Побрз проток на патници, единствена контрола при влез на патниците во земјава се бенефитите од функционирањето на системот „One Stop Shop“ помеѓу Република Северна Македонија и Косово на Граничниот премин „Блаце“, кои ги соопштија денеска министрите за внатрешни работи Панче Тошковски и Џелал Свечла, кои заедно со вицепремиерот Изет Меџити го посетија преминот.

Претставниците од двете соседни земји ги увидоа подготовките за почетокот на функционирањето на проектот. Министерот за внатрешни работи, Тошковски рече дека е донесена потребната опрема за вмрежување на системите, инсталирањето на опремата и увиделе како технички ќе функционира.

– Во рамки на една платформа ќе се споделуваат информации коишто ги имаме помеѓу двете министерства, сè со цел да овозможиме, преку само констатација од страна на еден полициски службеник да можат косовските граѓани да влезат во Македонија и исто македонските граѓани да влезат во Косово преку контрола да речеме само од страна на еден полициски службеник. Секоја држава го штити својот влез – изјави министерот Тошковски.

Тој рече дека ќе се овозможат градежни зафати со кои ќе се прошират влезовите кон Македонија, ќе има и соодветни услови и кон Косово. Во моментот на преминот има три кабини, каде со мобилни „лаптопи“ ќе се обезбедат шест позиции на кои ќе се врши контрола, со цел како што рече министерот граѓаните побрзо да можат да го остваруваат влезот.

– Да овозможиме соодветна комуникација каква што доликува на две европски држави – рече Тошковски.

Македонскиот министер за заблагодари на косовскиот за ангажманот околу овој проект, на кој му претходеле координации, состаноци, средби.

– Сметам дека со заеднички напори и сила ќе дојдеме до граничен премин, каков што доликува да го имаме. Морам да истакнам дека еве вака со Косово оној проект којшто ние претходно го најавивме дека ќе биде примена на ваков тип на премин на граничните премини сме најнапред ќе бидеме првиот којшто ќе го ставиме во функција. Во иднина, следат ваков тип на олеснувања на граничните премини и со Република Србија, со Република Албанија. Овој премин беше најподготвен да биде ставен како прв во функција – изјави Тошковски.

Одговарајќи на новинарски прашања, Тошковски рече дека најдоцна до април годинава, би почнало официјалното ставање во функција, по насоките на стручните лица од ИТ секторот.

Косовскиот министер за внатрешни работи, Свечла е задоволен од увидот на досегашната работа на имплементација на договорот меѓу двете земји за олеснет премин за граѓаните со само една контрола или „One stop shop“.

– Сакам да им се заблагодарам на двете наши екипи, без разлика дали се ИТ или нашите две полиции кои неуморно работеа за да ја спроведат оваа одлука на нашите влади што е можно побрзо и нашите граѓани лесно и без тешкотии да патуваат во двете земји. Верувам дека континуираната комуникација дополнително ги унапредува добрите односи што ги имаме меѓу нашите две земји и се надевам дека фазата на тестирање ќе помине уште поуспешно и сè ќе биде спроведено што е можно поскоро – изјави министерот Свечла.

The post НАСКОРО ЌЕ БИДЕ ТЕСТИРАН СИСТЕМОТ „ONE STOP SHOP“ НА ПРЕМИНОТ БЛАЦЕ Брзиот проток и заедничката контрола се само дел од придобивките appeared first on plusinfo.mk.

Според косовскиот министер, тие чекаат само наредба од српскиот претседател Александар Вучиќ за почеток на агресивни напади на Косово.

Министерот додаде дека се обидуваат да спречат какво било „српско сценарио“, но и дека се спремаат да се соочат со тоа сценарио.

Свечља се осврна и на прашањето на укинувањето на српскиот динар во Косово и кажа дека целта на Косово е да биде демократска земја.

– Сакаме да бидеме и нормална, независна и суверена држава. Не тежнееме кон ништо друго освен да бидеме демократска земја во која владеат ред и закон. Дали станува збор за одлуката за динарот или за претходната одлука за табличките или за струјата, тие се нормални одлуки на земја која тежнее да биде дел од ЕУ и од НАТО – кажа косовскиот министер.

Свечља, околу односот на косовскиот премиер Аљбин Курти со меѓународната заедница, оцени дека нема раздор меѓу нив.

The post 📽 400 СРПСКИ ЕКСТРЕМИСТИ ЧЕКААТ НАРЕДБА ОД ВУЧИЌ ДА ГО НАПАДНАТ КОСОВО?! Спремни сме за српско сценарио, вели косовскиот министер appeared first on plusinfo.mk.

За другите снимки, на кои се гледаат луѓе и оклопни возила, косовската полиција вели дека прикажуваат полигон на војската на Србија познат како Пасуљанске Ливаде, а дека меѓу нив има и снимка од тактичка вежба со симулација за поддршка на оклопното возило Хамви.

„Снимката од 26 август 2023 година, направена во Копаоник, Србија, ги прикажува одморалиштата и хотелот „Греј“ во сопственост на Милан Радоичиќ“, вели полицијата за првата снимка.

За втората снимка се вели:

„Снимката е од 2 септември, а е направена на Копаоник, во близина на просторот во сопственост на Милан Радоичиќ. Видеата покажуваат дека облеката се тестира на термални камери. Остатокот од видеото ги прикажува последните вежби на терористичката група на полигонот на српската војска познат како Пасуљанске ливаде“.

Tретата снимка, според косовската полиција е симулација напад и на ранување на членовите.

„Тука може да се видат моторни возила. На видеото се гледа како се симулира напад и се симулира ранување на членови на терористичка група, како и пружање прва помош“, пишува косовската полиција.

За четвртото видео пишува дека е симулација на поддршка со оклопни возила:

„Ова видео од 20 септември покажува како групата наидува на отпор и симулира оклопна поддршка“.

„Оригиналниот напад на терористичката група, според доставените информации, најпрвин бил извршен со експлозив при што загинал полицискиот наредник на полициската станица Звечан, а по овој експлозивен напад нападот со тешко оружје започнал во исто време во упатството на другите полициски службеници кои биле на лице место. На видеото се гледаат првите напади на терористичката група врз косовската полиција. Нападите, како што гледате, се извршени со различно оружје, почнувајќи од зоља и друго тешко оружје“, се наведува на Фејсбук страницата на косовската полиција со описот на видеото.

На пресконференција во неделата директорот на косовската полиција, Газменд Хоџа, изјави дека српските напаѓачи планирале напад за анексија на северот на Косово на 37 позиции во почетната фаза, а дека во целата акциај учествувале 90 специјалци кои претходно вежбале на локации во Јагодина и во Копаоник.

Министерот за внатрешни работи на Косово, Џелал Свечља, рече дека поседува документ за планот за анексија на северот на Косово.

ТОА БЕШЕ ОБИД ЗА АНЕКСИЈА НА СЕВЕРОТ НА КОСОВО Свечља вели дека поседува документ за српскиот план за напад

The post 📽 ВЕЖБАЛЕ ВО ЈАГОДИНА И ВО КОПАОНИК ЗА АНЕКСИЈА? Косовската полиција објави нови снимки од наводните подготовки за настаните во Бањска appeared first on plusinfo.mk.

Свечља најави дека доказите за нападот кои ги собрала косовската полиција ќе бидат објавени. Според него, тие докажуваат дека напаѓачите вежбале во база во Јагодина во централна Србија и во Копаоник.

– Овие фотографии се од беспилотните летала на терористичката група, кои ги запленивме – рече Свечља.

Тој рече и дека напаѓачите планирале да отворат „долг подземен канал“ од Бањска до Србија, за „снабдување од српската држава“.

Генералниот директор на косовската полиција Газменд Хоџа изјави дека групата што го изврши нападот во Бањска долго време била обучена во воените бази на Војската на Србија.

– Планот на напаѓачите беше целосен план за анексија на северот на Косово. Во документите што ги имаме, а кои сега не можеме да ги споделиме со вас, постои план за анексија на северот предвиден во почетната фаза на 37 позиции, од каде би биле нападнати нашите полициски единици, не само во Бањска и Звечан, туку и во сите северни делови, а потоа и создавање бесплатен коридор за Србија и други залихи, луѓе, стоки, експерти и други залихи, неопходни за вооружен отпор и за создавање нова реалност во земјата – рече Хоџа.

Вицепремиерот и министер за одбрана на Србија Милош Вучевиќ и началникот на Генералштабот на војската на Србија, генерал Милан Мојсиловиќ најавија пресконференција за понеделник, 2 октомври, на која ќе одговорат на изјавите на косовскиот министер Свечља.

Хоџа рече дека косовската полиција сè уште ја продолжува истрагата на северот на земјата, една недела по вооружениот напад.

Свечља изјави дека и во неделата во Бањска било пронајдено ново, поголемо количество оружје. Неколку дена по нападот полицијата запленила големо количество оружје.

По нападот од заседа на полициската патрола, српските напаѓачи се засолниле во манастир во селото, од каде продолжиле со пресметката со полицијата. Четворица од нив беа убиени.

The post ТОА БЕШЕ ОБИД ЗА АНЕКСИЈА НА СЕВЕРОТ НА КОСОВО Свечља вели дека поседува документ за српскиот план за напад appeared first on plusinfo.mk.

Во интервју за агенцијата „Асошиетед прес“, кое го пренесуваат косовските медиуми, Свечља вели дека истражителите ги разгледуваат доказите за да видат дали има поврзаност на Русија, како сојузник на Србија, во вооружениот напад.

Според косовскиот прв полицаец, запленетото оружје, опрема и документи укажуваат на руска вмешаност во нападот.

– Она што сигурно го знаеме е дека (напаѓачите) дошле од Србија. Некои од нив се косовски Срби, кои имаат двојно државјанство, косовско и српско, а кои според информациите од нашето разузнавање биле обучувани во кампови во Србија. Најдовме некои документи кои не наведуваат на сомнеж дека имало поединци кои дошле и од Русија – изјави Свечља.

Според него, има докази за опремата, „но за луѓето сè уште постои само сомнеж“.

АП напоменува дека и на Запад постои страв дека Русија, преку Србија, може да сака да го дестабилизира Балканот за да привлече внимание од руската агресија во Украина.

– Русија во повеќе наврати ја поддржува Србија за тензиите на Косово, обвинувајќи го Западот за „неуспехот да ги заштити Србите на Косово“ – пишува меѓународната агенција.

Свечља рече дека врз основа на собраните докази и снимките од дрон, некои од напаѓачите цело време носеле маски.

– Ниту членовите на групата кои беа уапсени, не знаеја кои се тие. Значи, тие се или високи функционери од безбедносниот сектор на Србија, или можеби дошле директно од Русија – рече Свечља.

Министерот за внатрешни работи изјави дека целта на агресијата била заземање на косовскиот север, кој е населен со мнозинско српско население, со крајна цел отцепување од Косово.

– Имаа уште 100 униформи. Тие планираа да регрутираат повеќе луѓе од областите каде што живеат Срби … Косовските институции ќе требаше да се соочат со стотици терористи во сценариото што го планираа – рече Свечља.

Тој рече дека арсеналот оружје што го запленила полицијата покажува дека се подготвувал план во кој се вклучени стотици луѓе, додека „ризикот од можна експлозија не е завршен“.

– Немаме судири, но имаме информации дека вежбите на овие терористи продолжуваат во Србија. Во Косово има луѓе кои се дел од оваа група – рече Свечља.

The post РУСИ ИМАШЕ ВО БАЊСКО Министерот Свечља се сомнева во руска вмешаност во нападот во Косово appeared first on plusinfo.mk.