Според директорката д-р Катерина Кузмановска, секојдневно расте бројот на заболени и се поголем број граѓани бараат помош од лекарите.

– Од пациентите кои се на лекување на Инфективното одделение 14 се на кислородна поддршка, а дури 90 отсто од нив се невакцинирани. Кај нив има тешка клиничка слика и за разлика од порано за лекување се јавуваат помлади лица, што за нас е показател дека вирусот сега полесно ги напаѓа нив – рече директорката на струмичката болница, д-р Катерина Кузмановска.

Таа додаде дека на Инфективното одделение има уште неколку слободни кревети, а доколку има потреба повторно ќе биде отворена модуларната болница, во која има 34 легла.

The post САМО УШТЕ НЕКОЛКУ СЛОБОДНИ КРЕВЕТИ Полна струмичката болница со ковид пациенти appeared first on plusinfo.mk.

Од СВР Струмица попладнево преку кусо соопштение информираа дека денес во 9,30 часот е добиена пријава од општата болница во Струмица, откако група струмичани украле мртовец од Инфективното одделение.

Во координација со Јавен обвинител се преземаат мерки за расчистување на случајот, стои во соопштението.

Пациент на 49 годишна возраст бил примен во амбуланта во тешка состојба, откако претходно го донеле неговата ќерка и сопругата. По дваесетина минути починал, а дваесетина граѓани од турското маало во Струмица насилно го извлекле починатиот со кревет надвор во дворот на болницата, го дигнале од креветот и го префриле преку оградата, го ставиле во комбе и се упатиле во непознат правец.

Директорот на струмичката болница, д-р Наќе Гогов, го осуди овој чин, бидејќи граѓаните кои го грабнале починатиот не им дозволиле на лекарите да потпишат посмртница и да ги пополнат потребните документи, а се однесувало насилно и кон медицинскиот персонал.

Според него не може да се каже дали починатиот бил заразен од ковид-19, бидејќи не му бил направен тест.

The post Полицијата за случајот со украдениот мртовец: Насилно го зеле сосе кревет и го префриле преку ограда appeared first on plusinfo.mk.