Поради одрон, утрово од 06:30 часот сообраќајот на патниот правец Р1301 Охрид – Св. Наум, на делницата меѓу селото Трпејца и Св. Наум, се одвива по една коловозна лента, соопшти Автомото сојузот на Македонија.

Од АМСМ апелираат до учесниците во сообраќајот да управуваат внимателно со возилата сè до целосно расчистување на одронот и нормализирање на сообраќајот.

The post ОДРОН НА ПАТОТ ОХРИД – СВЕТИ НАУМ Сообраќајот се одвива по една коловозна лента appeared first on plusinfo.mk.

Од ноќеска по 3 часот непрооден е дел од патниот правец Охрид-Свети Наум, во близина на стовариште „Митко“, каде на десната коловозна лента во правец на Охрид, има околу 100 метри вода длабока до 30 сантиметри. Сообраќајот се пренасочува по левата коловозна лента, а за проблемот е известено Јавното претпријатие Македонија Пат, информира АМСМ.

Според извештајот на АМСМ, сообраќајот на другите државни патишта се одвива непречено, по влажни коловози.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

АМСМ известува за одрони на патот Делчево – Македонска Каменица. Според информации од возачи, поголеми одрони се забележани по селото Очипала, во близина на месноста Баткова Чешма, каде на патот има поголемо количество земја и камења.

Поситни одрони има на повеќе делници долж овој патен правец, поради што сообраќајот се одвива отежнато и со зголемено внимание. Колската површина е влажна, а видливоста намалена, што дополнително го отежнува возењето.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ потсетува дека од 15 ноември започна законската обврска за задолжително поседување зимска опрема во возилата, без оглед на моменталната временска состојба.

The post ПОПЛАВЕН ДЕЛ ОД ПАТОТ ОХРИД СВЕТИ-НАУМ, ИМА ДО 30 САНТИМЕТРИ ВОДА Поголеми одрони на патот Делчево-Македонска Каменица appeared first on plusinfo.mk.

Пограничната полиција од Корча вчера извела спасувачка акција со која му помогнала на македонски параглајдерист, кого ненадејното силно невреме го однело на албанска територија. Параглајдеристот бил локализиран и извлечен во добра здравствена состојба, информира Дирекцијата за миграција и граница од Корча.

Според соопштението, веднаш по дојава од капетанијата во Свети Наум, дека параглајдерист полетал од македонска страна и поради силни ветрови завршил во близина на селото Аларуп, Поградец, службите на Локалната дирекција брзо реагирале. Тие се упатиле на терен, го пронашле параглајдеристот и воспоставиле контакт со него.

Идентификуван како В.П., параглајдеристот бил во стабилна здравствена состојба. По акцијата, тој бил префрлен до граничниот премин Тушемиште и безбедно вратен на македонска територија.

Параглајдеристот изразил благодарност за навремената интервенција и професионалниот пристап на албанските полициски служби.

„Граничната полиција останува максимално ангажирана во служба на граѓаните, посетителите и туристите, и ги повикува сите во потреба да се јават на бесплатниот број 112“, наведуваат од Дирекцијата за миграција и граница во Корча.

The post СИЛЕН ВЕТЕР ОДНЕСЕ ПАРАГЛАЈДЕРИСТ ВО АЛБАНИЈА Македонец спасен од албанската полиција appeared first on plusinfo.mk.

Во манастирскиот комплекс „Свети Наум“ на Охридското Езеро вечерва по повод празникот посветен на Свети Наум Охридски Чудотворец ќе се служи Празнична вечерна богослужба. Богослужбата ќе започне во 19 часот, а утре од 9 часот ќе се служи Света архиерејска литургија со која ќе чиноначалствува митрополитот Европски Пимен.

Култот на Свети Наум е мошне силен кај охридските верници, кои секоја година на празникот во манастирскиот комплекс доаѓаат во голем број, да се помолат за своето и за здравјето на нивните најблиски, бидејќи се верува дека Свети Наум Охридски имал чудесна моќ на излекување и дека бил голем исцелител. Покрај православни верници на празникот на светецот бројни се и гости од странство, како и граѓани од другите вероисповести кои го почитуваат делото на Свети Наум Охридски.

Манастирскиот комплекс „Свети Наум“ се наоѓа на триесетина километри јужно од Охрид, на најјужната точка на Охридското Езеро. Главната црква во комплексот е изградена на високиот стрмен брег, во непосредна близина на изворите на Црн Дрим.

Светиот просветител Наум ја избрал оваа тивка и благородна околина за свое живеалиште, место од каде што ја развил племенитата мисија за просветување на човекот. Тука е и неговиот гроб, сместен во југоисточниот дел од нартексот.

По повод празникот бродовите „Александрија 1 и 2“ и вечерва за Свети Наум ќе пловат по намалени цени, повратен билет ќе чини 300 денари. Поаѓањето е од 19 часот, а билетите можат да се купат преку целиот ден на Градското пристаниште

The post ДЕНЕСКА СИТЕ ПАТИШТА ВОДАТ КОН МАНАСТИРОТ „СВЕТИ НАУМ“ ВО ОХРИД Бродовите ќе пренесуваат патници за половина цена appeared first on plusinfo.mk.

Денеска, овде од брегот на Охридското Езеро, испраќаме силна и јасна порака: Македонија се гради, порача премиерот Христијан Мицкоски на пуштањето во употреба на реконструираниот патен правец Охрид (Коњско) – Св. Наум.

– Го пуштаме во употреба реконструираниот регионален пат од Охрид до Св. Наум – пат кој беше заборавен. Пат кој го заслужуваше Охрид, го заслужуваа граѓаните, туристите. И сега, конечно, го добиваме. Со инвестиција од 11,7 милиони евра, реконструиравме 24,3 километри современ магистрален пат. Реконструкцијата опфати целосна санација на коловозот, поставување нова сигнализација, безбедносни огради и проширување каде што теренот дозволуваше. Направени се и заштитни интервенции на ризичните косини – и сето тоа е со една цел: безбедност, сигурност и долготрајност – порача премиерот.

Во продолжение, погледнете како изгледа реконструираниот пат Охрид-Свети Наум:

The post 🎥 ВАКА ИЗГЛЕДА НОВИОТ ПАТ ОХРИД-СВЕТИ НАУМ Нов асфалт, нови огради и проширувања на коловозот appeared first on plusinfo.mk.

Ова денеска не е само пуштање на пат, туку е уште една потврда за определбата на Владата: да се гради без многу врева, без партиски и бизнис спектакли, со план, со јасна визија и со многу работа, изјави премиерот Христијан Мицкоски на пуштањето во употреба на реконструираниот патен правец Охрид (Коњско) – Св. Наум.

– Во моментов, паралелно се градат неколку клучни патни правци. Автопатот Кичево-Охрид силно се забрзува, делниците Тетово-Гостивар и Гостивар-Букојчани се активни, а се работи и на подготовка на делницата за градба на потегот Букојчани-Кичево. Тоа значи дека целосно го затвораме автопатниот прстен во Западна Македонија. Нашата стратегија е јасна. Инфраструктурата не е трошок, таа е инвестиција во иднината на државата. Инфраструктурата ги отвора вратите за туризам, за економија, за нови работни места, за живот со достоинство – изјави Мицкоски.

Овој пат што денеска го пуштаме во употреба, додаде премиерот, нѐ поврзува со еден од најголемите духовни и туристички центри на Балканот, а тоа е манастирскиот комплекс Свети Наум.

– Охрид полека го добива ликот на посакувана и пристапна европска дестинација. Го поврзуваме со светот со нови авио линии, а со обновените патишта овозможуваме да дише слободно и да се развива како што му прилега. Граѓаните гледаат резултати. Додека некои зборуваа и ветуваа, ние изградивме патишта и доверба. Не пуштаме само пат, туку патека кон иднината. Охрид заслужува. Македонија заслужува – порача Мицкоски.

The post ЌУТЕНКАТА, БЕЗ МНОГУ ВРЕВА, ТУКУ СО МНОГУ РАБОТА Пуштен е во употреба новиот пат Охрид-Свети Наум appeared first on plusinfo.mk.

Турски турист починал во автобус на пат кон туристичкиот комплекс „Свети Наум“, вчера, соопшти полицијата.

Во СВР Охрид било пријавено дека во автобус кој превезувал група туристи од Република Турција кон „Св.Наум“, починал турскиот државјанин И.Х.(64).

Смрт без траги на насилство констатирал лекар од Итна медицинска помош, а увид на местото изврши екипа од СВР Охрид. По насоки на јавен обвинител, телото на починатиот е предадено на погребално претпријатие.

The post ТУРСКИ ТУРИСТ ПОЧИНАЛ НА ПАТ КОН „СВЕТИ НАУМ“ Телото е предадено на погребално претпријатие appeared first on plusinfo.mk.

Увид на местото на настанот е во тек, за утврдување на околностите за настапувањето на смртта.

The post АЛБАНСКИ ДРЖАВЈАНИН СЕ УДАВИЛ БЛИЗУ СВЕТИ НАУМ Во тек е увид на местото на инцидентот appeared first on plusinfo.mk.

Токму овој споменик се најде на насловната страница на новиот број од меѓународното научно списание Studia Mythologica Slavica, во издание на Научно-истражувачкиот центар на Словенечката академија на науките и уметностите. Списанието третира теми од религиското наследство на словенските и останатите европски народи, а на камениот споменик од Свети Наум е посветен првиот труд од новиот број – на дури 79 страници!

Трудот е напишан од страна на Никос Чаусидис и Игор Ефтимовски, едниот професор по археологија на Филозофскиот факултет во Скопје, а другиот негов докторант. Во текот на рецензентскиот процес, уредничкиот одбор на списанието, составен од еминенти светски научници од соодветната област, одлучил дека споменикот е доволно важен, а трудот стручно напишан, што треба да се најде на насловната страница на новиот број.

Според содржината на објавениот труд, споменикот бил откриен случајно при реконструктивни градежни зафати на манастирските конаци, секундардно вграден во некој од нив. Оттогаш, тој се наоѓа во дворот на манасторот, привлекувајќи ги посетителите, како и авторите на трудот, со својот уникатен изглед.

Научниот труд го претставува и го анализира овој споменик од различни перспективи, вклучувајќи ја неговата иконографија, функција и значење. Според неговите стилски особености, разгледани се повеќе можности за негова датација од предисторискиот, античкиот, раносредновековниот или нововековниот период – дилема што го наметнува неговото вонконтекстуално откритие. Меѓутоа, се чини дека неговата оригинална функција била поизвесна: како религиски идол посветен на некое паганско божество, но евентуално инкорпориран и реинтерпретиран во христијанскиот контекст на манастирот.

The post МИСТЕРИОЗЕН СПОМЕНИК ОД СВЕТИ НАУМ ГО ПРИВЛЕЧЕ ВНИМАНИЕТО НА МЕЃУНАРОДНАТА НАУЧНА ЈАВНОСТ Откриен случајно, ги збунува и ги плени посетителитe appeared first on plusinfo.mk.

Свети Наум потекнува од богати и побожни родители. Поради љубовта кон христијанството се откажал од наследството и се замонашил. Тој бил најмладиот ученик на светите солунски браќа Кирил и Методиј Македонците. Со нив, тој учествувал во Моравската мисија, го ширел христијанството и во Панонија, Девол, Илирик и други краишта.

По завршувањето на Моравската мисија заминал во Првото Бугарско Царство, каде го поминал остатокот од својот живот. Првично Свети Наум живеел во престолнината Велики Преслав, каде се приклучил во работата на Преславската книжевна школа. Подоцна Свети Наум заминал во Охрид, каде му се приклучил на Свети Климент во работата на Охридската книжевна школа.

Свети Наум бил еден од основачите на Преславската книжевна школа, каде бил учител од 886-та до 893-та година. Како еден од најдаровитите ученици на светите солунски браќа Кирил и Методиј Македонците, во 893-та година, кога Климент бил назначен од бугарскиот цар Борис I за словенски епископ во Дремвица и Велика, на неговото учителско место во Кутмичевица бил назначен Свети Наум Охридски, кој раководел со Охридската книжевна школа во текот на седум години. Во 900-та година се повлекол во манастирот посветен на Свети Архангел Михаил. Во манастирот, Свети Наум собрал големо монашко братство.

Се занимавал со литературна дејност, но неговите текстови сè уште не се идентификувани. Од двете кратки житија, напишани на македонски јазик, се гледа дека бил голем учител, просветител, кој се разбира во народната медицина и толерантно ги водел црковните работи. На Свети Наум Охридски му се припишуваат делата: „Канонот за апостолот Андреј“ и „Канонот за пренесување на моштите на Јован Златоуст“.

The post НАЈМЛАДИОТ УЧЕНИК НА СОЛУНСКИТЕ БРАЌА На денешен ден бил роден Свети Наум, основоположник на македонската писменост appeared first on plusinfo.mk.