Во Кривичниот суд Скопје денеска ќе продолжи судењето за грабнувањата и свирепите убиства на Панче Жежовски (74) од Велес и на Вања Ѓорчевсска (14) од Скопје. Процесот стаса до дополнение на доказната постапка.

За двете злосторства им се суди на Љупчо Палевски Палчо, поранешен претседател на партијата Десна и на неговите сопартијци Велибор Манев, Боре Видевски и Влатко Кешишев. Првообвинет е Палевски, кој се товари дека двете жртви ги убил со истрел во главата со пиштол со калибар од 9 милиметри.

Според Јавното обвинителство, мотивот за злосторствата е користољубие – Жежовски е грабнат и убиен за да му се одземе возилото „цитроен“, со кое е грабната Вања. Девојчето го грабнале со цел за неа да бараат откуп од близок член на семејството.

Му се суди и на Александар Ѓорчевски, за помагање во грабнувањето на неговата ќерка.

На денешното рочиште се очекува да се доврши доказната постапка. Судијата Ивица Стефановски одобри да се вештачи чаурата која е пронајдена на местото каде е убиен велешанецот Жежовски. Дел од доказите треба да биде и службена белешка од Велес, во врска со пиштолот на Видевски, кој не е пронајден. Ќе се прочита и одговорот од Халкбанка на барањето на Судот за видеозапис од експозититурата во Буњаковец, за 27 ноември 2023 година, денот кога е убиена Вања, во периодот од 9 до 12 часот.

Судијата Стефановски на последното рочиште рече дека адвокатот на Палевски, Јовица Страшевски доставил поднесок, со други поднесоци во прилог, а на Судот му е потребно  дополнително време за да ги разгледа.

Потоа ќе следува дополнение на доказната постапка. Не е познато што ќе побараат адвокатите на обвинетите и дали сите кои најавија, ќе понудат дополнителни докази. Досега дополнение на доказите најавија бранителите на Палевски, Видевски и на Ѓорчевки.

Обвинетите за злосторствата дадоа различни искази пред судот. Своето учество во грабнувањето и убиствата го признаа Велибор Манев и Влатко Кешишев, но нивните верзии на настаните не се поклопуваат во целост. Љупчо Палевски и Боре Видевски негираа каква било поврзаност со убиствата, но не обезбедија алиби за 22 ноември и за 27 ноември 2023 година. Таткото Александар Ѓорчевски негираше дека учествувал во грабнувањето на неговата ќерка Вања и дека им одал информации на грабнувачите кога таа ќе оди сама на училиште.

По оваа фаза, на наредните рочишта ќе следуваат завршните зборови на Обвинителството и на одбраната, по што ќе биде изречена пресудата за суровите убиства што ја потресоа Македонија и целиот регион.

The post ЌЕ СЕ ИЗВЕДУВААТ ДОПОЛНИТЕЛНИ ДОКАЗИ, МЕЃУ КОИ И ЧАУРАТА ПРОНАЈДЕНА ПОКРАЈ УБИЕНИОТ ЖЕЖОВСКИ Продолжува судењето за убиствата на Вања и на Панче appeared first on plusinfo.mk.

Кривичниот суд сè уште не донел одлука во врска со барањето на обвинетиот Љупчо Палевски Палчо за изземање на судијата Ивица Стефановски од судењето за убиствата на 14-годишната Вања Ѓорчевска од Скопје и на 74-годишниот Панче Жежовски од Велес. Палевски е првообвинет за двете грабнувања и убиства, заедно со неговите сопартијци од Десна, Велобор Манев, Боре Видевски и Влатко Кешишев.

Од Кривичниот суд велат дека одлуката за изземање треба да ја донесе претседателот на Кривичниот суд Иван Џолев и дека таа ќе биде обелоденета за јавноста на следното рочиште, кое е закажано за 20 јануари. Пред да дознае јавноста, за одлуката на претседателот Џолев треба да бидат известени сите странки во постапката.

Ако биде донесена одлука за изземање на судијата, судењето ќе почне од почеток.

• ПАЛЧО ПОБАРА ИЗЗЕМАЊЕ НА СУДИЈАТА ОД СУДЕЊЕТО ЗА УБИСТВАТА НА ВАЊА И ПАНЧЕ „Не го бараат оружјето кај другите обвинети, судот, полицијата и ЈО го монтираат случајот“

Обвинетиот Палевски на последното рочиште на 20 декември побара да се изземе претседателот на судечкиот совет Ивица Стефановски, затоа што, како што рече, тој е необјективен, пристрасен и не му дозволува правична одбрана. Палевски рече дека побарал податоци од СВР Велес во врска со тоа дали кај другите обвинети се бара оружјето со кое се убиени Ѓорчевска и Жежовски, а оттаму му одговориле дека тие информации ќе ги добие преку судијата.

– Судијата после 10 одржани рочишта сè уште одбива да издаде наредба за прибавување податоци од СВР Велес. Освен оружјето, ја барав и потврдата за одземените предмети од обвинетиот Боре Видевски, кому при приведувањето му е одземен мобилен телефон и ташничка, која чудно исчезнува на пат кон полициската станица Кисела Вода и во извештајот не постои ташничката на Видевски. Изговорот на судијата, дека е рано да се бара оружјето во две убиства, ја спречува мојата одбрана – рече обвинетиот Палевски.

Тој изнесе забелешки за однесувањето на ОЈО Скопје и на СВР Скопје, за кои тврди дека за време на истрагата ниту еднаш не прашале ниту еден од останатите тројца обвинети дали поседуваат оружје со или без дозвола, како и дека кај нив не е  барано оружјето.

Судијата Ивица Стефановски рече дека неговото барање на податоците е предложено во листата на докази на одбраната, судот е запознат со истото и ќе биде презентирано во делот кога ќе биде изнесувана одбраната.

– Барањето за мое изземање од процесот ќе биде предложено до претседателот на судот – рече судијата.

The post НА 20 ЈАНУАРИ ЌЕ ДОЗНАЕМЕ ДАЛИ ЌЕ ПОЧНЕ ОД ПОЧЕТОК СУДЕЊЕТО ЗА УБИСТВАТА НА ВАЊА И НА ПАНЧЕ Кривичниот суд треба да одлучи по барањето за изземање на судијата Ивица Стефановски appeared first on plusinfo.mk.

Не сум убеден колку судот во натамошната постапка ќе ја цени дадената, па повлечена изјава на обвинетиот Влатко Кешишев, но таа изјава предизвика силна реакција кај Александар, рече денеска по судењето Владимир Туфегџиќ, адвокат на Александар Ѓорчевски. Тој одговараше на новинарско прашање дали случајот со изјавата покажува дека ако првообвинетиот Љупчо Палевски можел да го натера Кешишев да ја напише, тогаш можел да влијае и на другите обвинети да кажат дека Александар е вмешан во грабнувањето на неговата ќерка Вања Ѓорчевска, која беше убиена на 27.11.2023 година.

– Видовте дека денеска имаме поинаков распоред на седење во судницата, што е и нормално. Тоа беше побарано од моја страна од судијата, за да не дојде до евентуално нарушување на редот во судницата. Александар пред секое судење е под задолжителни седативи, кои го одржуваат да може како-така да го следи судењето. Тој имаше реакција, затоа што за прв пат во судница некој од обвинетите во писмена форма посочи кои точно лица учествувале во убиството на неговата ќерка. Тоа се случува за прв пат – рече адвокатот Туфегџиќ.

• КЕШИШЕВ ЈА ПОВЛЕКОЛ ИЗЈАВАТА ДЕКА ПАЛЕВСКИ БИЛ СО НИВ ЗА ВРЕМЕ НА УБИСТВАТА Напишал дека згрешил што го послушал Манев да лаже

За повлекувањето на изјавата и објаснувањето како и под кои околности Кешишев ја дал, има надлежни органи за сето тоа да го утврдат, додаде адвокатот. Оваа изјава, потенцира Туфегџиќ, немаше да се случи ако имаше темелна и непристрасна истрага во текот на целата постапка.

– Денеска за прв пат слушнавме дека двете возила, „цитроенот“ и „рено канго“ биле поврзани уште од 27.11.2023 година, односно од денот кога е исчезнато девојчето. Слушнавме дека „цитроенот“ е забележан и на 24.11.2023 година. Исказот од шефот на службата од „Сејф сити“ во целост се поклопува, односно, ја потврдува одбраната на Александар. Полицијата уште на 27.11 имала поврзаност меѓу тие две возила. Александар за Панче и за неговото возило „цитроен“ дознал во средата или во четвртокот, од пријателска врска од МВР, преку Гоце Трајковски. Добиваме полека целосна слика на реалната состојба на преземените дејства – рече Туфегџиќ.

Факт е, рече бранителот на Александар Ѓорчевски, дека во овој предмет има конфузија во испорачаните информации во јавноста.

– Како пример ќе го посочам делот дека е посочено дека само таткото се сомневал дека детето му е киднапирано, а од новинарските текстови од 27.11.2023 година содржат изјави на мајката која исто така, се сомнева дека девојчето е киднапирано. Во понатамошниот тек, се надевам, ќе дознаеме уште некои работи, особено прашањето кое изминатата недела повторно се спинува, а тоа е дека голем фаул на одбраната било тоа што таткото бил член на партијата Десна. Тоа прашање е расчистено, ЈО го има целиот список на основачите и членовите, нема име ниту на мајката, ниту на таткото како основачи, членови или активисти на оваа партија – изјави адвокатот Туфегџиќ по денешната главна расправа,

Убиството на Панче Жежовски се случи лани на 22 ноември во Велес, по што обвинетите Љупчо Палевски, Велибор Манев, Влатко Кешишев и Боре Видевски му го зеле „цитроенот“ и со него на 27 ноември ја киднапирале 14-годишната Вања Ѓорчевска во Скопје, па ја убиле. Таткото на Вања е обвинет за помагање во грабнувањето.

The post ПОЛИЦИЈАТА ОД ПРВИОТ ДЕН ЗНАЕЛА ДЕКА „ЦИТРОЕНОТ“ НА ПАНЧЕ И „РЕНОТО“ СЕ ПОВРЗАНИ Адвокатот Туфегџиќ побарал Александар да седи подалеку од Кешишев на денешното судење appeared first on plusinfo.mk.

Полицијата во два наврати ги спровела заедно Палевски и Кешишев, во исто комбе.

Во изјавата пишуваше дека Палевски за време на убиствата спиел во штабот на партијата, а делата ги извршиле останатите обвинети, но не беше наведено кој пукал во Вања и во Панче.

– Влатко Кешишев на денешното судење даде појаснување за таа изјава. Тој ја негираше целосно изјавата и рече дека два пати бил транспортиран од затворот до судот и назад со првообвинетиот и при тој транспорт Палевски му дал ливче. Палевски од Кешишев побарал да го препише со свој ракопис, да стави потпис и да го пушти до Судот. Кешишев појасни дека чувствувал страв од првообвинетиот и поради тоа го стори тоа. Тој ја повлекува изјавата и сè што има да каже, ќе каже пред судот – рече адвокатот Ефремов.

• КЕШИШЕВ ЈА ПОВЛЕКОЛ ИЗЈАВАТА ДЕКА ПАЛЕВСКИ БИЛ СО НИВ ЗА ВРЕМЕ НА УБИСТВАТА Напишал дека згрешил што го послушал Манев да лаже

Во врска со тоа дали ќе бара од МВР да не се повтори ваков транспорт на обвинетите, за да не може Палевски и натаму да влијае врз Кешишев, адвокатот рече дека по завршувањето на судењето, самиот судија побарал од затворската полиција отсега, па натаму, транспортот да се одвива со четири комбиња.

– Секој треба да се транспортира одделно, токму поради вакви влијанија, да немаат контакт едни со други. Дадената изјава може да биде предмет и на Обвинителството – рече Ефремов.

На прашањето дали обвинетиот Кешишев го има оригиналот што го напишал првообвинетиот Палевски, адвокатот Ефремов рече дека тоа ќе го остави на Јавното обвинителство да го открие, ако смета дека треба да отвори истрага.

The post ОБВИНИТЕЛСТВОТО МОЖЕ ДА ГО НАЈДЕ ОРИГИНАЛНОТО ПИСМО НА ПАЛЕВСКИ Адвокатот на Кешишев бара истрага како Палчо успеал да му даде лист хартија на Кешишев во полициско комбе appeared first on plusinfo.mk.

Судењето за грабнувањата и за свирепите убиства на 14-годишната Вања Ѓорчевска од Скопје и на 74-годишниот Панче Жежовски од Велес што се случија лани во ноември, продолжува денеска во Кривичниот суд во Скопје, со сослушување на нови сведоци.

Ќе се сослушаат уште 15 сведоци

Денеска, според распоредот што го најави судијата Ивица Стефановски на првото рочиште, се очекува да сведочат Зоран Аваз, Тодорче Георгиевски, Елвис Ибрахуми и Мирче Мицевски.

На следното рочиште, кое е закажано во петок, на 15 ноември во 10 часот, се очекува да сведочат Маја Спироска, Ѓорги Џолев, Кире Тренчевски, Кристијан Плотников и Васко Стојков.

На последното рочиште кое е наменето за сослушување на сведоците, чиј термин допрва ќе биде закажан, ќе сведочат Иванка Ѓорческа, Оли Нешковиќ, Иво Нешковиќ, односно мајката, таткото и внукот на обвинетиот Александар Ѓорчевски, таткото на Вања, како и Гоце Трајковски и Кираца Трајковска.

По завршувањето на сведочењата, ќе почне постапката за изведување на доказите.

За грабнувањата и убиствата на Вања и Панче се обвинети четворица извршители – Љупчо Палевски Палчо како првообвинет, и Велибор Манев, Влатко Кешишов и Боре Видевски, а таткото на Вања, Александар Ѓорчевски е обвинет за помагање во грабнувањето на неговата ќерка.

Досега се одржаа четири рочишта. На првото рочиште обвинителката Жаклина Крстевска Јосифовска го презентираше обвинението, според кое обвинетите го грабнале Панче Жежовски на 22 ноември (среда) од неговиот дом во Велес и го убиле со пиштол во месноста Рудник, за да му го земат автомобилот цитроен. Возилото им било потребно за да ја киднапираат Вања, со цел да изнудат пари за неа од семејството. Вања ја киднапирале на 27 ноември (понеделник) наутро во влезот на нејзината зграда во Скопје и наместо да бараат откуп од семејството, ја убиле после неколку часа, во месноста Бразда. Девојчето било изложено на силно страдање, а животот ѝ завршил на брутален начин, со истрел во главата, додека рацете и нозете ѝ биле врзани.

Сите обвинети за овие сурови злосторства се изјаснија дека се невини.

Обвинетиот Кешишев им открил сè на полицајците

Но, сведочењата на полициските инспектори Музафер Каришиќ, Дејан Димовски и Ристе Самарџиев кои ја водеа истрагата во Скопје и во Велес изнесоа поинакви факти.

Полицајците Каришиќ и Димовски сведочеа дека нивната истрага ги одвела до Влатко Кешишев во седиштето на партијата Десна, откако го поврзале движењето на украдениот „цитроен“ на Панче со возилото „рено кангу“, кое го користела партијата. На 2 декември тој бил приведен, а по неколкучасовно убедување и премислување, самиот Кешишев одлучил да ги поведе полицајците кон Бразда. Полицајците тргнале со две возила и мислеле дека Кешишев ќе ги однесе до местото каде што е закопан Панче Жежовски, но се шокирале кога тој им рекол дека на местото што им го покажува ќе го најдат телото на девојчето кое го бараат со денови.

Кешишев им рекол и дека и во Вања и во Панче пукал Палчо, а дека со нив биле и велешаните Велибор Манев и Боре Видевски.

Полицаецот Самарџиев раскажа дека откако колегите од Скопје им укажале во Велес да го бараат лицето Велибор Манев, веднаш го привеле, а тој паднал во несвест кога ги видел пред врата. Манев ги однел велешките полицајци до местото каде бил закопан Панче, чие тело едвај го откопале, како и дека во старецот пукал Палчо.

Скопските инспектори истакнаа и дека за време на еднонеделната потрага по Вања нејзиниот татко Александар се однесувал сомнително и чудно, односно, постојано велел дека Вања е киднапирана и убиена. Откако се откри дека неговите зборови се вистина, и тој стана осомничен како помагач во киднапирањето. Според обвинението, тој му кажал на Палчо дека неговата ќерка Вања во понеделникот наутро ќе оди сама на училиште, а не со помалата сестра.

Допрва ќе се расветлува улогата на таткото Александар

На второто рочиште сведочеа Зорица Ѓорчевска, мајка на Вања, како и Ана Киркова и Тодор Кирков, ќерка и зет на Панче. Тие раскажуваа за деновите во кои трагале по нивните најмили. Зорица Ѓорчевска откри дека неодамна продала еден стан кој ѝ бил наследство, дел од парите ги потрошила, а околу 30.000 евра ги орочила во банка. Тодор Кирков, пак, откри дека убиениот Панче и обвинетиот Велибор Манев имале долгогодишен спор околу долг од 500 евра. Манев на Жежовски му редел патека од бекатон во дворот, а Жежовски не му доплатил затоа што не му се допаднало како е завршена работата, па Манев го искршил бекатонот.

Во сведочењата на инспекторите и на Зорица Ѓорчевска често се споменуваше и името на Гоце Трајковски, како близок на Александар кој му помагал со обезбедување на снимки од разни надзорни камери. Со помош на тие снимки Александар водел сопствена истрага за тоа каде е Вања. Трајковски му обезбедил снимка и од бензинска пумпа од Велес на која се гледаат Панче Жежовски и Боре Видевски во цитроенот, и тоа во деновите кога двете убиства воопшто не беа поврзани од истрагата. Трајковски е на листата на сведоци.

Што пишува во обвинението?

Според обвинението, кое беше прочитано на првото рочиште, секој од обвинетите имал своја улога во злосторствата со детално однапред планирани дејства.

„Таткото помогнал со информации кога Вања оди на школо. Обвинетите се познавале меѓу себе и сковале план за грабнување со цел да присилат член на семејството да даде откуп. Знаеле дека секој петок Вања оди од прв час на школо, а помалата сестра Миња од втор час. Во петокот се обиделе да ја грабнат, но не успеале во планот, зашто имало гужва. Во неделата знаеле дека во понеделникот на 27 ноември Вања ќе оди сама на првиот час, што било исклучок. Со штрафцигер ја отвориле вратата од влезот на зградата, влегле внатре, застанале кај сутеренот кој води кон подрумите, го чекале детето, па кога излегла од лифтот, Боре Видевски ја фатил за половината и за устата, обвинетиот Велибор Манев ја држел за нозете. Ја однеле до сутеренот каде Велибор ѝ ставил селотејп лента на устата. Боре Видевски ѝ се заканил да не вика инаку ќе пукаат, ја ставиле во вреќа за спиење со подотворен патент ја свртиле на стомак и додека Боре Видевски ѝ ги држел рацете, Велибор ѝ ставил пластични стеги на рацете и на нозете и откако ја затвориле вреќата, Велибор ѝ ги врзал нозете со селотејп преку вреќата“, се вели во обвинението.

Откако ѝ се закниле по втор пат Видевски со помош на Манев ја ставил преку рамо и ја однеле во „цитроенот“ во гепекот. Велибор возел, Влатко бил совозач, а Боре седел на задното седиште. Според обвинението, Велибор претходно го зел телефонот „ајфон 8“ на Вања, а Боре додека се возеле со чеканче го скршил за да нема сигнал. Според инструкциите на Палевски, тргнале кон Качанички пат, до надвозникот на село Визбегово каде се сретнале со Палчо. Тој ги чекал со „рено канго“ ,и двете возила се упатиле кон селото Бразди, кај местото Дупки.

„Откако застанале таму Палчо, Велибор, Боре и Влатко околу 9.30 часот со умисла го лишиле од живот малолетното девојче. Изложувајќи ја на тешко психичко страдање со силен интензитет, во врзана состојба и онеспособена за отпор ѝ било предочено дека ќе биде убиена така што по налог на обвинетиот Љупчо Палевски обвинетиот Велибор Маневски го извадил оштетеното дете од гепекот по што обвинетите ја доближиле и ја ставиле во претходно ископана дупка од нивна страна со димензии од околу 180 см должина, 85 см ширина и 60 см длабочина каде обвинетиот Љупчо Палевски со огнено оружје калибар 9мм преку перниче кое го пронашол во близина, испукал еден куршум во пределот на главата на оштетеното дете нанесувајќи ѝ огнострелна повреда на мозокот. По ова настапила смрт, па откако обвинетиот Палевски ја извадил вреќата за спиење обвинетите го закопале телото во дупка“, се наведува во обвинението за едно од најголемите злосторства во Македонија, кое го потресе целиот регион.

The post ВАЊА БИЛА БРУТАЛНО УБИЕНА, СО ВРЗАНИ РАЦЕ И НОЗЕ Што дознавме досега од судењата за свирепите убиства на Ѓорчевска и на Жежовски appeared first on plusinfo.mk.

– Началникот потврди дека неговиот оддел за крвни деликти не бил надлежен во истрагата, но тие се вклучиле во постапката поради тоа што веќе било објавено на социјалните мрежи дека девојето е киднапирано. Се потврди дека постапувале без конкретни стандарди и процедури и се воделе по лични лувства и согледувања. Исказот на овој сведок е дека однесувањето на Александар му останал на ниво на сомневање и дека нема ниедне релевантен доказ за тој да биде обвинет – рече Туфегџиќ по денешното рочиште.

Тој истакна дека се изнесени нови моменти.

– Денеска првпат дознаваме дека од еден од видео-записите имало двајца вработени од „Комунална хигиена“ кои утрото во критичниот момент биле пред зградата на ул. Наум Наумовски-Борче, кога возилото цитроен се појавило. Не знам дали тие луѓе се обезбедени и дали е направен обид да се стапи во контакт со нив. Тие во критичниот момент биле пред зградата. Исто ново е за мене е дека наводно Вања имала некаков обид да се самоповреди заради кавга со родителите. Немам ваква информација. Родителите вакво нешто не истакнале – рече бранителот.

На новинарско прашање зошто два часа по грабнувањето Александар со автомобилот бил забележан кај Качанички пат, неговиот адвокат рече дека таткото во ниеден момент не се обидел да сокрие дека бил на неколку локации, а не само кај Качанички пат.

– Еден од сомнежите е една избришна порака од вибер-група со родителите на соучениците на Вања, за која воопшто не се утврди со каква содржина е. Ние како одбрана утврдивме дека тоа е комуникација со една родителка која пројавила интерес до каде е работата, се прави ли непто, а Александар одговсра ништо, полицијата тврди дека Вања е избегана. Потоа брзо Александар ја избришал пораката, помисли да не се сфати како притисок врз полицијата – рече Туфегџиќ.

Тој истакна дека Александар и Гоце уште на 29 ноември веќе ги имале сознанијата преку нивни пријателски врски преку Сејф сити дека посоченото возило цитроен е предмет на потрага во претходните денови.

– Ова што им го дале Александар и Гоце е клучниот момент на поврзување на двата настани и можност за откривање. Да не биле вклучени двајцата, Вања и Панче се уште ќе се водеа за исчезнати – рече адвокатот.

За виртуелното момче од Шведска кое на профил имало знамиња од ИСИС, со кое Вања се допишувала преку социјалните мрежи, Туфегџиќ информира дека тоа е дете кое имало 14 години, а не возрасен човек.

– Има контроверзии во исказот. Ќе вложиме приговор, а по сослушувањето на Алексадар до судот ќе предложиме соочување помеѓу Александар и инспекторите Музафер и Дејан заради целосно расчистување на работите – рече адвокатот Владимир Туфегџиќ.

The post АЛЕКСАНДАР ЈА ИЗБРИШАЛ ПОРАКАТА НА ВИБЕР ЗАТОА ШТО НАПИШАЛ ДЕКА ПOЛИЦИЈАТА НЕ РАБОТИ НИШТО Неточно е дека прашал колку пари барате, тврди Туфегџиќ appeared first on plusinfo.mk.

– Во најмала рака е смешно како може главниот човек кој ја води истрагата да претпоставува дека од обвинетите е земена парафинска ракавица. Па, кога се пука на свадба се зема парафинска ракавица. Во обвинението нема податок за земена парафинска ракавица од ниту еден од обвинетите – посочи адвокатот Манев.

Тој додаде дека има уште една работа, која не знае како здраворазумски би се коментирала.

– Началнитот на полицијата, човекот кој ја води целокупната истрага, до овој момент нема сознание и ниту потврдува ниту демантира дали од самите зрна кои се испукани во жртвите е утврден идентитетот на оружјето. МВР има база на податоци на оружјата и од секој испукано куршум може да се утврди идентитетот на оружјето, па и неговиот сопственик, ако тоа е заведено во базата со податоци. Но, во самото обвинение нема такви податоци за испуканите зрна! – рече Манев.

Според него, сведочењето на началникот на скопската полицијата е контрадикторно и оди насока на теоријата на случајот дека ниеден од обвинетите нема врска со убиствата.

– И сведочењето на началникот на велешката полиција оди во насока на таквото тврдење, оти во делот за снимките кај хотелот „Романтик“ тој не појасни колку луѓе се видени, во колку возила, дали на снимките се гледаат лицата на луѓето во автомобилите. Затоа, сè што чувме денеска не е во насока на откривање на вистината – рече бранителот на Боре Видевски.

The post НЕМА ПАРАФИНСКИ РАКАВИЦИ, НИТУ БАЛИСТИЧКО ВЕШТАЧЕЊЕ НА КУРШУМИТЕ Адвокатот на Боре Видевски укажува на празнини во обвинението за убиствата на Панче и Вања appeared first on plusinfo.mk.

Туфегџиќ истакна дека Александар и Гоце преку свои пријателски врски ја обезбедиле снимката на која се детектира некоординирано и чудно движење на две возила во однос на другите возила.

– Поразително е што началник на полиција рече дека додека не стигнале наодите од истрагата на Гоце и Александар тој немал никаква насока ниту имал претстава што се случило со исчезнатите луѓе. Тоа е она за што сите ние треба да бидеме загрижени – рече Туфегџиќ.

Тој објасни дека таткото на Вања и сите што му помагале прво ги собирале снимките од видеонадзорот и од безбедносните камери, во што учествувала и мајката Зорица Ѓорчевска и нејзин роднина, а подоцна и снимките од камерите на „Сејф сити“.

– Се добива општа слика дека сите многу повеќе се ангажирале од самата полиција, на која тоа ѝ е работа. Вистината е дека токму овој инспектор кој денеска сведочеше побарал од Гоце да ја обезбеди снимката од бензинската пумпа во Велес и тоа Гоце го направил преку негов пријател, за кој подоцна дознавме дека е негов братучед, а сè со цел да се помогне во расчистувањето на случајот – рече адвокатот Туфегџиќ и додаде дека Гоце Трајковски ќе сведочи на 15 ноември и ќе даде разумно и логично појаснување за снимките.

На новинарско прашање бранителот рече дека инспекторот не ја кажал вистината во судницата дека Александар не бил малтретиран.

– Пред него се одвивала целата тортура кон Александар. Бил тој, заедно со уште тројца колеги, ако не грешам, можеби двајца, но Александар самиот ќе појасни во своето сведочење. Не е точно тоа што го рече, оти Александар е малтретиран пред неговите очи. Имаме лекарски белешки од „Систина“ дека се утврдени повреди кои се настанати точно во периодот кога Александар бил во полиција. Александар самиот ќе објасни кога ќе сведочи, се работи за физичка тортура – рече Туфегџиќ.

На новинарско прашање зошто набрзо по исчезнувањето на Вања нејзиниот татко Александар, отишол да ја бара во Сарај, Арачиново и во Блаце, Туфегџиќ одговори дека тој во тие моменти се однесувал како мува без глава. Поранешната сопруга на Александар, мајката на Вања, завчера сведочеше дека Александар ѝ рекол дека ја барал ќерката на овие три места, а денеска инспекторот Музафер Каришиќ во судница посочи дека му било сомнително што Александар отишол токму кон Блаце, во реонот во кој убијците ја однеле Вања.

– На инспекторот му било сомнително што оди кон Блаце, му било сомнително што Александар давал препоставки дека Вања е киднапирана и убиена, а вистината е дека Александар во тој момент се однесувал како мува без глава и секој кој бил со него тоа може да го потврди. Инспекторот направи и една многу лоша споредба за однесувањето на мајката, дека била смирена и прибрана, па да го прашаме господинот што сака да каже со тоа дека мајката е смирена и прибрана? Секој од нас на различен начин доживува тага или среќа. Добро е што овој човек повеќе не е раководител на така важен оддел во полиција – додаде Туфегџиќ.

The post ИНСПЕКТОРОТ ЛАЖЕШЕ НА СУД ДЕКА АЛЕКСАНДАР НЕ Е ТЕПАН Адвокатот Туфегџиќ има медицински докази за полициска тортура врз таткото на Вања appeared first on plusinfo.mk.

Тој има здравствени проблеми со бубрезите и неколку дена беше лекуван на Клиниката за нефрологија, заради што беше одложено второто рочиште што требаше да се одржи на 7 октомври. Според затворските власти, обвинетиот Видевски е во добра здравствена состојба.

Првообвинет за убиствата е Љупчо Палевски-Палчо. Обвинети за убиствата се и Велибор Манев и Влатко Кешишов, а таткото на девојчето, Александар Ѓорчевски е обвинет за помагање во грабнувањето на Вања Ѓорчевска.

На првото рочиште на 20 септември сите обвинети се изјаснија дека се невини.

Тие го оспорија мотивот користољубие. Првообвинетиот Палевски рече дека против него се води политички монтиран случај, а тој не го познава таткото на Вања.

Во понеделник треба да сведочи мајката на Вања, Зорица Ѓорчевска, како и Ана Киркова и Тодор Кирков.

На првото рочиште Ѓорчевска преку нејзиниот полномошник поднесе барање до судот јавноста да биде исклучена од целото судење, за да се зашти нејзиниот приватен живот и живото на помалата ќерка, како и да се заштитат од траумите од силното медиумско  известување. Судот не го прифати предлогот на Обвинителството за исклучување на јавноста.

Според обвинението на ЈО, обвинетите заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп. На 22.11.2023 заеднички го грабнале  и го убиле 74-годишниот Панче Жежовски во Велес, за да му го земат автомобилот цитроен, со кој на 27.11.2023 година ја грабнале Вања од нејзината зграда, ја однеле во атарот на селото Бразда и ја убиле.

Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.

Овој случај силно ја потресе македонската јавност и целиот регион. Обвинителката Жаклина Крстевска Јосифовска го нарече еден од најтешките што се случиле во државата.

Судењето во Кривичниот суд го води судијата Ивица Стефановски.

The post ЌЕ СВЕДОЧИ МАЈКАТА НА ВАЊА Обвинетиот Видевски од болница вратен во притвор, судењето за убиствата продолжува во понеделник appeared first on plusinfo.mk.

„ЈЗУ Универзитетска клиника за Нефрологија – Скопје на 2.10.2024 година го извести Основниот кривичен суд Скопје, дека притвореникот Б.В., кој е еден од обвинетите во предметот, од КПУ Затвор Скопје е префрлен и хоспитализиран во наведената клиника заради влошена здравствена состојба. Имајќи го предвид известувањето, а заради економичност и ефикасност на постапката, расправите насрочени за 7 и 9 октомври 2024 година ќе бидат отповикани, а судењето ќе продолжи на следниот, веќе насрочен термин, на 14.10.2024 година во 10:00 часот, за што странките во постапката се веќе известени“, соопшти Кривичниот суд.

На следното рочиште треба да сведочи мајката на убиената Вања, Зорица Ѓорчевска.

На првото рочиште обвинетите ЉупчоПалевски, Велибор Манев, Боре Видевски и Влатко Кешишов, како и таткото на девојчето, Александар Ѓорчевски се изјаснија дека не се виновни.

The post ОДЛОЖЕНО СУДЕЊЕТО ЗА УБИСТВАТА НА ВАЊА И ПАНЧЕ Обвинетиот Видевски лежи на Нефрологија appeared first on plusinfo.mk.