Поранешниот медицински директор на Клиниката за онкологија, Нино Васев, и поранешниот организациски директор, Нехат Нухи, се ослободени од притвор откако Кривичниот суд го прифатил предлогот за гаранција и определил мерки на претпазливост.

„На обвинетиот Н.В. му е определена гаранција во износ од 183.981 евра во корист на Република Северна Македонија, која се состои од ставање под хипотека на недвижен имот, додека на обвинетиот Н.Н. му е определена гаранција во износ од 348.049 евра, исто така со ставање под хипотека на недвижен имот“, се вели во соопштението на Кривичен суд кој донел решение дека предлогот се уважува подобиено позитивно мислење од надлежното Јавно обвинителство.

Воедно, на обвинетите им се определени и следните мерки на претпазливост:

забрана за напуштање на живеалиштето, односно престојувалиштето на територијата на град Скопје;
обврска еднаш месечно да се јавуваат во судот; и привремено одземање на патните исправи и забрана за издавање нова патна или друга исправа за преминување на државната граница.

При одлучувањето, покрај позитивното мислење на Јавн ото обвинителство, Советот го имал предвид и фактот дека мерката притвор, определена со решение на Апелациониот суд Скопје, согласно законските одредби, може да биде продолжувана и да трае најдоцна до 18 јули 2026 година.

Со оглед дека надлежното обвинителство се откажа од правото на жалба против овие решенија, а хипотеката понудена како гаранција е веќе впишана во Катастарот на недвижности, истите станаа правосилни, по што обвинетите се ослободени од притвор“ стои во соопштението на Кривичен суд.

Поранешниот медицински директор на Клиниката за онкологија, д-р Нино Васев, и поранешниот организациски директор, Нехат Нухи, се обвинети во судскиот процес познат како „Онкологија 2“ за тешки кривични дела: злоупотреба на службената положба, измама и проневера во службата.

Дополнително, против Васев се води и посебен предмет поврзан со третманот на пациенти, односно таканаречениот случај „Онкологија 1“.

The post ДОКТОР НИНО ВАСЕВ И НЕХАТ НУХИ ИЗЛЕГУВААТ ОД ПРИТВОР Судот прифати гаранција за обвинетите во „Онкологија 2“ appeared first on plusinfo.mk.

Живко Митрески, кој ја извршуваше функцијата претседател на Сојузот на синдикати на Македонија до 2017 година, денеска на прес-конференција соопшти дека Граѓанскиот суд во Скопје донел пресуда со која се потврдува дека бил незаконски сменет и дека сите одлуки што од тогаш до денес се донесени од страна на ССМ, се ништовни.

Во пресудата стои дека за ништовна се смета одлуката за избор на претседател на ССМ од 6.12.2017 година донесена на вонредниот конгрес на ССМ одржан на 6.12.2017 година и дека ништовни се и сите дејствија и донесени акти превземени од сега починатиот Дарко Димовски.

– Кога вие ќе утврдите ништовност на неговата промена, се враќаме во поранешната состојба. Претседателот доаѓа на својата функција и врши ревизија на сето што е понатаму направено, а тоа по став 2 јасно го кажува судот, велејќи дека се утврдува ништовност и на сите дејствија и донесени акти после 2017.

Значи кога нешто се носи како ништавност, е од моментот на неговото донесување – 2017 година. Се после него по начелото на акцисорност отпаѓа. Нормално после тоа синдикатот работи, носел одлуки. Затоа ќе се повика Државната ревизија, ќе направат длабинска стручна ревизија, да се утврдат недоследности, а сите донесени одлуки од нелегитимно избраните раководства, ќе подлежат на верификација на легално избраниот синдикат, појасни адвокатот Сашко Станинов на прес-конференцијата.

Митрески вели дека следен негов чекор ќе биде да се врати во синдикатот и да изврши консолидација. За актуелниот претседател на ССМ Слободан Трендафилов вели дека има тотално непознавање и не знае да води синдикална организација.

– Жалам што во тој момент не направивме приправнички испит да видиме колку знае бидејќи покажа тотално непознавање за водење на една ваква историска организација – рече Митрески.

Митрески посочува дека пресудата не се однесува на лично на Дарко Димовски, туку на функцијата.

Митрески беше претседател на ССМ до 2017 година кога го наследи Дарко Димовски, а по неговата смрт, за нов претседател на ССМ беше избран Слободан Трендафилов кој сега ја извршува функцијата претседател на ССМ.

The post ЖИВКО МИТРЕСКИ СО СУДСКА ОДЛУКА СЕ ВРАЌА НА ЧЕЛО НА СОЈУЗОТ НА СИНДИКАТИТЕ Граѓанскиот суд пресуди дека е противзаконски сменет appeared first on plusinfo.mk.

Врховниот суд го одби барањето за вонредно преиспитување на правосилната пресуда со која Васил Јованов е осуден на 13 години затвор за смртта на младата Фросина Кулакова.

Одлуката била донесена по седница на судскиот совет одржана на 11 март годинава, со што казната останува во сила.

– Врховниот суд на Република Северна Македонија ја информира јавноста дека, постапувајќи по кривичниот предмет КВП2-22/26, по одржана седница на советот на 11.03.2026 година, донесе пресуда со која се одбива како неосновано барањето за вонредно преиспитување на правосилната пресуда поднесено од осудениот В.Ј. од С., преку неговиот бранител, против пресудата на Основниот кривичен суд Скопје К-780/25 од 13.05.2025 година и пресудата на Апелациониот суд Скопје КЖ-696/25 од 27.10.2025 година, со која е огласен виновен за кривично дело – Тешки дела против безбедноста на луѓето и имотот во сообраќајот од член 300 став 2 в.в. член 297 став 1 од Кривичниот законик и осуден на казна затвор во траење од 13 –тринаесет години – велат од судот.

Јованов беше осуден за тешко кривично дело против безбедноста во сообраќајот, откако минатата година со автомобил удри во Кулакова на пешачки премин во Скопје. Според утврденото, тој возел со брзина од околу 91 километар на час, без возачка дозвола и под дејство на алкохол, минувајќи на црвено светло. Девојката починала на лице место.

Претходно, Апелација ја зголеми казната на 13 години затвор, откако првостепено беше осуден на 12 години. Со најновата одлука на Врховниот суд, судската постапка е целосно завршена.

The post ВОЗЕЛ ПИЈАН И БЕЗ ДОЗВОЛА, СУДОТ НЕ ПОПУШТИ Врховeн ја потврди казната од 13 години на Васил за смртта на Фросина appeared first on plusinfo.mk.

Мики Рурк е официјално избркан од неговиот дом во Лос Анџелес поради долг од 60.000 долари за заостаната кирија. Актерот, наводно, ја одбива секоја улога што не носи најмалку 200.000 долари дневно.

Актерот од „Реслер“ и „Ајронмен 2“ е во правна битка да остане на имотот на Дрексел Авенија откако неговиот станодавец поднесе тужба за незаконско задржување на недвижнина тврдејќи дека Рурк должи 59.100 долари за заостаната кирија. Претходно оваа недела, беше донесена пресуда во корист на станодавецот откако 73-годишниот актер не одговори на жалбата, според „Пипл“, кој прв ја објави веста, а станодавецот го заплени имотот.

Сепак, Рурк веќе го напуштил имотот и последен пат беше пријавено дека живее во хотел во Западен Холивуд додека чека да се ослободи нова резиденција во Кореатаун.

Веста доаѓа по еден чуден пресврт на настаните во јануари во врска со поранешниот номиниран за Оскар, во кој неговата повеќегодишна менаџерка, Кимберли Хајнс, започна итна акција GoFundMe за да го спаси Рурк од бездомништво.

Фондот речиси достигна 100.000 долари кога Рурк одговори на акцијата со видео на Инстаграм каде што тврдеше дека немал знаење за „понижувачкото“ јавно собирање средства за да се обиде да му се помогне и рече дека ќе ги врати сите донирани пари назад на своите обожаватели.

– Ако ми требаа пари, не би побарал никаква добротворна организација. Подобро би ставил пиштол во задникот и би го повлекол чкрапалото… Мојот живот е многу едноставен, не би се обратил на надворешни извори на тој начин – рече Рурк во тоа време.

Во ексклузивно интервју за The Hollywood Reporter во јануари, неговиот менаџер Хајнс помогна да се разјасни ситуацијата.

– GoFundMe беше завршен за Мики. Тие пари одат кај Мики. Не одат кај мене. И ако Мики не ги сака овие пари сега и одлучи: „Не сакам помош, тоа е како добротворна организација“, парите ќе бидат вратени… Рековме: „Мики, има некои луѓе кои сакаат да ти помогнат“. Тој одговори: „Добро, одлично“. Не мислам дека разбра, а сега тој полуде… Ме бара мене за пари. Ги бара пријателите. За него е отворен GoFund, а сега го одбива? – објасни Хајнс.

Хајнс забележа дека Рурк не управува многу добро со своите пари. Дека актерот нема банкарска сметка, „не носи пари“, има тенденција да живее од плата до плата и е исклучително дарежлив кон своите пријатели.

– И тој навистина не заработил толку многу пари во последните неколку години, бидејќи едноставно не сака да прави компромис [во изборот на улоги]. Одлично е што толку многу луѓе се грижат затоа што, искрено, човекот го поминува Божиќ сам. Тој ги поминува родендените сам. Освен неговиот асистент и неговиот менаџер, тој нема никој во својот живот. Веројатно треба да ја искористи оваа помош, затоа што освен ако не се врати на работа, можам да го финансирам само за одреден временски период – рече тој.

Во интервју за TMZ, Хајнс откри дека актерот одбива да работи за ништо помалку од 200.000 долари на ден.

Во една оптимистичка нота, Хајнс додаде дека откако веста за неговата станбена ситуација стана вирална, актерот добил повеќе понуди за нови улоги.

The post МИКИ РУРК ОФИЦИЈАЛНО ИЗБРКАН ОД НЕГОВИОТ ДОМ ВО ЛОС АНЏЕЛЕС Судот пресуди против актерот кој должи 60.000 долари заостаната кирија appeared first on plusinfo.mk.

По акција на Јавното обвинителство за гонење организиран криминал и корупција (ОЈО‑ГОКК), денеска е одредена мерка притвор за директорот на Агенција за финансиска поддршка во земјоделството и рурален развој, Илија Стоилев, и уште четири лица поради основано сомнение за земање поткуп и противзаконско влијание.

Специјалниот судија на претходна постапка го прифати предлогот на обвинителството и за осомничените Џ.Н.(77), А.Ф.(44), и Ф.Ф.(47) и И. С.(57) определи мерка притвор од 30 дена — поради опасност од бегство, влијание врз сведоци и можност за повторување на делото. За петтата осомничена, Ј.К.(35), определен ѝ е куќен притвор. Против овие решенија странките имаат право на жалба пред Кривичниот совет.

Инспекцијата и истражителите од ОЈО‑ГОКК и Министерството за внатрешни работи вчера извршија претреси на повеќе локации. Стоилев е уапсен „на дело“ во акција за која имало пријава дека апликант понудил и дал мито за да му биде доделен договор преку програмата ИПАРД.

Според обвинението, првосомничениот – управител на правно лице – во периодот од крајот на февруари годинава до вчера повеќе пати му ветил подарок или парични средства од значителна вредност на директорот на Агенцијата за земјоделство. Останатите осомничени, меѓу кои даночен референт во УЈП Скопје и државен службеник во Министерството за земјоделство, го искористиле своето влијание и службената положба за да го поттикнат директорот да потпише договор за финансиска поддршка, иако правното лице не ги исполнувало условите од јавниот повик бр. 01/24. Директорот, по ветеното мито од 50.000 евра, потпишал договор и примил 400 евра, кои беа пронајдени при претрес.

Јавното обвинителство, оценувајќи дека се исполнети условите за одредување притвор, ги достави сите релевантни податоци до судот при Основниот кривичен суд, кој денеска донесе одлука.

The post ВО ПРИТВОР И ТОЈ ШТО ДАЛ ПОТКУП, И ТОЈ ШТО ЗЕЛ И ДВАЈЦА ПОСРЕДНИЦИ! Се расплеткува криминалот во Агенцијата за поддршка на земјоделството appeared first on plusinfo.mk.

Авиосообраќајот во државава нема да биде прекинат в понеделник. Струковиот синдикат на контролори на летање (ССКЛМ) ќе ја почитува вчерашната одлука на Граѓанскиот суд со времена забрана на штрајкот, што овој требаше да се одржи в понеделник. Синдикатот најави дека ќе ја обжали одлуката на судот и ќе поднесе претставка против судијката во Републичкиот судски совет.

– Мора да го почитуваме решението на Судот, ќе ги известиме денеска М-НАВ дека нема да има штрајк, но нема да се откажеме и ќе  продолжиме со други активности. Ќе најдеме начин повторно да направиме се што е потребно за да ги оствариме нашите барања што се дел од Спогодбата за којашто инсистираме дека директорите треба да ја испочитуваат – рече денеска на прес-конференција претседателот на ССКЛ Александар Тасевски.

Тој информира дека судското рочиште требало да се одржи денеска, но решението судот го донел вчера.

–  Бевме спремни денеска да се појавиме на тоа рочиште, но испадна дека е откажано и воопшто не ни беше дадена прилика да ја изложиме нашата одбрана  – рече Тасевски.

Според него, тужбата на М-НАВ воопшто не е барање за времена мерка, туку, како што рече, за отпочнување постапка која утврди дали синдикатот има право да организира штрајк. Но судот одлучил поинаку да работи.

– Во решението што е доставено од Судот, е наведено дека самиот цени оти барањето на тужителот го смета како времена мерка, што е спротивно на закон. Нашите правници денеска ги формулираат одговорите на тужбеното барање и жалбата во која ќе се бара предметот да се врати во судот. Но, за ова ќе се обратиме и до Републичкиот судски совет и ќе се поднесе претставка и против судијката која го водела предметот. Ќе разговараме и со претседателот на Судот, и ќе бараме  предметот повторно да биде вратен на рочиште и да се дозволи да ја изложиме нашата одбрана – рече Тасевски.

Тој дополни дека во времената мерка не стои никаков рок, што вели значи дека не може да биде времена мерка и оцени решението е тенденциозно.

– Ќе ги покажевме нашите докази дека имаме легитимитет да поведеме постапка за штрајк, дека постапката за помирување не само што е почната, завршена, туку дека имаме и помирувач. Постапката во нашиот случај е почната на 15 мај 2023 година со најавата на штрајк, а помирувањето е завршено со констатација од страна на претставникот на МТСП на 3 јули 2023, односно 15 дена по роковите. Како резултат на таквата постапка продолжена е дискусијата со директорите, потпишана е Спогодба  на ниво на Колективен договор, што е обврзувачка за двете страни. Токму тоа е она што го бараме цело време во годините наназад со штрајковите – почитување на Спогодбата – појасни Тасевски.

Тој рече дека постапката за реализирање на Спогодбата е запрена од новото раководство, а најавениот штрајк го тангираат Законот за работни  односи.

-Се повикуваме на одредби за ноќна работа, за условите за работење, за исплата на надоместоците согласно Закон и Колективниот договор за ангажмани. Едно од барањата е подобрување на услови за работа, да се реши проблемот со водата, со денови немаме вода на работа, ниту тоалет – рече Тасевски.

Синдикатот, како што појасни тој, бара почитување на Спогодбата потпишана по најавата за штрајк во 2023 година и состанокот во Министерството за транспорт од 12 октомври.

Клучни барања се: ангажирање консултантска фирма којашто професионално ќе изврши функционална анализа за подобрување на функционирањето на претпријатието, вработување на стручни, а не партиски кадри како и подобри услови за работа.

Во меѓувреме синдикатот во неколку наврати за истите барања најавуваше штрајк и го ставаше во мирување, а последната таква одлука беше донесена на 3 октомври.

Граѓанскиот суд вчера донесе решение со кое, како што беше соопштено, се усвојува предлогот на М-НАВ АД Скопје за изрекување на привремена мерка забрана на најавениот штрајк од страна на ССКЛ. Со оваа Одлука, соопшти М-НАВ, Судот утврди дека најавениот штрајк е спротивен на законските одредби бидејќи не била спроведена постапката за мирно решавање на колективните спорови, како и дека штрајкот не произлегува од конкретни барања од работен однос.

The post ШТРАЈК ВО М-НАВ НЕМА ДА ИМА В ПОНЕДЕЛНИК, АМА ПРОБЛЕМИТЕ ОСТАНУВААТ Синдикатот на контролори ќе бара ново рочиште за да ги каже маките на суд appeared first on plusinfo.mk.

Битолското јавно обвинителство поднесе жалба на одлуката на Судот, кој одреди куќен притвор за двајца од осумтемина осомничени во истрагата за злоупотреби со јавните набавки во РЕК „Битола“. Обвинителството бара мерка затворски притвор, со образложение дека постои ризик осомничените да побегнат.

Станува збор за еден од раководителите во Рудници во РЕК Битола и Борче Марковски, сопственик на фирмата „Марковски Компани“, која се сомничи дека незаконски добивала тендери во Комбинатот.

Од ОЈО Битола информираат дека јавниот обвинител не се согласил со одлуката на Судот, бидејќи постои опасност осомничените да се дадат во бегство, особено Марковски, кој, според обвинителството, поседува значителен имот во странство.

– Обвинителството вложи жалба на одлуката и побара изрекување на мерка затворски притвор, со цел да се обезбеди присуство на осомничените во текот на постапката – стои во соопштението од Јавното обвинителство.

На ваквата одлука реагираше и ВМРО-ДПМНЕ, од каде што ја нарекоа срамна и побараа одговорност од судството.

– Срамна одлука на Судот. Газдата на „Марковски Компани“, со стотици милиони местени тендери во РЕК, наместо во затвор, доби куќен притвор. Судството под контрола на СДСМ и ДУИ ги ослободува криминалците – изјави Валентин Манасиевски од ВМРО-ДПМНЕ, додавајќи дека јавноста заслужува одговори за тоа „каде завршија милионите евра од тендерите во РЕК“.

Според Обвинителството, истрагата опфаќа осум физички лица и едно правно лице за продолжени кривични дела поврзани со јавни набавки во РЕК Битола.

Петмина службени лица, меѓу кои и поранешниот директор на Комбинатот, како и четворица раководители и директори во ПЕ Рудници, се сомничат дека злоупотребиле службена положба со цел да му овозможат противправна корист на приватна фирма и да го оштетат Комбинатот.

Сомнежот се однесува на јавна набавка за дислокација на погонски станици од „Осломеј“ во ПЕ Рудници – РЕК Битола, реализирана спротивно на основниот рударски проект.

Во делот за правното лице, „Марковски Компани“, Обвинителството тврди дека иако работите не биле извршени, фирмата доставувала фактури и незаконски наплатила повеќе од 106 милиони денари со вклучен ДДВ.

„Станува збор за класичен пример на продолжено кривично дело злоупотреба на јавни набавки, во кое државното претпријатие било директно оштетено“, велат од Обвинителството.

Со предистражните мерки на Управата за финансиска полиција, во изминатите неколку месеци се прибрани докази кои го поткрепуваат сомнението дека дел од вработените во РЕК Битола ја злоупотребиле својата позиција во корист на приватната фирма.

The post СУДОТ ГИ ПУШТИ ДОМА, ОБВИНИТЕЛСТВОТО БАРА ЗАТВОР Поднесена жалба за промена на одлуката за Марковски и за раководителот во РЕК Битола appeared first on plusinfo.mk.

Според каталонското издание, судијата Игнасио Фернандез де Сенеспледа од Комерцијалниот суд број 10 на Барселона денеска го отфрлил барањето на клубот за мерка на претпазливост, со која Олмо ќе може да остане регистриран во Примера до крајот на кампањата. Како што е познато, „блауграните“ имаат рок до 31 декември да го пријават својот играч за втората полусезона. Во спротивно, нема да можат да го користат во шпанската лига до крајот на сезоната 2024/25.

Иако Барса беше непријатно изненадена од судската одлука, тие нема да се откажат и на 30 декември ќе поднесат нова тужба против Ла Лига пред првостепениот суд за да се обидат да го регистрираат шпанскиот репрезентативец. Аргументите на клубот се дека сите прописи околу регистрацијата се неважечки бидејќи се регулирани од тело за кое сметаат дека не е надлежно, имено Делегираната комисија на Ла Лига.

Во меѓувреме, другиот каталонски спортски дневен весник „Спорт“ тврди дека Барселона има план „Б“ во случај на ново одбивање. Во оваа ситуација, оттаму веднаш ќе активираат финансиски лост кој не само што ќе гарантира регистрација на Олмо и Пау Виктор, туку и регистрација на новите договори на Педри и Гави. Станува збор за продажба на правата на ВИП ложите на обновениот „Камп Ноу“. Така клубот ќе добие 120 милиони евра, иако првичниот план беше да се чека летото, кога сумата би можела да порасне на 200 милиони.

The post СЕ ВКЛУЧИ АЛАРМОТ ВО БАРСЕЛОНА Локалниот суд одби да го регистрира Олмо во Ла Лига appeared first on plusinfo.mk.

На прес конференција во Битола, претседателот на синдикат на полиција на Македонија, Орце Коцевски соопшти дека прво и второ и третопријавените во својство на службени лица или одговорни лица во правното лице одбиле да извршат правосилна и извршна судска одлука што биле должни да ја извршат односно прво, второ и третопријавените како службени лица односно лица задолжени за тоа со судската одлука не постапиле по правосилна судска одлука донесена во постапка за издавање на наредба на заштита на права, со што на работникот Љ.М свесно му нанеле материјална штета.

– Второ и третопријавените со неизвршување на службената положба и овластувања кои ги имале како раководни лица во организациската единица во рамките на Министерството за внатрешни работи – СВР Битола сториле и кривично дело „Злоупотреба на службената положба и овластување – изјави Коцевски.

The post ПОЛИЦИСКИОТ СИНДИКАТ МУ „СТЕГНА“ КРИВИЧНА НА МИНИСТЕРОТ О.С. Не извршил судска наредба, тврдат синдикалците appeared first on plusinfo.mk.

1. Вистина е дека Апелацискиот суд во Скопје ја прифати гаранцијата од 11.106.501 евро, со која Судот мерката притвор ја преиначи во мерки за претпазливост, односно одземање на пасошот и обврска да се јавува во суд.

Лага е дека Мијалков гаранцијата ја понудил во кеш. Неправосилно осудениот Мијалков добил кредит од банка, за што понудил хипотека на свој имот како обезбедување на кредитот. Банката можела да одлучи вака или онака, но во секој случај не можела да прифати обезбедување на кредитот да биде незаконски стекнат имот.

Со тоа сите дебати за начинот на кој е стекнат имотот даден под хипотека се сведуваат на шпекулации. Кој сака со ова да спори, мора да се обиде да докаже дека наведениот имот е стекнат незаконски. Поинаку не може.

2. Вистина е дека Апелацискиот суд донел одлука што може да се нарече контроверзна, со оглед на фактот што Мијалков за предметот „Трезор“ е неправосилно осуден на 8 години затвор (за овој предмет е донесена одлуката за ослободување од притвор), а тој има првостепена пресуда и во случајот „Таргет-тврдина“, со која е осуден на 12 години затвор.

Сепак, не е вистина, туку манипулација, тврдењето дека судиите постапиле спротивно на законот. Тие постапиле по сопственото судиско убедување, а еден од тројцата судии што решавале го издвоил мислењето.

Шпекулација, или јавна тајна, за која инаку не се пишува многу, е и тврдењето дека судијата што го издвоил мислењето е под силно влијание на сдсмовскиот дел од актуелната власт. Таа шпекулација води кон нова, имено кон одговорот на дилемата кој ја извадил вчера попладне обвинителката Лиле Стефанова буквално од пижами, за итно да поднесе барање на Мијалков да му биде определена мерка притвор за „Плацеви на Водно“.

3. Вистина е и тоа дека вчера попладне се судриле влијанијата на два центра на политичка моќ врз обвинителско-судскиот апарат. Вистина е дека едниот центар е СДСМ. Таа партија дури и јавно се огласи со соопштение, кое претставува отворен и директен притисок врз судската власт.

Лага е дека вториот центар на моќ е ВМРО-ДПМНЕ. Опозициската партија нема речиси никакво влијание врз обвинителите и врз судиите и тоа им е познато на сите. Таа лага е лиферувана за да се прикрие една друга претпоставка за тоа која би можел да биде политичката сила што евентуално извршила влијание да се донесе одлука Мијалков да биде ослободен од притвор.

Настрана од ова, мојата лична претпоставка е дека во овој случај двајцата судии, или најмалку едниот од нив двајцата, донел одлука по сопствено убедување.

4. Вистина е дека во светот, за финансиски криминал, во текот на постапките во принцип не се определуваат мерки притвор, туку се инсистира на обезбедување со високи суми кои ја покриваат настанатата материјална штета. Понудената кауција за ослободување на Мијалков неколкукратно го надминува отштетното побарување.

Лага е тврдењето дека во случај на евентуално бегство на Мијалков, државата не би можела да ја реализира гаранцијата. Во случајов, гарантира банката.

5. Вистина е дека пред извесно време, Мијалков, во една несекојдневна драмолетка, ја вознемири јавноста со неговото чудно и се уште до крај необјасенто краткотрајно исчезнување и потоа враќање во земјата.

Лага е дека тоа наводно бегство можело да биде причина судиите да се предомислат во поглед на одлуката за ослободување на Мијалков од притвор. Зошто? Затоа што таа драмолетка се уште не е формално потврдена како бегство. Затоа и велам „наводно бегство“. Обратно, истрагата за овој настан заврши со објаснување дека бегство, всушност, немало.

6. Вистина е дека министерот за правда Бојан Маричиќ и министерот за борба против корупцијата Љупчо Николовски ги пречекорија своите службени овластувања и се впуштија во коментирање судска одлука од позиција на владини министри, игнорирајќи го системот на поделба на власта и вршејќи така директен притисок врз судската власт. Нивната оценка дека контроверзната судска одлука „ја поткопува довербата во судскиот систем“ е политичка квалификација.

Лага е дека Маричиќ и Николовски имаат право да искажат лично мислење на социјалните мрежи, надвор од својата формална позиција на министри. И дека тоа не било притисок врз судската власт. Не постои начин јавен функционер на таков начин да го одвои своето приватно од службеното својство. Таа теза е обична манипулација, за да се прикрие сериозната злоупотреба на функцијата, после која, во нормални околности, би морало да уследи најмалку политичка, а веројатно и кривична одговорност.

7. Вистина е дека голем дел од јавноста не му е наклонет на Сашо Мијалков. За негова жал, нема многу причини да биде поинаку. Во отсуство на поранешниот премиер Никола Груевски, тој и бизнисменот Орце Камчев (кој лежи во незаконски притвор за „Плацеви на Водно“, подложен на сериозни ризици по неговото здравје), пропагандата на владата на Зоран Заев ги означи како таргети за одмазда и за дивеење на револуционерната „правда“.

Лага е дека сите коментари надвор од овој шаблон – а особено коментарите кои повикуваат на почитување на законите, на принципите во правото познати со векови, но и на актуелната судска пракса во Европа и на постојаните укажувања на Европскиот суд за човекови права и на други независни институции до Македонија – биле во служба на криминалот.

Постои една мала група луѓе, во кои се вбројувам и себеси, иако не сум правен експерт, кои отворено укажуваат на овие слабости и недоследности, без оглед што тие се најизразени во судските случаи на кои нашите модерни јакобинци им „судат“ на познати личности од пропагандата означени како „мафија“. Нападите врз тие одговорни луѓе од страна на пропагандата на Заев покажуваат дека во оваа земја сѐ уште немаме независно судство и вистинска правда што треба да им донесе мир и спокојство на луѓето.

The post Македонија нема да се гордее со оваа бурлеска! appeared first on plusinfo.mk.