Претседателот на Синдикатот на УПОЗ Трпе Деаноски денеска во изјава за медиумите рече дека штрајкот нема да престане, а доколку работната група од Владата не седне на преговори, ќе стане поригорозен.

– Владата треба да биде свесна дека доколку работната група и после овој протест не седне на маса да преговара, ќе се парализира целото правосудство. Секое понатамошно прологирање и избегнување на решение ќе предизвика дополнителен гнев кај штрајкувачите, а за последиците од тој гнев нема да биде одговорен Синдикатот на УПОЗ – рече Дејаноски.

Она што е спорно за Синдикатот на УПОЗ е и тоа што Владата инсистира минималната плата да биде избришана како основен елемент од нивните плати.

– Тоа значи само едно. Кога во март идната година ќе порасне минималната плата, ниту еден од овие вработени нема да добие усогласување со минималната плата. Проекцијата е дека минималната плата ќе порасне за 3.000 до 4.000 денари, што ќе направи уште еден хаос во управата, во обвинителствата и во судовите – рече Дејаноски.

За решавање на барањата на судската администрација, Владата пред околу еден месец формираше работна група.

The post ИЛИ ПОГОЛЕМА ПЛАТА ИЛИ УТРЕ НЕМА РАБОТА Судската администрација бара итна средба со владата appeared first on plusinfo.mk.

Нивните барања се да добијат повисоки плати за 78 отсто и исплата на додатоците на плата од 35 отсто.

Административците бараат од Владата да бидат вклучени и во работната група за покачување на платата.

The post СУДСКАТА АДМИНИСТРАЦИЈА ЈА БЛОКИРАШЕ КРСТОСНИЦАТА КАЈ „МАВРОВКА“ Бараат повисоки плати за 78% appeared first on plusinfo.mk.

Протестот почна пред зградата на Сојузот на синдикати на Македонија, продолжи со краткотрајни собири пред Собранието и Министерството за правда, по што учесниците се упатија пред Владата.

По почетокот на протестот, од Синдикатот упатија пораки за достоинствени плати и предупредија дека без нив не може да функционира судството.

– Судската служба повторно е на улица. Пред почетокот на судската ферија само скопските судови излеговме на двочасовен протест и побаравме 78 проценти покачување на плата и враќање на додатоците на плата како што тоа го добија функционерите. Денеска членовите на Синдикатот на УПОЗ и други вработени кои не се членови од сите судови во државата се во Скопје. Овие луѓе што се тука собрани морале да се борат за секое право што го имаат добиено – во 2002 година 80 дена штрајк, во 2016 година – 60 дена штрајк, сега од 2.000 вработени во судовите 1 000 вработени се тука во Скопје и ако тоа не е доволна порака за надлежните да го слушнат нашиот глас не знам што ќе биде – изјави Трпе Деановски, претседател на Синдикатот на УПОЗ, на собирот пред ССМ.

Деановски порача дека со исполнување на нивното барање за зголемување на платата за 78 проценти, никој од вработените нема да ја надмине просечната плата, туку само ќе се доближи до неа. Просечната плата на администрацијата од судовите со зголемувањето од 10 проценти што стартува со платата за септември ќе биде околу 24.000 денари.

– Работата во судовите е тимска. Доколку еден вработен не си ја заврши работата судијата нема да може да донесе пресуда. Идната недела и колегите од државното правобранителство најавија штрајк. Колегите од обвинителствата вчера започнаа штрајк. Ако колегите од судовите, луѓето што се тука и тие започнат штрајк ќе се парализира целото правосудство. Мора да се разбере дека не може да се живее и не е фер еден во судовите да зема огромна плата, а нашите плати во однос на нивните да бидат во размер 1:6 до 1:7 – изјави Деановски.

Тој информираше дека поради штрајкот во Обвинителство, веќе се одложуваат случаите и се работат само итни и неодложни предмети, предмети кај кои има притвори, претреси и предмети каде што има жалби и треба да се запазат роковите.

Членството на УПОЗ по денешниот протест дополнително ќе одлучи за идниот начин на делување, дали ќе штрајкуваат или ќе излегуваат пред судовите.

Протестен марш денеска од пред Кривичен суд во Скопје до Министерството за финасии организираа и Независниот синдикат на судската администрација и Синдикатот на затворската полција, со истите за зголемување на платата и враќање на додатоците на плата.

The post ЌЕ ГО ПАРАЛИЗИРАМЕ ЦЕЛОТО ПРАВОСУДСТВО! Судската администрација протестира за повисоки плати appeared first on plusinfo.mk.

– Штрајкувачкиот одбор во знак на добра намера штрајкот го стави во мирување. Сѐ со цел да се даде простор преку преговори да се најде решение за нашите барања. Но, ако надлежните не покажат слух и не одговорат на нашите барања, ќе го активираме штрајкот и ќе има тотална блокада на судството – велат оттаму.

Од Синдикатот велат дека не бараат нешто посебно од Министерство за финансии, туку средствата „кои се доделени со закон“. Имено, во Законот за судски буџет во член 4 е предвидено дека заради функционирање на судската власт се утврдува износ од најмалку 0,8 проценти од Бруто домашниот производ. Тие 0,8 проценти ние не ги добивме, каде отидоа тие пари? Државниот завод за ревизија  излезе после нашата прес-конференција со информација дека тие пари Владата ги потрошила за себе. Од финансиите на судот, они си ги потрошиле за себе, соопштија на денешната прес-конференција од Независниот синдикат на судска администрација.

Оттаму дополнуваат дека со ниските плати нема да работат на амнестиите.

– Амнестиите нема да ги работиме ние. Со 18.000 плата записничар, со долгогодишно работно искуство, 20.000 денари доставувач со по 20 години работно искуство и 28.000 стручен соработник, ниту амнестии, ниту едно судење нема да дозволиме ако го активираме штрајкот – велат тие.

Вработените во судската администрација бараат зголемување на нивните плати, и тоа за 78 отсто на минималната плата во судската служба и за 35 отсто на додатокот за плата за судските службеници.

Протестни собири на судската администрација се одржаа и во други градови. 

The post СО ПЛАТА ОД 20.000 ДЕНАРИ НЕ ГИ ПИПАМЕ АМНЕСТИИТЕ Продолжи протестот на судската администрација appeared first on plusinfo.mk.

Претседателката на штрајкувачкиот одбор на Основниот кривичен суд, Јасмина Величкова, во изјава за медиумите истакна дека на вчерашната одлука за стапување во штрајк на овие два суда од утре ќе се приклучат сите останати судови.

– Барањата на штрајкувачкиот одбор се: Покачување на платата на судската служба од 78% на минималната плата во судската служба и 35% додаток на плата за судските службеници – истакна Величкова.

Таа исто така напомена дека во изминатите 5 години немало покачување на платите за судските службеници.

Од друга страна, имајќи го во предвид лошото искуство во изминатиот период во врска со доделување на додатокот за плата од страна на судскиот совет за буџетот и нивното укинување за судската служба, Величкова изјави дека бараат трајно решавање на истиот проблем со предвидување на 35% додаток на плата со оглед на специфичноста, ризикот и обемот на нивната работа.

Информираше и дека денеска по нивно барање имале средба со претставник од Министерството за финансии, каде што биле известени дека за нив не се предвидени зголемувања на плати и на додатоци.

Во одговор на новинарско прашање таа рече дека службениците ќе протестираат секој работен ден пред своите судови низ државата.

Претседателот на Независниот синдикат на државна адмиинистрација, Горан Ристески, изјави дека одлуката за штрајк е донесена по вчерашните два состаноци во Основен граѓански и Основен кривичен суд, бидејќи, како што кажа, времето коешто беше дури и предолго за разговори не вроди со плод, односно нивното мислење немало слух од страна на надлежните.

-Минатиот период имавме неколку преговори само со Судскиот совет на Македонија. Министерството за правда не ги испочитува неколкуте наши барања за прием, воедно и Министерството за финансии не не испочитува за прием, претседателот на Владата исто така го известивме дека повеќе од потребно е да имаме средба на којашто ќе им укажеме на проблемите што се случуваат во судството, во делот на затворскиот систем итн – посочи Ристески.

Информираше дека штрајкувачкиот одбор на Основниот кривичен суд го ставил штрајкот на мирување согласно Законот за мирно решавање на работни спорови, но штрајкот во Основниот граѓански суд се уште е активен и дека денеска одборот ќе одржи состанок и ќе одлучи што понатаму.

Тој исто така ги повика сите сојузи и конфедерации на взаемно делување во овој период за остварување на работничките права.

Потпретседателката на Здружението на судска администрација, Рената Ѓорѓиевска, истакна дека овие барања се во согласност со сите нивни партнери.

Претседателот на Синдикалната организација na правосудството во Основниот кривичен суд Скопје, Драган Јосески, покачувањето од само 10 проценти за судството го оцени како неправедно и некоректно.

Судските службеници денешните протести ги започнаа утрово од пред платото на Основниот кривичен суд Скопје, продолжија пред зградата на Министерството за финансии, како и пред Министерството за правда.

За време на штрајкот судството ќе работи само на случаи за странци, за притворски предмети и како и за времена мерка во Граѓанскиот суд, а нема да се работи во ниту еден друг предмет.

The post БАРААТ ПОКАЧУВАЊЕ ОД 78% НА МИНИМАЛНАТА ПЛАТА И ОД 35% НА ДОДАТОЦИТЕ Судската администрација не се согласува 10% зголемување на платата appeared first on plusinfo.mk.

– Ќе блокираме улици и нема да може од наши средства да се полни буџетот! Нема да се вадат ни уверенија за неосудуваност, ни за трето дете, да видиме каде одат овие пари – изјави на протестот во Скопје Јасмина Величкова, претседателка на независниот синдикат на судските службеници.

Судската администрација е револтирана затоа што разликата во платите меѓу судските службеници и судиите никогаш досега не била поголема.

– Над 90 проценти од вработените во судската служба земаат плата под просечната во земјава. Земаат во распон меѓу минималната и просечната плата. Многу мал дел земаат просечна плата, на една рака можат да се избројат раководните службеници, кои земаат малку повеќе од просечната плата – изјави Верица Тасева од Здружението на судска администрација на протестот пред Основиот суд во Штип.

Инфлацијата и цените на производите влијаат врз животниот стандард на овие службеници. Затоа бараат итно зголемување на платата на вработените во судските служби за 30%, поради спецификата, сложеноста на работата.

– Бараме исплата на додатоци на плата во висина од најмалку 25 проценти и бараме исплата на разлика на додатоците на плата, затоа што имаше еден период кога се пресметуваа додатоците на плата, односно не се засметуваше минатиот труд – вели Тасева.

Судските службеници ќе продолжат со протестите по 15 август, затоа што тогаш завршува судската ферија, која почнува на 15 јули, а доколку не бидат прифатени нивните барања од 1 септември почнува генерален штрајк.

The post НЕ ЌЕ МОЖЕ ДА ИЗВАДИТЕ НИТУ ЕДНА ПОТВРДА, ПА ЌЕ ВИДИМЕ ТОГАШ! Протестираат судските службеници, за 1. септември најавуваат генерален штрајк appeared first on plusinfo.mk.

Протестот го организираа Независниот синдикат на судска администрација на Македонија и Здружението на судска администрација. На прес-конференција двете здруженија порачаа дека кај вработените во судството револтот е голем, а правата ќе ги бараат со протести.

Тие велат дека платите на судската администрација се ниски како никогаш досега, а 95 отсто од нив имаат пониска плата од просечната на државно ниво. Без минат труд, административците земаат од 21 до 36 илјади денари, а нешто повисока плата имаат раководните службеници и судските администратори.

– Итно ќе побараме кај претседателот на Судскиот совет да ни се вратат додатоците до 35 отсто и исто итно да се донесе новиот закон за судска служба, кој веќе една година се одолжува. Јас учествувам во тој закон и не гледам крај, така што бараме итно да се донесе новиот закон за судска служба, додатоците да ни се вратат, тие додатоци се од судскиот буџет, не се од Министерство за финансии, бидејќи ние судскиот буџет го полниме со средства од паушали. Бараме итно, како што има 78 отсто за функционерите, како што има европски плати за нив, да има и за нас – рече Јасмина Величкова, претставник на судската служба на Македонија.

Синдикатот остварил и средба со претседателот на Судскиот буџетски совет каде им била ветена поддршка за остварување на нивните права. Советот оценил дека барањата им се оправдани, но одговорот бил дека нема пари во буџетот, па тие не можеле да бидат прифатени.

– Со донесувањето на одлуката на Уставниот суд со којашто се одмрзнаа платите на функционерите, платите на судската администрација останаа на многу ниско ниво. Јазот помеѓу платите на функционерите, конкретно кај нас платите на судиите и платите на судската администрација сега се зголеми за повеќе од трипати – рече Борче Мирчески, претседател на Здружението на судска администрација на Македонија.

Тој додаде дека судската администрација досега никогаш немала толку ниски плати споредбено со судиите.

– Секогаш кога судската администрација штрајкува за плати, платите на судиите се зголемуваат. Овојпат е обратно, се зголемија платите на судиите, а претходно ние баравме повисоки додатоци, но кога тие се прелеаа во плати ни беше кажано дека не може да земаме додатоци. Додатоци продолжија да се исплаќаат на судиите. Сега кога тие добија повисоки плати за 78 отсто испадна дека не е точно дека нема средства, дека тоа е само изговор – рече Мирчески.

За в четврток е закажана средба со претставници на УПОЗ за да се изнајде прифатливо решение. Во спротивно, синдикатот најави дека ќе почне со серија протести.

The post АКО ИМА ПАРИ ЗА СУДИИТЕ, МОРА ДА ИМА И ЗА НАС! Судската администрација револтирана од ниските плати appeared first on plusinfo.mk.