Министерството за правда соопшти дека внимателно ги следи информациите во јавноста поврзани со наводите дека поранешниот премиер Никола Груевски добил унгарско државјанство, нагласувајќи дека тој и понатаму останува државјанин на Македонија и лице опфатено со правосилни судски пресуди и активни постапки.

Во реакцијата од Министерството се наведува дека, без оглед на шпекулациите и неофицијалните информации за неговиот евентуален статус во Унгарија, институциите продолжуваат да постапуваат согласно важечките законски процедури.

„Никола Груевски останува државјанин на Република Северна Македонија и лице кое е предмет на правосилни судски одлуки и активни постапки“, соопшти Министерството за правда.

Оттаму потенцираат дека постапката за негова екстрадиција продолжува согласно домашното законодавство, билатералните договори и меѓународните конвенции.

Министерството додава дека и понатаму ќе ги презема сите неопходни правни и дипломатски чекори во комуникација со надлежните институции во Унгарија.

Реакцијата следува откако во дел од медиумите беа објавени информации дека Груевски, кој од 2018 година престојува во Будимпешта, наводно добил унгарско државјанство врз основа на „државен интерес“.

The post ГРУЕВСКИ И НАТАМУ Е МАКЕДОНСКИ ДРЖАВЈАНИН Активни се постапките за негова екстрадиција, велат од правда appeared first on plusinfo.mk.

Министерството за правда соопшти дека постапува исклучиво согласно законите и меѓународните договори и дека во однос на случајот со Никола Груевски, се преземаат сите потребни чекори за комплетирање на документацијата и нејзино соодветно процесирање во рамки на законската процедура.

„Собирањето информации од надлежните судови има за цел да обезбеди целосна и точна правна основа за понатамошно постапување. Министерството нема надлежност да ги преиспитува правосилните судски одлуки, туку е должно да постапува по нив.

Воедно, нагласуваме дека сите постапки се водат низ институционален процес и во соработка со надлежните органи на Унгарија, без влијание на политички изјави или квалификации“ – се вели во соопштението на Министерството за правда.

The post СЕ КОМПЛЕТИРА ДОКУМЕНТАЦИЈАТА ЗА НИКОЛА ГРУЕВСКИ Министерството за правда вели дека случајот законски ќе го процесира appeared first on plusinfo.mk.

Нема ден, а да не излезе поранешен судија или обвинител кој јавно сведочи дека во периодот на владеење на СДСМ и ДУИ постоеле политички нарачки во обвинителството и судството. Ако е така, тогаш тоа не е тема за партиска дебата, туку за кривична одговорност.

Сериозните обвинувања што во јавноста ги изнесува ВМРО-ДПМНЕ и поранешни разрешени обвинители и судии не смеат да останат дел од дневнополитички наратив. Ако некој политичар давал инструкции кому да се отвори истрага, кого да се притвори и кому да му се пресуди тој мора да одговара. Но ако обвинител или судија прифатил да постапува по политичка директива, тогаш и тој мора да одговара.

Нема „извршував наредба“, „бев принуден да поднесам такво обвинение“ или „бев принуден така да пресудам“ како изговор во правосудството. Заклетвата не се дава на партија или на политичар, туку на Уставот и на законите.

Сведоштвото на поранешниот врховен судија Ристо Катавеновски, кој тврди дека бил разрешен откако одбил да даде позитивно мислење во предмет поврзан со Гордана Јанкуловска, бара институционален одговор. Не соопштение. Не политичка реплика. Туку формална, темелна и независна истрага.

Слични наводи и обвинувања претходно изнесуваа и поранешните обвинители Хајрулаху и Кадриу, па дури и судијата поротник Јовановски. Но наместо расчистување, следеше молк. А молкот во вакви случаи не значи стабилност, туку страв од вистината.

Ако навистина напредувале оние што слушале, а биле отстранувани оние што одбиле политички диктат, тогаш тоа не е изолиран инцидент. Тоа е систем. А систем што функционира по нарачка не е правосудство, туку механизам за пресметка.

Затоа е потребна ревизија на спорните предмети со независна комисија; проверка на кариерните унапредувања во конкретниот период; истрага за злоупотреба на службена положба од страна на политички функционери; и дисциплинска и кривична одговорност за сите што свесно учествувале во незаконити постапки.

Нема реформа без одговорност. Не декларативно. Не селективно. Туку поименично.

Ако имало нарачки – мора да има имиња.

Ако имало злоупотреби – мора да има обвиненија.

Ако имало неправда – мора да има пресуди.

Судство што се наведнува пред политичка волја не е столб на државата, туку нејзина најголема слабост. Обвинителство што гони по диктат, а молчи кога треба да постапува, не е гарант на правдата, туку инструмент на моќта. Таквото судство е срам за системот. Таквото обвинителство е срам за институциите.

И секој судија или обвинител што свесно судел и обвинувал по нарачка нема морално право повеќе да носи тога, ниту законско право да остане на јавна функција.

Правната држава не се гради со изговори. Таа се гради со кривична и материјална одговорност на сите оние кои го оскверниле правосудството

The post Ако имало нарачка – мора да има имиња appeared first on plusinfo.mk.

Министерството за енергетика, рударство и минерални суровини воспостави системски пристап за заштита на државата во сите судски постапки и за првпат активно покренува тужби за наплата на долгови од должници.

– Во изминатите години државата била оставена без активна правна заштита – не биле оспорувани клучни докази, не биле преземани мерки за застареност на побарувањата и не биле бранети државните позиции. Министерството го менува тој пристап: активно се вклучува во секоја судска постапка, бара стручни вештачења, ја координира одбраната со Владата, иницира постапки за наплата на долгот на државата. Обврска ни е да ги штитиме средствата на граѓаните и ставаме ред во правните постапки – изјави министерката за енергетика рударство и минерални суровини Сања Божиновска.

Како што соопштија од Министерството, со преземањето на надлежностите Министерството затекна 6 судски предмети по поднесени тужби за вкупна вредност од 421.862.824 денари (6,85 милиони евра), поднесени против Министерство за економија. Правниот сектор во Министерството за енергетика уште при преземање на предметите изврши увид во нив и се вклучи во судските постапки.

– Веќе има конкретни резултати. Две тужби против државата во вредност од 315 милиони денари (5,12 милиони евра) се одбиени, со што буџетот е заштитен од огромни трошоци, а вкупната вредност на предметите против Министерството е намалена од 421,8 милиони на 106,8 милиони денари – велат од Министерството за енергетика.

Оттаму се забележува и дека  при увидот во преземената документација е утврдено дека воопшто нема поднесени тужби против должници (физички и правни лица) за наплата на долг кој произлегува од неплатен надомест.

– Беше констатирано дека постојат повеќе застарени побарувања по основ на концесиски надомест, како и побарувања за неплатен концесиски надомест за кои не се поведени судски постапки а има основ државата да бара исплата- велат од Министерството.

При тоа се покренати 17 постапки за наплата на долгови во вкупна вредност од 32,8 милиони денари, од кои дел веќе се завршени со спогодби и позитивни пресуди.  Истовремено на Управен суд се водат околу 20 предмети поврзани со концесии, од кои веќе има позитивна пракса за одбивање на тужби и предлози за времена мерка.

The post ПРВИ ТУЖБИ ЗА КОНЦЕСИОНЕРИ ЗА НЕПЛАТЕНИ НАДОМЕСТОЦИ Одбиени се две тужби против државата во вредност од 5 милиони евра appeared first on plusinfo.mk.

Претседателот на Здружението Елвин Вели го истакна значењето на ваквите форуми кои придонесуваат за поефикасна примена на Законот за кривичната постапка и на овластувањата што тој му ги дава на јавниот обвинител.

Кол Радович, правен советник при Амбасадата на САД во Скопје го презентираше американското искуство во процесот на спогодување, наведувајќи дека во САД најголем дел од предметите на национално ниво завршуваат со спогодување на вина што ги намалува трошоците и придонесува за значително скратување на постапките. Токму како резултат на спогодувањето, бројот на предмети кои завршуваат со судска постапка во САД е намален за 60%.

Иако спогодувањето е брз и ефикасен начин на решавање на предметите, неговата примена во земјава во последниот период е со променлив тренд – во 2020 година на ниво на сите јавни обвинителства во државава биле склучени 179 предлог-спогодби, во 2021 година тој број се зголемил на 258, додека во 2022 година повторно се бележи пад и на ниво на целата држава минатата година се склучени вкупно 124 предлог-спогодби.

Јавниот обвинител на Република Северна Македонија Љубомир Јовески најави дека ќе иницира измена на подзаконските акти со кои се регулира постапката на спогодување со цел да се зајакне системот на контрола, но и да се демонстрира институционалната принципиелност во процесот на спогодување и да се воедначи казнената политика.

Во иднина, одлуките за спогодување ќе мора да бидат колку што е можно подетално и попрецизно образложени, а транспарентноста при носењето на такви одлуки ќе биде задолжителна.

Институтот на спогодување претставува една од најзначајните новини воведени во последниот Закон за кривичната постапка. Согласно тој закон, до поднесување на обвинението јавниот обвинител и осомничениот можат да преговараат и да се спогодуваат за признавање на вина, а начинот и условите за спогодување се законски одредени. Склучената предлог-спогодба се доставува до надлежниот суд кој може да ја прифати или да ја одбие.​

The post ЗА 3 ГОДИНИ СЕ СКЛУЧЕНИ 561 СПОГОДБА СО ОБВИНИТЕЛСТВОТО Спогодувањата ќе мора да бидат потранспарентни appeared first on plusinfo.mk.

На судиите-поротници на кои мандатот им истекува за време на траење на вонредната состојба,  мандатот им се продолжува се до завршување на постапката по судскиот предмет.

„Законски роковите во судските постапки за време на вонредната состојба за постапувањето на судовите и Јавните обвинителства, според која законските и преклузивните рокови за поднесување на тужба во парнична постапка, приватна тужба во кривична постапка, предлог за кривично гонење, предлог за поведување на вонпарнична постапка, поднесување на барање за присилно извршување, постапка за обезбедување на побарувањата, тужба за поведување управен спор, иницирање на постапка пред Уставен суд или иницирање и поведување на друга судска постапка, престануваат да течат се до престанување на вонредната состојба“, се наведува во соопштението.

The post До 1 септември затворите нема да примаат нови станари appeared first on plusinfo.mk.