната сума ќе зависи и од бонусите што ги предвидува ФИФА.

The post МОЖЕ ДА МИ ДАДЕ КАКОВ САКА КАРТОН Жените полудеа по „Сребрената лисица“ Славко Винчиќ appeared first on plusinfo.mk.

🎥 КУКУРЕЉА ПОВТОРНО ХИТ Светскиот трофеј го спакува во ќеса за ѓубре!

плусинфо — Mon, 20 Jul 2026 13:05:50 +0000

Шпанскиот репрезентативец Марк Кукуреља уште еднаш се најде во центарот на светското внимание. Додека сите очекуваа највредниот фудбалски пехар да биде третиран со највисоки протоколи, тој заврши во рацете на Кукуреља на најбизарен можен начин.

На социјалните мрежи со брзина на светлината се прошири вирално видео на кое се гледа како фудбалерот мирно чекори кон тимскиот автобус, додека во раката лежерно ниша бела пластична кеса.

JAJAJAJAJA

Cucurella es un genio. pic.twitter.com/Ryn3aU8iAz

— Madrid Sports (@MadridSports_) July 20, 2026

Навивачите веднаш забележаа дека во најобичното парче пластика, кое многумина на прв поглед го помешаа со вреќа за ѓубре, всушност се наоѓа оригиналниот златен трофеј на ФИФА.

Овој неверојатен контраст помеѓу престижниот пехар вреден милиони и евтината амбалажа предизвика вистинска лавина од хумористични коментари и мемиња на глобално ниво.

Иако потегот изгледаше како тотална импровизација и уште еден доказ за неговиот препознатлив хаотичен карактер, медиумите пренесуваат дека се работело за брзо практично решение за заштита на трофејот при транзит низ огромниот метеж пред стадионот.

The post 🎥 КУКУРЕЉА ПОВТОРНО ХИТ Светскиот трофеј го спакува во ќеса за ѓубре! appeared first on plusinfo.mk.

🎥 СРАМЕН КРАЈ ЗА МЕСИ И ЗА АРГЕНТИНА НА СВЕТСКОТО 2026 По свирежот за крај се степаа, а потоа им свртеа грб на победниците

плусинфо — Mon, 20 Jul 2026 10:48:15 +0000

Лионел Меси и неговите соиграчи го имаа можеби најлошото издание на Мундијалот во синоќешното финале и по поразот својот револт поради изгубената титула го покажаа со боксови.

Откако судијата Славко Винчиќ свирна крај на натпреварот, почна вербален конфликт меѓу капитенот на Шпанија Родри и Аргентинецот Науел Молина. По кратката расправија и меѓусебното туркање се гледа како Родри паѓа на земја, додека Молина замавнува кон него.

Во инцидентот беше вклучен и Леандро Паредес, кој го зграпчи за врат шпанскиот играч Ерик Гарсија, а потоа го нападна Гави.

Full scenes after final whistle.@MickyJnr__ pic.twitter.com/ZXCvAFkHwy

— Fabrizio Romano (@FabrizioRomano) July 20, 2026

Иако натпреварот беше завршен Паредес доби црвен картон за неспортско однесување и ќе биде казнет од ФИФА.

Срамното однесување на Аргентинците продолжи и во текот на церемонијата на доделување на медалите. Тие им свртеа грб на шпанските фудбалери во моментот кога го креваа пехарот и ја славеа победата.

ARGENTINA PLAYERS DISGRACED THE WORLD CUP CELEBRATIONS

DURING SPAIN’S TROPHY CEREMONY ALL THR PLAYERS OF ARGENTINA TURNED THEIR BACK TO THE THE SPANISH FLAG AND THEIR CELEBRATION

ARGENTINA REALLY ARE SOREST LOSERS OF ALL TIME pic.twitter.com/ED1GaZdPLp

— Preeti (@MadridPreeti) July 20, 2026

Меси покажа неспортско однесување и кога пред крајот на натпреварот, Шпанецот Кубаси лежеше на тревата по повреда. Кукуреља му се приближи на Меси и ја прекри устата со рака за да му покаже дека на Кубаси му е повредена устата. Меси истрчаа до судиите и проба да им влијае да му дадат црвен картон на Кукуреља зашто прекривање на устата е на листата прекршоци кои се казнуваат со црвен картон. Судијата не го санкционираше Кукуреља, а Меси стана цел на потсмев.

„Дури и кралот на фудбалот покажа подли движења – ова воопшто не му прилега“, пишуваа фанови на Твитер.

И поранешниот британски фудбалер Вејн Руни го осуди неспортскиот потег на Меси.

– Потег направен од очај. Но, Аргентина така игра, знаеме дека го прави тоа. Сите сакаме спортско однесување. Беше тажно да се види Лионел Меси како го прави тоа – рече Руни.

The post 🎥 СРАМЕН КРАЈ ЗА МЕСИ И ЗА АРГЕНТИНА НА СВЕТСКОТО 2026 По свирежот за крај се степаа, а потоа им свртеа грб на победниците appeared first on plusinfo.mk.

МЕСИ ИСКРЕНО ПРИЗНА ДЕКА ШПАНИЈА БЕШЕ ПОДОБРА Тажен е ама благодарен на соиграчите и на фановите

МИА — Mon, 20 Jul 2026 08:25:01 +0000

Капитенот на аргентинската фудбалска репрезентација, Лионел Меси ги искажа впечатоците по поразот (0:1) од Шпанија ноќеска во финалето на Светското првенство 2026.

– Тажен сум, но разбирам дека дадовме сè од себе. Шпанија беше подобра, да бидам искрен. Го загубивме натпреварот и го прифаќаме тоа. Тоа не значи дека ќе заборавиме сè што направивме претходно, па затоа би сакал да им се заблагодарам на моите луѓе, моите играчи и мојата земја – изјави Меси за „АП“.

Триесет и деветгодишниот Меси постигна осум гола и имаше четири асистенции во осум натпревари на Светското првенство во 2026 година.

The post МЕСИ ИСКРЕНО ПРИЗНА ДЕКА ШПАНИЈА БЕШЕ ПОДОБРА Тажен е ама благодарен на соиграчите и на фановите appeared first on plusinfo.mk.

🎥 ШПАНИЈА Е НОВ СВЕТСКИ ШАМПИОН Феран Торес донесе злато по вистинска драма во продолженијата

плусинфо — Sun, 19 Jul 2026 22:17:42 +0000

Шпанската фудбалска репрезентација се искачи на светскиот трон по неверојатно драматичното финале против Аргентина, решено со гол во продолженијата за минимален триумф од 1:0.

Торес за екстаза во 106. минута

Клучниот момент се случи на самиот старт на второто продолжение. По една фантастична акција и прецизен центаршут, Нико Вилијамс со повратна топка маестрално го пронајде Феран Торес. Торес упати вистински проект во мрежата на Аргентина за водство од 1:0 и огромно славење на „црвената фурија“.

Драма, поништени голови и неверојатни промашувања

Натпреварот понуди ретко видено возбудување во дополнителните 30 минути, каде Шпанците постигнаа уште два гола кои беа поништени. Во 93 минута Нико Вилијамс со врвот на копачката ја закачи топката, но Емилијано Мартинез со својата 11. одбрана на мечот спаси чист гол. Во 100 минута Вилијамс ја затресе мрежата, но голот беше поништен поради претходен прекршок на Мерино над Отаменди. Во 112 минута Феран Торес истрча во контранапад и повторно погоди, но судиите сигнализираа офсајд.

View this post on Instagram

A post shared by Telegraf Sport (@telegrafsport)

Тензичен финиш до последната секунда

Аргентина се обидуваше да избори пенали, но Шпанија имаше шанси да стави точка на мечот и да поведе со 2:0. Во 116. минута, Нико Вилијамс излезе сам пред противничкиот гол, но се сплетка во клучниот момент. Веднаш потоа, Лионел Меси во очајнички обид со силен шут го погоди Мерино директно во главата, по што шпанскиот фудбалер остана да лежи на тревата.

Во судиското надополнување од пет минути, Симеоне пропушти златна шанса за израмнување, по што Шпанците ги кренаа рацете високо во знак на нова светска титула.

The post 🎥 ШПАНИЈА Е НОВ СВЕТСКИ ШАМПИОН Феран Торес донесе злато по вистинска драма во продолженијата appeared first on plusinfo.mk.

🎥 ЃОКОВИЌ НА СТАДИОНОТ ВО ЊУ ЏЕРСИ Навива за Аргентина

плусинфо — Sun, 19 Jul 2026 21:47:10 +0000

Novak Djokovic has arrived at the World Cup final.

Djokovic: “I’m rooting for Messi and Argentina.”

pic.twitter.com/Sm6nsgwzJx

— Danny (@DjokovicFan_) July 19, 2026

The post 🎥 ЃОКОВИЌ НА СТАДИОНОТ ВО ЊУ ЏЕРСИ Навива за Аргентина appeared first on plusinfo.mk.

🎥 АРГЕНТИНЦИТЕ ПОВЕЌЕ СЕ ТЕПААТ ОТКОЛКУ ШТО ИГРААТ ФУДБАЛ, ШПАНИЈА НЕ УСПЕА ДА ПОВЕДЕ Финалето оди во продолженија

плусинфо — Sun, 19 Jul 2026 21:25:36 +0000

И по вторите 45 минути од големото финале на Светското првенство, мрежите на стадионот „Метлајф“ мируваат. Второто полувреме понуди неверојатна тензија, жестоки стартови од страна на Аргентинците кои повеќе се тепаа отколку што играа фудбал, црвен картон и тотална офанзива на Шпанија, но „гаучосите“ некако успеаја да изборат продолженија.

Arjantin 10 kişi. (Enzo Fernandez) pic.twitter.com/IjPyy509Zo

— Golazzo TV (@golazzotivi) July 19, 2026

Јамал не погоди од слободниот удар.

Тензија, тепачка на теренот и спас за Паредес

Вториот дел започна со тактички измени на Лионел Скалони, кој веднаш го внесе Леандро Паредес на местото на Нико Гонзалес. Токму Паредес во 52-рата минута го запали фитилот на теренот кога грубо го удри Родри без топка. По настанатиот општ конфликт меѓу фудбалерите, Паредес го турна и Дани Олмо, но за среќа на Аргентина, словенечкиот судија му покажа само жолт картон.

Острите стартови на актуелниот светски шампион продолжија, што резултираше со катастрофа во самиот финиш. Енцо Фернандез заработи втор жолт картон по исклучително груб старт над младиот Пау Кубарси на средината од теренот, оставајќи ја Аргентина со десетмина во финишот.

Фернандез е првиот исклучен играч во финале на Мундијалите по 16 години. Последен кој добил црвен картон е Џон Хајтинга, и тоа токму против Шпанија, во 2010 година.

Пропуштени шанси на Шпанија

Шпанија целосно доминираше и создаваше шанси, но Емилијано „Дибу“ Мартинез повторно беше херој. На самиот старт на полувремето во 47-мата минута го одбрани шутот на Алекс Баена, а подоцна едвај го сопре и обидот на Олмо.

Најголемото промашување се случи во 68-мата минута. Младиот Ламин Јамал испрати перфектен центаршут, а резервистот Феран Торес се најде сам во казнениот простор, но биеше со глава директно во рацете на Мартинез. Во 76-тата минута се обиде и Педри по влегувањето во игра, а последната прилика во 90-тата минута ја пропушти Родри, кој шутираше силно, но над пречката.

Податок недостоен за светски првак

Дека Аргентина беше целосно безопасна и фокусирана само на дефанзива и прекини, покажа шокантниот статистички податок од 64-тата минута. Имено, по повеќе од еден час игра, „гаучосите“ немаа упатено ниту еден единствен удар кон голот на Шпанија – ниту во рамките, ниту надвор од него.

По четирите минути судиско продолжение, резултатот остана непроменет, па двата тима влегуваат во продолженија од двапати по 15 минути во битката за светскиот трон.

The post 🎥 АРГЕНТИНЦИТЕ ПОВЕЌЕ СЕ ТЕПААТ ОТКОЛКУ ШТО ИГРААТ ФУДБАЛ, ШПАНИЈА НЕ УСПЕА ДА ПОВЕДЕ Финалето оди во продолженија appeared first on plusinfo.mk.

МРАЧНАТА ТАЈНА НА ПАРКИНГОТ ОД СТАДИОНОТ КАДЕ СЕ ИГРА ФИНАЛЕТО Возилата по кои никој не се врати

плусинфо — Sun, 19 Jul 2026 20:23:57 +0000

Стадионот „Метлајф“ (MetLife) во Њу Џерси крие една мрачна тајна поврзана со нападите на 11 септември 2001 година.

Домот на Џетс и Џајантс е едно од историските зданија на американскиот НФЛ (NFL) шампионат, но воедно е и местото каде што е направена една од најужасните фотографии во поновата историја.

За што станува збор?

Кога на 11 септември 2001 година припадниците на терористичката организација Ал Каеда киднапираа авиони и со нив ги урнаа кулите близначки на Светскиот трговски центар во Менхетен, животот го загубија 2.753 лица. Меѓу нив имаше и голем број луѓе кои пристигнаа во Долен Менхетен од Њу Џерси.

Бидејќи во Њујорк е неспоредливо побрзо да се оди низ центарот на градот со јавен превоз, ништо поразлично не беше ниту тој ден, па паркингот на стадионот на Џајантс и тогаш беше полн. Следуваа часови кои ги следеше целиот свет, во кои прво паднаа близначките, а потоа и зградата број седум.

Ситуацијата во наредните денови, откако подрачјето околу Светскиот трговски центар беше исчистено, колку-толку се смири, кога беше забележана една од најтрогателните фотографии настанати по нападот во Њујорк. Од тој ден повеќе десетици возила останаа на тоа место бидејќи немаше кој да се врати по нив.

И таму стоеја неколку недели.

– Да поминуваш секој ден покрај нив, да ги гледаш овие автомобили и да знаеш дека тие луѓе загинаа е ужасно чувство – изјави првиот човек на Џајантс, Џон Мара.

А приказната за тоа што се случи со тоа место дополнително додава тежина на целата сторија. Девет години по терористичкиот напад ова здание беше заменето со ново кое беше наречено „Метлајф“ (MetLife), а кое е изградено практично на местото каде што некогаш се наоѓаше паркингот.

На стадионот во Њу Џерси се одиграа осум натпревари — пет во групната фаза (почнувајќи од дуелот меѓу Бразил и Мароко на 13 јуни), потоа два во нокаут фазата, и на крајот финалето.

Џетс (New York Jets) и Џајантс (New York Giants) се две исклучително популарни и професионални екипи во американски фудбал кои се натпреваруваат во најсилната светска лига – NFL (National Football League).

Иако и двата тима во своето име го носат градот Њујорк, тие веќе со децении ги играат своите домашни натпревари на стадионот Метлајф кој се наоѓа во соседната сојузна држава, Њу Џерси.

The post МРАЧНАТА ТАЈНА НА ПАРКИНГОТ ОД СТАДИОНОТ КАДЕ СЕ ИГРА ФИНАЛЕТО Возилата по кои никој не се врати appeared first on plusinfo.mk.

ШПАНИЈА ДОМИНИРА, АРГЕНТИНА БЕЗ ИДЕЈА ВО ПРВОТО ПОЛУВРЕМЕ Заминаа на пауза со резултат 0:0

плусинфо — Sun, 19 Jul 2026 20:08:29 +0000

Во воведните 45 минути од големото финале на Светското првенство во фудбал 2026 на стадионот во Њујорк/Њу Џерси, репрезентациите на Шпанија и Аргентина заминаа на пауза со почетните 0-0. Иако мрежите мируваат, „црвената фурија“ целосно ја диктираше играта со над 60% посед на топката, додека актуелниот светски шампион изгледаше целосно отсечено и безидејно во нападот.

Словенечкиот судија и шансата на Ојарзабал

Натпреварот започна со силен притисок на Шпанците кои постојано ја загрозуваа противничката одбрана. Најсериозната прилика во првиот дел се случи во 39-тата минута кога Микел Ојарзабал упати опасен удар од работ на казнениот простор. Сепак, аргентинскиот голман Емилијано Мартинез со вешта реакција успеа да го прочита неговиот шут и да спречи водство на Шпанија.

Во центарот на вниманието се најде и словенечкиот судија Славко Винчиќ, кој цврсто го водеше натпреварот и во 41-вата минута го покажа првиот жолт картон за да ги смири тензиите на теренот. Кратко потоа, Марк Кукуреља исто така се обиде со удар од далечина, но топката заврши надвор од рамките на голот.

Меси изолиран, голем хендикеп за „гаучосите“

Најголемиот проблем за Аргентина во првото полувреме беше изолацијата на нивниот капитен. Лионел Меси беше целосно отсечен од средниот ред и ја прими топката едвај двапати во првите триесет минути од средбата. Селекцијата на Лионел Скалони главно се бранеше и неуспешно се обидуваше да организира брзи контранапади преку Хулијан Алварез.

Дополнителен шок за Јужноамериканците се случи пред самиот крај на полувремето во 44-тата минута, кога столбот на одбраната, Лисандро Мартинез, заработи повреда поради која мораше предвреме да го напушти теренот. На негово место во игра влезе искусниот ветеран Николас Отаменди.

Трамп и Инфатино зад безбедносно стакло

Претседателот на Светската фудбалска федерација (ФИФА), Џани Инфантино и американскиот претседател Доналд Трамп заедно го следат финалето. Трамп дојде на стадионот во Њу Џерси со хеликоптер. Тие седат зад безбедносно стакло.

– Aмериканскиот сон се оствари, го обединивме светот во Америка. Ова Светско првенство немаше да биде толку успешно без вас. Ова не е само најголемото Светско првенство во историјата, туку и најголемиот социо-културен настан во човечката историја – му рече претседателот на ФИФА на Трамп неколку дена пред финалето.

За време на паузата се одвива шоу на кое настапуваат Мадона, Шакира…

Donald Trump watching the game protected by a bullet-proof glass. pic.twitter.com/LGIxn9AvC9

— BarçaTimes (@BarcaTimes) July 19, 2026

The post ШПАНИЈА ДОМИНИРА, АРГЕНТИНА БЕЗ ИДЕЈА ВО ПРВОТО ПОЛУВРЕМЕ Заминаа на пауза со резултат 0:0 appeared first on plusinfo.mk.