Министерот за внатрешни работи на Србија, Ивица Дачиќ, соопшти дека 23 лица биле приведени доцна синоќа по инцидентите што избувнаа по студентскиот протест во Белград, при што биле нападнати и полициски службеници.

На прес-конференција, Дачиќ изјави дека полицијата реагирала со „минимална употреба на средства за принуда“, и тоа дури откако биле нападнати од групи демонстранти. Според него, во инцидентите имало и повредени полицајци.

pic.twitter.com/NAHNCDmueW

— Luka Pesic (@LukaPes13010586) May 23, 2026

Тој нагласи дека и покрај претходните апели протестот на плоштадот Славија да помине мирно, јавниот ред и мир биле сериозно нарушени.

– Се случија неиспровоцирани напади врз полицијата – изјави Дачиќ.

Во меѓувреме, српскиот претседател Александар Вучиќ оцени дека студентите во блокада „ја покажале својата насилна природа“, а не политичка програма.

Hapšenje mladića kod Beograđanke pic.twitter.com/DQcmxEveCQ

— zoomer (@zoomer_rs) May 23, 2026

Во видео порака објавена на Инстаграм, Вучиќ порача дека насилството испраќа лоша слика за Србија во светот.

– По вечерашното насилство од страна на блокадерите на улиците на Белград, уште еднаш ги повикувам на дијалог – изјави Вучиќ.

Протестот, организиран од студентите во блокада, започна мирно во центарот на Белград и траеше од околу 18 до 20 часот. На собирот присуствуваа десетици илјади граѓани, а студентите презентираа дел од својата програма поврзана со образованието, економијата, правдата и институционалните реформи.

Hapšenje kod SKC-a, ceo kordon oko mladića koji je na podu. pic.twitter.com/H4hxc97vfS

— Mašina (@MasinaRS) May 23, 2026

Инцидентите избувнаа околу половина час по завршувањето на главниот дел од протестот, во близина на Пионирски парк. Според српските власти, мала група маскирани лица фрлала пиротехнички средства и други предмети кон полицијата, по што следувала интервенција.

Од друга страна, студентите во блокада тврдат дека десетици лица биле претепани и приведени, а неколку студенти завршиле во Ургентниот центар и во полициски станици.

Вишото јавно обвинителство во Белград соопшти дека сите лица кои нападнале полицајци ќе бидат идентификувани и кривично гонети.

Во јавноста се појавија и различни проценки за бројот на присутни на протестот. Директорот на српската полиција, Драган Васиљевиќ, изјави дека на протестот имало околу 34.300 граѓани.

Сепак, организацијата Архив на јавни собири соопшти дека според нивните анализи, собирот бил „меѓу најголемите студентски собирања досега“ и предупреди на можни манипулации со бројките.

ЕДЕН ОД НАЈГОЛЕМИТЕ СОБИРИ ВО СРБИЈА Студентите во блокада побараа предвремени избори

The post 📽️ ХАОС ПО СТУДЕНТСКИОТ ПРОТЕСТ ВО БЕЛГРАД Приведени 23 лица, полицијата интервенираше по судирите appeared first on plusinfo.mk.

Илјадници луѓе излегоа на улиците на Цирих по повод Ден на трудот, каде што дел од протестите прераснаа во немири и судири со полицијата.

Иако поголемиот дел од демонстрациите поминале мирно, ситуацијата ескалирала во централното градско подрачје, особено на улицата Банхофштрасе. Таму, маскирани лица се одвоиле од главната поворка и почнале да уништуваат имот, испрскувајќи излози и ѕидови, како и да палат пиротехнички средства.

Полицијата интервенирала за да ја задржи контролата врз ситуацијата, при што биле употребени и водени топови. Според извештаите, кон полицијата биле фрлани предмети од група демонстранти, додека од толпата се слушале антиполициски пароли.

Chaos erupts in Zurich, Switzerland as Antifa thugs violently attack police during May Day.

Soros-funded Antifa extremists assaulted Swiss police yesterday with fireworks, torches, and tear gas.

Mainstream media is silent because they’re Soros-funded too. pic.twitter.com/gx08nEqRnl

— Mario ZNA (@MarioBojic) May 2, 2026

Организаторите на протестот соопштија дека на улиците имало околу 15.000 луѓе, а дел од групите продолжиле да се движат низ градот и по почетокот на завршниот митинг.

На протестот биле забележани различни политички и идеолошки симболи, вклучително и палестински знамиња, комунистички обележја, како и присуство на синдикати и различни активистички групи. Централното градско подрачје било блокирано со часови, а сообраќајот во Цирих бил сериозно нарушен.

The post 📽️ ХАОС НА ДЕНОТ НА ТРУДОТ ВО ЦИРИХ Демонстранти фрлаа предмети кон полицијата, улиците во пламен appeared first on plusinfo.mk.

Жестоки судири меѓу демонстранти и полиција ја одбележаа антивладината акција во Тирана, каде опозицијата побара оставка од премиерот Еди Рама поради обвинувања за корупција. Во немирите има повредени полицајци, приведени демонстранти и значителна материјална штета.

Протестот, организиран од здружената опозиција предводена од Демократската партија, започна мирно во центарот на албанската престолнина, но вечерта ескалираше кога дел од демонстрантите почнаа да ја гаѓаат зградата каде што се наоѓа канцеларијата на Рама со огномет и молотови коктели.

Полицијата одговори со водни топови и солзавец, а во центарот на градот беа распоредени околу 1.400 полицајци.

Според официјалните информации, приведени се 21 лице, меѓу кои и четворица тинејџери. Полицијата соопшти дека запленила 22 неексплодирани молотови коктели и шишиња со запалива течност. Во судирите се повредени најмалку 16 полицајци, додека албанските медиуми јавуваат и за повредени демонстранти, иако бројките не се прецизирани.

Во хаосот било запалено и возило на телевизијата ABC.

Демонстрантите извикуваа „Рама, оди си“, барајќи негова оставка, како и оставка од вицепремиерката и министерка за инфраструктура Белинда Балуку, која се соочува со обвиненија од Специјалното обвинителство за борба против корупција и организиран криминал.

Поранешниот премиер и лидер на опозицијата Сали Бериша изјави дека „бунтот е единствениот начин да се отстрани Еди Рама“, обвинувајќи ја владата дека ги оставила граѓаните без поддршка во време на кризи.

Од владејачката Социјалистичка партија возвратија дека нападите врз полицијата се напад врз државата.

– Кој кренал рака против полицијата, кренал рака против државата – изјави шефот на парламентарната група Таулант Баља.

Опозицијата најави дека протестите ќе продолжат сè додека не се најде политичко решение за кризата, додека властите најавија истрага за насилствата и одговорност за сите инволвирани.

The post 📽️ ТИРАНА ВО ПЛАМЕН, ДЕМОНСТРАНТИ САКАА ДА ГО ЗАПАЛАТ КАБИНЕТОТ НА РАМА Молотови коктели, водени топови и 1.300 полицајци, десетици повредени и уапсени appeared first on plusinfo.mk.

Веќе од утрово во Франција ескалира големиот синдикален штрајк, а полицијата веќе приведе триесет демонстранти во градовите Тулуз, Брест и Марсеј. Бројката, според надлежните, може драстично да се зголеми во текот на денот, бидејќи на улиците низ целата земја се очекува да излезат помеѓу 600.000 и 900.000 граѓани. Атмосферата е напната, а безбедносните служби стравуваат дека би можеле да се повторат сцените од минатонеделните насилни протести, кога демонстрантите се судрија со полицијата.

Протестите денес се организирани на 250 локации, што Франција ја претвора во вистинско жариште на незадоволство. Само во раните утрински часови беа регистрирани повеќе од четириесет блокади на патиштата, а полицијата успеа да расчисти само дел од нив. Иако во првите часови се зборуваше за две лица приведени, ситуацијата брзо ескалираше и бројката се искачи на над триесет.

Le lycée Maurice-Ravel, situé dans le 20e arrondissement de Paris, est bloqué ce matin. Ils sont plus d’une centaine de manifestants devant l’établissement. pic.twitter.com/zYqmhsGLVy

— RMC (@RMCInfo) September 18, 2025

Во Париз, каде што се очекува најмасовното присуство, веќе владее страв од немири. Префектот на градската полиција Лоран Нуњез предупреди дека протестниот марш може да излезе од контрола и ги повика трговците да ги затворат продавниците. Властите распоредуваат дури 80.000 полицајци низ земјата, а во готовност се ставени и 24 оклопни возила на жандармеријата и 10 водни топови, безбедносен арсенал невиден од протестите на „Жолтите елеци“ во 2019 година.

Штрајкот ја парализира државата: железницата сообраќа со половина капацитет, париското метро е скратено само на неколку линии, секој трет регионален воз е откажан. Во училиштата, секој трет наставник одбива да држи настава, а граѓаните ќе се соочат со огромни тешкотии и во здравството, откако дури 98% од аптеките објавија дека им се приклучуваат на протестите.

#manifestation du 18 septembre à Caen deux incendies de palettes au rond-point de Bretteville sur Odon où l’autoroute A84 en venant de Rennes est bloquée pic.twitter.com/NcOjZmd7jn

— Liberté (@LIBERTE_CAEN) September 18, 2025

И покрај хаосот, поддршката за штрајкот останува силна – 56% од Французите велат дека го поддржуваат или имаат симпатии за протестите, што јасно укажува дека незадоволството од политиките на претседателот Емануел Макрон и неговиот нов премиер Себастијан Лекорну не стивнува. Напротив, денешниот ден може да биде само почеток на уште поголеми немири.

Situation tendue aux abords du lycée Maurice Ravel à Paris. La police fait usage du LBD pour lever le blocage de l’établissement et de la voie de tram.#18Septembre #Greve18Septembre pic.twitter.com/AVhN1l31bH

— CLPRESS / Agence de presse (@CLPRESSFR) September 18, 2025

The post 📽️ 📷 ХАОСОТ ВО ФРАНЦИЈА ЗАПОЧНА, НАД 30 УАПСЕНИ ДЕМОНСТРАНТИ Протестите се шират во 250 локации, се очекуваат 900.000 луѓе appeared first on plusinfo.mk.