Истрагите против Џефри Епштајн повторно ја вратија во фокус мистериозната „Југословенка“ за која сведоци тврделе дека ја довел во Америка како сексуална робинка. Името што постојано се повторува во судските и медиумските досиеја е Надја Марчинкова.

Сепак, таа е родена на 21 февруари 1985 година во Кошице, Словачка, не во Југославија.

Неколку жртви во полициските записници од Флорида од 2005 година навеле дека Епштајн се фалел како „ја донел од Југославија и ја купил од нејзиното семејство“. Но, документите на американското Министерство за правда не содржат потврда за такво тврдење.

– Епштајн ѝ велеше на секоја нова девојка дека Надја е купена робинка од Балканот – сведочела една од жртвите во записник што подоцна беше декласифициран.

WOW! WOW! WHAT “VICTIM” BRANDS THEIR ATTACKER?! #NadiaMarcinko #Epstein LOCK HER UP! pic.twitter.com/0FRPE31r4y

— nik t. hatziefstathiou (@nikthehat) December 20, 2025

Марчинкова во тоа време престојувала во САД со манекенска виза, која ѝ овозможувала да работи како модел. Подоцна станала пилотка и извршна директорка на фирма што ја водел Епштајн, а во 2008 година нејзиното име се појавило во таканаречен „необвинителски“ договор на обвинителството во Флорида – како „неидентификуван соучесник“.

Иако во документите се појавува опишана како „Југословенка“, нејзиното вистинско потекло е потврдено од словачките власти и семејството – Словачка, не поранешна Југославија. Американските медиуми во последните години често ја споменуваат нејзината улога во кругот на Епштајн, а „Њујорк Тајмс“ и „Ројтерс“ ја опишуваат како дел од неговиот внатрешен круг во домот во Палм Бич.

По самоубиството на Епштајн во 2019 година, Марчинкова исчезна од јавноста, но повторно се споменува во декласифицираните материјали што Министерството за правда на САД ги објави на 19 декември.

Истрагата сè уште нема утврдено дали таа била жртва, соучесничка или сведок, но едно е сигурно: приказната за „југословенската робинка“ е дел од митот со кој Епштајн ја градел својата перверзна моќ.

The post ЕПШТАЈН СЕ ФАЛЕЛ ДЕКА КУПИЛ ЈУГОСЛОВЕНКА Вистината го руши митот за Надја Марчинкова appeared first on plusinfo.mk.

„Њујорк пост“ претходно објави дека Раут, кој е од Северна Каролина, често објавувал политички коментари на социјалните мрежи, а во април на мрежата Икс напишал дека „демократијата е на гласање“ оваа година. „Не можеме да загубиме“, напиша тој, повторувајќи ја реториката против Трамп.

Во врска со Трамп, тој наведува дека го разочарал како претседател и дека „сака Американците да ги направи робови“. „Не можеме да си дозволиме да губиме. Светот смета на нас да му го покажеме патот“, е една од пораките што Раут ги објави на социјалните мрежи. Од 2019 година, Раут донирал пари на демократските кандидати 19 пати.

На социјалните мрежи тој силно ја поддржува Украина во војната против Русија и Тајван во нејзините тензични односи со Пекинг, наведува весникот. „Њујорк пост“ додава дека Раут сакал да се бори на фронтот со украинските сили и дека ја промовирал идејата за мобилизирање поранешни авганистански борци за војната на страна на Украинците.

Раут беше уапсен во неделата набргу откако побегнал кога агентите на тајната служба отвориле оган врз него затоа што вперил полуавтоматска пушка кон голф-клубот на поранешниот претседател Доналд Трамп во Вест Палм Бич, на Флорида, додека играл голф. Републиканскиот претседателски кандидат не е повреден и е безбеден, соопшти полицијата, а ФБИ го истражува инцидентот како обид за убиство.

The post ВПЕРИЛ ПУШКА КОН ГОЛФ-КЛУБОТ Осомничениот за атентат врз Трамп се појави на суд appeared first on plusinfo.mk.