„Целиот процес на усвојување на спорниот ДУП е контроверзен, со оглед на тоа што се работи за фирма која е регистрирана во оф-шор земја Панама, што отвора индиции за нелегални финансиски активности и перење пари. Дополнително, скандалозно е што поранешниот министер за транспорт и врски – Горан Сугарески, усвоениот ДУП го потпишал шест дена после распишувањето на изборите, со што се прекршени предизборните правила. Ригидноста и корумпираноста на самата Антикорупциска Комисија е евидентно во нејзиното непостапување против поранешниот министер, додека приоритет на претседателката Ивановска е иницирање законски решенија за бришење на трите пријави поднесени против директорот на Агенцијата за разузнавање – Еролд Муслиу. Иако за бизнисменост Давидовиќ беа објавени и бомби каде се спомнуваат износи од 300.000 евра во конотација со Зоран Заев, Драги Рашковски и финансирање на неуспешниот референдум – обвинителството сѐ уште не отворило постапка за да ги испита наводите од јавно објавената снимка. Дополнително, деновиве премиерот Заев во интервју потврди дека тој бил иницијатор за носење на ДУП-от и влијаел врз советниците од општина Тетово“, се вели во соопштението на Левица.

Таму е наведено дека узурпираноста и партизираноста на институциите од страна на криминалните владејачки елити ја претвориле државата во алатка за репресија само врз најсиромашните и најзагрозените граѓани кои експресно се санкционираат, додека за ниту еден корупциски скандал каде се инволвирани највисоки претставници на власта нема ефективна судска пресуда.

„Во услови на економска криза, кога секој втор ден по една фирма влегува во стечај и илјадници работници останаа на улица, милионските криминални бизниси на режимот на СДС само се надградуваат, додека институциите кои треба да го заштитат народот од самоволието на властите – се директни учесници во истото. Тригодишното владеење на СДС само ја потврди добро позната премиса дека во Македонија мафијата си има своја држава“, посочуваат од Левица.

The post Левица: Наместо да го амнестирате Муслиу, испитајте го Сугарески appeared first on plusinfo.mk.

Станува збор за објект изграден минатата година од страна на советник на ДУИ во Советот на Општина Охрид, за која веднаш беше издадено решение за уривање, со забелешка дека се работи за нелегално изграден објект.

Базата се наоѓа во непосредна близина на хотелот чие уривање започна пред четири дена.

За самата база беше соопштено дека е изградена на земјиште на Исламската верска заедница, доделено по пат на денационализација.

Министерот за транспорт и врски Горан Сугарески при последната посета на Охрид истакна дека е ирелевантно чии се дивоградбите, нагласувајќи дека не смее да има селективност во постапките по решенијата за уривање.

– Каде градоначалникот нема ингеренции, ингеренции има Државниот градежен инспекторат – рече Сугарески.

The post Почна уривањето на бетонската база во Охрид appeared first on plusinfo.mk.

– Како член на Кризниот штаб можам да кажам дека ја следиме ситуацијата, и согласно препораките кои ги дава Комисијата за заразни болести, ние разговараме и постапуваме по нив, и како штаб, а и во Владата. Во моментот сè уште немаме конечен став околу отворањето на границите и аеродромите. Очекувам овие денови, штом Комисијата го постави тоа прашање на дневен ред, да се разговара на седница на Кризниот штаб, по што Владата ќе донесе одредени одлуки, доколку тие треба да бидат донесени – истакна министерот Сугарески.

The post Сугарески: Сè уште нема конечен став околу отворањето на границите и аеродромите appeared first on plusinfo.mk.

-На оваа тема се разговара, но се уште е рано да се донесе одлука, рече Сугарески, одговарајќи на новинарско прашање при посетата на пелагонискиот регион.

Сугарески повтори дека ТАВ, концесионерот на аеродромите во Скопје и во Охрид, информирале дека од моментот кога ќе се донесе одлука за отворање на аеродормите за да ги стават во функција ќе им требаат седум дена.

Со одлука на Владата, како мерка за спречување на ширењето на коронавирусот, од 15 март на полноќ е затворен аеродромот „Св. Апостол Павле“ во Охрид, а од 18 март на полноќ и Меѓународниот аеродорм Скопје.

The post Рано е за одлука за отворање на аеродромите, вели Сугарески appeared first on plusinfo.mk.

Тој изврши увид на градежните работи на свлечиштето близу преспанското село Штрбово, на местото викано Долги Рид кое се наоѓа на регионалниот пат Макази-Маркова Нога, како и на обиколницата кај Битола каде на државниот пат А3 се гради заштитна ограда.

– Се гради во пелагонискиот регион, ја завршивме реконструкцијата на патот од Тополчани до Прилеп, се гради патот од Кадино село до Галичани, наскоро ќе почне реконструкцијата на патот од Битола до Меџитлија, се обновува регионалниот пат Крушево-Слива-Пуста река и други капитални проекти коишто се одвиваат со одлична динамика – истакна Сугарески.

Тој потенцираше дека поставувањето на заштитната и високобезбедна ограда со звучна бариера на обиколницата кај Битола ќе ја намали бучавата и ќе ја зголеми безбедноста на населението. Со тековните градежни активности за санацијата на свлечиштето  кај регионалниот пат Макази-Маркова Нога, посочи, проблемот ќе биде решен, а безбедноста на учесниците во сообраќајот и туристите голема.  Овој пат води до граничниот премин Маркова Нога, а министерствата за надворешни работи интензивно разговараат за отворање на преминот, наведе Сугарески.

Директорот на ЈП за државни патишта Зоран Китанов информираше дека заштитната ограда во должина од еден километар на обиколницата кај Битола е проект награден во Брисел како пример на звукозаштитна бариера изградена со еколошки материјали.

– Заштитната ограда е со висок коефициент на апсорпција на звукот, направени се од бетонска маса со гумено јадро. Овој концепт претставува економично и еколошко решение за заштита од бучава кое истовремено е едноставно за примена. Средишниот дел ќе биде изработен во различен колорит и на две нивоа, и тоа ќе биде прекрасен дел од овој дел на патот над Битола – истакна Китанов.

Значењето на реализацијата на инфраструктурните проекти во преспанско-пелагонискиот регион го истакнаа и градоначалникот на Општина Ресен Живко Гошаревски и Емилија Костурски, заменик градоначалник на Битола

The post  Сугарески: Здравствената криза не влијае на завршувањето на капиталните инвестиции appeared first on plusinfo.mk.

Сугарески  информираше и дека изминатиот период се работело на подготвителни активности за обнова на делницата Ќафасан – Струга.

– Тоа е една од клучните делници и во наредните неколку месеци очекувам да биде рехабилитиран целосно – рече Сугарески.

Тој очекува капиталните инвестиции во ресорот транспорт годинава да ја надмине ланската реалзиација од 86 проценти.

– Апсолутно целата динамика во делот на реализација на капиталните инвестиции продолжува. Ресорот транспорт согласно она што го има како реализација од ден на ден се повеќе ги зголемува капиталните инвестиции и ако видиме дека ланската година имаше 86 проценти реализација, ресорното Министерство и Јавното претпрјатие за државни патишта, очекувам оваа година да биде над тоа. Сите проекти и покрај здравствената криза која се уште ја имаме одат целосно и ќе бидат реализирани. Очекувам проектите што во голем дел ги започнавме до крајот на годината да бидат реализирани, а исто така и оние проекти коишто очекуваме во наредниот период да почнат до крај на годината или во почетокот на наредната година да бидат завршени – рече Сугарески.

The post Сугарески: Наесен ќе бидат пуштени првите километри од автопатот Кичево-Охрид appeared first on plusinfo.mk.

Како што изјави денеска министерот за транспорт и врски, Горан Сугарески, одговорот од ТАВ се очекува во најбрз можен рок.

– Ние очекуваме нивни одговор се работи за сума од околу 50 милиони евра или над 49.700.000 евра и врз база на нивниот одговор што ќе го добиеме, бидејќи нашето барање е тие да бидат слеани во буџетот и понатаму да се градат секаде инфраструктурни проекти низ државата. Очекуваме во најбрз временски период, тоа да биде решено со ТАВ – истакна Сугарески по посетата на Свети Николе.

Тој посочи дека Предлог-нацрт договорот до ТАВ е доставен пред повеќе од еден месец. Од овие средства Општина Свети Николе очекува околу 800.000 евра за инфраструктурни проекти, додека Штип над еден милион евра за изградба на водоводна линија два, која ќе значи развој на бањолошкиот туризам од Кежовица, како и стабилно водоснабдување за неколку штипски населби и индустриски зони.

The post Се очекува одговорот од ТАВ за користење 50 милиони евра, вели Сугарески appeared first on plusinfo.mk.

Како што рече таа, изводот од планот тој го издал поради наводно решавање на имотно-правни односи, но на истиот извод се повикало Министерството за транспорт и врски при продажбата на земјиштето.

Ивановска укажува дека градоначалникот и Советот на Општина Центар треба да се придржуваат на стандардите и нормативите со кои се обезбедува зголемување на степенот на хуманоста на живеењето.

– Продажбата ја извршило Министерството за транспорт и врски врз основа на извод од ДУП кој не се применува, согласно одлука донесена од Општина Центар за запирање на спроведувањето. Изводот од планот го издал градоначалникот на Општината за наводно решавање на имотно-правни односи. Во барањето на подносителот е наведено дека изводот од ДУП е потребен за дооформување на парцелата. Изводот издаден од градоначалникот не содржи известување или напомена дека планот за кој се издава е под мораториум и може да претрпи некакви измени при негова ревизија – истакна Ивановска.

Таа додаде дека ДКСК ќе испрати барање до Уставниот суд да изврши оценка на членот 64 од Законот за денационализација, а понатаму укажува дека поради фактот дека земјиштето е продадено во време на мораториум кога ДУП се ревидира и може да претрпи одредени измени, постои реален ризик на влијанија од сопствениците на тоа земјиште врз натамошната постапка од ревидирање и донесување на ДУП од страна на Советот на Општината.

– Поради големиот интерес на јавноста и сензитивноста на ова прашање, ДКСК ќе поведе иницијативи за преоценка на законските решенија со кои се овозможува системска, односно законска корупција и ќе ја следи судбината на оваа парцела со решенијата кои ќе бидат предложени во идниот детален урбанистички план – рече Ивановска.

Веднаш по нејзината изјава реагираше и градоначалникот Богдановиќ, кој истакна дека сè што е издадено од Општина Центар за земјиштето спроти хотелот е согласно законските процедури.

– Додека не се донесе нов урбанистички план на сила е постојниот и изводите се од него. Таков извод издадовме за земјиштето спроти „Холидеј Ин“. Немаме обврска да ставиме назнака за мораториумот. Мораториумот не е тајна, туку акт објавен во службено гласило, а освен тоа мораториумот се однесува за одлуки што ги носи Општината, како што се неиздавање на одобренија за градење. Наша законска обврска е кога некој ќе побара извод од план да му доставиме извод од важечкиот план – вели градоначалникот Богдановиќ.

Реакција пристигна и од Министерството за транспорт и врски издадено од министерот Горан Сугарески, во кое се вели дека оттуѓувањето на земјиштето кај „Холидеј Ин“ е извршено според законската регулатива.

The post За ДКСК спорна е продажбата на земјиштето спроти „Холидеј Ин“, Богдановиќ и Сугарески тврдат дека е согласно законот appeared first on plusinfo.mk.

Според Трајковски, очекувањата се дека објектот ќе биде изграден најдоцна до јуни, и дека во оваа година исто како и во претходната, реализацијата на капиталните инвестиции, односно изградбата на социјалните згради ќе биде сто процентна.

– Во преговори сме со Европска централна банка за уште неколку проекти кои ќе продолжат како замена за посточекиот – Ф/П 1674, што значи дека повторно ќе градиме социјални згради, но размислуваме да помогнеме и на други категории социјално ранливи категории граѓани – рече Трајковски.

Според вицепремиерката Царовска, во моментот во земјава се градат социјални згради уште на 4 локации- во скопската општина Бутел, Пробиштип, Виница и Свети Николе со вкупно 506 станови

За министерот Сугарески, изградбата е важна да продолжи со забрзана динамика не само на оваа зграда, туку за сите капитални проекти, важна е за целокупната економија, за градежништвото и за сите гранки што ги покрива градежништвото.

– Во овие услови на здравствена криза која силно влијае врз економијата, се трудиме како Влада максимално да ги забрзаме сите проекти, за да се работи на терен, да им се исплаќаат плати на градежниците,и на тој начин економијата и градежништвото да ги вратиме на старите патеки со раст – рече Сугарески.

Зградата во Неготино е прв објект со ваква намена во градот.

The post Во полн ек е изградбата на социјални станови appeared first on plusinfo.mk.

Според Трајковски, социјални згради во моментов се градат уште на 4 локации низ државата, а очекувањата се дека до јуни, односно до јули годинава, во период од 2 години ќе бидат отворени 13 градилишта за објекти со ваква намена.

– Во преговори сме со Европска централна банка за уште неколку проекти кои ќе продолжат како замена за посточекиот – Ф/П 1674, што значи дека повторно ќе градиме социјални згради, но размислуваме да помогнеме и на други категории социјално ранливи категории граѓани – рече Трајковски.

Според техничкиот премиер Спасовски, интензивната изградба на социјални станови е резултат на доследното спроведување на утврдените мерки и политики за подобрување на социјалната положба на ранливите категории.

Колку за споредба, во периодот од 2011 до 2017 година, односно за 6 години биле изградени 678 стана, а во периодот од 2017 до 2020, или за три години изградени се и во тек на изградба се 897 стана.

Динамиката на оваа, но и на останатите градежни активности, според министерот Сугарески ги дементира шпекулациите дека се забавени капиталните инвестиции.

– Токму спротивното, тие продолжуваат со несмалена динамика, а ќе бидат и забрзани со постепеното нормализирање на состојбата – вели Сугарески.

Во моментов се градат социјални згради во скопската општина Бутел која е и најголема со 312 стана, во Неготино, Свети Николе и во Виница.

The post Напредува изградбата на социјалната зграда во Пробиштип, се гради уште на 4 локации appeared first on plusinfo.mk.