Во Украина почна да функционира механизам за ликвидација на канонската Украинска православна црква (УПЦ). Во земјата стапи во сила законска одредба која ефикасно дозволува канонската Украинска православна црква да биде лишена од нејзиниот правен статус, а со тоа и од нејзиниот имот.

Не станува збор само за забраната. Со овој закон, свештениците на УПЦ сега може масовно да бидат иселени од црквите, манастирите и земјишните парцели. Официјалната причина е „поврзаност со држава агресор“.

Ривалската црква на УПЦ, Православната црква на Украина (ПЦУ) е формирана во декември 2018 година со поддршка на украинската држава и Вселенската патријаршија од Цариград, која ѝ додели автокефалност (црковна независност) во јануари 2019 година.

Овој потег беше директен одговор на долготрајните тензии во Украина, каде што канонската Украинска православна црква (УПЦ), формално под јурисдикција на Московската патријаршија, се доживуваше како инструмент на руско политичко и духовно влијание.

Оттогаш, двете цркви се во жесток конфликт, ПЦУ има државна поддршка и се стреми да го преземе верското лидерство во земјата, додека УПЦ се обидува да го задржи својот канонски статус и имот, притоа негирајќи политичка поврзаност со Москва.

The post КИЕВ ЌЕ ИСЕЛУВА СВЕШТЕНИЦИ ПОРАДИ „ВРСКИ СО АГРЕСОРОТ“ Со нов закон се дозволува ликвидирање на Украинската православна црква appeared first on plusinfo.mk.

Вчера папата се сретна со кралот Филип и кралицата Матилда во белгиската Кралска палата во Лакен, при што во обраќање до нацијата ја осуди долгогодишната појава на сексуална злоупотреба на малолетници од страна на свештеници на Католичката црквата.

Понтифот нагласи дека Црквата „мора да се засрами и да побара прошка“ за сексуалното насилство извршено од страна на свештеници.

– Црквата мора да се засрами и да бара прошка и да бара начини да се реши оваа ситуација со христијанска сомилост и да направи сè што е можно таа да не се повтори – порача папата.

Тој додаде и дека е „тажен поради трагедијата“ на присилните одземања на деца од нивните мајки во Белгија и давање на посвојување во периодот од 50-те до 70-те години на минатиот век, во кои биле вклучени и калуѓерки на Католичката црква.

Кралот Филип, исто така, повика на осуда на појавата на сексуални злоупотреби од припадници на Црквата.

– На децата им беше нанесено страшно страдање, кое тие ќе го носат во себе до крајот на животот – рече белгискиот монарх, поздравувајќи ги при тоа напорите на Католичката црква за расветлување на овие случаи.

Апелирајќи за „решително и бескомпромисно“ продолжување на ваквите напори, кралот Филип потенцираше дека папата ја осудил „ужасната трагедија“ на сексуална злоупотреба во Црквата и дека презел чекори за борба против овие „гнасни акти“.

Посетата на поглаварот на Католичката црква на Белгија е на покана на Универзитетот во Лувен, по повод 600-годишнината од неговото основање. Предвидено е за време на престојот во Белгија, папата да одржи повеќе состаноци, да присуствува на различни свечености и да ги посети Брисел, Лувен, Кекелберг и Лувен-ла-Нев. Главен настан на неговата посета е утрешната миса на бриселскиот стадион „Крал Бодуен“ во комплексот Хејсел, на која се очекува присуство на околу 35.000 лица.

The post „ЦРКВАТА МОРА ДА СЕ ЗАСРАМИ И ДА БАРА ПРОШКА“ Папата бара мерки за да не се повтори сексуалната злоупотреба на малолетници од католички свештеници appeared first on plusinfo.mk.

Свештениците не треба да говорат повеќе од 8 минути за членовите на конгрегацијата да не задремат, рече денеска папата Франциск.

– Проповедта, односно пораката која се произнесува од свештеникот за време на богослужбата, мора да биде кратка – слика, мисла, чувство. Таа не треба да трае повеќе од 8 минути бидејќи по тоа време луѓето го губат вниманието и заспиваат. Понекогаш свештениците зборуваат многу и човек не може да разбере што зборуваат – порача папата на денешната аудиенција.

Проповедта во римокатоличката црковна служба следи по читање делови од Библијата и се користи за зајакнување на црковното учење.

The post ПАПАТА ФРАНЦИСК БАРА СВЕШТЕНИЦИТЕ ДА НЕ ГО ТУПАТ СО ПРОПОВЕДИТЕ „Луѓето ќе заспијат ако зборувате повеќе од 8 минути“ appeared first on plusinfo.mk.

Во извештајот не е наведена точната бројка, но содржи анкета спроведена меѓу повеќе од 8.000 луѓе на барање на комисијата, која покажува дека 0,6 отсто од возрасните Шпанци (речиси 39 милиони луѓе) изјавиле дека биле сексуално злоупотребувани од свештеници кога биле малолетни. Дополнително, нешто помал број Шпанци (0,53 проценти) изјавиле дека како деца биле сексуално злоставувани од лаици кои работеле во верски институции.

Извештајот се однесува на период од 70-тите години на минатиот век до денес.

Шпанија, земја со силна католичка традиција, досега немаше спроведено независна истрага за разлика од Франција, Германија, Ирска и САД.

The post ГОЛЕМ СКАНДАЛ ЈА ТРЕСЕ ЦРКВАТА ВО ШПАНИЈА Свештениците сексуално злоставувале над 200.000 деца appeared first on plusinfo.mk.

„Газета Виборча“ објави дека „забавата излегла од контрола и машката проститутка изгубила свест“, поради што била повикана брза помош, но кога пристигнале болничарите, им било забрането да влезат во просториите. Болничарите потоа наводно повикале полиција, која им помогнала да стигнат до човекот кој бил во бессознание.

Портпаролот на локалното обвинителство за весникот изјави дека е почната истрага за евентуално не укажување помош на лице чие здравје е загрозено, што е кривично дело за кое следува затворска казна до три години.

Настаните потоа добија дополнителен драматичен пресврт кога маж ги запалил вратите на базиликата во парохијата каде што се случил инцидентот. Пожарникарите го изгаснале пожарот и нема повредени. Полицијата подоцна привела маж осомничен за подметнување на пожар.

Локалната католичка курија потврди дека имало инцидент и дека е формирана комисија која итно ќе објасни што се случило. Куријата посочи и дека „досегашните наоди на комисијата се разликуваат од информациите објавени во некои медиуми“.

Orgia na parafii w Dąbrowie Górniczej. Biskup prosi o modlitwę za „obolałych księży” https://t.co/8QPtAXCnhI

— WPROST.pl (@TygodnikWPROST) September 24, 2023

The post СВЕШТЕНИЦИ СЕ ЗАБАВУВАЛЕ СО МАШКА ПРОСТИТУТКА Секс скандал ја тресе Католичката црква во Полска appeared first on plusinfo.mk.

Извештајот содржи сериозни обвинувања против надбискупијата, најстарата римокатоличка епархија во САД, која има ингеренции во поголемиот дел од сојузната држава Мериленд. Во некои парохии, училишта и заедници имало неколку активни насилници во исто време. На пример, 11 насилници живееле и работеле во парохијата Свети Марко во Катонсвил помеѓу 1964 и 2004 година. Еден ѓакон признал дека злоупотребувал повеќе од 100 деца.

Балтиморскиот архиепископ Вилијам Лори им се извини на жртвите и рече дека извештајот „опишува историја на надбискупијата, што треба да се осуди; време кое нема да се занемари, игнорира или заборави“.

Мрежата на жртви на злоупотребата од страна на свештениците, позната како СНАП, истакна дека во извештајот се наведени повеќе имиња на злоупотребувачи отколку што биле јавно објавени од страна на претставници на надбискупијата. Организацијата го повика архиепископот да ја објасни недоследноста.

Во извештајот, исто така, се наведува дека претставниците на Католичката црква повеќе биле фокусирани на прикривање на злоупотребата наместо на заштита на жртвите. Во некои ситуации, жртвите пријавиле злоупотреба на свештеници кои и самите биле насилници.

Во извештајот, од речиси 500 страници, наведени се бројни примери на црковни власти кои ги штитат обвинетите свештеници, на пример, дозволувајќи им да се пензионираат предвремено или да се префрлат во други парохии.

Во 1964 година, отец Лоренс Брет призна дека сексуално злоупотребувал тинејџер на католички универзитет во Конектикат. Тој беше испратен во Ново Мексико под маската на лекување од хепатитис, а потоа во Сакраменто каде друг тинејџер пријавил дека бил малтретиран од Брет. Подоцна бил префрлен во Балтимор каде служел како капелан во католичко средно училиште за момчиња и малтретирал повеќе од 20 деца. Откако беше обвинет за малтретирање од неколку студенти во 1973 година, на Брет му беше дозволено да ја напушти функцијата под изговор дека се грижи за својата болна тетка. Училишните службеници не ја пријавиле злоупотребата кај властите. Тој никогаш не се соочи со кривична пријава и почина во 2010 година.

The post ГОЛЕМ СКАНДАЛ ЈА ТРЕСЕ КАТОЛИЧКАТА ЦРКВА Над 150 свештеници сексуално злоупотребиле повеќе од 600 деца appeared first on plusinfo.mk.

По минатонеделната рација на украинскиот православен манастир за кој Киев рече дека веројатно бил седиште на руски шпиони, украинскиот претседател побара да се донесе закон со кој ќе се забрани работењето на верските организации „поврзани со центри на влијание“ во Русија, пишува ЊујоркТајмс.

Претседателот Володимир Зеленски ги предложи новите мерки во своето ноќно обраќање во Украина во четвртокот. Неговото барање дојде по рацијата на 22 ноември од страна на украинските безбедносни служби во Манастирот на пештерите, едно од најсветите места за православните христијани во Киев, во потрага по саботери и по оружје.

Украинската православна црква неодамна беше под лупа на украинските власти кои се сомневаат дека многу од свештениците соработуваат со Русија. Властите се загрижени дека всушност украинската црква промовира проруски ставови. Прорускиот огранок на свештеници во Источната православна црква ги следеше духовните водачи во Москва до оваа пролет, кога јавно ја прекина верноста со Русија поради војната. Сепак, многу свештеници остануваат лојални на Кремљ.

Од минатиот месец, 33 свештеници биле уапсени поради помагање на Русија од почетокот на инвазијата во февруари. Повеќето од нив беа обвинети за собирање разузнавачки информации и дека обезбедувале храна за војниците на Москва.

Кремљ ја осуди минатонеделната рација, велејќи дека тоа е доказ дека Киев е во војна со Руската православна црква. Владимир Легојда, портпаролот на Руската православна црква, го нарече потегот „чин на заплашување“ против единствената преостаната институција „каде што луѓето и во Русија и во Украина искрено се молат за мир“.

The post УАПСЕНИ БИЛЕ 33 ПРОРУСКИ СВЕШТЕНИЦИ Зеленски најави забрана за верските организации кои му се верни на Кремљ appeared first on plusinfo.mk.

Поглаварот на Римокатоличката црква, папата Франциск, денеска замина во посета на Канада каде се очекува повторно да побара прошка за улогата на црквата во злоупотребата на свештенството врз домородните деца во католичките интернати.

Авионот на папата претпладнево полета од Рим, а 85-годишниот папа поради болки во десното колено до авионот повторно дошол со инвалидска количка, што до авионот била покрената со лифт.

Папата Франциск, и покрај повредата на коленото, остана на одлуката летово да ја посети Канада за лично да се извини за злоупотребата на домородните деца во католичките училишта.

Од 19-от век па се до 1970 година повеќе од 150.000 домородни деца во Канада биле принудени да посетуваат христијански училишта, што биле финансирани од државата. Целта била овие деца да се изолираат од влијанието на нивните семејства и културата, односно за нивна асимилација.

Папата во април веќе се извини и побара прошка, изјавувајќи дека е засрамен и огорчен од тоа што домородните деца го доживеале од католичките просветни работници.

The post САКА ДА СЕ ИЗВИНИ ЗА СВЕШТЕНИЦИТЕ КОИ ЗЛУПОТРЕБАЛЕ ДЕЦА Папата Франциск го започна „покајничкиот пат“ во Канада appeared first on plusinfo.mk.

Во соопштението на официјалниот сајт на СПЦ, покрај повеќе одлуки кои се донесени на овој Собор, се споменува само заедничката литургија во Соборниот храм на Свети Сава со кој се воспостави евхаристичко општење и канонското единство помеѓу СПЦ и МПЦ-ОА.

– Следниот благодатен и благословен настан на Соборот беше заедничкото сосолужување на соборната света литургија во храмот на свети Сава на Врачар по воспоставувањето на евхаристичкото општење и канонското единство помеѓу Српската православна црква и Македонската православна црква, како таа се нарекуваше по прекинот на општењето од 1967 година. Литургијата ја служеше патријархот српски г. Порфириј во сослужение на архиепископот охридски и македонски г. Стефан, заедно со голем број архиереи, свештеници и ѓакони – се наведува во соопштението.

На сајтот на СПЦ се најавува и „канонската посета на делегација на СПЦ предводена од патријархот Порфириј“, која денеска треба да пристигне во Скопје, а утре заедно со архиепископот Стефан треба да сослужи заедничка литургија во Соборниот храм „Свети Климент Охридски“.

Пред одржување на заедничката литургија во Белград, Соборот на СПЦ на 16 мај издаде соопштение со кое за МПЦ го прифаќа статусот на најширока можна автономија, односно целосна внатрешна независност, доделен во 1959 година.

– Примајќи го актот на Светиот архиерејски синод на Македонската православна црква – Охридска архиепископија со кој таа го прифаќа општопризнатиот канонски статус што му беше доделен во 1959 година од Српската православна црква, и изразувајќи надеж дека Српската православна црква ќе го решава и реши нејзиниот канонскиот статус, Светиот архиерејски синод одлучи да го поздрави прифаќањето на статус на најширока можна автономија, односно целосна внатрешна независност, доделен во 1959 година – се наведува во соопштението на сајтот на СПЦ.

Во него се додава дека се воспоставува целосна литургиско и канонско општење, единство на канонски основи и канонски поредок на целата територија на СПЦ, според што дијалогот за идниот и евентуалниот конечен статус на епархиите во Северна Македонија е легитимен и реален.

– Во дијалогот за идниот и евентуално конечен канонски статус на МПЦ, Српската православна црква ќе се води само од канонски и црковно-пасторални принципи, критериуми и норми, не грижејќи се за „реалполитички“, „геополитички“, „црковнополитички“ или за еднострани иницијативи и не потпаѓајќи под на ничие влијание или притисок. Соборот на СПЦ нема намера после решавањето на статусот да ја условува новата сестринска Црква со оганичувачки клаузули во однос на опсегот на нејзината јуриздикција во матичната земја и дијаспората, со препорака на истата прашањето за нејзиното официјално име да се реши во директен братски дијалог со гркофонските и другите православни цркви – се наведува во соопштението од Соборот на СПЦ.

The post ЗАВРШИ СОБОРОТ ВО БЕЛГРАД За СПЦ сме Македонска православна црква appeared first on plusinfo.mk.

Говорејќи за грчката телевизија „Скај“, Иконому рече дека во секој случај е присутна опцијата за проширување на задолжителната вакцинација, а сè ќе зависи од темпото и димензијата на пандемијата, како и темпото на вакцинација.

– Потребно е, во секоја област да се достигнат многу високи проценти на вакцинирани. Не сакаме економијата повторно да се затвори. Ако задолжителната вакцинација е она што треба да го направиме, тогаш ќе го сториме тоа – истакна Иконому.

Тој додаде дека отворена е можноста да се воведен и за просветните работници, доколку е потребно, иако кај нив висок е процентот на вакцинирани, а слична е ситуацијата и за црквата со висок процент вацинирани свештени лица.

Паралелно, портпаролот истакна дека во овој момент не постои план за задолжителна вакцинација на децата.

Засега, во Грција, вакцинацијата е задолжителна само за здравствените работници и вработените во центрите и установите за грижа на лица.

The post ЗАДОЛЖИТЕЛНА ВАКЦИНАЦИЈА ЗА ПОПОВИТЕ И ЗА НАСТАВНИЦИТЕ Грција размислува да ја прошири наредбата во повеќе сектори appeared first on plusinfo.mk.