На Клиниката за хируршки болести „Св. Наум Охридски“ Скопје, денеска беше потпишан договор за донација од обложувалниците „Спорт лајф трејд“ за комплетно реновирање на Одделот за абдоминална хирургија, поточно на делот за пост-оперативна нега на пациентите.

Донацијата во износ од 2 милиона денари ќе овозможи реновирање на одделот на третиот кат од клиниката, попозната како Градска болница во центарот на Скопје, и ќе ги опфати холот, собите за пациентите и канцеларијата за болничкиот персонал. Нови подови, таван, нови санитарии, водоводни и електрични инсталации ќе бидат поставени на вкупна површина од 395 м2.

Со оваа интервенција капацитетот на одделот ќе биде зголемен за 4 легла, со што ќе се овозможат соодветни услови за постоперативно болничко лекување на 28 пациенти, а во две соби ќе се обезбедат по една комплетно опремена бања во функција на пациентите.

Договорот го потпишаа директорот на Клиниката, д-р Љубен Арсенков и Петар Поцков, маркетинг директор на обложувалниците „Спорт лајф“.

– Со особена чест и задоволство можам да истакнам дека денес заедно со Клиниката за хируршки болести „Св. Наум Охридски“ Скопје, стартуваме со реализацијата на еден значаен проект кој ќе овозможи подобрување на условите за болничко лекување на нашите граѓани. Оваа донација претставува и значаен дел од бројните проекти кои ги реализираме како општествено одговорна компанија. Нашата поддршка е секојпат резервирана пред сè за хуманите цели, онаму каде што е најпотребна, а тоа е здравјето на граѓаните и нивната благосостојба – изјави Петар Поцков од „Спорт лајф трејд“.

Д-р Љубен Арсенков, директорот на Универзитетската клиника за хируршки болести „Св. Наум Охридски“ изразувајќи благодарност за донацијата, истакна:

– За вработените во нашата установа најголема награда е задоволството на пациентите, како и задоволството на нивните семејства. Оттука и предизвикот, да се продолжи со проектите за реновирање и подобрување на условите за нивно лекување по повисоки стандарди од досегашните. Високата фреквентност, стручниот кадар, и долгогодишната традицијата ја чинат Клиниката една од најзначајните здравствени институции во државата, во која се потребни инвестиции за нејзино реконструирање и подобрување на севкупните услови за работа и лекување на пациентите. Оттука, денес, ја изразуваме нашата благодарност кон „Спорт лајф трејд“ за нивната поддршка и значајна донација за комплетно реновирање на делот за постоперативна нега на пациентите од Одделот за абдоминална хирургија. Со реализацијата на овој проект целосно ќе се заокружи реновирањето и санацијата на хоспиталниот дел од Клиниката. Со тоа се создаваат пристојни услови за третман и нега на хируршките болни. Оваа донација е само продолжување на еден извонреден тренд од изминативе пет години, во кој со помош на пријателите на клиниката и менаџментот на установата, се обезбедени повеќе од 1,2 милиони евра од донации за реконструкција на Клиниката. Она што мене посебно ме радува е фактот што во обезбедувањето на средствата учествуваа и голем број вработени од Клиниката, кои со тоа ја истакнаа својата поврзаност, припадност и грижа за установата во која работат. Во мое лично име, во име на организацискиот директор, г-ѓа Нермин Шаќири, и секако во име на сите вработени, уште еднаш ја потенцираме нашата искрена благодарност кон „Спорт лајф трејд“ за обезбедената донација.

Во периодот на изведување на предвидената реконструкција, Клиниката ќе продолжи непречено да работи. Проектот се очекува да биде реализиран во период од 2 месеца.

Универзитетската клиника за хируршки болести „Св. Наум Охридски“ во центарот на Скопје е составена од бројни хируршки одделенија, одделение за интензивно лекување, одделение за анестезиологија и реанимација, одделение за радиодијагностика и биохемиска лабораторија.

На годишно ниво низ амбулантите поминуваат околу 120.000 пациенти со најразлични заболувања. Од нив се хоспитализираат околу 5.500, а кај околу 4.500 се извршуваат хируршки интервенции.

The post ЌЕ СЕ РЕНОВИРААТ СОБИТЕ ЗА ПАЦИЕНТИ И ЗА ПЕРСОНАЛОТ Градска болница ќе се освежи со донација од обложувалниците „Спорт лајф“ appeared first on plusinfo.mk.

– Просечно дневно околу 250 пациенти се прегледуваат само во Ургентната амбуланта и земајќи предвид дека во специјалистичките амбуланти дневно има околу 100 до 150 пациенти, значи бројка од околу 400 пациенти дневно кои во овој период гравитираат кон Клиниката. Поради ситуацијата на Клинички центар, се организиравме на начин што хроничните пациенти што се за операција, не ги примаме и оперираме само итни случаи. Така што, за овие десеттина дена, примени се некаде 170 итни пациенти, од кои кај 150 се направени хируршки интервенции. Зголемен е бројот, зголемен е и обемот на работа на персоналот. Се организираме засега и се надевам дека ќе продолжиме натаму без поголеми реперкусии на третманот. Персоналот одговара на потребите, доаѓаат од дома, повеќе смени работат – вели Арсенков.

Тој додава дека во овој период се зајакнати хируршките екипи и секојдневно има по двајца хирурзи за абдомен, трауматолози и неврохирург бидејќи неврохируршките пациенти се упатуваат на оваа Клиника. Вели дека имаат доволно хирурзи, евентуално она за што можеби би требало да се размисли е инструментарките и останатиот помошен персонал од Клинички да се распредели во Воената болница и во Клиниката „Св. Наум Охридски“.

Во однос на исполнетоста на капацитетот, Арсенков вели дека е исполнет речиси целиот болнички капацитет и дека се во постојана комуникација со Градската општа болница „8 Септември“ со цел пациентите да ја добијат потребната нега.

– Секојдневно утринскиот состанок започнува со тоа колку празни кревети има. Дневно по 100 кревети во болничкиот дел и околу 16 во Интензивна нега, од пет до 10 кревети се слободни, речиси целиот болнички капацитет е исполнет. Ги пуштаме дома пациентите кои можеме порано да ги пуштиме, а оние пациенти кои после хируршката интервенција би останале неколку дена подолго зависно од нивната ситуација, ги закажуваме на контроли за да ослободиме кревети за евентуално итните пациенти. Навистина не знам до кога ова би било вака, меѓутоа се организираме и со колегите од Клинички центар и од „8 Септември“. Се слушаме со колегите пред да го упатат пациентот што дошол кај нив доколку нема место или нема специјалист за таа патологија да се упати кај нас. Тоа на мое огромно задоволство функционира и со дигестивна хирургија. Сега засега мислам дека функционира хирургијата. За жал, тоа што се случува таму не би знаел до кога би траело и сигурно ако продолжи ќе се исполнат капацитетите и можеби ќе треба да се размислува за активирање на некои центри од внатрешноста да можат овие случаи што вообичаено ги праќаат тука, да се третираат во матичните хируршки установи – изјави Арсенков.

Операционите сали во Клиничкиот комплекс „Мајка Тереза“ не работат веќе десетина дена. Министерот за здравство Илир Демири вчера на прес конференција изјави дека проблемот е хаварија во компресорската станица за кој се чекаат испитувања од Германија.

– Додека не заврши ова испитување и не дојдат анализите од Германија кои се испратени, хируршкиот центар ќе се послужи со надворешни компресори – изјави Демири, дополнувајќи дека се набавени шест компресори кои се надворешни и може да послужат за итни неодложни интервенции кои се од покомплициран карактер.

The post ГРАДСКА БОЛНИЦА ЗАТРУПАНА ОД ПАЦИЕНТИ Работниот ден почнува со броење празни кревети appeared first on plusinfo.mk.

Тој нагласи дека при посетата на Струга и на Охрид имале можност да се поклонат на православните христијански светилишта и да видат што „православните христијани пред многу векови го сметале најважно во својот живот“.

– И ништо друго да немаме, туку тоа искуство кога посетуваме вакви светилишта имаме јасна порака за нас. Денеска ние луѓето кои живееме во овие времиња изложени сме на различни предизвици. Тие предизвици често нудат некои нови вредности и нови погледи на светот. Нормално Црквата секогаш е современа, не припаѓа само на минатото, дури ни на сегашноста, па ни само на иднината, таа ѝ припаѓа на вечноста и во таа смисла е безвременска. Се труди да биде секогаш актуелна, да ги дели сите проблеми, сите искушенија, сите неволји, но и сите радости со кои се соочува секој човек живеејќи во ова време – изјави Порфириј.

Но, како што нагласи тој, и покрај тоа што е безвременска и надвременска, бидејќи не е ниту старомодна, ниту модерна, Црквата нуди и вертикала, нуди смисла на постоење на секој човек во секое време и во секој простор.

– Црквата дава можност да разбереме дека сме створени за вечноста и дека љубовта е темел на нашето постоење и тоа баш онака како што говори Светото евангелие со целото свое битие кон Бога, но покрај таа љубов спрема Бога и љубовта кон ближниот, а тоа значи спрема секој човек. Кога Евангелието говори за ближниот, не го подразбира само оној кој е покрај нас, ги подразбира и сите останати луѓе – истакна патријархот српски.

Поклонувајќи се на светињите и посетувајќи ги местата на светиите, како што рече, најдобра можност е да се загледаме во себе, да се восхитуваме на она што го оставиле пред нас оние што ја живееле православната вера, како предание и како духовна култура, но имаме и можност да бидеме вкоренети во преданијата и да се наоружаме да живееме во своето време како современици на сите луѓе.

Делегацијата на Српската православна црква предводена од патријархот Порфириј беше пречекана вчера во манастирот „Рождество на Пресвета Богородица“ во Калишта, каде во нивна чест беше отслужена доксологија.

The post ЦРКВАТА НУДИ СМИСЛА НА ПОСТОЕЊЕТО Порфириј се поклони во христијанските светилишта во Охрид appeared first on plusinfo.mk.

– Здравствената криза покажа колку е важна соработката и поддршката помеѓу приватниот и јавниот сектор. Сите ентитети во општеството имаат своја одговорност и можат да придонесат за подобрување на состојбите. УСЈЕ како општествено-одговорна компанија во континуитет поддржува и е дел од различни проекти од јавен интерес. Во услови на пандемијата медицинскиот персонал заслужува целосна поддршка од сите нас. Компанијата и понатаму ќе биде конструктивен партнер на општеството, бидејќи искрено веруваме дека можеме да придонесеме и да помогнеме – истакна Борис Хрисафов, главен извршен директор на УСЈЕ.

Покрај целосното реконструирање на заедничките простории, УСЈЕ донираше и медицинска заштита опрема за медицинскиот персонал на Универзитетската клиника за хируршки болести „Св. Наум Охридски“ во Скопје. Оваа болница презема голем дел од пациентите во сегментот на хируршки и трауматски болести, по воведувањето на посебниот протокол во останатите јавни болници и клиники во Скопје.

– Несомнено пандемијата предизвика засилен притисок врз здравствените системи. Ние се трудиме да дадеме најдобра услуга за нашите пациенти. Но во овие вонредни услови, кога нашата болница презема голем дел од пациентите, од огромна важност е поддршката и од реалниот сектор. Само преку поддршка и соработка можеме да ги подигнеме стандардите и да обезбедиме подобри услови за медицинскиот персонал, а со тоа и подобар третман на пациентите – истакна д-р Љубе Арсенков, директор на „Св. Наум Охридски“.

Од почетокот на здравствената криза предизвикана од ковид-19, Цементарница УСЈЕ во јавното здравство донираше околу 100.000 евра. Донирани се медицинска опрема и апарати на Министерството за здравство, ГОБ „8 Септември“, Универзитетската клиника за инфективни болести – Скопје, Универзитетската клиника за дерматовенерологија – Скопје, Универзитетската клиника за токсикологија – Скопје и на Специјалната болница за геријатрија и палијативна медицина.

The post ДОНАЦИЈА ОД УСЈЕ ЗА БОЛНИЦАТА „СВ. НАУМ ОХРИДСКИ“ Вработените добија реновирани простории appeared first on plusinfo.mk.

The post Ја турнал зетот на сосетката и тешко ја повредил appeared first on plusinfo.mk.