Хрватскиот премиер Андреј Пленковиќ денеска изјави дека светот е на почетокот на она што е веројатно „најголема енергетска криза која ја памети нашата генерација“. Тој им рече на новинарите дека владата на земјата ќе ги искористи сите алатки што ѝ се на располагање за да ја ублажи таа состојба, пишува Индекс.

Пленковиќ, исто така, оцени дека енергетската криза предизвикана од војната може да потрае, со оглед на тоа што ситуацијата ескалирала со нападот на Израел врз нафтеното поле Јужен Парс и одмаздата на Иран против енергетските објекти низ Заливот.

– Доколку полиња и рафинерии бидат погодени, тогаш времето потребно за враќање во состојбата на нормализација ќе потрае подолго. Затоа таа проценка на Меѓународната агенција за енергија е многу сериозна.

Премиерот на Хрватска исто така верува дека енергетската криза ќе биде поизразена од онаа пред четири години, имено онаа предизвикана од агресијата на Русија врз Украина, и посочи дека ова е ненадејно и големо зголемување на цените на енергенсите што нужно бара владини мерки.

The post НАЈГОЛЕМАТА КРИЗА ШТО ЈА ПАМЕТИ НАШАТА ГЕНЕРАЦИЈА Пленковиќ со црна прогноза, најави мерки за ублажување appeared first on plusinfo.mk.

И официјално, Кина, а на САД е најбогатата земја во светот, тврди новиот извештај на McKinsey & Co., тврди порталот Блумберг. Вредноста на Кина пораснала од 7 на дури 120 трилиони долари во последните 20 години и со тоа им ја одзеде титулата на Соединетите Американски Држави кои вредат околу 90 трилиони, пишува ИФЛ Наука. Сепак и во двете земји, богатството е во рацете на само 10 отсто од најбогатите жители.

Истовремено, како што Кина растела за да се искачува на списокот со неа се зголемила и бројката на вкупната вредност на светското богатство, кое „скокнало“ од 156 на 514 трилиони долари во истиот период.

Се смета дека економскиот пораст на Кина се забрза откако таа стана членка на Светската трговска организација (СТО), меѓувладина организација која ја регулира трговијата меѓу нациите. Земјите имаат корист од членството бидејќи СТО им помага да ги постават правилата со кои ќе тргуваат со остатокот од светот.

Како и да е, напредокот на Кина може и да забави и да ѝ се случи нешто налик на економската криза во САД во 2008 година, сметаат некои експерти. Тогашната криза во САД ја предизвика падот на станбената економија, а зголемувањето на цените на недвижностите во Кина, кои засега го стимулираат нејзиниот раст, може да навестува и вакво нешто. Да се потсетиме, кризата во САД во 2008 година потоа стана глобална економска катастрофа.

The post КИНА И ОФИЦИЈАЛНО Е НАЈБОГАТА ЗЕМЈА ВО СВЕТОТ Ѝ бега на Америка со 30 трилиони долари appeared first on plusinfo.mk.