Фирмата „СВ Инвест“ на Столе Чифлигароски, пријателот на Заеви од државата добила со сигурност над 6 милиони евра тендери, а не плаќала данок, обвини опозициската ВМРО-ДПМНЕ преку соопштение.

„Да потсетиме дека оваа компанија отпочна стечајна постапка, а Чифлигароски според информациите од јавноста е во бегство. Ова Власта на Заеви не го демантираше ова, што само фрла дополнителен сомнеж за сите криминални бизниси со кои беа поврзувани Чифлигароски и Вице. Имено според пријавата која постои до МВР, а која потоа беше мистериозно фалсификувана, токму фирмата ‘СВ Инвест‘ и Вице се посочувани во изнудата на 250 илјади евра во случајот ‘Рекет во РЕК‘. Уште посомнително после пријавувањето на случајот компанијата ‘СВ Инвест‘ почнува стечајна постапка иако со години наназад добиваше милионски тендери од власта на Заев. Дали Чифлигароски освен бизнис потпора имал и директна закрила во матните зделки и криминогените активност од семејството Заеви? Дали Чифлигароски бил само параванот зад кој се крие Вице Заев? Дали Чифлигароски намерно бил толериран од страна на државата иако немал платено над 2,5 милиони евра даноци, само затоа што е близок со Заеви? Дали Чифлигароски бил навреме информиран за пријавата и откриените матни зделки и затоа е надвор од државата? Овие прашања треба да бидат одговорени, прво пред јавноста, а потоа и пред обвинителството“, се вели во соопштението.

Клопчето полека се отплеткува, додаваат од ВМРО-ДПМНЕ, и наскоро ќе се дознае за улогата на поранешниот директор на РЕК Битола Васко Ковачевски, Вице, Чифлигароски, хотелот „Вила Парк“ во Струмица и низа други лица, случаи и локации поврзувани со случајот „Рекет во РЕК“.

The post ВМРО-ДПМНЕ: Фирмата „СВ Инвест“ блиска до Заеви добила над 6 милиони евра тендери од државата, а должи за даноци appeared first on plusinfo.mk.

Постојат најмалку 250 илјади причини обвинителството да се разбуди и да го испита случајот рекет во РЕК Битола, а ако добро прочепкаат можеби ќе излезат милиони причини за отворање на случај, реагираше ВМРО-ДПМНЕ преку соопштение.

„Фирмата ‘СВ Инвест‘ која е клучна во овој случај, а која важи за многу блиска до Вице Заев, отвора мистериозно брзо стечајна постапка, извесно време откако е спомената во пријавата до МВР за изнуда на 250 илјади евра. Повторно прашуваме дали сопственикот на оваа фирма, лицето Столе Чифлигароски, исто така близок до Вице Заев, во меѓувреме ја напуштил државата и дали останал должен кон државата речиси 2,5 милиони евра даноци? Потсетуваме дека оваа компанија и нејзиниот сопственик беа посочени од страна на фирмата која го пријавила случајот за изнуда како чинителот на кој треба да му се отстапи дел од бизнисот или на која треба да и бидат уплатени 250 илјади евра, доколку изнудуваната фирма сака да продолжи да работи во РЕК Битола. Во оваа пријава се споменуваат и тогашниот директорот Ковачевски, Вице и Хотелот ‘Парк‘ во Струмица“, се вели во соопштението.

Тоа што некој се обидува од самиот почеток да ја забошотува истрагата, да фалсификува изјави, наведено е таму, е само причина плус обвинителството да се одважат и да го процесуираат сериозниот криминал на власта.

„Очигледно оваа власт е до гуша заглавена во корупција и тоа ја уништува Македонија. 4 години власт на Заев, 4 години украден живот. Доста е!“, соопшти ВМРО-ДПМНЕ.

The post ВМРО-ДПМНЕ: Дали избеганиот пријател на Заеви, газдата на „СВ Инвест“, должи 2,5 милиони евра кон државата? appeared first on plusinfo.mk.

„Газдата на ‘СВ Инвест‘ Стојан Чифлигароски според документите кои ги доставија до ВМРО-ДПМНЕ свиркачи од врвот на СДСМ е лицето за кое е вршен притисок врз сопствениците на ‘Рубитон‘ да ја отстапат работата во РЕК Битола или ако не сакаат да платат 250.000 евра во кеш на Вице. Јавноста уште нема информации каква е поврзаноста на газдата на ‘СВ Инвест‘ и Вице Заев? Но и зошто Вице нема дадено исказ во ЈО? Од документите се гледа дека целиот државен апарат е ставен во функција на Заеви. Цел лист од пријавата која МВР првично ја составила недостасува, а ЈО молчи. Го нема Вице, ги нема струмичаните на Заеви. Ќе се најде ли маж во МВР што ќе го повика Вице Заев на распит? Веќе се повеќе луѓе од врвот на СДСМ се одважуваат против струмичката криминална екипа на Заеви. Четири години Заеви ја уништуваат Македонија. Четири години власт на Заев, четири години украден живот. Доста е!“, соопшти ВМРО-ДПМНЕ.

The post ВМРО-ДПМНЕ: Газдата на „СВ Инвест“ побегнал во САД appeared first on plusinfo.mk.

Министерството за внатрешни работи вечерва потврди дека кај тројца полициски службеници денеска е извршен претрес на нивните работни места, домовите и автомобилите поради сомнение за сторени кривични дела „оддавање службена тајна“ по член 360, „злоупотреба на државна, службена или воена тајна“ по член 360, а и „злоупотреба на службена положба и овластување“ по член 353 од КЗ.

Станува збор, како што претходно објави Плусинфо, за инволвирани во случајот што го обелодени опозициската ВМРО-ДПМНЕ за наводен рекет во РЕК Битола, а во кој како што обвини партијата, е вмешан Вице Заев, братот на премиерот. Вице Заев, наводно, како што тврди ВМРО–ДПМНЕ барал рекет во вредност од 250.000 евра од битолската компанија „Рубитон“ која добила тендер за ископ на јаглен.

Претресот и разговорите со осомничените, полицајата ги извршила по наредби од судија на претходна постапка од Основниот кривичен суд Скопје. Осомничени во случајов, како што дознаваме, се Александар Јанев, поранешен началник за организиран криминал во МВР во време на техничката влада и Илија Чалшев Менис, полициски инспектор за организиран криминал.

Еве што вели МВР за нивното постапување на прашање на Плусинфо:

„На 28.05.2021 полициски службеници од Одделот за сузбивање на организиран и сериозен криминал, Одделот за криминалистичка полиција, Одделот за внатрешна контрола, криминалистички истраги и професионални стандарди и Секторот за компјутерски криминал и дигитална форензика во координација со Јавното обвинителство за гонење на организиран криминал и корупција постапуваа по наредби од судија на претходна постапка од Основен кривичен суд Скопје за претрес на работните места, домови и превозни средства кај тројца полициски службеници, поради сомнение за сторени кривични дела „оддавање службена тајна“ по член 360, „злоупотреба на државна, службена или воена тајна“ по член 360а и „злоупотреба на службена положба и овластување“ по член 353 од КЗ. Извршени се и службени разговори со полициските службеници и се преземаат дополнителни мерки и активности за расчистување на случајот“, се вели во информацијата од МВР.

Случајот во МВР, го пријавиле оштетените сопственици на компанијата, но според тврдењата на опозициската партија, во пријавата мистериозно исчезнало името на Вице Заев, осомничен за рекетот. Според ВМРО-ДПМНЕ, наводно во времето на Васко Ковачевски власта вршела притисок и закани врз бизнисмените, сопственици на компанијата „Рубитон“, за да ја отстапат работата за ископ на јаглен која ја добиле на тендер во корист на СВ Инвест или да му дадат 250.000 евра во кеш на Вице Заев, во хотелот „Вила парк“ во Струмица.

Пратеникот на ВМРО-ДПМНЕ Миле Лефков вчера достави до Обвинителството за организиран криминал документи со кои, според него, се докажува криминалот со државни тендери во РЕК Битола во времето на Васко Ковачевски, но и притисокот и заканите што наводно ги вршел Вице Заев врз бизнисмените Васко Василев и Јани Радивчев, сопственици на „Рубитон“.

The post МВР потврди: Полицијата извршила претрес дома и на работа кај тројца полициски службеници осомничени за оддавање службена тајна appeared first on plusinfo.mk.

Медиумите кои ја пренесуваат „бомбата“ тврдат дека Тушникот води разговор со Стојче Чифлигароски, сопственик на „СВ Инвест“, фирма која се доведуваше во врска со Вице Заев и која е една од фирмите која добива тендери во РЕК „Битола“.

Во аудио-снимката Тушникот се фали дека добил зелено светло од извесен Рашо, за кого се тврди дека најверојатно е Радиша Бојовиќ, зет на Зоран Заев, а ќе остварел и средба со братот на Зоран, Вице Заев, за да се запали автомобил на човек од Битола, извесен Чаки, затоа што тој бил од ВМРО-ДПМНЕ и многу ја претерал.

Во снимката Тушникот раскажува дека во Струмица заработил 30-40 илјади евра преку некој адвокат за вадење на човек од притвор, за што добил златен часовник како награда. Се спомнува и бизнисот со канабис.

Тушникот бара поддршка од Чифлигароски, за да не му бара на Вице Заев. „А друго е кога ќе дојдат изборите, нека тепат, е тогаш друго ќе барам“, најавува ликот од Битола. Чифлигроски му ветува брза исплата, а Тушникот бара и една кола без документи, која ќе му затреба.

The post Нова аудио бомба со шокантни тврдења на лик од Битола: Вице и Трајче Заеви даваат зелени светла и делат црвени картони?! appeared first on plusinfo.mk.