Светското клупско првенство, кое се одржа овој месец и последно во неколку американски градови, привлече огромно внимание уште пред да започне, поради невидениот број учесници (32) и наградниот фонд (две милијарди евра), а потоа и бројните настани на и надвор од теренот за време на самиот турнир.

Неколку дена по убедливиот триумф на Челзи над актуелниот европски шампион Пари Сен Жермен, во финалето во Њујорк, пристигна уште една, благо речено, контроверзна информација за трофејот доделен на „сините“ од Лондон. Според информациите фудбалерите не ја добиле првата верзија, туку копија, бидејќи оригиналот завршил во рацете на американскиот претседател Доналд Трамп.

Приказната започнува пред почетокот на самиот турнир, кога претседателот на ФИФА, Џани Инфантино го донел пехарот во Белата куќа. Тој бил изложен во Овалната соба, кадешто на изнадување на многумина, останал таму.

– Ги прашав: „Кога ќе го подигнете трофејот?“ Ми рекоа: „Никогаш нема да го подигнеме. Може да остане во Овалната соба засекогаш. Правиме нов“. И навистина направија нов. Тоа беше возбудливо, а сега е тука, во Овалната соба – објаснува првиот човек на Соединетите Американски Држави што се случило за време на посетата на претседателот на Меѓународната фудбалска федерација Џани Инфантино.

President Donald J. Trump and First Lady Melania Trump joined FIFA President Gianni Infantino at MetLife Stadium for the @FIFACWC Final! pic.twitter.com/FBW2zMqwxN

— The White House (@WhiteHouse) July 14, 2025

Патем, посебниот третман и (или) потребата на Трамп за експонирање отишле дотаму што, спротивно на традицијата, тој останал на сцената во моментот кога трофејот му бил предаден на тимот на Челзи и им се придружил во прославата на големиот успех.

Според информациите на медиумите, трофејот што го доби Челси како победник на турнирот е идентичен со оној што сега се наоѓа во канцеларијата на Трамп, без никакви разлики во изгледот и квалитетот. Претходно беше објавено дека вредноста на трофејот е 230.000 долари и во него има 24 каратно злато, а кој е изработен од познатиот производител на накит Тифани.

ЈА УНИШТИ ПРОСЛАВАТА НА ЧЕЛЗИ Трамп не сакаше да слезе од бината откако го додели пехарот

The post 📽️ ТРАМП ИМ ЈА „УКРАДЕ“ ПРОСЛАВАТА, НО И ПЕХАРОТ Челзи си замина дома со копија од трофејот од Светското клупско првенство appeared first on plusinfo.mk.

По 13 години слава, титули и магија на „Сантијаго Бернабеу“, Лука Модриќ го одигра својот последен натпревар за Реал Мадрид. Полуфиналниот пораз од ПСЖ на Светското клупско првенство (4:0) беше негов 597-ми и воедно последен настап во дресот на „кралевите“. Со вкупно 28 освоени трофеи, тој заминува како најтрофејниот фудбалер во историјата на клубот.

Но, приказната не заврши само со трофеи и статистика. Камерите на „Ел Чирингито“ забележаа сцена по враќањето во Мадрид, која предизвика бура реакции. На Хрватот му приоѓа до еден соиграч, Лука го прегрнува и му го предава дресот. Таа слика ја испрати пораката која зборува повеќе од илјада зборови.

„Ова не беше обично збогување. Тоа беше избор. Симболично предавање на штафетата. Лука Модриќ не случајно го избра токму него“, пишуваат шпанските медиуми.

Тој не одржа прес-конференција, не даде изјава. Но, сите знаци водат кон тоа дека Хрватот сакал јасно да покаже кому му ја препушта „десетката“ – позицијата на креатор, лидер, диригент во средниот ред на Реал.

Ако некогаш се прашувавме кој е идниот столб на „кралевите“, по овој чин дилемата е речиси отстранета. Последниот гест на Модриќ се однесувал на Арда Ѓулер, турскиот бисер кој оваа сезона блескаше со талент, зрелост и визија.

Со само 20 години, трансфер вредност од 45 милиони евра, 61 натпревар, 12 гола и 11 асистенции зад себе, Ѓулер веќе ги освојува срцата на фановите. Но сега, доби и нешто многу повредно – неофицијалниот благослов од легендата на клубот.

@iHQGuler pic.twitter.com/Pb3mefw73Z

— @iHQGuler (@Ard1Gu1er) July 11, 2025

The post 📽️ МОДРИЌ ГО ОСТАВА РЕАЛ ВО СИГУРНИ РАЦЕ Хрватот со еден гест го одбра својот наследник на „Бернабеу“ appeared first on plusinfo.mk.

Актуелниот европски шампион Пари Сен Жермен го декласираше Реал Мадрид со 4-0 во второто полуфинале од Светското клупско првенство, кое годинава се одржува во Соединетите Американски Држави. Победата на ПСЖ значи финале против Челзи, кој претходно го совлада бразилски Флуминенсе.

Натпреварот во Лос Анџелес ќе остане запаметен како последен за хрватскиот ас Лука Модриќ во дресот на Реал Мадрид. Емоционален крај за легендата на „кралскиот клуб“, кој доби аплаузи и од навивачите на ПСЖ.

„Ова беше повеќе од фудбал, симболичен крај на една ера. Модриќ заслужува само респект“, гласеа коментарите на социјалните мрежи по натпреварот.

Фабијан Руиз беше херојот на натпреварот со два гола во 6. и 24 минута, додека Дембеле во 9 и Рамос во 88 минута го довршија уништениот тим на Чаби Алонсо.

Челзи своето место во финалето го обезбеди ден порано, со сигурна победа од 2-0 против Флуминенсе, благодарение на двата гола на Жоао Педро.

Финалниот натпревар меѓу ПСЖ и Челзи ќе се игра во недела (13 јули) со почеток во 21:00 часот по средноевропско време, а победникот ќе го освои официјалниот трофеј на најдобриот клупски тим во светот.

The post ПСЖ И ЧЕЛЗИ ВО ФИНАЛЕ НА СВЕТСКОТО КЛУПСКО ПРВЕНСТВО Лука Модриќ со солзи го заврши последниот натпревар за Реал Мадрид appeared first on plusinfo.mk.

Менаџерот на Манчестер Сити, Пеп Гвардиола, со загриженост зборува за згуснатиот календар и влијанието на Светското клупско првенство врз неговиот тим. Според него, играчите се веќе исцрпени, а ситуацијата би можела да се влоши пред стартот на новата сезона во Премиер лигата.

Сити ја заврши домашната сезона на 25 мај, а новиот натпреварувачки предизвик го почна само три недели подоцна – на 18 јуни во САД. Ако тимот стигне до финалето на 13 јули, ќе имаат само еден месец подготовка пред почетокот на Премиер лигата на 16 август.

– Можам да кажам, слушајте, ние сме катастрофа. Исцрпени сме. Светското клупско првенство нè уништи. Не знам, ова се случува првпат во нашите животи. Ќе видиме – изјави Гвардиола, коментирајќи ја ситуацијата.

Тој се осврна и на ставовите на Јирген Клоп, кој ја критикуваше одлуката за проширување на турнирот на 32 екипи и неговото одржување секои четири години во предсезонскиот период.

– Јирген, се расправавме многу пати… особено кога одевме на состаноци на УЕФА или кога дискутиравме за календарот на Премиер лигата, за тоа како да додадеме поголем квалитет со тоа што ќе им дадеме повеќе одмор на менаџерите и играчите. Затоа неговите коментари не ме изненадија многу… Ги разбирам неговите аргументи затоа што размислувам на ист начин – заклучи Гвардиола.

Граѓаните вечерва играат против Ал-Хилал во Орландо, во осминафиналето од Светското клупско првенство.

The post „КАТАСТРОФА СМЕ ВО СИТИ, СВЕТСКОТО НÈ ИСЦРПИ“ Клубот нема време да одмори пред Премиер лигата appeared first on plusinfo.mk.

Реал Мадрид синоќа во Рабат го победи саудиски Ал-Хилал со 5:3 во финалето на Светското клупско првенство.

Како дел од мадридскиот тим, напаѓачот Винисиус и играчот од средниот ред Федерико Валверде забележаа по два гола, а еден гол постигна Карим Бензема.

За Ал-Хилал два пати погоди Лучијано Вието, а еднаш во листата на стрелци се запиша Муса Марега.

Шпанскиот фудбалски гигант го освои Светското клупско првенство по петти пат во својата историја, што е рекорд во натпреварувањето.

Претходно Реал до трофејот дојде во 2014, 2016, 2017 и во 2018 година.

Тренерот на „Кралевите“ Карло Анчелоти по трет пат во кариерата го освои светското клупско првенство. Тоа го направи два пати со Реал Мадрид и еднаш со Милан.

The post РЕАЛ МАДРИД ПО 5. ПАТ ГО ОСВОИ СВЕТСКОТО ПРВЕНСТВО Историски успех и рекорд на шпанскиот клуб appeared first on plusinfo.mk.