Израел побара од Полска да преземе мерки против крајнодесничарски пратеник кој во парламентот истакна израелско знаме со свастика, а барањето предизвика остра реакција од Варшава.

Израелското Министерство за надворешни работи соопшти дека пратеникот Конрад Беркович има „сомнителна историја на јавна поддршка за нацизмот“.

„Историјата покажува до каде водат расизмот и антисемитизмот, што Полска добро го знае. За такво лице нема место во парламентот на демократска Полска. Очекуваме полските власти да реагираат решително и брзо“, се наведува во објавата на израелското МНР.

Портпарол на полското Министерство за надворешни работи одговори дека „пратениците ги избираат Полјаците, а не странските амбасади“.

Тој додаде дека претседателот на парламентот веќе изрекол парична казна за Беркович и му го намалил пратеничкиот додаток, додека обвинителството води истрага.

Минатата недела Беркович во парламентот покажа импровизирано израелско знаме со сина свастика наместо Давидовата ѕвезда.

Тој го обвини Израел за геноцид на Блискиот Исток и го спореди со нацистичка Германија, изјавувајќи: „Израел е новиот Трет рајх и неговото знаме треба да изгледа токму вака“.

Polish MP Konrad Berkowicz displayed an Israeli flag where the Star of David was replaced with a swastika and said:

“Israel is the new Third Reich and that’s exactly how its flag should look” pic.twitter.com/tFnijk3HK7

— Suppressed News. (@SuppressedNws1) April 14, 2026

ЖЕСТОКА КАВГА МЕЃУ ПОЛСКА И ИЗРАЕЛ ПО КРШЕЊЕТО НА СТАТУАТА НА ИСУС Сикороски го обвини ИДФ за воени злосторства, Саар му побара извинување за знамето со свастиката

The post ИЗРАЕЛ БАРА БЕРКОВИЧ ДА БИДЕ ИСКЛУЧЕН ОД ПОЛСКИОТ ПАРЛАМЕНТ Пратениците ги избираат Полјаците, а не амбасадите, возврати Полска appeared first on plusinfo.mk.