Регионалниот центар за управување со кризи Македонски Брод информира дека настанал пожар во населбата Самоков, во фабриката за муниција и оружје „Сувенир“.

Според нивните информаци, опожарени се магацин и хала со хемикалии.

Територијалната противпожарна единица (ТППЕ) – Македонски Брод е на терен со едно противпожарно возило и тројца пожарникари.

Електричната енергија во фабриката е исклучена.

The post ГОРИ ХАЛА СО ХЕМИКАЛИИ Избувна пожар во фабриката за оружје „Сувенир“ appeared first on plusinfo.mk.

– Преку создавањето на овој прототип на сувенир од биоотпад не само што ги следиме глобалните трендови каде што биоотпадот се третира многу повеќе од ресурс во индустријата, туку се размислува и за негова примена во уметноста. Ова истражување, чиј резултат го споделуваме денеска е меѓу првите обиди во светски рамки за користење на биоотпадот како суровина за изработка на сувенири. Се надеваме дека ќе најде примена и ќе биде пример за слични идеи понатаму – изјави постојаниот претставник на Програмата за развој на Обединетите Нации, Армен Григорјан.

Градоначалничката на Град Скопје, Данела Арсовска, истакна дека овој проект е од големо значење за градот.

– Првиот еко сувенир направен од био разградлив материјал со примена на нови иновативни технологии, има свој уникатен белег, креиран е во првата биотехнолошка лабораторија, која Град Скопје со поддршка на УНДП и УНИЦЕФ ја отвори во средното училиште на Град Скопје, „Марија Кири Склодовска“. Биотехнолошката лабораторија во која со нашите средношколци отпочнавме процеси кои водат кон рециклирање и реупотреба со примена на методи за трансформација на биоотпад, е од големо значење за креирање одржливи решенија со цел заштита на животната средина – рече градоначалничката Данела Арсовска.

Сувенирот е изработен од отпаден материјал од оризова слама и талог од кафе.

На него е прикажан часовникот на старата железничка станица, чии стрелки се застанати во пет часот и 17 минути, означувајќи го катастрофалниот земјотрес во Скопје, од 26-ти јули 1963-тата година. На локацијата каде сега се наоѓа Музејот на град Скопје, овој часовник стана и симбол на обновата на градот и на светската солидарност.

Целиот процес на дизајнирање, од избор на материјали до производство е изведен во согласност со правилата на одржливост и циркуларната економија. Амбалажата за сувенирот исто така е направена од биоотпад а во неговата изработка учествуваше тим од биотехнолози, професори и други стручни лица.

– Проектот може лесно да се повтори од ученици за поттикнување на креативни и одржливи практики во образованието – вели Натали Ристовска, експертка која работеше на изработката и дизајнот на сувенирот.
Според експертите, вакви сувенири, на едноставен начин ќе може да изработуваат и лица кои не се биотехнолози, како учениците и студентите кои ја користат отворената градска биотехнолошка лабораторија.

The post БИОТЕХНОЛОШКИ СУВЕНИР ОД СРЦЕТО НА СКОПЈЕ Ученици направија часовник од оризова слама и талог од кафе appeared first on plusinfo.mk.

Сардинија, позната по прекрасните плажи, тешко се справува со влијанието на туризмот врз животната средина и ги игнорира предупредувањата дека плажите остануваат недопрени. Затоа, таа одлучи да преземе строги мерки против оние кои одлучуваат да земат со себе и најмала количина песок или школки.

Казни до 3.000 евра

Доколку се откријат, „шверцерите“ можат да бидат казнети помеѓу 500 и 3.000 евра, а тоа се случи неодамна на екипа фатена на аеродром во Сардинија со четири килограми песок од различни плажи.

Сите освен еден се казнети, рекоа властите, објаснувајќи дека плажите на Сардинија претрпуваат непоправлива штета секоја година, бидејќи „туристите со себе носат песок, камења и школки без никаква почит“.

Строги правила

Властите во Сардинија сериозно ги сфаќаат правилата за некои плажи. На плажата Спијаџа дела Пелоса, една од најубавите во Европа, туристите под крпата мора да имаат сламена простирка и да се придржуваат до строгата забрана за пушење.

Покрај тоа, плажата има ограничен број посетители и се наплатува влез.

The post КАЗНИ И ДО 3.000 ЕВРА Сардинија им забрани на туристите да земаат песок од плажа appeared first on plusinfo.mk.