Њујоршката премиера на „Љубовната соба“ се одржа на 22 мај во 20.30 часот во рамки на Биг Епл Филм Фестивал, во познатото кино Cinema Village, кое е едно од најстарите независни кина во уметничкиот дел на Њујорк, познат како Гринич Вилиџ.

Пред њујоркшката публика која ја сочинуваат и претставници на македонската дијаспора која живее и работи во Њујорк и претставници на дипломатскиот кор, режисерката и продуцент Сузана Диневски во делот предвиден за „Прашања и одговори“, ja презентираше реализацијата и идејата за филмот што раскажува две паралелни интимни љубовни приказни во кој главни протагонисти се две млади жени чии сопрузи се на отслужување на затворска казна во КПД Идризово. Филмот го прикажува социјалниот портрет на двете семејства низ призма на интимниот свет од брачните посети во најозлогласениот затвор во Македонија – Идризово, и ефектите што тој ги има врз семејството и нивното непосредно опкружување.

Номинацијата на „Љубовната соба“ на BAFF е само потврда за неговиот квалитет во конкуренцијата на долгометражни филмови селектирани од целиот свет како дел од BAFF Њујорк што се смета за еден од најдобрите 25 филмски фестивали.

The post ДОКУМЕНТАРЕЦ ЗА БРАЧНИТЕ ПОСЕТИ ВО ИДРИЗОВО Њујорк ја виде „Љубовната соба“ од Сузана Диневски appeared first on plusinfo.mk.

Продуцент на филмот е исто така Сузана Диневски, а ко-продуценти се Владимир Стојчевски (Аворд Филм и Видео) и Бојана Диневски (Сузи Кју). Директор на фотографија е Фејми Даут, а монтажата е на Горан Вуќиќ.

Музиката е на Дуке Бојаџиев, организатор е Горан Стојилковиќ, а тонски дизајнер е Игор Поповски.

Филмот раскажува интимни приказни на неколку жени за нивното емотивно, социјално и психолошко патешествије што го минуваат додека нивните мажи или партнери се наоѓаат на отслужување на затворски казни. Филмот го раскажува влијанитето кое интимните затворски посети ги имаат врз неколкуте жени од Балканот, преку самите карактери на овие исклучителни жени и нивните трансформации.

Финансиски е поддржан од Агенцијата за филм.

The post НАГРАДА „АГОРА ДОКС“ ЗА „ЉУБОВНАТА СОБА“ НА ДИНЕВСКИ Документарецот е приказна за жените на робијашите appeared first on plusinfo.mk.