Судот за човекови права во Стразбур не ја признава аболицијата на поранешниот претседател Ѓорге Иванов од 2016 година, а која се однесуваше на осомничените од поранешното Специјално јавно обвинителство и одлучи дека државата со право ја поништила.

Од одлуката која Европскиот суд ја објави денеска, се заклучува дека државата имала право да ги поништи помилувањата, бидејќи тие биле донесени без законска основа, во време на политичка криза.

„Европскиот суд за човекови права едногласно пресуди дека: немало повреда на член 6 став 1 (право на фер судење) од Европската конвенција за човекови права поради законодавната интервенција со која се дозволи поништување на претседателските помилувања и продолжување на кривичната постапка против подносителите на барањето“, пишува во одлуката на судот во Стразбур.

На 12 април 2016 година тогашниот претседател на државата, Ѓорге Иванов даде аболиција на над 50 осомничени лица, меѓу кои и за лица што беа под истрага на згаснатото СЈО. Можноста да даде аболиција тој ја црпеше од одлука на Уставниот суд, кој ги укина законските измени од 2009 година во кои се избриша член 11 од Законот за помилување, со кој беше укината можноста претседателот да дава аболиција без правна процедура. Ова укинување му даде можност на претседателот на дравата да дава аболиција и без спроведување на постапката за помилување. По реакциите во јавноста, во Собранието беа донесени измени на Законот за помилување, со што се отвори простор за повлекување на аболициите.

The post СУДОТ ВО СТРАЗБУР ОДЛУЧИЛ ДЕКА АБОЛИЦИИТЕ НА ИВАНОВ БИЛЕ НЕЗАКОНСКИ Државата со право ги поништила appeared first on plusinfo.mk.

Од таму тврдат дека никаде Стразбур не рекол дека „притворите се неосновани“, туку дека Европскиот суд за човекови права реагирал за должината на жалбeната постапка за Јанакиески по ваквите опредлеени мерки за обезбедување.

„Во однос на одредени медиумски известувања и коментари за одлуката на Европскиот суд за човекови права во Стразбур на апликантот Миле Јанакиески против РСМ и наводите дека „притворот бил неосновано определен“ апелираме до медиумите, но и правните критичари, дека е потребно прецизно и дословно известување за вакви сензитивни теми.

Според пресудата – притворот за Миле Јанакиески е оправдан, а критикувана е должината на жалбената постапка.

Имено, пресудата на ЕСЧП е веќе достапна на нивната веб страница и потребно е точно и внимателно да се прочита нејзината содржина пред да се навлезе во неосновани критики и погрешни заклучоци, со кои се информира јавноста.

Во ниту еден дел не ја оспорува основаноста на определените мерки притвор и куќен притвор во прв степн, напротив ЕСЧП констатирал дека притворот бил оправдан, туку судот утврдува пропусти во лишувањето од слобода на обвинетиот, како и „брзината“ на жалбената постапка во повисок степен.

Во прилог на образложението дека основаноста на определениот притвор бил поткрепен со соодветни докази говори и точка 95 од пресудата според која „нема индикации дека оценката направена од домашните судови во овој поглед била произволна или очигледно неразумна“

Заради сето тоа сметаме дека е потребно пред се точно и дословно известување и коментирање во однос на пресудите на ЕСЧП бидејќи во спротивно се гради дискредитирачко јавно мислење за постапувањето на судот“, се вели во реакцијата од Кривичен суд.

The post НЕ СЕ ПРИТВОРИТЕ НЕОСНОВАНИ, ТУКУ ЖАЛБИТЕ ПРЕДОЛГО СЕ РАЗГЛЕДУВАЛЕ Кривичен суд ја појаснува одлуката на судот во Стразбур за Јанакиески appeared first on plusinfo.mk.