Дисциплинската комисија на ФИФА ги изрече казните за репрезентацијата на Аргентина по инцидентите по финалето на Светското фудбалско првенство и поразот од Шпанија со 0:1.

Аргентинската репрезентација и нејзините фудбалери добија високи казни.

Најголема казна доби Леандро Паредес, кој доби суспензија од 10 натпревари, а неговиот соиграч Нахуел Молина доби забрана за настап на 7 натпревари. Тиаго Алмада е казнет со еден натпревар, а помошниот тренер Ајала со 3 натпревари.

Казна има и за шпанскиот репрезентативец Гави, кој доби суспензија од еден натпревар.

Паредес и Молина ќе треба да платат и парични казни во висина од 90.000 американски долари, а Алмада, Ајала и Гави добија парични казни од по 30.000 американски долари.

Суспензиите се однесуваат само за репрезентативни натпревари.

Аргентина ќе мора и два натпревара на домашен терен да игра без присуство на публика, додека Аргентинската федерација ќе треба да плати 250.000 американски долари.

The post ВИСОКИ КАЗНИ ЗА АРГЕНТИНЦИТЕ ЗА ИНЦИДЕНТИТЕ ПО ФИНАЛЕТО НА МУНДИЈАЛОТ Паредес доби суспензија од 10 натпревари appeared first on plusinfo.mk.

Полициски службеник од Полициската станица за граничен надзор Чашка заработи кривична пријава откако за време на семејна прослава испукал повеќе истрели од огнено оружје во присуство на поголем број гости.

Одделот за внатрешна контрола, криминалистички истраги и професионални стандарди при МВР поднесе кривична пријава против З.Р. поради сомнение за кривичното дело „предизвикување општа опасност“, односно опасност по животот и телото на присутните.

Според информациите од МВР, инцидентот се случил на 22 мај годинава во дворот на семејната куќа на полицискиот службеник.

Освен кривичната пријава, против полицискиот службеник ќе биде поведена и постапка за утврдување дисциплинска одговорност.

Од МВР најавија дека ќе му бидат изречени задолжителни мерки, а до завршување на дисциплинската постапка ќе биде отстранет од работното место.

The post 📽️ ПОЛИЦАЕЦ ПУКАЛ СО ПИШТОЛ НА СЕМЕЈНА ПРОСЛАВА Ќе одговара за предизвикување општа опасност appeared first on plusinfo.mk.

Најавата доаѓа откако Фудбалската федерација на Македонија ја казни Шкендија со 105.000 евра и суспендирање од купот за идната сезона поради поради инцидентите за време и по финалниот натпревар против Силекс.

Следуваше одговор од ФФМ:

„Никакви уцени, притисоци или закани нема да ја поколебаат Фудбалската федерација на Македонија во намерата да стави крај на дивеењето на трибините. Почитувањето на противникот, навивачите, законите и државните симболи е обврска за сите и нема да има исклучоци“, наведуваат од Федерацијата.

Во финалето во кое победи Силекс фудбалерите на Шкендија одбија да примат медали, публиката ја исвиркуваше македонската химна, беше истакнат и спорен транспарент.

Од друга страна, ФФМ го казни Силекс со 5.000 евра поради пиротехника на финалниот натпревар.

Победникот на купот, Вардар, беше глобен 15.000 евра за недолично славење на титулата и за навредливо скандирање од трибините. 

ЕДНА ОД НАЈТЕШКИТЕ САНКЦИИ ВО ПОНОВАТА ИСТОРИЈА НА ФФМ Еве што „заработија“ Шкендија, Вардар и Силекс

The post ШКЕНДИЈА СЕ ЗАКАНИ КОН ФФМ, ДОБИ ОДГОВОР Федерацијата не отстапува од казната од 105.000 евра appeared first on plusinfo.mk.

Македонските ракометни судии Ѓорѓи Начевски и Славе Николов од страна на Европската ракометна федерација добија суспензија од две години, а ќе мора да платат и 5.000 евра парична казна поради манипулација со фитнес тестовите пред стартот на последното Европско првенство за мажи.

„Ракометниот суд на ЕХФ донесе одлука во случајот отворен против македонскиот судиски пар Ѓорѓи Начевски и Славе Николов.

Пред машкото ЕХФ ЕВРО 2026, ЕХФ ја повлече номинацијата на двајцата судии од Северна Македонија поради наводна манипулација со прикачените видео снимки од таканаречениот „Multistage Fitness Test“.

Врз основа на анализата на партнерот за интегритет на Европската ракометна федерација „Спортрадар“, Ракометниот суд на ЕХФ дојде до заклучок дека спорните видеа биле манипулирани и затоа ги изрече следните санкции.

Двајцата судии се суспендирани од извршување на каква било функција во рамките на ЕХФ и учество во какви било активности на ЕХФ во период од две години од датумот на првостепената одлука поради сериозно неспортско однесување.

Секој судија мора да плати казна од 5000 евра за фундаментални прекршувања на Кодексот на однесување на ЕХФ. Жалба може да се поднесе до Апелациониот суд на ЕХФ во рок од седум дена“ – се вели во соопшението на ЕХФ.

Начевски и Николов изминативе десетина години важеа за најдобрата судиска двојка во Европа и во светот со отсудени многу меѓународни натпревари во Лигата на шампионите, Европски првенства, Светски првенства и Олимписки игри.

The post МАКЕДОНСКИ РАКОМЕТНИ СУДИИ СУСПЕНДИРАНИ НА ДВЕ ГОДИНИ Начевски и Николов манипулирале со видео снимки од фитнес тест – тврди ЕХФ appeared first on plusinfo.mk.

ВМРО-ДПМНЕ ги негира обвиинувањата на СДСМ дека Европската комисија ја прекинала програмата ИПАРД за поддршка на земјоделците, поради случајот во кој беше уапсен

директорот на Агенцијата за финансиска поддршка за земјоделството и руралниот развој.

„Лага е дека се суспендирани средствата од ИПАРД програмата. Лага е дека се стопирани средствата. СДСМ лаже за да добие ситни политички поени. Нивните лаги веќе не поминуваат ниту кај малите деца. Средствата од ИПАРД III Програмата не се суспендирани од страна на Комисијата.

Повеќе пати е потенцирано дека од страна на Европската Комисија е поздравена одлуката за привремен прекин на плаќањата. Институциите работат во разрешување на случајот. Веднаш по завршување на проверките и контролите, ќе се продолжи со реализација на ИПАРД III Програмата. СДСМ го боли тоа што институциите работат и преземаат активности согласно нивните надлежности, тоа што беше мисловна именка во нивно време“ – се вели во соопштението на ВМРО-ДПМНЕ.

The post СДСМ ЛАЖЕ ДЕКА ИПАРД Е СУСПЕНДИРАНА ОД ЕВРОПСКАТА КОМИСИЈА Според ВМРО-ДПМНЕ, програмата ќе продолжи по завршување на контролите appeared first on plusinfo.mk.

Советот на јавните обвинители ја именува Наташа Крстевска Цалева за вршител на должноста Виш јавен обвинител на Вишо јавно обвинителство Скопје, до изборот на нов шеф на обвинителството, но не подолго од шест месеци.

Определувањето на должноста беше првата и единствена точка на дневниот ред на денешната 33-та седница на Советот на јавни обвинители.

На почетокот на неделава, на 9 декември, Советот донесе одлука за престанок на функцијата јавен обвинител за Мустафа Хајрулахи, поранешен шеф на Вишото јавно обвинителство Скопје, по негово сопствено барање.

Хајрулахи беше суспендиран откако Основното јавно обвинителство Штип поднесе обвинителен акт за пет кривични дела „малтретирање во вршење на службата“ и едно за „злоупотреба на службената положба и овластување“. Тој категорично ги отфрли сите обвинувања, тврдејќи дека случајот е тенденциозен и политички монтиран со цел негово отстранување, поврзувајќи ја постапката со неговото постапување во врска со бонусите на СЈО.

Советот на јавните обвинители веќе во февруари годинава ја определи Наташа Крстевска Цалева за вршител на должноста шефица на Вишото јавно обвинителство, додека траеше оддалечувањето на Мустафа Хајрулахи.

The post ВИШОТО ЈАВНО ОБВИНИТЕЛСТВО ИМА НОВА ШЕФИЦА Хајрулахи заминува, Крстевска Цалева ја презема должноста appeared first on plusinfo.mk.

Советот на јавни обвинители на денешната седница донесе одлука за престанок на функцијата јавен обвинител за Мустафа Хајрулахи, поранешен шеф на Вишото јавно обвинителство Скопје, по негово сопствено барање.

Хајрулахи беше суспендиран откако Основното јавно обвинителство Штип поднесе обвинителен акт за пет кривични дела „малтретирање во вршење на службата“ и едно за „злоупотреба на службената положба и овластување“, базирано на наводи дека во периодот од септември 2023 до октомври 2024 година, тој користел хиерархиска надреденост за континуирано психичко насилство и закани врз пет вработени жени.

Хајрулахи категорично ги отфрли сите обвинувања, тврдејќи дека случајот е тенденциозен и политички монтиран со цел негово отстранување, поврзувајќи ја постапката со неговото постапување во врска со бонусите на СЈО.

На денешната седница Советот, меѓу другото, треба да се расправа и за одлука за избор на нов Претседател на Советот и формирање на Комисија за спроведување на стратегијата за комуникација и транспарентност за периодот 2025-2028 година.

The post ПРИФАТЕНА ОСТАВКАТА НА ОБВИНИТЕЛОТ ХАЈРУЛАХИ На дневен ред е избор на претседател на Советот на јавни обвинители appeared first on plusinfo.mk.

Кристијано Роналдо, капитенот на Португалија и еден од најуспешните фудбалери во историјата, ќе настапи на Светското првенство следното лето, иако беше исклучен во квалификацискиот меч против Република Ирска. Организацијата ФИФА реши да му изрече само еден натпревар суспензија, со што Роналдо останува во составот на селекторот Роберто Мартинез, јави Би-Би-Си Спорт.

Моментот што го шокираше стадионот во Даблин се случи кога 40-годишниот ас го удри со лакт противничкиот дефанзивец Дара О’Шеа, при што веднаш беше исклучен. Иако ваквите инциденти обично се казнуваат со три меча забрана, ФИФА ја услови втората и третата суспензија на една година, земајќи предвид дека ова бил првиот црвен картон на Роналдо во 226 настапи за националниот тим.

Меѓутоа, Португалецот веќе ја отслужи казната, бидејќи не настапи против Ерменија на 16 ноември, па така ќе биде подготвен за првиот натпревар на Светското првенство во САД. Со ова, најпознатиот европски стрелец останува фокусирано во потрага по уште еден историски настап со репрезентацијата.

ФИФА соопшти дека во пресудата е земена предвид неговата спортска биографија, фер-плеј пристапот и фактот дека не се повторил сличен инцидент во кариерата на репрезентативно ниво.

Роналдо постигна пет гола во квалификациите, а Португалија обезбеди директен пласман како првопласирана во Групата Ф. Ова ќе биде нивно седмо последователно учество на Мундијал. Ждрепката за турнирот ќе се одржи на 5 декември, а Португалија се наоѓа меѓу носителите.

The post ФИФА МУ СЕ СМИЛУВА НА РОНАЛДО Легендата ќе игра на Светското првенство appeared first on plusinfo.mk.

Парламентот на Франција денеска ја суспендираше непопуларната реформа на пензискиот систем од 2023 година, проект на вториот мандат на претседателот Емануел Макрон.
Одлуката е донесена со 255 гласови „за“ и 146 „против“, со поддршка од социјалистите, Зелените и ултрадесничарската партија Национален собир. „Воздржани“ беа пратениците од коалициската партија на Макрон – Ренесанса, додека „против“ беа пратениците од радикалната партија Непокорена Франција и комунистите.
Усвоениот закон го суспендира постепеното зголемување на возраста за пензионирање на 64 години до јануари 2028 година, како и планираното зголемување на задолжителниот минимален број месечни пензиски придонеси. Во пракса, генерацијата родена во 1964 година би се пензионирала на 62 години и 9 месеци (како претходната генерација) наместо на 63, што беше предвидено со реформата. Тие би се пензионирале со најмалку 170 месечни придонеси наместо 171.
Реформата што ја суспендира парламентот денес беше една од најконтроверзните мерки на владеењето на Емануел Макрон. Таа предвидуваше постепено зголемување на возраста за пензионирање од 62 на 64 години и продолжување на периодот на задолжителни придонеси за полна пензија. Владата ја усвои реформата во 2023 година без целосна парламентарна поддршка, што предизвика масовни протести низ целата земја.
Демонстрациите, кои започнаа во јануари 2023 година, траеја со месеци и во неколку наврати собраа повеќе од еден милион луѓе на улиците во Париз и другите градови. Штрајковите ги погодија јавниот превоз, училиштата, отпадните служби и енергетскиот сектор. Иако реформата беше спроведена, притисокот од јавноста не стивна, па сегашната одлука за нејзина суспензија се смета за задоцнета политичка реакција на долготрајното незадоволство.

Парламентот на Франција денеска ја суспендираше непопуларната реформа на пензискиот систем од 2023 година, проект на вториот мандат на претседателот Емануел Макрон.

Одлуката е донесена со 255 гласови „за“ и 146 „против“, со поддршка од социјалистите, Зелените и ултрадесничарската партија Национален собир. „Воздржани“ беа пратениците од коалициската партија на Макрон – Ренесанса, додека „против“ беа пратениците од радикалната партија Непокорена Франција и комунистите.

Усвоениот закон го суспендира постепеното зголемување на возраста за пензионирање на 64 години до јануари 2028 година, како и планираното зголемување на задолжителниот минимален број месечни пензиски придонеси.

Во пракса, генерацијата родена во 1964 година би се пензионирала на 62 години и 9 месеци (како претходната генерација) наместо на 63, што беше предвидено со реформата. Тие би се пензионирале со најмалку 170 месечни придонеси наместо 171.

The post ПАРЛАМЕНТОТ ЈА СУСПЕНДИРАНА ПЕНЗИСКАТА РЕФОРМА НА МАКРОН Долготрајниот отпор вроди со плод appeared first on plusinfo.mk.

Брисел нема најава за блокада на ИПАРД средствата на кои што сме како држава корисници. Напротив, нашата борба против корупцијата која што ја водиме во моментов и дополнителните проверки кои што ги правиме во самата Агенција за финансиска поддршка во земјоделството и руралниот развој, се силно пофалени од страна на Брисел – истакна министерот за земјоделство, шумарство и водостопанство, Цветан Трипуновски.

– Она што веднаш по сознанието односно акцијата која што ја спроведе Министерството за внатрешни работи и Обвинителството, преземени се дополнителни активности со цел да се провери работењето на самата Агенција за финансиска поддршка во земјоделството и руралниот развој. Ќе се преземат одредени активности во делот на контролните механизми, во делот на исплатата на ИПАРД средствата – појасни министерот.

Министерот Трипуновски посочи дека во брз период ќе има нов директор на Агенцијата, со цел тековното работење да продолжи со нормална динамика.

– Ние како држава сме решени да ја спроведеме борбата против корупцијата – нагласи тој.

Претходно поранешниот министер за земјоделство Љупчо Николовски изјави дека до владата пристигнал допис дека програмата ИПАРД 3 е суспендирана.

НИКОЛОВСКИ ТВРДИ ДЕКА ПРОГРАМАТА ИПАРД 3 Е ПРЕКИНАТА Се запираат исплатите за земјоделците и за фирмите што склучиле договори

The post НЕМА НАЈАВА ЗА БЛОКАДА НА ПАРИТЕ ОД ПРОГРАМАТА ИПАРД Министерот Трипуновски го демантира својот претходник appeared first on plusinfo.mk.