Судењето за пожарoт во дискотеката „Пулс“ во Кочани влегува во фаза во која не само стручната јавност, туку и сите луѓе кои го следат процесот конечно ќе се уверат дека тој тапка во место. Новите сведочења не ја потврдуваат теоријата на „верижна одговорност“ која доминира во обвинението, ниту посочуваат на некоја суштински нова линија на одговорност. Наместо тоа, сведоците упорно сведочат за истите конкретни и видливи пропусти кои доведоа до трагедијата.

Обвинението за трагедијата е подигнато против 35 физички и 3 правни лица. Ова е еден од најобемните предмети во историјата на македонското правосудство. За да го задоволи притисокот на јавноста убедена дека трагедијата е последица на „системска“ грешка, Обвинителството состави долга обвинителна клупа, со намера да го убеди судот дека освен поединечна, сите обвинети меѓу себе се поврзани со линија на колективна одговорност, која опфаќа период долг неверојатни 12 години.

Обвинителството во невозможна мисија

Уште пред да се промовира обвинението, насетувајќи каква „стратегија“ ќе избере Јавното обвинителство, а и во текот на целиот период од почетокот на судењето до денес, упорно анализираме и докажуваме зошто тој замислен потфат е невозможна мисија. Како што процесот, од рочиште до рочиште, се движи кон слепа улица, на сите им станува јасно дека мора прецизно да се персонализира и да се разграничи вината на секој поединец. На сите им е јасно тоа, освен, се чини, на Обвинителството.

Од почетокот на судењето, сведоците сведочат за логични теми кои реално ја дефинираат одговорноста за трагедијата: кој пуштал малолетници во дискотеката, кој дозволувал употреба на пиротехника, зошто излезите не биле функционални и како е можно полициската контрола да не ја прекине забавата. Сведоците се менуваат, се менуваат и нивните позиции и улоги, но фокусот на нивните искази останува речиси ист. Колку повеќе се повторуваат истите поединечни сведочења, толку повеќе тие конструираат сет од докази и реална слика за тоа што се случувало во дискотеката на смртта.

И логично, засега упорното игнорирање на потребата темелно да се ревидира обвинението, води кон клучното прашање: дали процесот се движи кон расчистување на прашањето одговорноста, или, можеби, некој решил да манипулира и да го прифати ризикот судењето да се претвори во долготрајна и исцрпувачка постапка, којашто со години ќе се движи по истата траса и нема да донесе правда.

Веројатно не е добро медиумите да поставуваат вакво чувствително прашање, но таа дилема се наметнува во јавниот дискурс и од неа нема бегање. Дотолку повеќе што директно се засегнати неколку стотици лица: семејствата на 63 жртви, околу 200 повредени, обвинетите и нивните семејства, обвинители, бранители, адвокати кои се борат за отштети и уште многу други.

Сведоштвата на Ана Захариева и на Теа Ѓорѓиева даваат реална слика на трагедијата

И исказите на сведоците на рочиштата во неделава што изминува го отворија прашањето на одржливоста на конструкцијата во обвинителниот акт.

Сведочењето на Ана Захариева, на пример, дадено на рочиштето од 20 април, не донесе нова насока во процесот, туку ја потврди веќе формираната слика за случувањата во „Пулс“. Таа посочи дека во објектот имало малолетници, дека непосредно пред пожарот имало полициска рација која не довела до прекин на забавата, дека вториот излез бил затворен и дека употребата на пиротехнички прскалки била вообичаена пракса во овој објект. Сами по себе, овие наводи се тешки, но нивната тежина е уште поголема, затоа што не се појавуваат за првпат.

Сведочењето на Теа Ѓорѓиева дополнително ја зацврсти истата линија, но со уште поконкретен опис на самиот момент на избувнување на пожарот. Таа сведочеше дека пиротехничките средства не биле поставени од почетокот на настанот, туку дополнително, околу 1 часот по полноќ, додека гостите веќе биле внатре и дека биле поставени премногу блиску до публиката. Теа наведе дека додека снимала со мобилен телефон, по околу една минута, забележала искри и плафонот почнал да гори, а огнот тргнал од горниот дел на објектот. Дополнително, таа сведочеше дека во првите моменти никој не ја сфатил сериозноста на ситуацијата, и покрај тоа што бендот повикал на излез, по што следувала паника, турканица и заглавување кај излезот.

Овие наводи директно се надоврзуваат на сведочењето на Захариева. Таму каде што едната зборува за условите во кои се одвивала вечерта, другата ја опишува самата динамика на пожарот. Но, суштината е иста. Пиротехниката не се појавува како изолиран момент, туку како пракса. Просторот станува ограничен, додека реакцијата задоцнета.

Токму тоа е и највпечатливото во досегашниот тек на постапката. Различни сведоци, во различни рочишта, опишуваат речиси идентични околности: пиротехника во затворен простор, преполн објект, ограничено движење, отсуство на јасно насочување во моментите на паника и продолжување на активностите и покрај присуство на контрола. Не се менува суштината, туку само аголот од кој повторно се гледа истата трагедија.

Во сведочењето од рочиштето на 20 април, покрај наводите за организацијата на инспекциските служби, остана во втор план еден важен дел од исказите на сведоците. Тие појаснија дека општинските инспектори немаат надлежност за контрола на угостителски објекти, иако во дел од медиумите акцентот беше ставен исклучиво на тоа дека немало раководители на инспекциските служби. Дополнително, беше посочено дека во општините не постојат противпожарни инспектори, бидејќи тие контроли ги вршат државни инспекциски органи, што значи дека дел од суштинските надлежности воопшто не се наоѓале на локално ниво.

Дали Јавниот обвинител лично ќе ја преземе одговорноста за евентуална хаварија на процесот?

Во повеќе искази досега се повторува и фактот дека пиротехниката била дел од вообичаената атмосфера на ваквите настани во „Пулс“, а не исклучок. Кога на тоа ќе се додадат наводите за преполнетиот простор во објектот, за отежнатото движење и за сцените на заглавување и стампедо што ги опиша Теа Ѓорѓиева, сликата станува уште појасна.

Оттука, суштината на судењето не е во тоа дали сведоците ќе изнесат нови информации за одговорноста за трагедијата. Се гледа дека тоа нема да се случи. Суштината е во тоа што сведоците – внимавајте, ова се сведоци на Обвинителството! – континуирано ги потврдуваат истите околности, некогаш и спротивни на очекувањата и на тврдењата на тој што ги повикал да сведочат. Секое ново рочиште додава уште една потврда за веќе кажаното, уште еден глас што ја повторува истата вистина за одговорноста за трагедијата. Во таква динамика, процесот не се движи преку откривање на непознатото, туку преку зацврстување на познатото.

И што уште му е потребно на Јавниот обвинител за да ја спречи хаваријата на процесот? Дали тој смета дека овој пристап и оваа „стратегија“ во Обвинителството навистина води кон ефикасна завршница на процесот и до правда? Ако е убеден во тоа, дали утре тој, по силата на хиерархиската поставеност на овој орган, лично ќе ја преземе одговорноста за евентуалната, а сè поверојатна хаварија на процесот?

The post СВЕДОЦИТЕ ОПИШУВААТ РЕАЛНА СЛИКА НА ТРАГЕДИЈАТА ВО КОЧАНИ, САМО НЕМА КОЈ ДА ГИ СЛУШНЕ Гледа ли Јавниот обвинител дека процесот тапка во место? appeared first on plusinfo.mk.

Со сослушување на сведок предложен од Основното јавно обвинителство, денеска продолжи судскиот процес против поранешниот директор на Клиниката за онкологија Никола Васев, којшто заедно со уште двајца онколози е обвинет за несовесно лекување пациенти. Сведокот Александар Гаќев, сопруг на сега веќе почината пациентка пред Судот кажа дека по предлог на Васев, неговата сопруга примала терапија според експериментална програма.

Лекувањето, посочи сведокот, најпрво започнало кај докторката Мери Пешевска, но, потоа, како што рече, продолжило кај директорот на Клиниката за онкологија, Васев, и траело шест месеци. Неговата сопруга, на почетокот ја чувствувала терапијата, но по одреден период во неколку наврати нагласувала дека не ја чувствува повеќе истата терапија.

– Експерименталната терапија започна во 2022 година и траеше можеби шест месеци, не сум сигурен… Документите кои ги имавме, после година дена, со ќерка ми одлучивме да не ги чуваме и да ги фрлиме… На почетокот почувствува подобрување, после кажа дека терапијата ѝ е чудна и дека не ја осеќа. Ѝ беше кажано дека нема да ѝ падне косата и навистина не ѝ падна, почувствува подобрување. Понатаму, кажа дека се чувствува како да не пие ништо – рече сведокот Гаќев во одговор на прашања од Обвинителството.

Тој посочи дека по одреден временски период ѝ се појавила рана на градите, по што Васев предложил раната да биде преврзана. Кога отишле со сопругата на преврска, како што појасни, медицинската сестра случајно со прстенот ја закачила, по што раната се отворила и интензивно се проширила.

– Ѝ се појави рана на градите, по што докторот предложи да биде преврзана и ја прати на преврска. Кога отидовме на преврска сестрата случајно ја закачи со прстен и ѝ се отвори раната и постепено се прошируваше. Имам слики од самата рана – рече Гаќев.

Неговата сопруга по одреден временски период била пуштена на домашно лекување по што за две недели починала.

Адвокатот Боби Спирковски којшто е бранител на првообвинетиот Васев, по денешното рочиште, ги квалификуваше вештачењата направени од словенските и од српските лекари како неточни и непрецизни, бидејќи, како што рече, тие не добиле доволно документација, односно добиле само истории на болестите на пациентите.

– Вештачењето на сведокот е сосема спротивно од вештачењето на лекарите од Словенија. Ние не се сомневаме во стручноста на лекарите од Белград или од Марибор, туку ние само сметаме дека нивните вештачења се неточни и непрецизни, бидејќи тие не добиле доволно документација. Добиле само истории на болестите, што не е доволно и прават кардинални грешки – сметаат дека не можат да одлучуваат без да знаат каква е висината и тежината на пациентот. Секој лекар онколог, дури и секој пациент на Онкологија знае дека прва работа што треба да ја направи лекарот пред да даде каква било терапија е да ја измери висината и тежината на пациентот, за преку една формула да определи каква да биде терапијата. Тоа е абецеда во онкологијата – рече Спирковски.

Одбраната на првообвинетиот Васев на минатото рочиште до Судот поднесе барање државниот јавен обвинител Љупчо Коцевски да го преземе предметот или да го делегира на друго обвинителство. Со оглед дека по предлогот е потребно да одлучи јавниот обвинител на РСМ, судот ја одложи расправата.

Случајот го води судијката Снежана Марковска, а застапник на обвинението е јавната обвинителка од ОЈО Скопје Ана Гоговска Јакимовска.

Предметот се наоѓа во доказна постапка и треба да продолжи со сослушување на сведоци предложени од Обвинителството.

Поранешниот директор на Клиниката за онкологија Никола Васев, заедно со уште двајца онколози Симонида Црвенкова и Драган Јакимовски, вработени на Клиниката за радиотерапија и онкологија Скопје, се обвинети за несовесно лекување пациенти. Постапката започна против уште еден онколог, второобвинетата Мери Пешевска, која призна вина, по што судот ја осуди на две години условна казна затвор.

The post КОГА ТРЕБАЛО ДА ЈА ПРЕВРЗЕ, СЕСТРАТА СЛУЧАЈНО СО ПРСТЕН Ѝ ЈА ЗАКАЧИЛА РАНАТА Хаотични сведоштва и непрецизни вештачења на судењето за Онкологија appeared first on plusinfo.mk.

Наставничка во училиштето БОРГ во Грац во кое 22-годишник изврши масакр се забарикадирала во училница и ги смирувала децата додека да дојде полицијата, гласи едно од сведоштвата кои ги објави „5 минути Грац“. Пукањето во кое беа убиени 10 лица и 20-тина беа повредени ја зави Австрија во црно.

– Таа ми кажа дека слушнале повеќекратни рафали. Не знаеле дали некој ќе влезе во училницата. Децата плачеле, а таа ги смирувала. Преживеале само благодарение на брзата реакција – изјавил сопругот на наставничката за австриски Кроне.

Некои од децата не се јавувале на мобилните телефони на кои ги барале родителите.

„Во салата ASKÖ во населбата Егенберг беше формиран кризен центар, каде што беа донесени родители и преживеани ученици. Сцените беа тажни, родители во солзи, многумина во очај затоа што не можеа да стапат во контакт со своите деца. Тимовите за психолошка поддршка пружија поддршка на лице место, додека амбулантните возила доаѓаа и си одеа“, пишуваат австриските медиуми.

Една мајка ги опиша стравот и паниката што ги доживеала додека се обидувала да открие што се случува со нејзината ќерка за време на масакрот во училиштето.

– Беше ужасно, не можете ни да замислите – вели мајката со треперечки глас. Нејзината ќерка ѝ се јавила на мобилен телефон и извикала во паника: „Мамо, мамо, бегам за да си го спасам животот!“

Мајката признава дека не може да ги опише емоциите што ги почувствувала во тој момент.

– Бев шокирана. Веднаш се качив во автомобилот и возев до таму.

За среќа, ќерката била физички неповредена и сега е дома, но мајката сè уште стоела пред училиштето, бидејќи нејзината внука сè уште била внатре.

На родителите им е дозволено лично да ги земат своите деца, но за другите членови на семејството важат построги правила, што дополнително ја зголемило тензијата.

18-годишната ученичка во солзи рекла:

– Се чини дека сестра ми е однесена во болница и не можам да ја добијам. Еден ученик во нејзиниот клас ми кажа дека неколку ученици во таа училница биле погодени. Тој ја видел сестра ми како ја ставаат во амбулантното возило. Не знаеме дали е стабилна. Не знаеме каде е. Се чувствувам ужасно. Ова е катастрофа, едноставно ужасно.

Хасан Дарсел, сопственик на ресторанот „Каламар“, кој се наоѓа веднаш до училиштето, го видел почетокот на трагедијата од прва рака:

– Во 10 часот наутро пристигна полицијата и ја блокираше улицата пред мојот ресторан. Ја затворив вратата, бев внатре со мојот готвач. Ова е катастрофа, едноставно ужасно. Станува збор за децата. Имам три деца и секој пат кога ги праќам на училиште, се чувствувам исплашено.

Марк Нолден (22), ученик кој живее спроти училиштето, сè уште не може да се свести:

– Живеам преку улица, ги познавам децата што одат во тоа училиште. Ова е голем шок. Ситуацијата е како од филм, неизвесноста беше неподнослива.

Напаѓачот, 22-годишен поранешен ученик, според достапните информации, верувал дека е жртва на малтретирање од врсници. Откако отворил оган во две училници, се повлекол во тоалет каде, според полициски извори, извршил самоубиство.

Полицијата ги замоли граѓаните да не објавуваат слики и видеа од местото на злосторството за да не се попречи истрагата и дополнително да не се трауматизираат семејствата на жртвите.

The post ПОТРЕСНИ СВЕДОШТВА ОД МАСАКРОТ ВО ГРАЦ Учителката ги смирувала децата, родителите вртеле на мобилен appeared first on plusinfo.mk.

Во потресното сведоштво по страшниот масакр, Игор, татко на повреденото дете Иља, вели дека на концертот отишле со целото семејство – тој, сопругата, 11-годишната ќерка и 8-годишниот син.

Moscow shooting .
May the souls of the departed rest in peace.#MoscowAttack #MoscowUnderAttack #MoscowConcertHall pic.twitter.com/m25UjCKueW

— Lifeissues11 (@AGINAS) March 23, 2024

– Кога почна пукањето, успеавме брзо да излеземе од салата. Најпрво сакавме да се скриеме во тоалетот, но се предомисливме во последен момент. Сега сфаќаме дека ова беше вистинската одлука. Внимателно го изведов семејството надвор од зградата, истрчавме на улица…И само што ми се појави во глава помислата дека сме безбедни, го видовме истиот тој автомобил Рено како со полна брзина оди кон нас и намерно налетува на нашиот син и го соборува – раскажува таткото на момчето.

Breaking NewsRUSSIA: Moscow concert hall death toll has reached 133#Moscou #MoscowAttack #Moskau #Russia #Moscow #MoscowTerrorAttack #ISIS pic.twitter.com/hqiyIr2EmX

— Maaz Malik (@maazverse) March 23, 2024

За малку целото семејство ќе настадало под тркалата на автомобилот со кој терористите се обидувале да избегаат по масакрот  во концертната сала.

– Автомобилот странично ме удри мене и ќерка ми и добивме помали модринки. Мојот син се здоби со трауматска повреда на мозокот, скршена клучна коска и скршен колк. Лекарите засега не даваат никакви прогнози…- вели таткото на повреденото момче.

Двајца од напаѓачите набрзо се уапсени по бркотница со автомобил, додека други двајца се фатени во шумата.

The post 📽 ТЕРОРИСТИТЕ ПРЕГАЗИЛЕ 8-ГОДИШНО МОМЧЕ Потресно сведоштво на човек што го преживеал масакрот во Москва appeared first on plusinfo.mk.

Меѓу жртвите има жени од различна возраст, како и деца и тинејџери.

Во видео-сведочењето од музичкиот фестивал Нова, кое на новинарите им го покажала израелската полиција, една жена детално го опишува групното силување, осакатувањето и егзекуцијата на жртвата.
Видеата од голи и крвави жени направени од Хамас на денот на нападот, како и фотографиите од телата направени на локацијата по настанот, укажуваат на тоа дека жените биле цел на планирани сексуални напади.

Се верува дека мал број преживеале, а какви биле нивните последни моменти се дознава од изјавите на преживеаните, луѓето кои ги носеле телата, вработените во мртовечниците и снимките од местото на настанот.

Хамас однапред го планирал силувањето како воено оружје, тврди израелски извори. Израелската полиција на новинарите им покажа застрашувачко сведоштво на жена која била на музичкиот фестивал Нова за време на нападот.

Таа опишува дека видела како припадниците на Хамас групно силуваат и осакатуваат жена, пред последниот напаѓач да ја застрела во главата, продолжувајќи да ја силува.
На видеото, жена позната како сведок С. покажува како напаѓачите ја земале жртвата и си ја пренесувале еден на друг.

– Таа беше жива. Имаше рана на грбот, крвареше – вели жената која била сведок на страшното изживување.

Таа детално опишува како мажите отсекувале делови од телото на жртвата за време на нападот.

-И ги отсекоа градите и ја фрлија на улица. Тие си поиграа со тоа – вели таа.

Жртвата била пренесена на друг маж во униформа, продолжува таа.

-Тој пенетрираше во неа и ја застрела во главата. Не ги крена дури ни панталоните, пукаше и ејакуираше – вели жената во своето сведоштво за грозоморните сцени во нападот на 7 октомври.
Еден човек кој бил на фестивалот вели дека слушнал „звуци и крици на луѓе кои се убивани, силувани и обезглавени“.
Во изјавата што ја даде преку хуманитарна организација, тој тоа го опиша како „нехумано“.

„Некои жени беа силувани пред да умрат, некои беа силувани додека беа повредени, а некои беа веќе мртви кога терористите ги силуваа нивните безживотни тела. Очајно сакав да помогнам, но ништо не можев да направам“ – се вели во потресната изјава на сведокот.

Израелската полицијата за Би-Би-СИ потврдила дека има „повеќе“ изјави на очевидци за сексуалниот напад, но не кажале точно колку.

Израелската министерка за зајакнување на жените, Меј Голан, изјави за Би-Би-Си дека многу малку жртви на силување или сексуално насилство ги преживеале нападите и дека сите моментално се на психијатриско лекување.
Снимката снимена од Хамас вклучува видео од жена со лисици на рацете и земена како заложник со исеченици на рацете и голема крвава дамка на задниот дел од панталоните. На многу фотографии од локациите по нападот се гледаат тела на жени голи од половината надолу или со скинати гаќички од едната страна, со раширени нозе, со траги од удари на гениталиите или нозете.

– Навистина изгледа како во Хамас да научиле да ги користат женските тела како оружје во војна од Исламската држава во Ирак или од случаите во Босна – вели д-р Кочав Елекајам-Леви, правна експертка во Дејвис Институтот за меѓународни односи на Хебрејски универзитет.

– Се згрозувам  кога ги слушам деталите за тоа како знаеле што да им прават на жените: да им ги отсечат органите, да им ги осакатуваат гениталиите, да ги силуваат. Страшно е да се знае сето тоа – вели д-р Елекајам-Леви.

Еден од собирачите на тела, кој волонтира за религиозната организација Зак, ги опиша знаците на тортура и осакатување, кои вклучуваат ибремена жена чија утроба била отворена пред да биде убиена, а нејзиниот фетус бил избоден додека сè уште бил внатре.

Друг, сведок, Нахман Дикштајн, приложил писмена изјава дека видел тела на две жени во Кибуц Бери со врзани раце и нозе за креветот.

„Една жена беше сексуално тероризирана со нож заглавен во вагината и со отстранети сите внатрешни органи“ – вели тој во својата изјава.

Тој сведоли дека малите засолништа на местото на фестивалот биле преполни со осакатени жени.

„Облеката им беше искината во горниот дел, но долните делови беа целосно голи. Многу, многу жени…Ако внимателно ги погледнете нивните глави, на секоја од нив ќе видите рана од влезен куршум“ – сведичи Дикштајн.

Цивилната комисија предводена од д-р Елкајам-Леви работи на собирање изјави за сексуални злосторства и повикува на меѓународно признавање дека она што се случи на 7 октомври е систематско насилство, кое спаѓа во злосторства против човештвото.
Израелската влада посочува на документи за кои тврди дека биле пронајдени кај борци на Хамас, кои се чини дека ја поддржуваат идејата дека сексуалното насилство било планирано.

Д-р Елкајм-Леви објави инсерти од снимки од испрашувања на заробени борци во кои велат дека жените биле мета токму за оваа цел.

The post (ВОЗНЕМИРУВАЧКА СОДРЖИНА) ПАЛЕСТИНСКИТЕ МИЛИТАНТИ СИЛУВАЛЕ И ОСАКАТУВАЛЕ ЖЕНИ ВО НАПАДОТ НА ИЗРАЕЛ Објавени докази и страотни сведоштва за сексуални напади appeared first on plusinfo.mk.

Рајли Думонт за Еј-Би-Си-Њуз дека нејзината 11-годишна ќерка учествувала во детска лига во куглање во градот кога слушнала неколку истрели. Таа рече дека нејзиниот татко, пензиониран полицаец, потоа го скрил нивното семејство во еден ќош.

– Лежев врз ќерка ми. Мајка ми лежеше над мене – рече таа и додаде дека видела три или четири жртви.

Шокираната жителка на Левинстон, Били Џејн Кук, изјави за Би-Би-Си дека целиот град е во карантин по масовното пукање во кое загинаа најмалку 20 и 60 беа повредени. Таа рече дека синоќа излегувала од јавен настан кога првпат слушнала за нападот и дека напаѓачот бил во бегство.

– Целото возење до дома, сè што слушнав беа еднобојни сирени, една по друга. Хеликоптери, сирени, никогаш во животот не сум слушнал толкава активност во овој град. Имаме полиција што доаѓа од целата држава, надвор од државата. Тоа е страшно. Едноставно не мислите дека тие (полицајците) некогаш би го направиле ова кога треба да се случи, и тоа се случи – истакнала видно вознемирена Џејн.

Таа вели дека „тоа е едноставно лудо“ и дека жителите на Левистон имаа среќа што во гратчето има две болници, иако таму живеат помалку од 40.000 луѓе.

The post ЛЕЖЕВ ВРЗ ЌЕРКА МИ, ВИДОВ ТРИ ЖРТВИ Гратчето во САД во локдаун, убиецот „слушал гласови“ appeared first on plusinfo.mk.

Еден од заробените борци на Хамас им рекол на инспекторите дека им било кажано: „Кој ќе врати заложникот во Газа добива 10.000 долари и стан“.

The post 🎥 ХАМАС ДАВАЛ НАГРАДА ЗА СЕКОЈ ДОНЕСЕН ЗАЛОЖНИК ВО ГАЗА Заробени милитанти признаваат што добивале за злосторствата appeared first on plusinfo.mk.

Еден повозрасен жител на Нишка Бања кој прв на улица наишол на момчето осомничено за убиството, за Курис.рс раскажа што се случувало по крвавиот настан.

– Момчето се тетераше по улицата, паѓаше, па стануваше, имаше и друг сосед. Не знаевме што се случи затоа што имаше некаков нејасен поглед. И што е уште поневеројатно, тој само молчеше. Тој не кажа ништо. Се оттурна со нозете, со стапалата удирајќи во асфалтот. Некако го совладавме. Патиките му паднаа од нозете додека се бореше. А, потоа мирно ги пречека брзата помош и полицијата – изјави очевидецот на крвавиот настан.

Момчето го променило однесувањето кога пристигнала екипа за брза помош.

– Двајца лекари го фатија за раце, тој се фрли уште два пати, и наеднаш се смири. Го ставија на носилки во комбето. Така седеше половина час, па го префрлија во друга брза помош и го однесоа. Беше целосно мирен. Не мрдна, тоа ми е чудно, толку се мачеше, а потоа лежеше неподвижен, како мртов. Чудно ми е ова – раскажува соседот.

Цела Нишка Бања ја потресоа крвавите сцени кои, очигледно, мештаните ги потсетија на настаните од мај во училиштето „Владислав Рибникар“ во Белград. Сите велат дека и двете момчиња потекнуваат од пристојни и чесни семејства. Двајцата оделе во седмо одделение во ОУ „Иван Горан Ковачиќ“ и биле најдобри другари.

„Жителите на Нишка Бања се крајно потресени. Околу училиштето се чувствуваше страв и паника кај родители кои доаѓаат и ги гушкаат своите и туѓите деца. Некои родители и постари жители видно во солзи ги бакнуваат своите деца пред училиштето“- пренесува Курир.рс.

Убиеното 13-годишно момче и неговиот врсник кој е осомничен дека го убил, биле најдобри другари уште од трето одделение. Според соседите, утрото на кобниот ден, двајцата се скарале во дворот, по што конфликтот го продолжиле на поткровјето од куќата на осомниченото момче, каде што се претпоставува дека тој го убил својот другар. Очевидци тврдат дека ги виделе како се расправаат во дворот, по што се случило злосторството. Двете момчиња биле добри пријатели, никој точно не знае што го предизвика конфликтот, но дел од соседите велат дека се почнало како банална детска расправија.

The post ПОТРЕСНИ СВЕДОШТВА ПО УБИСТВОТО НА 13-ГОДИШНОТО МОМЧЕ ВО НИШКА БАЊА Биле најдобри другари, се скарале и крвнички му го пресекол вратот appeared first on plusinfo.mk.

Се проценува дека во текот на ноќта во понеделникот 2.466 граѓани ги напуштиле своите домови во 17 села долж северниот брег на Крф, додека стотици биле принудени да се евакуираат на Евија.

Последната евакуација дојде неколку дена откако беснее пекол околу одморалиштата во југоисточен Родос. Официјалните лица го опишаа како најголема евакуација во грчката историја, при што 19.000 луѓе – главно туристи – избегаа на север од островот по копно и по море.

Туристите зборуваа за панични моменти во текот на викендот, кога ноќеваа во армиски камиони на плажите пред да бидат качени на бродови на грчката морнарица.

Дин Мејсон (56) од Велика Британија ги опиша пожарите на Родос како „искуство блиску до смрт“.

Мејсон пред една недела пристигнал во хотелот на плажата Киотари со сопругата, ќерката и четиригодишната внука.

-Тоа беше првиот одмор на внука ми во странство. До вторник наутро можевме да видиме големи облаци чад што се издигнуваа од центарот на островот. Не наведоа да веруваме дека се е под контрола – рече тој.

Се чинело дека никој не особено загрижен, а потоа ситуацијата наеднаш тргна на полошо.

– Во петокот вечерта стана прилично лошо, врз нас паѓаа парчиња пепел, но од хотелот повторно не уверуваа дека се е во ред. Саботата наутро ја поминавме во базенот. Беше убаво и многу топло, и многу поветровито од претходните денови – рече тој.

Но, веќе во саботата наутро можеле да се забележат многу големи облаци од чад како се приближуваат до нивното сместување.

– Можеше да се види како небото се полни со чад. За пет минути можев да видам пламен на ридот околу нас. Потоа се вклучи алармот на хотелот – рече тој.

Семејството се вратило во својата соба за да го спакува рачниот багаж и да ги земе пасошите пред да избега на плажата.

– Имаше само многу хотелски персонал кој велеа: „Излези, бегај“. Имаше целосен недостаток на каква било структурирана поддршка. Имаше многу хистерија. Бевме покриени со пепел, сонцето беше целосно покриено со жолт чад, раскажува британскиот турист за стравичните моменти од нивниот одмор на Родос.

Семејството било поделено бидејќи локалните жители ги однесле со чамци во две различни околни заедници, за неколку часа подоцна повторно да се најдат заеднп во центарот на Линдос.

– Илјадници луѓе очајно сакаа да избегаат. Се чувствувавме како да доаѓа крај на светот, изјави Мејсон.

На крајот, семејството успеа да обезбеди места во авионот за враќање во Велика Британија.

– Нашите работи се уште се во хотелот, но мислам дека имавме неверојатна среќа што излеговме од таму неповредени – рече тој.

Британецот Адам Вокер (33) во петокот навечер со сопругата и двете мали деца пристигнал на Родос, на одмор во популарното летувалиште Пефкос на источниот брег на островот.

– Стигнавме во саботата наутро. Кога бевме во базенот тоа попладне, можевме да видиме чад оддалеку и црвен сјај на врвот на ридот. За време на вечерата ни падна пепел. Во саботата на полноќ, преку СМС ни беше кажано да го напуштиме хотелот и да се преселиме на плажа. Беше апсолутен хаос, рече Вокер.

По околу половина час им било кажано да одат половина километар до врвот на ридот, но од никого немало информација каде понатаму.

– Сите беа загрижени додека се обидуваа да сфатат каде да ги испратат луѓето додека се случува ова. На крајот дојдоа автобуси и однесоа многу туристи во градот Родос. Останавме во училиштето, каде ги извадивме крпите и облеката и легнавме на плочките. Имаше прекин на струја, а понекогаш и вода, а тоалетите беа поплавени – изјави тој за „The Guardian“.

Денеска е наредена евакуација за четири села на Родос, бидејќи пожарот што гори веќе осум дена продолжи да се движи кон внатрешноста на островот, зафаќајќи ги планинските шуми, вклучително и дел од природниот резерват.

Уште пет евакуации беа наредени синоќа на Крф, една на Евија.

Во Родос, очајни локални жители, многумина со влажни крпи околу вратот на големата топлина, се обидуваат да ги изгаснат пожарите кои се приближуваат до нивните домови со лопати, а авионите за гаснење пожари и хеликоптери работат од утро до мрак.

The post (ВИДЕО+ФОТО) ИЗГЛЕДАШЕ КАКО ДА ДОАЃА КРАЈ НА СВЕТОТ Потресни сведоштва на туристите што побегнаа од огнениот пекол на Родос appeared first on plusinfo.mk.

Некои ја напуштија челичарницата „Азовстал“, последното упориште на украинските војници во стратешки значајниот град. Русија соопшти дека десетици цивили пристигнале во селото што го контролира. Украинскиот претседател Володимир Зеленски изјави дека голема група исто така е на пат кон Запорожје, над кој Украина има контрола.

„Првата група од околу 100 луѓе веќе се упатува кон контролираната област“, напиша тој на Твитер.

Украинските власти соопштија дека руското гранатирање продолжило врз фабриката за челик по краткиот прекин на огнот.

– Додека десетици се спасени, неколку стотици цивили – вклучително и деца уште се во бункерите – изјави Денис Шлеха од националната гарда на Украина, цитиран од Ројтерс .

По излегувањето од опколената челичарница, украинските цивили зборуваа за деновите што ги поминале во бункерите во „Азовстал“.

– Не сме виделе сонце толку долго. Не можете ни да замислите низ што поминавме – низ терор. Се плашев дека бункерот нема да го издржи тоа – имав ужасен страв – изајви една од жените кои ги напуштија бункерите.

The post НЕ СМЕ ВИДЕЛЕ СОНЦЕ ТОЛКУ ДОЛГО Во „Азовстал“ има уште цивили меѓу кои и деца appeared first on plusinfo.mk.