Одбраната на првообвинетиот за пожарот во Кочани, сопственикот на изгорената дискотека „Пулс“, Дејан Јованов-Деко, пред почетокот на денешното рочиште за пожарот во судницата во „Идризово“ до судот достави дополнителна медицинска документација за нарушената здравствена состојба и побара замена на притворот со куќен притвор.

На ваквото барање од одбраната со негодување реагираа родителите на жртвите, кои го следат процесот во судницата.

Бранителката на Деко, адвокатката Ивана Коцевска, со оглед дека Обвинителството сè уште не се произнело по предлогот за замена на притворот со мерка куќен притвор поради сериозно и алармантно влошување на неговата здравствената состојба, побара судот да покаже малку човечност и хуманост.

– Барам судот да покаже малку човечност и хуманост. Кој било друг човек да беше обвинет во ваква здравствената состојба немаше да продолжи во притворски услови и молам одлуката да биде донесена без пристраност и без влијание од јавноста – рече адвокатка Коцевска.

Обвинителството во однос на предлогот на првообвинетиот рече дека ќе се произнесе писмено дополнително, со оглед дека одбраната доставила дополнителна медицинска документација.

– Ако одбраната инсистира толку многу сега да се произнесеме, даваме негативно мислење затоа што од затворскиот лекар имаме мислење дека таа терапија може да му се даде во притворски услови – изјави Обвинителството.

Од одбраната на обвинетите Беким Хаџиу и Тодор Јованов пред судот изнесоа предлог за укинување на мерката притвор поради нарушена здравствена состојба.

Одбраната на Шабан Салиу информира дека поднела писмен предлог за укинување на една од петте мерки за претпазливост. 

The post ОБВИНИТЕЛСТВОТО ДАДЕ НЕГАТИВНО МИСЛЕЊЕ ЗА ДЕКО ДА ОДИ ВО КУЌЕН ПРИТВОР Барање за куќен притвор поднесоа и други обвинети за пожарот во „Пулс“ appeared first on plusinfo.mk.

Обдукцијата на 59 жртви на пожарот во дискотеката „Пулс“ во Кочани покажува дека нивната смрт е насилна и настапила како резултат од труење со јаглероден моноксид.

Кај пет од жртвите обдукциското мислење од Институтот за судска медицина исто така констатира насилна смрт, но која настапила од задушување од притисок врз градниот кош или како резултат на недостиг на воздух и кислород во околната средина.

Обдукцијата на три од жртвите што починале во текот на лекувањето исто така констатира насилна смрт, која настапила поради акутна слабост на белите дробови од интоксикација од јаглероден моноксид, а кај еден поради изгореници од трет степен на главата и телото.

Обвинителството изведе и писмен одговор од Судска медицина за кој рече дека содржи одговори на прашања колкаво присуство во крвта е смртоносно и колку бргу настапува смрт при задушување со јаглероден моноксид, потоа кои се специфични и неспецифични индикации и која е разликата меѓу задушување и труење со јаглероден моноксид, како и дали би биле спасени доколку би биле подложени на кислородна терапија на местото на настанот и во болниците.

Обвинителството предложи да биде повикано и сослушано вешто лице, кое ќе даде одговор на сите дополнителни прашања што произлегле или произлегуваат од обдукциското мислење.

– Ние за денеска бевме спремни за изведување на овие материјали докази. Знаеме дека и вас ќе ве интересираат прашањата што ќе бидат дадени од вештото лице и затоа ќе ги дадеме во писмена форма пред судот за да може да бидат поделени – изјави Обвинителството.

Судот на почетокот информира дека сè уште нема вратена информација за достапноста на едниот сведок, а за другите двајца сè уште не е завршено вештачењето за нивната подготвеност да сведочат по што одлучи да се продолжи со изведување материјални докази.

Одбраната на почетокот се противеше на предлог за читање изјави дадени во истрага посочувајќи дека Дарио Трифунов е единствен сведок што го гледа влезот на Мартин Буцо во дискотеката без ранец и го фотографира моментот, неговата изјава според нив не е целосно внесена, а сведокот Александра Пепеларовска има изјавено дека го видела лицето што ги поставило прскалките и дека Мартин не е лицето што ги поставило зашто лично го познава.

– Предлагаме судот да не ги прифаќа лесно ваквите наводи за читање на изјавите дадени во истрага од Обвинителството и дека ваквото постапување претставува повреда – рече адвокатот.

Пожарот во дискотеката „Пулс“ во Кочани избувна на 16 март 2025 година за време на настап на групата ДНК и претставува една од најтешките трагедии во поновата историја на земјата. Судењето го води судијката Дијана Груевска-Илиевска, а обвинението го застапува тим од 15 јавни обвинители.

The post ОБДУКЦИЈАТА ПОКАЖАЛА ДЕКА 59 ЖРТВИ ЗАГИНАЛЕ ОД ТРУЕЊЕ СО ЈАГЛЕРОД МОНОКСИД Презентирани причините за смртта по пожарот во „Пулс“ appeared first on plusinfo.mk.

Со изведување материјални докази предложени од Обвинителството денеска во судницата во Идризово треба да продолжи судењето за пожарот во кочанската дискотека „Пулс“, во кој загинаа 63 лица, а над 200 беа повредени.

Тимот обвинители кој го застапува обвинението, на брифинг со медиумите, вчера информираше дека остануваат уште неколку сведоци кои се предложени – тие што од психички причини не може да бидат сослушани и еден кој е во странство, за кои, како што велат, важи можноста доколку не се достапни да се бара да се прочитаат нивните искази.

Со тоа се завршува со вербални докази и се очекува да се започне со изведување на судско – медицинските обдукциски наоди за причините на смртта на жртвите во пожарот.

По изведувањето на обдукциските наоди ќе биде повикано вешто лице кое ќе одговори на сѐ она што не било одговорено или отворило прашања во јавноста.

Од Обвинителството не може да кажат колку рочишта ќе бидат потребни за изведување на материјалните докази, и тоа ќе зависи и од одбраната и дали и колку опструкции ќе има, но работа е на судот да се грижи за економичност и ефикасност на постапката.

Исклучување на јавноста ќе се бара во зависност од начинот на изведувањето на доказите и колку длабочина ќе се дозволи во изведувањето.

Судскиот процес започна на 19 ноември минатата година, по што во судницата во КПУ „Идризово“ во Скопје, досега беа сослушани родители, преживеани, гости во клубот, инспектори, претставници на институции и на општина Кочани, како и членови на бендот, кои настапувале таа вечер.

Судењето го води судијката Дијана Грувеска Илиевска, а обвинението го застапува тим од 15 јавни обвинители.

Пожарот во дискотеката „Пулс“ во Кочани избувна на 16 март 2025 година за време на настап на групата ДНК и претставува една од најтешките трагедии во поновата историја на земјата. Во него загинаа 63 лица, а над 200 беа повредени.

The post ВЕШТАК ЌЕ ОДГОВАРА НА СИТЕ ПРАШАЊА ВО ВРСКА СО ОБДУКЦИИТЕ ЗА КОЧАНИ Почнува изведување на материјалните докази за пожарот appeared first on plusinfo.mk.

Ниту еден од шестемина предложени сведоци на Јавното обвинителство денеска не се појави на судењето за пожарот во дискотеката „Пулс“ во Кочани, во кој загинаа 63 лица, а над 220 беа повредени.

Двајца од сведоците не дојдоа со образложение дека не можат пак да ја преживуваат кобната вечер со сведочење во суд, двајца Обвинителството не успеало да ги исконтактира, еден студира во странство, а еден е недостапен за органите на прогонот.

Обвинителството сака да ги повлече сведоците што се повредени и истрауматизиани, за што прочита и лекарски извештаи, ама адвокатите на одбраната не дозволија да бидат повлечени.  Веќе неколку рочишта одбраната го користи правото да не се согласи со повлекување на повредените сведоци и инсистира да дојдат пред Судот.

Адвокатите посочија дека само поради шизофренија и деменција е дозволено да не се дојде да се сведочи, а акутен стрес и физички повреди не се причина за непојавување пред судот.

– Дали имале душевно заболување и тогаш кога го давале исказот во истрагата во Обвинителството? Како тогаш немале душевно растројство? Дали тоа некој давал лажен исказ во истрагата? И обвинетите се под стрес и во душевно растројство. Сега треба ли да ги пратиме на вештачење, за да не доаѓаат на судење – беа дел од реакциите на адвокатите, кои одбија да дадат согласност за повлекување на 5 од 10-тина предложени сведоци.

Обвинителите поради ова мора да ги пратат на психијатар овие сведоци, кој треба да ја процени нивната психичка состојба и способност за сведочење во овој момент.

Родителите на загинатите деца, кои го следат процесот, не го криеја револтот во судницата. Според нив, ваквиот однос на адвокатите е нечовечен и претставува намерно опструирање и развлекување на правдата.

Судот го прифати предлогот на Обвинителството на двете девојки, Ана Томева и Лина Крстова, кои треба да сведочат, да им се направи психијатриско вештачење и да се процени дали може повторно да сведочат или пред судот да се прочитаат исказите што ги дале претходно за време на истрагата.

– Обвинителството ангажираше вешто лице од областа на психијатријата, да се произнесе дали состојбата во којашто се наоѓаат сведоците е душевно заболување, за да пристапиме кон примена на исклучокот предвиден во Законот за кривичната постапка за непосредно изведување на докази – рекоа обвинителите.

Одбраната оцени дека доколку вештачењето утврди душевно заболување, нивните претходни искази би биле неверодостојни, а Судот одлучи да се изготват вештачења за Томева и за Крстова.

Обвинителството не успеало да стапи во контакт со двајца од сведоците, па Судот прифати да им бидат испратени покани.

– Во однос на сведокот Александра Пепеларовска и сведокот Теа Ѓорѓиевска, од страна на Обвинителството се направени обиди за контакт, меѓутоа истите се безуспешни. Во недостаток на телефонска комуникација предлагаме од страна на судот да бидат испратени покани за овие сведоци за расправа, адресите се во листата на докази – посочија од Обвинителството.

Судот прифати да им испрати покани.

За сведокот Дарио Трифунов, Обвинителството достави известување дека се наоѓа во странство.

– Во однос на овој сведок, имаме известување од МВР, СВР Штип од 15.4.2026 година, со кое сме известени дека при извршени проверки е констатирано дека лицето се наоѓа во Република Бугарија на студирање на непозната адреса. Ова известување го приложуваме пред Судот, бидејќи во него не е наведено дали е достапен на органите на прогон. Предлагаме од страна на Судот да биде испратена наредба за проверка на достапност на овој сведок, а повторно со цел да се пристапи кон примената на законот – нагласија од Обвинителството.

На рочиштето беше прочитан читањето на исказот на Денис Даутовски, кој не е достапен на органите на прогон. Овој сведок е поранешен член на екипата на бендот ДНК.

„За поставување на опремата беше задолжен Филип Стевановски, кој сега е починат. Осветлението беше препуштено на сопствениците, а во поглед на прскалките, знам дека Панчо во првиот наврат кога почна да ги користи, првично набави кутија со 8 правоаголници со 9-волтна батерија, каде што треба да се постават патрони, кои потоа со далечинско треба да бидат активирани. Не ми е познато од каде ја набавил оваа кутија, но знам дека ја носеше во своето возило. Претпоставувам дека прскалките ги набавил од истото место што мене ми го посочи… Откако беа набавени, јас лично видов дека ги поставуваше Мартин Буцо, а претходно ги поставував и јас… Прскалките ги активиравме истовремено, бидејќи далечинското имаше само едно копче. Мислам дека при договарање на настапите, внесувањето на прскалките беше најавувано кај сопствениците на локалот, но дали било пријавувано до надлежниот орган, не знам“, се наведува во исказот на Даутовски.

The post НЕ ДОЈДОА СВЕДОЦИТЕ НА СУДЕЊЕТО ЗА КОЧАНИ Одбраната не дозволи да се повлечат истрауматизираните сведоци, Обвинителството предложи психијатриско вештачење appeared first on plusinfo.mk.

Александар Карадаковски, кој загина во пожарот во дискотеката „Пулс“, се нафатил да биде управител на фирмата „МММ кафе“ ДООЕЛ за да не му пропадне лиценцата на Дејан Јованов Деко, првообвинет во случајот.

Денеска сведочеше таткото на Александар, Наско Карадаковски, кој рече дека син му се вратил од Скопје во Кочани зашто бил пријател со Михајло, синот на Деко. Тој рече дека Александар бил пријавен како управител без соодветно здравствено осигурување, а за тоа дознал кога се повредил и кога отишол на лекар.

Александар од 2018 година работел во кафулето „Класик“ во Кочани. За првпат бил пријавен како редовно вработен таму во 2021 година. Кога татко му дознал дека нема здравствено, го посоветувал да се пријави во Агенцијата за вработување, но синот му рекол дека не може зашто е пријавен како управител.

Таткото почнал да го прашува зошто е управител, на што Александар му рекол дека Деко го замолил зашто „немал кого да постави, за да не му пропадне лиценцата“, па него го пријавил.

– Тогаш многу ме изненади. Го прашав дали знае кои се одговорностите на еден управител, дали знае и дали оди во банка и води сметководство, ми рече „Не, тоа си го прават Деко и Михајло“. Мене веќе почна да ме фаќа паника и му реков да оди кај Деко и да го среди тоа. Ми рече имале уште две-три рати од кредитот, па ќе средат, но ништо од тоа – рече сведокот.

Таткото рече дека кога си дошол од Германија, каде што работел, му рекол на Александар дека тој ќе разговара со Деко и ќе се расправа.

– Ме замоли да не правам глупости и прифатив. Тогаш ми рече, Михајло толку многу се има искарано за тоа со татко му, дури и се иселил од дома. И тогаш подлегнав на неговата молба, но му дадов број од адвокат да се консултира тоа да го заврши без Деко. Рече се консултирал, да поминат празниците, ќе виделе што може, што не може – рече сведокот.

Прашан како реагирал Александар на тоа, сведокот рече дека бил многу нервозен тој период.

– Јас му вршев голем притисок, дури не сакаше да зборува за тоа и се нервираше многу, зошто беше свесен дека може да има големи давачки и долгови кон доверители и фирми. Тој период веќе и имаше одбивност да оди на работа – рече сведокот.

Прашан дали Александар имал проблеми со контроли и даночни пријави, сведокот рече дека немал такво нешто и дека никогаш не се пожалил за тоа.

Александар цело време работел во кафулето „Класик“ во Кочани. Никогаш не одел на работа во дискотеката „Пулс“.

Таткото рече дека Александар никогаш не бил сопственик иако во обвинението се воде како сопственик и управител.

Тој потврди дека синот спомнал дека се вршело реновирање во „Пулс“ во 2024 година.

– Тогаш бил повикан да помогне за некои физички активности во „Пулс“ за некои градежни работи, добил повреда и отишол на лекар – рече сведокот.

На прашање на бранителот на првообвинетиот Дејан Јованов-Деко дали Александар работел во фирма кај Деко или кај Михајло, сведокот рече дека Александар рекол дека работел кај Михајло и дека тој не знае кој е сопственик на фирмата.

Адвокатката Ивана Коцевска побара од судот да не го прифати исказот на сведокот зашто, како што рече, изнел целосно контрадикторни искази во однос на фактичките докази.

Адвокатот Јовица Страшевски реагира дека повикуваат сведоци и поставуваат прашања што се надвор од обвинението.

– Каков е односот меѓу сведокот и сега покојниот син, не придонесе со ништо кон овој кривично-правен настан. Барам да му укажете на Обвинителството дека со ваквиот начин само се одолжува постапката, а ништо не придонесуваме кон расчистување на обвинението – рече адвокатот Страшевски.

Вториот сведок за денешното рочиште, иако уредно повикан, не се појави во судница. Јавниот обвинител информира дека нема добиено известување дали отсуството е оправдано или не, на што судот реагира дека доколку сведокот не се појави на следното рочиште, ќе мора да издаде налог за спровод.

Судењето го води судијката Дијана Груевска-Илиевски и се наоѓа во фаза на доказна постапка и продолжува со сослушување сведоци на предлог на Обвинителството, кое го застапува тим од 15 јавни обвинители.

Пожарот во дискотеката „Пулс“ во Кочани избувна на 16 март 2025 година за време на настап на групата ДНК. Загинаа 63 лица, а над 200 беа повредени.

The post ГО СТАВИЛ ЗА УПРАВИТЕЛ ЗА ДА НЕ ЈА ИЗГУБИ ЛИЦЕНЦАТА ЗА „ПУЛС“ На лекар дознал дека нема соодветно здравствено осигурување appeared first on plusinfo.mk.

The post БЕЗ ФОКУС И ПРЕЦИЗНОСТ, НЕМА ПРАВДА ЗА ТРАГЕДИЈАТА ВО „ПУЛС“ Мора да се утврди кој што згрешил, а не дали „некој морало да знае“ appeared first on plusinfo.mk.

Во општинскиот даночен регистар на Кочани дискотеката „Пулс“ не фигурирала како правно лице, туку обврските за лиценца и фирмарина ги подмирувале правните субјекти „Класик ДМ“ и „ММММ“. Ова го истакна Дејан Рашков, раководител на општинскиот Сектор за финансиски прашања, на денешното рочиште за пожарот во кочанската дискотека.

Одговарајќи на прашања на Јавното обвинителство, Рашков појасни дека Општината нема ингеренции за издавање лиценци за ноќен клуб или кабаре, туку тоа го прави Министерството за економија, а уплатите се делат на половина меѓу централниот и локалниот буџет.

– Правното лице мора да добие решение за да ги уплати тие пари. Решението е од Министерство за економија, по тоа решение се врши уплата на уплатна сметка. Сметката е така направена од Министерство за финансии за 50 отсто да одат на сметка на Општина Кочани, 50 проценти во Буџетот – рече Рашков.

Тој посочи дека за конкретниот случај биле уплатени 246.000 денари, од кои половина легнале на сметката на Општината, но не можеше да прецизира дали износот бил за лиценца за кабаре или за дискотека. На прашањето дали имало уплати директно од дискотеката „Пулс“, сведокот беше дециден дека таков субјект не постоел во нивната евиденција.

– Кога се случи настанот имавме инспекција и ги проверувавме сите даночни обврзници и утврдивме дека како правно лице не постои – нагласи сведокот.

Во исказот Рашков рече и дека не знае колку дискотеки има во Кочани, ниту колку кабареа има во градот. Тој наведе и дека за „Класик ДМ“ дознал дури по трагичниот настан, кога, како што кажа, дознал и дека „ММММ“ е правен следбеник на „Класик ДМ“.

На ваквиот исказ реагираа родителите на загинатите во пожарот кои го следат судскиот процес, посочувајќи дека, според нив, сведокот секојдневно го посетувал кафулето „Класик“ во центарот на Кочани.

Во однос на прашањата за евентуални инспекциски надзори во објектот, Рашков, кој во периодот од јануари 2022 до декември 2023 година бил и секретар на Општина Кочани, истакна дека општинските инспектори дејствуваат независно и одговараат само пред градоначалникот, но не се под ингеренција на секретарот.

– Инспекциските служби делуваат самостојно и независно, сами може да донесуваат записници, потпишуваат и донесуваат решенија, тие имаат соодветни лиценци да го потпишат записникот, решението и целата документација во однос на Законот за инспекциски надзор. Според Законот, инспекторите и раководителите на инспекциските служби одговараат пред градоначалникот – рече Рашков и додаде дека не е запознаен дали во тој период бил извршен надзор врз објектот „Пулс“.

При вкрстеното испитување од страна на бранителката на првообвинетиот, Ивана Коцевска, Рашков потврди дека Општината ја утврдува висината на надоместокот и дека правните лица „Класик ДМ“ и „ММММ“ вршеле уплати по тој основ. Тој се согласи со констатацијата на одбраната дека сопственикот на објектот не е должен да ја извести Општината за организација на настан во кабаре или дискотека.

The post ЛИЦЕНЦА И ФИРМАРИНА ЗА „ПУЛС“ СЕ ПЛАЌАЛЕ ПРЕКУ ФИРМИТЕ „КЛАСИК ДМ“ И „ММММ“ За дискотеката биле уплатени 246.000 денари appeared first on plusinfo.mk.

Општина Кочани навремено го поништила известувањето за користење паркинг-простор и побарала од Државниот пазарен инспекторат да не издава лиценца за работа на дискотеката „Пулс“, бидејќи објектот се наоѓал во зона за лесна и незагадувачка индустрија. Ова го истакна сведокот Драги Илиевски, раководител на Одделението за уредување на градежно земјиште, на денешното рочиште што се одржува во судницата во „Идризово“ за пожарот во кој загинаа 63 лица.

Одговарајќи на прашања од Јавното обвинителство, Илиевски, кој на оваа функција е од 2012 година, појасни дека објектот се наоѓал во зоната Г2, наменета за лесна и незагадувачка индустрија, каде што не е дозволена пренамена за угостителска дејност од ваков тип.

– Значи зоните не можат да се менуваат. Ме прашавте дали е направена пренамена, не е направена пренамена на тој објект, ниту пак може да се промени зоната и целиот тој локалитет е лесна и незагадувачка индустрија – рече Илиевски.

Сведокот посочи дека првично, на 3 октомври 2012 година, Општина Кочани дала позитивно известување на барањето на Дејан Јованов од ДООЕЛ „Класик ДМ“ за користење на јавните паркиралишта во таа зона, но подоцна истото било повлечено откако дознале за вистинската намена на објектот.

– По одредени сознанија дека ќе се отвора дискотека, ние го имаме поништено ова известување. Таму наведуваме дека тие паркинзи се лесна и незагадувачка индустрија Г2, а не за дискотеки или барови што ќе се отворат. Тоа е доставено до Дејан Јованов од ДООЕЛ „Класик ДМ“ – истакна сведокот.

Според исказот на Илиевски, Општина Кочани се обратила и до државните институции за да спречи отворање на ноќен клуб во индустриската зона. Тогашниот градоначалник Ратко Димитровски побарал информација од Министерството за економија дали за компанијата е издадена лиценца, но откако не добиле одговор, било испратено директно барање до Државниот пазарен инспекторат (ДПИ).

– Да, доставено е и до директорот на Државниот пазарен инспекорат. Претходниот градоначалник Ратко Димитровски имаше сознанија дека ќе се отвора дискотека или ноќен клуб, има поднесено барање до Министерството за економија за информација дали на компанијата „Класик“ имаат издадено лиценца за отворање дискотека или немаат издадено. Тоа е на 19.10.2012 година. Ова барање ние почекавме одреден период за да добиеме повратна информација за лиценца, не нѐ удостоија со повратен одговор и со договор на градоначалникот јас пишав до директорот на Државниот пазарен инспекторат, барање за неиздавање лиценца за дискотека. Причините кои беа, ние го поништивме решението за паркинг место, овие паркинг места се наменети за лесна индустрија, таму немаме А1 или А2 или други зони – потенцираше Илиевски.

Прашан од каде Општината имала сознанија за намерите на инвеститорот, сведокот одговори „тоа се зборуваше по градот, не стриктно од еден човек или слично, туку се зборуваше низ град, па се прашавме, како може да се отвора дискотека на тој локалитет којшто е наменет за лесна индустрија“.

Во однос на прашањето дали Општината извршила инспекциски надзор или презела други дејствија откако дискотеката почнала со работа, Илиевски нагласи дека неговиот сектор нема такви надлежности.

– Како што кажав, нашиот сектор нема ингеренции, а дали некој друг презел немам информација – додаде Илиевски.

Во текот на испитувањето, Судот не дозволи дел од прашањата на Обвинителството поврзани со надлежностите на ДПИ и евентуалните понатамошни мерки од градоначалникот, со образложение дека сведокот веќе појаснил оти неговиот оддел нема инспекциски ингеренции и дека институциите биле навремено известени.

На прашања од бранителката на првообвинетиот, Ивана Коцевска, сведокот потврди дека објектот бил изграден со техничка документација за лесна индустрија. Во однос на посочувањата од одбраната дека во истата зона функционираат и други деловни објекти, како хотели, Илиевски појасни дека тие имаат посебна маркица или дел од пренамена.

Коцевска во текот на вкрстеното испитување посочи дека во општинскиот систем постои потврда дека Дејан Јованов го примил првичното позитивно известување за користење на паркингот, но не постои потврда дека го примил известувањето за негово поништување. Воедно, сведокот пред Судот се согласи со констатацијата на одбраната дека согласност за користење на јавните паркиралишта не дава Општината, туку таа дава само мислење, додека дозволата ја издава Министерството за внатрешни работи.

Претходно на почетокот од денешното рочиште, откако сите бранители се изнесоа по однос на листата на сведоци предложени од ЈО, Судот донесе решение дека има согласност за повлекување на сослушувањето на сведоците Ана Карова, Трајче Трајчов, Ангелчо Ангелков и Мартин Јосифов. Сведокот Љупчо Димитровски и останатите ќе бидат повикани да бидат сослушани, со оглед дека за нив нема согласност за повлекување.

Пожарот во дискотеката „Пулс“ во Кочани избувна на 16 март 2025 година за време на настап на групата ДНК и претставува една од најтешките трагедии во поновата историја на земјата, во која загинаа 63 лица, а над 200 беа повредени. На минатото рочиште беше сослушан сведокот Живко Ставревски, помошник-генерален инспектор во Дирекцијата за заштита и спасување (ДЗС), кој изјави дека до 2020 година не биле предвидувани редовни инспекциски надзори во општини во кои нема инспектори, а Кочани немало покриеност со инспектор за проверки и превенција. Судењето го води судијката Дијана Груевска-Илиевска, а обвинението го застапува тим од 15 јавни обвинители.

The post ОПШТИНА КОЧАНИ ПОБАРАЛА ДА НЕ СЕ ИЗДАВА ДОЗВОЛА ЗА ДИСКОТЕКАТА „ПУЛС“ Објектот се наоѓал во зона за лесна и незагадувачка индустрија, а не за угостителство appeared first on plusinfo.mk.

Адвокатот Ѕвонко Давидовиќ, бранител на обвинетиот поранешен директор на Дирекцијата за заштита и спасување (ДЗС), Аднан Џаферовски, вo случајот „Пулс“ изјави дека таа институција не е надлежна за контроли на угостителски објекти, туку има сосема друга функција.

– Согласно законот, треба да се сфати дека Дирекцијата за заштита и спасување не е инспекциски орган кој прави контроли на кафулиња, кафани и ресторани. Таа е институција која опфаќа територијална одбрана и цивилна заштита на целата држава. Тука не се само пожари, туку и големи несреќи, шумски пожари. Под неа има Воздухопловна единица, а меѓу другото и Генерален инспекторат кој е надлежен да врши инспекциски надзор на територијата за која е назначен – рече тој во изјава за медиуми.

Тој посочи дека постојат јасни законски одредби кои го дефинираат инспекцискиот надзор и дека судот мора да се раководи според нив, без оглед на поединечни толкувања.

Според него, прашањето зошто и денес нема доволен број инспектори е проблем кој треба да се постави пред Владата, бидејќи за секое вработување е потребно одобрение од Министерството за финансии.

– Ова не е едноставен, туку комплексен проблем, кој засега, во односите во државата и начинот на кој се пополнуваат местата и како се гледаат определени работи и ситуации, се решава на многу тежок начин – рече тој.

Давидовиќ нагласи дека Советот на општината, МВР и други институции се надлежни да преземат мерки и да ги одржуваат средствата за заштита и спасување во кондиција, за да можат да ги исполнат обврските согласно законот.

– При одобрение за градба, доколку не поседувате вакво одобрение на планот за заштита, програмата за заштита и спасување, не треба да добиете одобрение за градба, ниту употребна дозвола – нагласи тој.

Изјавата следува по сведочењето на инспектор на ДЗС од подрачното одделение во Виница кој сведочеше дека по пожарот во клубот „Пулс“ во Кочани, увидната екипа на Дирекцијата за заштита и спасување утврдила сериозни пропусти – недостиг на противпожарни апарати, празен хидрант, и заклучена помошна врата.

Инспекторот сведочеше дека Општина Кочани повеќе од една деценија немала инспектор за заштита и спасување, а за надзор во друга општина е потребен писмен налог од раководството.

The post ДИРЕКЦИЈАТА ЗА ЗАШТИТА НЕ Е ИНСПЕКЦИСКИ ОРГАН ЗА КАФУЛИЊА Адвокатот Давидовиќ вели дека таа има сосема друга функција во државата appeared first on plusinfo.mk.

Сведокот Трајче Димишковски ќе сведочи и во четврток зашто одбраната се пожали дека не ги добила записниците од неговиот исказ даден во Јавното обвинителство.

Тој бил вработен како возач-доставувач од 2008 година во Дирекцијата за безбедност на класифицирани информации. Како дополнителна работа бил вработен во агенцијата „Рубикон секјурити“ од нејзиното формирање во 2023 година до август 2025. Во „Рубикон“ бил ангажиран за обезбедување на средните училишта, како одговорен, главно во втора смена. Димишковски имал лиценца за обезбедување од 2004 година.

Сведокот рече дека Јане Јанчевски му давал задачи. Тој обезбедувал и концерти, како и еднаш или два пати дискотеката „Мираж“ во Струмица.

– Во училиштата моравме да носиме униформа, таков е законот, и легитмација издадена од МВР – рече сведокот.

Во април 2025 добил полномошно од Јане Јанчевски да потпишува за плати во „Рубикон“, оти немало кој да потпишува.

– Полномошното беше само за плати, немаше други задолженија. Сѐ течеше тековно, луѓето се договараа меѓу себе за смените и кој каде да оди. Ми требаше совет како да направам вирмани, го прашав Нацев како да ги подготвам платите – рече сведокот.

На прашање кој ги изготвувал документите за плати, рече дека биле направени од сметководството, а тој само ги потпишувал и ги носел во банка.

– Зошто вас ве ангажираа за платите кога немате стручност и сте барале помош? – праша обвинителот.

– Тогаш мораше да се пуштат плати, се доцнеше со рокот за исплата. Имаше и други вработени, но јас бев најслободен оти бев ангажиран за средните училишта и можев да одам – рече сведокот.

Нему му бил даден и печат, кој бил во ташната со документацијата, која била во службеното возило на агенцијата кое тој го користел.

Обвинителот рече дека сведокот дава сосема различен исказ од испитувањето во истрагата и побара дозвола да прочита дел од исказот. Одбраната рече дека го нема тој записник, а од Обвинителството возвратија дека сѐ е доставено.

– Овие два сведока, овој и претходниот, се само во листа на докази во вториот интегрираниот обвинителен акт, а нема записници од искази во ЈО – рече адвокатот Еленко Миланов.

Обвинителот рече дека ниеден бранител, освен Шилегов и Лаличиќ, не дошле во Обвинителството да ги земат дополнителните материјали, кои им биле подготвени за преземање на УСБ.

Адвокатот Димитар Дангов рече дека пред да бара записник обвинителот треба да се изјасни дали сведокот отсега го смета за непријателски.

Судијката изрази загрижеост што одбраната вели дека ги нема записниците од исказите.

Дангов реагираше:

– Не може Јавното обвинителство да вели, дојдете јас ќе ви го дадам на УСБ. Треба да го даде на судот, а судот на нас. Не е тоа повик, кој сака, нека дојде да ги земе.

На предлог на адвокатката Лаличиќ, судот даде пауза со цел заинтересираните адвокати да направат увид во записниците и да се запознаат со доказите.

По паузата дел од адвокатите рекоа дека бараат да се прекине со овој сведок.

Одбраната на обвинетите Александар Нацев, Јане Јанчев и „Рубикон секјурити“ предложи да се прекине распитот за да можат до следната расправа да се запознаат со целиот негов исказ, особено што дел од одбраната овој сведок го има предложено и за директно испрашување.

Судот донесе решение да го прекине сослушувањето на овој сведок и му посочи дека треба да се јави на следната главна расправа во четврток, за да не се повреди правото на одбрана.

The post НА ОДБРАНАТА Ѝ НЕДОСТИГААТ ИСКАЗИ НА СВЕДОЦИ Сведокот Трајче Димишковски ќе сведочи и во четврток appeared first on plusinfo.mk.