Необична светлина ќе го осветли небото вечерта во четврток, 4 декември, кога студената Супермесечина ќе се издигне над хоризонтот. Ова е последниот ваков небесен спектакл за 2025 година, и според научниците, ќе биде видливо поголема и речиси 16 проценти посветла од просечната полна месечина.

Месечината ќе се појави околу 15:13 часот по македонско време, но највидлива ќе биде помеѓу 22:30 и 00:30 часот.

Супермесечината се создава кога полната месечина се совпаѓа со нејзината најблиска точка до Земјата – перигејот. Овој пат Месечината ќе биде на само 357.219 километри оддалечена од нас, што дава впечаток дека е значително поголема на небото.

Студениот зимски воздух со малку влага ќе создаде идеални услови за фотографирање, под услов небото да е чисто.

Овој небесен настан доаѓа во момент кога северната хемисфера се подготвува за зима.

Технички, ова порамнување на Сонцето, Земјата и Месечината се нарекува сизигија — ретка астрономска положба што го симболизира совршениот баланс на светлина и сенка.

Следната Супермесечина ќе се случи дури во август 2026 година, што ја прави оваа појава особено вредна за љубителите на астрономијата.

The post ПОСЛЕДНА И НАЈГОЛЕМА СУПЕРМЕСЕЧИНА ЗА 2025 ГОДИНА Студениот воздух може да го расчисти небото за фотографирање appeared first on plusinfo.mk.

Светлината што ќе го преплави ноќното небо вечерта на 4 ноември ќе биде најсилна во целата 2025 година. Месечината, во својата најголема и најсветла форма, ќе се доближи до Земјата за речиси 27.000 километри повеќе од вообичаено.

Астрономите ја нарекуваат „супермесечина“ затоа што изгледа до 7% поголема и до 16% посјајна од вообичаената полна месечина, јави Ројтерс.

Меѓутоа, овојпат совпаѓањето меѓу полната фаза и нејзината најблиска точка, перигејот, ќе биде речиси совршено. Тоа создава идеална комбинација за визуелен спектакл што ретко се повторува. Следната ваква месечина ќе се појави дури на 24 ноември 2026 година.

Највеличествената и најсветлата месечина ќе биде видлива на 4 ноември, приближно од 17 до 18 часот по македонско време, кога ќе се појави над источниот хоризонт.

Сепак, целосно полната месечина ќе настапи на 5 ноември во 14:19 по средноевропско време (CET), односно во 15:19 по македонско време, бидејќи Македонија веќе е во зимско сметање на времето.

Притоа, највпечатливиот момент за набљудување ќе биде во првиот час по нејзиното појавување над источниот хоризонт. Тогаш, поради таканаречената илузија на Месечината, таа ќе изгледа огромна и златно-портокалова. Овој оптички ефект се создава кога нејзината светлина се споредува со објекти на земјата – дрвја, згради или ридови – а атмосферата ги расфрла сините бранови, оставајќи ги потоплите нијанси.

Дури и со мобилен телефон може да се направат драматични фотографии, особено ако во кадар се фатат силуети на луѓе или покриви кои даваат чувство на длабочина.

Во текот на ноќта Месечината ќе минува низ соѕвездието Бик, каде нејзиниот сјај ќе ја надмине речиси секоја ѕвезда. Со двоглед ќе може да се види портокаловата ѕвезда Алдебаран – окото на Бикот – како и ѕвездениот кластер Плејади, познат како „Седумте сестри“. Заедно ќе создадат впечатлив небесен триаголник што ретко се гледа со голо око.

Гледајќи ја оваа „златна месечина“ што ја осветлува земјата, луѓето ширум светот ќе имаат редок потсетник на вселенскиот ритам што ги поврзува со космосот од античките времиња до денес.

The post СУПЕРМЕСЕЧИНАТА ВЕЧЕРВА ЌЕ БИДЕ НАЈГОЛЕМА ЗА 2025 ГОДИНА Златно-портокалова светлина ќе го обои небото appeared first on plusinfo.mk.

Кога нашиот природен сателит во неговото кружење ќе ја достигне најблиската точка до Земјата, тоа е познато како „перигеј“ (точката каде што Месечината е најдалеку од нашата планета е „апогеј“).

„Супермесечината“ се јавува кога полната Месечина е на перигеј, а „Микромесечината“, т.е. апогеј, е феноменот кога таа изгледа најмала.

За 4 месеци по ред ќе имаме 4 „супермесечини“ – појава којашто се нарекува „сина полна супермесечина“.

Месечината е оддалечена од Земјата, во просек, околу 384.000 километри, но вечерва растојанието ќе биде 23.000 километри поблиску. Ако небото е ведро, покрај „сината супермесечина“, ќе бидат видливи и Сатурн и неговите прстени, но, со двоглед или со телескоп.

The post „СИНАТА СУПЕРМЕСЕЧИНА“ НАД МАКЕДОНИЈА ВЕЧЕРВА Зошто Месечината ќе биде огромна? appeared first on plusinfo.mk.

На небото в среда ќе може да се види таканаречена сина супермесечина. Оваа појава се случува кога целиот диск на Месечината е осветлен и кога таа е најблиску до Земјата, во исто време.

Тоа, сепак, не значи дека нашиот природен сателит ќе биде син по боја, туку тој назив го означува второто појавување на полна месечина во еден месец. Имено, првата полна месечина овој месец се случи на 1 август, а втората ќе биде задутре. Зенитот е во 8:46 часот наутро по македонско време, но појавата може да се види од секаде на планетава ако небото е чисто. Околу 25 отсто од полните месечини се супермесечини, но само три отсто се сини месечини, според НАСА, што е релативно ретка појава.

Заедно со сината супермесечина, в среда на небото ќе биде видлив и Сатурн.

Супермесечината е околу 16 отсто посветла од вообичаената појава на Месечина, а изгледа и поголема од просечната полна месечина. Супермесечината на 30 август ќе изгледа уште поблиску до Земјата отколку полната месечина на почетокот на август. Последната од четирите супермесечини за оваа година ќе биде т.н. „Месечината на жетвата“ на 28 септември.

Следната сина Месечина е предвидена за мај 2026 година, а наредната ќе може да се види во 2037., и во јануари и во март.

Во просек, Месечината е оддалечена од Земјата околу 384.400 километри. Патеката по којашто орбитира околу нашата планета не е совршен круг, туку е малку издолжена елипса. Исто време, таа е малку и „изместена“, па точката каде што е најблиску до Земјата се нарекува перигеј (околу 363.295 км), а точката каде што е најдалеку (околу 405.503 км) се нарекува апогеј.

Под влијание на гравитацијата на Сонцето и планетите (првенствено Сонцето), патеката на Месечината се поместува малку подалеку во однос на Земјата, така што секој перигеј не е подеднакво блиску, како што и не секој апогеј подеднакво далеку.

The post ВО СРЕДА ЌЕ ВИДИМЕ СИНА СУПЕРМЕСЕЧИНА Ќе биде видлив и Сатурн appeared first on plusinfo.mk.

„Полната Месечина во јули се нарекува Рогата Месечина затоа што роговите на машкиот елен во овој момент се во полн раст“, ​ вели Алманахот на Стариот фармер. 

Полната месечина на 13 јули е всушност супермесечина и ќе ги истакне нашите амбиции, но и желбата за љубов која трае, трае и трае.

Откако ќе започне сезоната на лавовите на 22 јули, возбудата само ќе расте и страста ќе нè води низ животот. Очекувајте зголемена самодоверба и дозволете си да бидете поспонтани.

Супермесечина се случува кога блиската страна на Месечината не е само целосно осветлена, туку и нашиот природен сателит е на најблиската точка во својата орбита со нас, Земјата.

Бидејќи орбитата на Месечината, иако е многу блиску до круг, всушност е елипса, има моменти кога таа е поблиску до Земјата, што се нарекува перигеј и друго време кога е подалеку, наречено апогеј. Просечното растојание помеѓу Земјата и Месечината е 384.400 километри.

Кога се случува полна месечина, а Месечината е во перигеј, таа изгледа малку поголема и посветла отколку кога е во апогеј. Според НАСА, се работи за околу 14 отсто зголемување во големината и 30 отсто зголемување на светлината.

Оваа разлика ѝ го донесе прекарот „Супермесечина“. Спротивното е „микромесечина“, но кога таа се случува разликата е доволно мала што нема да забележите доколку не знаете дека се случува.

Со оглед на тоа што не постои астрономска дефиниција за оваа редовна појава, не постои строго правило како да ја разликуваме. Астрофизичарот Фред Еспенак ја дефинираше како полна Супермесечина онаа што се јавува кога Месечината е на 90 проценти од најблиското приближување до Земјата. Врз основа на тоа добивате три или четири месечини годишно.

Од четирите случувања во 2022 година, од мај до август, вечерашното ќе биде најблиску до перигејот. По ова, следна полна месечина блиску до перигејот ќе се појави на 6 декември.

Можеби ќе го видите и оптичкиот трик наречен илузија на Месечината. Ова се случува кога Месечината е ниско на хоризонтот, давајќи впечаток дека е масивна и многу поблиску од нормалното.

The post ВЕЧЕРВА НЕ ЈА ПРОПУШТАЈТЕ СУПЕРМЕСЕЧИНАТА Ракот носи љубов, а ерата на лавот, храброст appeared first on plusinfo.mk.