Шеесет милиони евра е долгот на државата кон ЕВН за неплатена субвенционирана струја на граѓаните, соопшти денеска министерката за енергетика, рударство и минерални суроивини Сања Божиновска, на прес конференција по повод 100 дена Влада.

– Се соочуваме со префрлени обврски од неодговорното однесување на претходниците. Изминатите три години не е платен ниту денар на име субвенционирана струја. Тоа што го гледавме на сметките дека Владата го покрива како трошок за електрична енергија за граѓаните не е платено. Сметката стигна сега – 60 милиони евра е долгот кон ЕВН во однос на ова што го имаме. Како држава изгубивме арбитража со ОКТА во износ од 24 милиони евра кои граѓаните допрва треба да ги платат. Од МЕПСО давани се донации во износ од 23 милиони денари на организации, фитнес клубови, здруженија, а при тоа се уште не е наплатен долгот од 14 милиони евра каде е инволвиран син на функционер на ДУИ. Дури 80 милиони евра е минусот на ЕСМ, а катастрофална е и состојбата во РЕК Битола каде производствената цена на електричната енергија беше 33 евра за мегават час во 2017 година, а сега е 133 евра – рече Божиновска.

Не е изграден ни далекуводот со Албанија, а има 1,5 милиони евра провизија за неповлечени средства. Нема ни А од терминалот за течен природен гас Александрополис освен што земјава платила 2,5 милиони евра за закуп на капацитет.

Божиновска рече дека е почната ревизија на работата на енергетските компании, како и модернизација на инфраструктурата, потпишан е договор со ЕБОР за обнова и зајакнување на електропреносната енергетска мрежа со што ќе може да се приклучат обновливи извори на енергија со инсталирана моќ од околу 1.170 мегавати.

– Одржливата, базната и домашната енергија ќе бидат приоритет на новата Влада. Тоа вклучува изградба на базни енергетски објекти, когенеративни електрани на гас, ветерни и соларни електрани и модернизација на РЕК Битола и усогласување со највисоките еколошки стандарди, како и конечно завршување на гасоводната мрежа. Имаме визија од земја која увезува електрична енергија да станеме земја која произведува доволно струја за сопствените потреби, а понатаму можеби и да извезува. Цел ни е да бидеме лидер во зелената енергија, создавајќи одржлива иднина не само за сегашните, туку и за идните генерации – рече Божиновска.

Тоа, како што посочи, значи изградба на нови извори на обновлива енергија, но не само како приватни инвестиции, туку и како капацитети во сопственост на државата.

– Посебно внимание ќе и посветиме на енергетската ефикасност што вклучува изградба на фотоволтаици на покривите на домовите, градинките, училиштата и другите јавни објекти и поттикнување во компаниите – потенцира Божиновска.

The post 60 МИЛИОНИ ЕВРА ДОЛЖИ ДРЖАВАТА ЗА СУБВЕНЦИИТЕ НА СТРУЈАТА НА ГРАЃАНИТЕ Не можат да се добројат долговите што ги оставила владата на Ковачевски appeared first on plusinfo.mk.

Како што рече денеска претседателката на ОПМ, Маријана Лончар, парите најпрво треба да се вратат во државниот Буџет, од каде што се земени.  Според ОПМ, најсоодветна мерка за цените на прехранбените производи во моментов, е нивно замрзнување.

– Владата навистина треба да размисли за да се заштитат граѓаните, треба да направи нешто посериозно. Јас лично се изненадив кога рекоа дека ќе престанат да им даваат субвенции на компаниите. Не треба да престанат, треба да побараат да им ги вратат парите за субвенционираната струја и ние тоа го бараме. Да побараат, тие пари што ги дале, да им се вратат назад, како што даваа субвенции за фирмите па не завршија кај работниците. Со тие средства може да субвенционираат да имаме „зелена енергија“, нека субвенционираат за луѓето да имаат помали сметки за струја. Ако сте се прашале колку субвенции даваат за тоа, ништо – „прв дојден, прв услужен“, значи нема енергетска ефикасност тука, а треба да се гледа и квалитетот на производот – рече Лончар.

Земјите кои сакаат да бидат членки на ЕУ треба да докажат дека се борат за „зелената енергија“, за помалку јаглерод диоксид и пониски емисии на гасови.

– Сметам дека средствата што им беа дадени на компаниите за субвенционирана струја треба на друг начин да им се вратат на граѓаните, зашто од наши пари ние, со ДДВ-то купуваме производи. Ние, потрошувачите, ги финансираме сите активности во рамки на Буџетот и треба да сме погласни – подвлече Лончар.

Според неа, компаниите секогаш ќе наоѓаат причина за цените на производите зашто не сакаат да се лишат од дел од профитот што го остваруваат преку продажбата секојпат ќе велат дека им е малку.

-Ние, како потрошувачи, мора да се бориме и повторно да бараме, на пример, замрзнување на цените, на што коморите веднша ќе „рипнат“ зашто со маржите не успеавме да видовме ништо. Сепак, мерките ние не ги носиме, немаме таква моќ, но можеме да влијаеме. Колку што го слушмнав министерот за економија, рече дека не само што ќе ги прекине субвенциите, туку и ќе ги ограничи, замрзне цените. Но, тоа не е популарна мерка зашто компаниите ќе почнат да ги симнуваат производите од рафтови, да ги кријат, па ќе излезе дека нам ни е целта да ги казнуваат, а не ни е тоа целта. Сакаме добра соработка со фирмите и секогаш апелираме да бидат внимателни со цените – рече Лончар.

Таа укажа дека и еден од начините за зголемување на цената е она што се случува со грамажата.

– Индиректно, и тоа исто така ја зголемува цената, а никој не го гледа. Оосбено се карактеристични во овој сегмент пакуваните производи – рече Лончар.

Таа ја оцени како не баш популарна кампањата што ја презема грчката Организација на потрошувачи која една недела ги организираше граѓаните да не купуваат млеко.

-Тоа е практично бојкот од страна на потрошувачите. Но, што ќе се направи со тоа? Да покажеме колкав ни е револтот? Сепак, треба да се земе предвид дека има деца, повозрасни, лица врзани за тој производ како еден од основните прехранбени. Подобро да се лимитира цената ако оди нагоре – подвлече Лончар.

Таа посочи дека особено се зголемени цените на средствата за хигиена, на детската храна, пелените, млеката за бебиња, а потрошувачите се наоѓаат во многу тешка, речиси безизлезна ситуација, дополнително оптоварена со неизвесност.

Лончар не очекува натамошно енормно зголемување на цените на прехранбените производи, но, како што рече, и евентуално мало покачување ќе значи „енормно“.

The post НЕКА ГИ ВРАТАТ ПАРИТЕ ВО БУЏЕТОТ Организацијата на потрошувачи бара да се казнат фирмите кои не ги намалија цените appeared first on plusinfo.mk.

Тој рече дека се подготвува анализа на мерката која треба да биде готова до крајот на месецов и која ќе покаже кои се компаниите кои користат помош од владата и не го почитуваат договорот за намалување на цените на производите од 7 до 12 отсто.

– Ако нема намалување на цените ќе се доведеме во состојба да ја укинеме поддршката за струјата. Во одлуката можеме да бидеме селективни со тоа што ќе ги исклучиме од субвенции за струја оние компании кои не ги намалиле цените за производите во договорениот процент.Дел од компаниите веќе ги намалија цените на производите како што е договорено од 7 до 12 отсто па тие и натаму ќе добиваат субвенции – рече Бектеши.

Тој додаде дека е подобро овие пари наместо да ги добиваат компаниите да ги добијат граѓаните за да можат да купуваат производи.

Бектеши рече дека на дневна основа се водат разговори со стопанските комори и домашните производители на прехранбени производи.

The post ПРЕТСТОИ ОДЗЕМАЊЕ НА ПРАВОТО ЗА СУБВЕНЦИОНИРАНА СТРУЈА Ќе се казнат компаниите кои не ги намалија цените на производите appeared first on plusinfo.mk.

Како што велат за МИА од Стопанската комора на Северна Македонија, се работи за носечки компании во одделни прехранбени сектори.

– Иако опфатени со мерката за субвенционирана струја од 1 декември, некои компании од прехранбената индустрија, водечки во своите сектори, не ќе може да склучат договори со ЕСМ зашто имаат поставено фотоволтаици – истакнуваат од Комората, но не откриваат конкретно за кои компании станува збор.

Заклучно со 23 ноември, кога истече крајниот рок за пријавување за субвенционирано снабдување со струја по повластена цена, апликации доставиле 235 субјекти, физички и правни лица, од областа на прехранбениот сектор.

Според одлуката на Владата компаниите кои произведуваат основни прехранбени производи, како масло за јадење, леб и пекарски производи, брашно, млеко и млечни производи, месна и живинарска индустрија, ќе добиваат субвенционирана електрична енергија преку „ЕСМ продажба” по цена од 80 евра за мегават час.

The post ИМАШ ФОТОВОЛТАИЦИ, ЗА ТЕБЕ НЕМА ЕВТИНА СТРУЈА!? Владата не знае на каде тера со политиката кон обновливите извори appeared first on plusinfo.mk.

На повикот, како што информираа вчера надлежните, се пријавиле 233 од вкупно 471 основно и средно училиште, 50 од вкупно 70 водоснабдувачки претпријатија и 233 од планираните 1.000 компании од прехранбениот сектор.

Претседателот на здружението на мелничко-пекарската индустрија на Стопанската комора, Горан Малишиќ вели дека 99 отсто од големите компании кои и самите бараа да добијат субвенционирана струја, веќе поднеле документи, но дали ги исполниле условите не може да каже.

– Имам информација дека повеќе од 600 компании поднеле документи, но колку од нив ги исполниле условите и ги поднеле потребните документи, не можам да кажам. Сметам дека 99 отсто од компаниите од секторите кои се опфатени со оваа владина мерка ќе поднесат документи, ако не да ја користат субвенцијата од декември, барем од јануари следната година. За оваа мерка, да потсетам, не можат да аплицираат компаниите кои имаат инсталирано фотоволтаици, а има и некои други критериуми, кои можеби влијаеле на тоа фирмите да се повлечат од аплицирање. Некои компании не можеле да ги пополнат документите во рокот, но мислам дека сите се заинтересирани за оваа мерка. Впрочем, ние ја баравме – вели Малишиќ.

Во однос на намалувањето на цената на производите, од 1 декември, Малишиќ вели дека првите намалувања можеби ќе ги има во втората половина на месецот.

– Компаниите треба да ги направат пресметките колкаво е учеството на струјата во цената на производот и според процентот на учеството да ги намалат цените. Некаде намалувањето ќе биде 5, некаде 10 отсто, но можно е да има и намалување од 3 отсто. Сето тоа ќе зависи и од влезните цени на репроматеријалите кои имаа свој удел во зголемувањето на цените. Едноставно кажано, ако цената на репроматеријалите расте може и да нема намалување на цената на производите – додава тој.

Од Сојузот на стопански комори, исто така, велат дека нивните членки кои се опфатени со мерката или аплицирале или дополнително ќе аплицираат во следните месеци.

– Поголемиот дел од компаниите кои поднесоа апликации чекаат одговори дали ќе можат да ја користат мерката. Дури откако ќе ги добијат одговорите ќе знаеме колку наши членки ја користат – велат од ССК.

Причина за малиот интерес на јавните претпријатија и училиштата за користење субвенционирана струја, барем во дел од општините, е обемната документација и краткиот период во кој ќе може да се користи субвенцијата, но дел од општините велат дека можеби и не се доволно информирани.

– Основните и средните училишта во Тетово нема да ја користат оваа мерка на владата, бидејќи има обемна документација за која не сметаме дека треба да се ангажира целата администрација, а користењето на мерката е само за 4 месеци. Училиштата веќе ги потпишаа договорите со компанијата која го доби тендерот за снабдување со струја и сега е договорено поевтинување од 10 отсто кое ќе влезе како анекс во договорите. Инаку, цената на оваа и струјата која се нуди од владата како субвенционирана е приближно иста и затоа не се аплицира – вели Назим Даути, раководител на секторот за образование во општина Тетово.

Од Општина Битола велат дека јавното претпријатие и училиштата веќе аплицирале.

– Само едно средно училиште не успеало да палицира, останатите поднеле документи во рокот. Документи поднесе и ЈП Водовод – велат од општината.

Градоначалниците од други општини со кои контактиравме велат дека немаат информација дали општинските јавни претпријатија веќе аплицирале и дали имаат намера да го сторат тоа, но меѓу причините покрај документацијата ја наведуваат и неинформираноста за мерката. Дел од општинските татковци немаат информација дали нивните општински претпријатија и основните и средните училишта поднеле документи, но велат се ќе биде појасно во наредниот период кога ќе ги добијат извештаите.

– Во општина Карпош немаме јавни претпријатија кои би користеле ваква субвенција, но дали основните и средните училишта веќе аплицирале ќе знам за неколку дена – вели Стевчо Јакимовски, градоначалник на општината.

Согласно Одлуката на Владата само јавните комунални претпријатија кои користат пумпи и имаат високи сметки за електрична енергија имаат право да поднесат барање за субвенционирана струја и тоа само за тие потрошувачки места, не за сите.

Според податоците на Здружението на даватели на комунални услуги (АДКОМ) досега 30 отсто од јавните претпријатија потпишале договори со ЕСМ.

– Согласно Одлуката на Владата само јавните комунални претпријатија кои користат пумпи и имаат високи сметки за електрична енергија имаат право да поднесат барање за субвенционирана струја и тоа само за тие потрошувачки места, не за сите. Од информациите кои ги имаме, досега околу 30 отсто од ЈКП кои имаат поднесено барање имаат потпишано Договори со ЕСМ, останатите имаат поднесено но потпишувањето е во процес – велат од АДКОМ.

The post ОДБИВААТ СУБВЕНЦИИ ЗА ДА НЕ ГИ БОЛИ ГЛАВА Можеби ќе платат поскапо ама нема да се занимаваат со папирологија appeared first on plusinfo.mk.

Ова го рече премиерот Димитар Ковачевски на денешната прес-конференција во Владата, на која беа и со министерот Крешник Бектеши и директорот на ЕСМ Васко Ковачевски.

Премиерот побара од општините да го поднесат потребно барање за комуналните претпријатија за снабдување со вода, за основните и за средните училишта, бидејќи најголемиот дел од училиштата и водоснабдителните претпријатија не се пријавиле за субвенционирана струја, но затоа, пак, се пријавиле општини кои барале да добијат субвенционирана струја за општинските згради.

– До вчера и во ЕСМ и кај нас се јавија одредени општини за да ги стават и административните згради под ова мерка односно државата да им ги покрие трошоците преку ЕСМ Продажба. Јас сакам да ги повикам градоначалниците да ги следат сите можности на државата затоа што на крајот на денот тоа значи поголеми цени на нивните услуги од 1 јануари 2023 година –информира министерот за економија Крешник Бектеши.

На повикот за добивање субвенционирана струја од 471 основно и средно јавно училиште се јавиле само  233. Од  70 јавни водоснабидтелни претпријатија се пријавиле само 50, додека пак од очекуваните  1.000 компании за субвенционирана струја се јавиле 233.

Од 1 декември субвенционирана струја ќе добијат само 518 субјекти во трите сектори,  по цена од 80 или 95 евра за мегаватчас.

Бектеши рече дека е нејасно зошто компаниите не поднеле пријави, но рече дека тие од прехранбениот сектор ќе мора од 1 декември да ги намалат цените на производите за најмалку 10 отсто, бидејќи таков е договорот. За компаниите кои нема да ги намалат цените ќе има казни.

-Намалувањето за 10 отсто е реално согласно сите анализи што се направени од Министерството за економија и другите институции. Бидејќи кај поголемиот дел од овие производи се применува мерката за трговска маржа до 10 остсто Државниот пазарен инспекторат ќе врши во континуитет контроли кон трговците на големо и мало за почитување на мерката при утврдување на цените. Дополнителни контроли се очекуваат од 1 декември кога ќе започне да се применува мерката за субвенционирање на електрична енергија за компаниите кои произведуваат основни прехранбени производи – рече Бектеши.

Тој рече и дека до крајот на овој месец се очекува на седница на Влада ќе се донесе Акционен план за дополнителни мерки за поддршка на граѓаните и на малите и микро компании, посебно на тие компании кои вработуваат поголем дел од граѓаните, а тие главно се мали потрошувачи на електрична енергија кои се на регулиран пазар.Овие мерки ќе се финасираат преку инструментите на  ЕУ и затоа веќе се испратени на мислење во Европската комисија.

Директорот на ЕСМ Васко Ковачевски информира дека компаниите кои не поднеле пријава и оние кои немале комплетирани документи ќе можат да се пријават за субвенционирана струја, доколку ги поднесат во текот на наредниот месец. Субвенционирана струја ќе добиваат од 1 јануари.

– Списокоот на 518 субјекти е испратен до електродистрибуција и за нив ќе се обезбеди 100 отсто електрична енергија по цена од 80 и 95 евра, како што е договорено – рече Ковачевски.

Тој информира дека за дел од компаниите кои треба да добијат субвенционирана струја ЕСМ ќе треба да се увезат дополнителни количини струја, која ќе биде платена од владата.

-Досега во ноември се увезени се 82.150 мегаватчасови, за што се потрошени  19, 6 милиони евра. За декември има предвидена набавка на 48.000 мегавати, за што се предвидени 25 милиони евра. Моментално се прават пресметки колкави количини се потребни за компаниите кои ќе користат субвенционирана струја и тогаш ќе знаеме колку ќе треба да увеземе –рече Ковачевски.

The post КОВАЧЕВСКИ РЕВОЛТИРАН ОД ОПШТИНИТЕ Субвенционираната струја не се дава за седење во канцеларија и за пиење кафе appeared first on plusinfo.mk.

Ова проширување на списокот со фирми опфатени со субвенционираната цена на струјата доаѓа по барање на Стопанската комора на Македонија, за што Комората денеска со соопштение изрази јавна благодарност. „Само преку ваков начин на делување и соработка може да има успех за сите, во овие исклучително тешки времиња на стопанисување“ – се вели во соопштението.

Оваа нова Одлука ќе овозможи фармите за одгледување животни, кои се снабдуваат на слободниот пазар на електрична енергија, да бидат подеднакво третирани со мерките. Воедно, тоа ќе придонесе и за зачувување на сточниот фонд во нашата земја, во услови кога фармерите се најпогодени од енергетската криза.

Стопанската комора воедно потсетува дека преку Кризниот штаб во изминатиот месец континуирано ги посетува компаниите од каде директно ги согледува состојбите.

– Компаниите одгледувачи на животни укажуваат дека работат во отежнети услови, зашто сточната храна веќе е поскапена за 70 отсто, бележат екстремен раст на транспортните трошоци и на сметките за струја, а сето тоа го доведува во прашање опстанокот на овие бизниси – потсетуваа Комората.

Стопанската комора вели деке продолжува во напорите и преговорите со Владата, преку разни форми, да се даде поддршка на сите компании кои се наоѓаат на слободниот пазар на електрична енергија со цел да се зачувува нивната конкурентност дома и во регионот.

The post И ФАРМИТЕ И МЕСНАТА ИНДУСТРИЈА ЌЕ СЕ СПАСАТ ОД СКАПАТА СТРУЈА Владата ќе го прошири списокот дејности со субвенционирана струја appeared first on plusinfo.mk.

– Физичките и правните лица од прехранбениот сектор ќе добиваат струја по цена од 80 евра за мегаватчас, додека водостопанските претпријатија и училиштата по цена од 95 евра за мегаватчас. Оваа струја е наменета само за производствените погони, пумпните за довод на вода и пречистителните станици и училиштата. Другите делови од компаниите и претпријатијата ќе плаќаат струја по пазарна цена  – соопшти премиерот Димитар Ковачевски на денешната прес конференција.

Овие потрошувачи на субвенционирана струја ќе ја користат повластената цена до 30 април следната година, а договорите ќе ги потпишуваат секој месец со важност од први во месецот до први во следниот месец. Ќе се потпишуваат од први до 10-ти во тековниот месец. За корисниците кои се приклучени на снабдувач во краен случај рокот за поднесување документи е  20-ти во месецот

Документите кои треба да ги пополнат компаниите, училиштата и водостопанските претпријатија се веќе оставени на интернет страната на ЕСМ, а нивното поднесување се врши електронски.

The post ПОЕВТИНА СТРУЈА САМО ЗА ПРОИЗВОДНИТЕ ПОГОНИ, ПУМПНИТЕ СТАНИЦИ И УЧИЛИШТАТА Првите договори треба да се потпишат до 10 ноември appeared first on plusinfo.mk.

Во разговорите со претставниците на Кризниот штаб раководствата на овие компании, кои произведуваат исто така основни прехранбени производи (месо и месни производи), потенцираа дека цената на струјата што ќе ја обезбеди Владата, според најавите, ќе биде помала од 100 евра за мегават час, што е двојно пониска од цената на регулираниот пазар. Тоа за нив ќе значи не само опстанок на компаниите, туку и намалување на продажните цени на нивните производи и нивна поголема конкурентност. Сето тоа ќе придонесе за зачувување на економската активност во државата, како и одржување на животниот стандард на населението.

Во однос на моменталната состојба, информираа дека сметките за струја сега се и до десет пати повисоки во однос на истите месеци минатата година. Паралелно со тоа во постојан пораст се и цените на амбалажите и суровинската база.

Одгледувачите на животни, пак, укажуваат дека ова е најлошата година од почетокот на нивното работење. Сточната храна веќе е поскапена за 70 отсто, бележат екстремен раст на транспортните трошоци и на сметките за струја. Сето ова го доведува во прашање опстанокот на овие бизниси.

The post И МЕСНАТА ИНДУСТРИЈА БАРА ОД ЕВТИНАТА „ВЛАДИНА“ СТРУЈА И ние сме прехранбена индустрија, велат тие appeared first on plusinfo.mk.