Од денеска до 5 мај 2025 е рокот за пријавување за правото на субвенциониран студентски оброк за академската 2024/2025 година.

Министерството за образование и наука во објавата на повикот за субвенцијата посетува дека се направени измени на Законот за субвенциониран студентски оброк, согласно кои се проширува опсегот на мерката.

„Отсега работниот статус не е ограничувачки услов за студентите, така што правото ќе можат да го користат сите редовни студенти на додипломски студии кои имаат месечен приход помал од просечната нето минимална плата, но и студентите запишани на постдипломски студии и на интегрирани студии на државните и приватните универзитети во државата“, соопшти МОН.

Студентите кои ги исполнуваат условите, а не аплицирале досега, може да поднесат апликација електронски преку порталот: e-uslugi.mon.gov.mk.

Во објавениот повик се наведени информации за условите и критериумите за остварување на правото на субвенциониран студентски оброк, како и контакти за поддршка при аплицирањето.

„Студентите на кои им било прекинато правото на субвенциониран оброк, а сметаат дека ги исполнуваат условите, можат повторно да аплицираат. Овој рок е исто така отворен за студентите кои не аплицирале во претходните активни рокови“, информира Министерството за образование и наука.

The post НОВ ПОВИК ЗА СУБВЕНЦИОНИРАН СТУДЕНТСКИ ОБРОК Проширен е опсегот на мерката appeared first on plusinfo.mk.

„Програмата утврдува кои категории на граѓани спаѓаат во групата на ранливи потрошувачи и ги дефинира мерките за нивна заштита. Финансиската поддршка е насочена кон домаќинства кои користат гарантирана минимална помош, семејства со деца со попреченост, како и згрижувачи на лица во социјален ризик. Секое од овие домаќинства, доколку ги исполнува критериумите, ќе може да добие субвенции за намалување на месечните трошоци за електрична енергија во износ од 1.000 денари месечно“, информираше Министерството.

„Ослободувањето од дел од сметката за струја ќе се применува во текот на 12 месеци, а за оваа поддршка граѓаните ќе може да аплицираат со поднесување барање до Министерството. Јавниот оглас за пријавување ќе биде објавен наскоро на официјалната веб-страница на Министерството www.energy.gov.mk, како и во два дневни весника.

Програмата е донесена на предлог на Министерството за енергетика, рударство и минерални суровини, а вкупниот буџет за нејзино спроведување изнесува 60 милиони денари. Со оваа Програма се предвидуваат следните мерки:

– Директна финансиска поддршка за ранливи потрошувачи на енергија, која ја спроведува Министерството за социјална политика. Околу 40.000 домаќинства ќе добиваат паричен додаток за покривање на дел од трошоците за енергенси во периодот од октомври до март. Дополнително, корисниците имаат право на забрана за исклучување од мрежата во месеците декември, јануари и февруари, право на одложување/реструктуирање на неплатени долгови. Приоритет при поправки на мрежата и ослободување од трошоци за повторно приклучување.

– Намалување на сметките за струја за 1.000 ден./ месечно (12 месеци) за:

• Домаќинства со деца со попреченост, ако вкупниот месечен нето доход на домаќинството во 2024 година не го надминува следниот износ:
• 42.000 денари за домаќинство со два члена
• 60.000 денари за домаќинство со три члена
• 80.000 денари за домаќинство со четири или повеќе члена
• Згрижувачки семејства – За нив, горната граница на месечен нето доход е зголемена од 80.000 до 160.000 денари, во зависност од бројот на згрижените деца, при што посебниот додаток за згрижување не се пресметува во оваа сума.

Програмата предвидува и важни рокови и обврзувања, односно поддршката ќе престане доколку корисникот не плати две последователни сметки, сите корисници се должни да ги плаќаат преостанатите износи на сметките навреме.

Министерството останува посветено на креирање политики кои обезбедуваат заштита за најранливите категории граѓани и подобрување на нивниот пристап до енергетските ресурси. Обезбедувањето пристап до енергија по прифатливи услови останува приоритет“, се вели во соопштението.

Програмата ќе биде спроведувана од Министерството за енергетика, рударство и минерални суровини во соработка со Министерството за социјална политика, демографија и млади и Регулаторната комисија за енергетика и, како што се вели во написот, „предвидува комплексни мерки за олеснување на трошоците за енергија и подобрување на квалитетот на живот“.

The post УСВОЕНА ПРОГРАМАТА ЗА ЗАШТИТА НА РАНЛИВИ ПОТРОШУВАЧИ НА ЕНЕРГИЈА Еве кои домаќинства ќе можат да аплицираат за паричен додаток appeared first on plusinfo.mk.

Премиерот Христијан Мицкоски објави на социјалните мрежи дека е решен откупот на оризот со тоа што  оризопроизводителите добиваат поддршка од 6.000 денари за 1.000 килограми откупена оризова арпа наменета за извоз, и субвенции од 18.000 денари од хектар за тековната 2024 година.

„По интензивните средби кои ги имавме заедно со министерот за земјоделство, водостопанство и шумарство, Цветан Трипуновски периодов се пронајде решение за откупот на оризопроизводителите.

Се донесе одлука дополнително да се поддржи откупот со по 6.000 денари за 1.000 килограми откупена оризова арпа наменета за извоз. Плус на ова оризопроизводителите ќе добијат субвенции од 18 илјади денари од хектар за тековната 2024 година. Ова е конкретна и многу добредојдена поддршка за земјоделците. На овој начин ги решаваме проблемите и се бориме за подобар стандард на сите!“, напиша Мицкоски.

The post РЕШЕН Е ОТКУПОТ НА ОРИЗОТ Земјоделците ќе добијат 6.000 денари за тон извезен ориз и субвенција од 18.000 денари по хектар appeared first on plusinfo.mk.

Министерката за енергетика, рударство и минерални суровини, Сања Божиновска денеска објасни дека вредносните купони за купување инвертери не биле испратени по пошта или на друг начин затоа што корисниците на субвенцијата треба да потпишат договори.

Пред Спортскиот центар „Борис Трајковски“ каде што денеска се доделуваа ваучерите за инвертери од утринава имаше голема редица на граѓани. Тоа предизвика реакции дека целата работа можела да се изврши поефикасно, без да мораат добитниците со часови да чекаат на улица.

– Процесот со испраќање на документите преку пошта е малку подолг. Тие потпишани договори треба да се вратат назад. Сметавме дека ова е покорисно и поефикасно. Секако рокот е до крајот на месецот, не мора да се зема цел работен ден. Има 24 дена за да се подигнат 6.100 ваучери и нема потреба да се чека толку во ред. Може да дојдат и кај нас во министерството за енергетика, каде ќе имаме повеќе луѓе за ова. Овозможивме на 30 места низ Македонија да се делат ваучерите, не мора да доаѓаат сите во Скопје. Не значи дека ако денеска не го земат ваучерот, дека нема да се подигне – рече министерката Божиновска.

Иако рокот за подигање на ваучерите е до 30 ноември, ист е и рокот до кога добитниците треба да купат инвертори. После токот ваучерите не важат.

– Рокот е до 30 ноември за да се купат. Колку што знам, нема рок до кога треба да ги инсталираат. Најбитно е да се искориста ваучерите – рече Божиновска.

Таа се надева дека инвертерите, за кои министерството дава до 30.000 денари субвенција, ќе бидат  навистина инсталирани во домовите на граѓаните кои ја добиле поддршката.

– Јас се надевам дека ќе бидат искористени за тоа што сакаме да помогнеме како влада за инсталирање на инвертери. Доколку некој смета дека тоа не е доволно и прави нешто што е спротивно на законот, тоа ќе биде санкционирано. Меѓутоа, ние се надеваме дека ова е за ранливи категории и за енергетска ефикасност. Се надеваме дека ќе нема такви злоупотреби – рече Божиновска.

Таа денеска го посети пунктот за доделување ваучери за инвертери во салата „Борис Трајковски“. Овој пункт ќе работи и утре од 9 до 17 часот. Во Битола ваучерите се делат во спортската сала „Боро Чурлески“, која исто така и утре ќе биде отворена за оваа намена од 9 до 17 часот. За останатите градови подигнувањето на вредносните ваучери ќе биде во центрите за вработување за што Министерството склучи меморандум за соработка со АВРМ.

Преку Програмата за енергетска ефикасност во домаќинствата добитници на вредносен ваучер од 23.000 денари или 25.000 денари се 4.591 домаќинство, а преку Програмата за заштита на ранливи потрошувачи на енергија добитници на вредносни ваучери од 30.000 денари се 1.591 домаќинство.

Кога беше промовирана мерката, тогашниот министер за економија Крешник Бектеши рече дека уредите треба да бидат купени и вградени во текот на 2024 година, најдоцна до 30 ноември, на адресата што е наведена во барањето. По смената на власта на парламентарни избори, обврската за поделба на парите  остана како обврска на новата влада.

The post НЕМА ВРЕМЕ ДОГОВОРИТЕ ЗА ВАУЧЕРИ ДА СЕ ИСПРАЌААТ ПО ПОШТА Рокот за купување на инверторите е 30 ноември, вели Божиновска appeared first on plusinfo.mk.

Апликации за учество на јавниот повик може да се доставуваат до 31 октомври 2024 година или до исцрпување на предвидените финансиски средства од Буџетот.

Јавниот повик со условите за аплицирање, како и сите потребни документи кои треба да се достават се достапни на линкот – https://skopje.gov.mk/mk/apliciraj/javni-povici/

The post КУПИ ВЕЛОСИПЕД, ДОБИЈ НАДОМЕСТ ОД 4.000 ДЕНАРИ! Нов јавен повик од Град Скопје appeared first on plusinfo.mk.

Димитриевски при тоа имаше непосредни средби со граѓаните и ја презентираше неговата предизборна програма, која се темели на пет начела и пет приоритети.

Тој во разговорите посебно се задржа на првиот приоритет со кој ќе се овозможи да се придвижи процесот на европска интеграција и да се излезе од ќорсокакот во кој се наоѓа Македонија.

– Ќе се формира специјален експертски ЕУ тим кој ќе започне преговарачки процес за адаптација на преговарачката рамка во согласност со реалните внатрешни општествени околности во врска со историските прашања кои ги оспорува нашиот источен сосед, а се директно поврзани со генезата на македонскиот национален идентитет – рече Димитриевски.

Димитриевски се сретна и со поголем број на пензионери, при што имаше прилика да поразговара со нив, очи во очи, за проблемите кои секојдневно ги мачат.

Во изјавата за новинарите Диитриевски рече:

– Слушаме безброј, голем број на ветувања од страна на старо новите политички субјекти коишто во континуитет, во овие 30 години се менуваат во државата, а од гарнитура до гарнитура е се полошо и полошо. И ја испорачавме нашата мерка со која што ќе влеземе во овој предизборен период, а тоа е да се обезбеди 13 пензија во форма на субвенција, кон сите пензионери и загрозени групи.

Тој објасни дека тоа ќе се направи со искористување на нереализираните средства од капиталните инвестиции коишто остануваат на крајот на годината.

Димитриевски најави дека една од првите негови заложби, како Претседател на државата ќе му биде менувањето на постојниот Закон за кривична одговорност, со кој, како што рече, се само амнестираа голем број на политичари во државата и дополнително се амнестираа претходни политичари. Недозволиво е да нема казнивост или одговорнот за сите во државата.

– Законот треба да важи подеднакво за сите. Ние ќе се залагаме правда да има подеднакво за сите во Македонија и за мене слоганот -Нема правда нема мир- сеуште важи и до денеска не сум отстапил ни милиметар од тие мои заложби во Шарената револуција – рече кандидатот за претседател на Македонија, Максим Димитриевски.

Неговиот караван денеска ќе ги посети и Гевгелија и Дојран, како и уште неколку места во тој регион.

The post ДИМИТРИЕВСКИ ЌЕ СЕ ЗАЛОЖИ ЗА 13 ПЕНЗИЈА Ќе биде во форма на субвенција appeared first on plusinfo.mk.

Според Сојузот, ако лозарите ги добиваат реалните производствени цени од винарите, нема ни да бараат државна поддршка.

-Винарите ни ги нудат ланските постигнати цени за грозјето, затоа бараме од државата поголема поддршка оваа година, по 5 денари за килограм, а од следната, ќе инсистираме откупувачите повеќе да ни го ценат трудот и да платат повеќе – изјава за МИА претседателот на Сојузот, Јован Златевски.

Како што нагласи Златевски, поголема поддршка е неопходна за да се покријат производните трошоци и за лозарите да не бидат во „минус”.

– Овој гроздобер винарите ги откупуваат најзастапените црна и бела сорта грозје за 18,50 и 16,50 денари. Всушност, ова се ланските цени. Минатата година добивме по 16,50 денари за „вранец” и 14,50 за „смедеревка“ од откупувачите, а на овие цени, плус по 2 денара од килограм поддршка од државата. Годинава бараме поголема поддршка од државата, за да ги покриеме трошоците за производство и лозарите да не бидат во „минус” оваа производствена сезона. Да бидеме на чисто, ако ги добиваме реалните производствени цени од винарите, ние нема да бараме поддршка од државата – дециден е Златевски.

Тој информира дека родот е намален поради болести, климатски промени и проблеми со наводнувањето како последица на дефект.

The post ТРОШОЦИТЕ ПОРАСНАА, А ГРОЗЈЕТО СЕ ОТКУПУВА ПО ЛАНСКИ ЦЕНИ Лозарите бараат државата да им даде плус 5 денари по килограм appeared first on plusinfo.mk.

Не можеме, додаде тој, да дефинираме што е најповолна цена за граѓаните, но мерките коишто ги носиме, а тоа се субвенционирана цена на електрична енергија за прехранбениот сектор, имаше одреден ефект, меѓутоа не краен ефект и моравме да посегнеме по замрзнување на цените.

– Ние не сакаме да нанесеме штета кај стопанствениците, но сите ќе треба заедно да впрегнеме сили и да ги намалиме цените за граѓанинот да биде најмалку оштетен во овој кризен период. Идејата на давањето на субвенција не ни беше да овозможиме на компаниите да го зголемат профитот и тоа нема да биде дозволено. Замрзнувањето на цените не значи дека компаниите не генерираат профит, но нивниот профит е помал и тоа треба да им е јасно на сите. Дури и во замрзнатата цена на лебот од 33 денари има маржа на добивка која е профит за компаниите, но не е онаков каков што тие очекувале – истакна Битиќи.

Тој посочи дека во случајот со лебот имаше општествено одговорни компании кои сами понудија пониска цена од замрзнатата.

– Тоа е начинот како треба да се однесуваме. Во кризен период сите губат нешто, но и сите добиваат, а добиваат тоа што граѓаните ќе бидат задоволни и помалку ќе ја осетат кризата. Тоа е клучната порака – порача Битиќи.

The post ЌЕ СЕ СТАВА „КАПАК“ И НА ЦЕНИТЕ НА МЛЕЧНИТЕ ПРОИЗВОДИ? Владата прави анализи и најавува мерки appeared first on plusinfo.mk.

Српското Министерство за трговија ги повика регистрираните производители на леб до 5 март да аплицираат за откуп на брашно од стокови резерви по субвенционирани цени од 33 динари за килограм, објавија тамошните медиуми.

Интервентна продажба на брашно од типот 500 од државните резерви ќе се врши врз основа на февруарската Уредба на српската влада според која цената на основниот леб познат како „сава“ е замрзната на  57 динари.

– Квотите на производителите ќе се одредуваат според нивното досегашно производство на леб, чија цена е ограничена – изјавија од Министерството

Србија ја контролира цената на основниот вид леб преку субвенционирано брашно што го добиваат пекарниците.

The post ДРЖАВНО БРАШНО ЗА ЕВТИН ЛЕБ Србија ги субвенционира пекарниците со брашно по цена од 33 динари appeared first on plusinfo.mk.

Пријавувањето за субвенциониран студентски оброк е дигитализирано, односно се спроведува исклучиво електронски преку порталот https://e-uslugi.mon.gov.mk/ и многу едноставно, со прикачување на само два документи – пријава и изјава за точност на податоци и се наведуваат податоци за лична трансакциска сметка.

Во рамки на првиот рок пристигнаа вкупно 21.693 апликации, додека правото на  субвенциониран студентски оброк го остварија вкупно 18.149 студенти. Дополнително, во фаза на разгледување се сите пристигнати приговори, а подносителите за конечната одлука ќе бидат известени во текот на следната работна недела.

Субвенционираниот студентски оброк е системско решение уредено со закон, со кое на младите значително им се олеснува животот за време на студирањето односно добиваат по 2.400 денари 9 месеци во годината, средства наменети за купување здрави оброци. Право на оваа финансиска поддршка имаат сите редовни студенти запишани на додипломски студии на државни и приватни високообразовни установи кои се државјани на РСМ и кои не се во редовен работен однос, не се регистрирани како индивидуални земјоделци и немаат месечен приход по кој било основ поголем од минималната нето-плата во тековната година.

The post ЦЕЛ ОКТОМВРИ ПРИЈАВУВАЊЕ ЗА СУБВЕНЦИОНИРАН СТУДЕНТСКИ ОБРОК Веќе 18.149 студенти добиваат по 2.400 денари appeared first on plusinfo.mk.