Ели Панова, член на ИК на ВМРО-ДПМНЕ, во изјава за Алсат телевизија, а по повод 36-тиот роденден на ВМРО-ДПМНЕ под мотото „Македонија забрзува, наша обврска”, истакна дека поддршката од граѓаните е показател за нивното задоволство од работењето на ВМРО-ДПМНЕ, нагласувајќи дека партијата денес не одбележува само роденден, туку и 36 години посветеност и борба за македонските национални интереси.

– Самиот тој факт кажува дека народот е задоволен од работењето на ВМРО-ДПМНЕ, а тоа е и еден од нашите постулати од самото формирање. Ние денес не славиме само роденден на една политичка партија, тоа се 36 години посветеност, 36 години борба за македонските национални интереси. Биле тешки моменти, моменти во коишто сите мислеле дека нема излезност, но од друга страна ние сме се издигнале посилно од било кога и секогаш наш единствен интерес бил народот и тоа што тие го сакаат. За краток период од две години сметам дека направивме доста. Секогаш може повеќе и секогаш може подобро, но ние се стремиме токму кон тоа. Токму поради тоа денес славиме заедно со народот којшто не избрал да бидеме дел од Владата, да бидеме дел од парламент, да бидеме дел од институциите, ако потекнуваме од народот, треба да работиме за народот и само така можеме да успееме да одиме напред – рече Панова.

Панова истакна дека едно од клучните ветувања на ВМРО-ДПМНЕ било испраќањето на ДУИ во опозиција, оценувајќи дека со тоа Албанците биле ослободени од, како што рече, долгогодишен и репресивен систем на владеење. Таа нагласи дека Владата работи подеднакво за сите граѓани, посочувајќи ги инвестициите во образованието и инфраструктурата.

– Една од основните и првите работи коишто ја направивме кога дојдовме на власт ДУИ ги испративме во длабока опозиција. Тоа беше наше ветување и практично Албанците ги ослободивме од едно долгогодишно владеење на еден систем создаден од страна на ДУИ, којшто и ние денес сметаме дека бил репресивен и на одреден начин негативен за нив. Сметам дека работиме подеднакво и за Македонците и за Албанците, затоа што и Македонците и албанските деца денес имаат учебници во училиште, и Македонците и Албанците ќе се возат и се возат низ патиштата коишто ние ги градиме – рече Панова.

The post 36 ГОДИНИ ВМРО-ДПМНЕ СЕ ГОДИНИ НА ПОСВЕТЕНОСТ И БОРБА ЗА ДРЖАВНИТЕ ИНТЕРЕСИ Поддршката од граѓаните е показател за тоа appeared first on plusinfo.mk.

Осумнаесетгодишник од струмичко е приведен откако ноќеска се обидел да избега од полициска контрола, а потоа физички нападнал полициски службеници.

Инцидентот се случил во Богданци, по потера што започнала откако возачот не застанал на даден знак за запирање.

Според информациите од Министерството за внатрешни работи, М.И.(18) од селото Василево управувал „мерцедес“ со струмички регистарски ознаки и продолжил да се движи со голема брзина и покрај наредбата на полициските патроли. Во Богданци го запрел возилото и се обидел да побегне, но полициските службеници го стигнале.

При интервенцијата, тој физички нападнал полицајци.

Лицето е задржано во Полициската станица Гевгелија, а за случајот е известен јавен обвинител од Основното јавно обвинителство Гевгелија.

По целосното документирање на настанот ќе биде поднесена соодветна пријава.

The post НЕ ЗАСТАНАЛ КАЈ ВАСИЛЕВО, КАЈ БОГДАНЦИ НАПАДНАЛ ПАТРОЛА Уапсен 18-годишник со „мерцедес“ appeared first on plusinfo.mk.

ВМРО-ДПМНЕ на 17 јуни на стадионот во Струмица ќе го одбележи роденденот на партијата, а потоа ќе започнат разговорите за реконструкцијата на Владата, посочи денеска премиерот Христијан Мицкоски по пуштањето во употреба на Домот за стари лица „ПУСЗ Оаза by Adora“ во Општина Илинден. За најавите за парламентарни избори, рече дека ВМРО-ДПМНЕ сака редовни избори, но ако биде предизвикана ќе оди на избори пред рокот и ќе победи.

– Следната недела после роденденот којшто ќе биде на 17 јуни во Струмица со почеток од 20 часот на стадионот, после тоа почнуваме разговори со владините коалициони партнери околу реконструкцијата на Владата – изјави Мицкоски во одговор на новинарско прашање.

Коментирајќи ги тврдењата на опозициската СДСМ дека Владата оди на избори бидејќи ги потрошила државните парите и дека нема да бидат алиби за предвремени избори, премиерот Мицкоски рече дека тоа едното со другото немаат логика. Мицкоски истакна дека нивниот став е да нема предвремени избори, дека добиле мандат од граѓаните четири години и сакаат да одат на редовни парламентарни избори коишто ќе се случат пролетта 2028 година, но доколку се предизвикани мора да се подготвени, како и секоја сериозна политичка опција.

– Нема да се мешам во нивната стратегија. Само знам дека, зборувам политички, кога влегувате во втората половина од мандатот, логично е да сте подготвени за избори без разлика дали се тоа редовни или вонредни, на барање на опозицијата. Еве нашата опозиција не бара, нашата опозиција е сокриена, има три-четворица кои држат прес-конференции полни со невистини и навреди, најчесто кон мене. И сега кога имаат можност да се покажат на терен, да видат еве колку ефект имаат тие нивни невистини и навреди кон мене, тие едноставно бегаат. Тоа нема да биде првпат што го прави СДСМ. Тоа веќе во историјата многу пати го направила СДСМ – рече Мицкоски.

Премиерот додаде дека тие немаат намера да предизвикаат предвремни избори и дека нивната цел се редовни избори, но ако бидат, како што кажа, предизвикани тогаш ќе одат на избори и ќе победат.

За најавеното повлекување на Али Ахмети од лидерското место во ДУИ, Мицкоски рече дека не би сакал да коментира бидејќи тоа се внатрешни работи на партиите, исто како што не би сакал некој да ги коментира внатрешните работи во ВМРО-ДПМНЕ.

The post РЕКОНСТРУКЦИЈА НА ВЛАДАТА ПО 17 ЈУНИ, РОДЕНДЕНОТ НА ВМРО-ДПМНЕ Нема потреба од предвремени избори, освен ако СДСМ не побара appeared first on plusinfo.mk.

Две лица се лишени од слобода, а вкупно шест пријави за семејно насилство се евидентирани во последното деноноќие низ неколку градови во државата, соопшти МВР.

Во Струмица, ноќеска околу 00:30 часот, полициски службеници од СВР Струмица го лишиле од слобода 44-годишниот Б.М. од Струмица, по претходна пријава дека на 10.06.2026 година во семејниот дом физички ја нападнал својата 30-годишна сопруга.

Лицето е задржано во Полициската станица Струмица, а за случајот е известен и надлежен јавен обвинител од Основното јавно обвинителство Струмица.

Во Скопје се регистрирани неколку случаи на семејно насилство. Во Гази Баба, 29-годишна жена пријавила дека била физички нападната од нејзиниот сопруг, додека во Аеродром 28-годишна жена пријавила закани од сопругот.

Во Тетово, 40-годишна жена пријавила дека нејзиниот поранешен вонбрачен партнер ја следел, ѝ упатувал закани и ја вознемирувал телефонски од повеќе броеви. Во друг случај, 61-годишник од тетовско село пријавил дека бил физички нападнат од неговиот син, кој дополнително му упатил закани и му го оштетил мобилниот телефон. По пријавата, синот бил пронајден и лишен од слобода.

Во Битола, исто така е регистриран случај на семејно насилство, при што 40-годишен маж е лишен од слобода по пријава дека ја нападнал својата вонбрачна партнерка.

Од МВР информираат дека се преземаат мерки за целосно расчистување на сите случаи, по што против сторителите ќе бидат поднесени соодветни пријави.

The post СЕРИЈА НАСИЛСТВА НИЗ ДРЖАВАТА Две лица уапсени, шест пријави за семејни напади за 24 часа appeared first on plusinfo.mk.

На денешната седница на Извршниот комитет на ВМРО-ДПМНЕ се донесени кадровски решенија за повеќе од 30 претседатели на општинските комитети, соопшти Центарот за комуникации на ВМРО-ДПМНЕ.

„Дел од назначените претседатели се докажани искусни кадри кои со своето работење имаат придонесено за развој на локалната заедница од каде потекнуваат, а дел од нив се нови лица кои ќе донесат свежина во средината и нови успеси за општинските комитети. ВМРО-ДПМНЕ со новите кадровски решенија продолжува со подобрувањето на животот на граѓаните, на локално и централно ниво“, се вели во соопштението.

Во продолжение имињата на новите претседатели на општинските комитети на ВМРО-ДПМНЕ:

ИЕ4

1. Росоман – Ѓорѓи Крстевски

2. Демир Капија – Андон Дрнев

3. Неготино – Павлинче Честојнова

4. Кавадарци – Тони Нешковски

5. Гевгелија – Димитар Вегов

6. Валандово – Јулија Тушевска

7. Богданци – Марјан Пеев

8. Дојран – Илија Тентов

9. Струмица – Методија Пасков

10. Босилово – Мито Андонов

11. Ново Село – Петар Марков

12. Василево – Славе Андонов

13. Конче – Ацо Митев

14. Радовиш – Бојан Митевски

15. Могила – Драганчо Саботковски

16. Кривогаштани – Александар Богданоски

ИЕ5

1. Демир Хисар – Ненад Шундовски

2.  Долнени – Сашко Велјановски

3.  Крушево – Пеце Стојчески

4.  Ресен – Кире Божиновски

5.  Охрид – Сашо Донев

6.  Дебарца – Златко Силјановски

7.  Струга – Ален Деребан

8.  Вевчани – Ѓорѓи Влајнкиноски

9.  Дебар – Афет Амедоски

10. Центар Жупа – Денис Хасан

11. Маврово и Ростуше – Мевмед Џафери

12. Пласница – Луме Адемоглу

13. Боговиње – Алишериф Синани.

The post KАДРОВСКО ОСВЕЖУВАЊЕ ВО ВМРО-ДПМНЕ Избрани 30 претседатели на општинските комитети appeared first on plusinfo.mk.

Две полнолетни и две малолетни лица од струмичкото село Баница биле инволвирани во инцидент во Струмица, при што, според полицијата, агресивно се однесувале кон вработени во Општина Струмица и полициски службеници кои извршувале службени задачи.

Од Министерството за внатрешни работи информираат дека на 2 јуни околу 13 часот, полициски службеници од СВР Струмица ги лишиле од слобода Т.Ј. (45) и В.Ј. (39), двајцата од село Баница.

Според пријавеното, тие на улицата Братство и единство во Струмица, заедно со уште две малолетни лица од истото село, се однесувале агресивно кон вработени во Општина Струмица и полициски службеници од СВР Струмица додека ги извршувале своите службени обврски.

Двајцата приведени биле задржани во Полициската станица Струмица, додека со малолетниците биле извршени службени разговори во присуство на нивните родители.

За случајот бил известен јавен обвинител од Основното јавно обвинителство Струмица, а по целосното документирање на настанот ќе бидат поднесени соодветни поднесоци.

The post НАПАД ВРЗ ОПШТИНСКИ СЛУЖБЕНИЦИ И ПОЛИЦАЈЦИ Малолетници и возрасни инволвирани во инцидент во Баница appeared first on plusinfo.mk.

Полициски службеници во Струмица ноќеска лишиле од слобода Н.Џ. од село Двориште, беровско, откако кај него и во неговото возило биле пронајдени дрога, оружје и муниција.

Инцидентот се случил околу 02:00 часот по полноќ, во близина на угостителски објект во Струмица, каде што полицијата извршила контрола врз лицето и возилото во кое се наоѓал.

Според информациите, кај него била пронајдена бела прашкаста материја за која во разговор со полицијата изјавил дека е кокаин.

При дополнителен преглед на автомобилот „фолксваген голф“ со беровски регистарски ознаки, во багажникот биле пронајдени оружје, муниција и делови од полициска опрема за кои постои сомнение дека биле нелегално поседувани.

Лицето е задржано во Полициската станица Струмица, а за случајот е известен јавен обвинител од Основното јавно обвинителство Струмица.

По целосно документирање на настанот, против него ќе биде поднесена соодветна пријава.

The post 📷 ПРИВЕДЕН ДИЛЕР ВО СТРУМИЦА Кокаин, оружје и полициска опрема најдени во „голф“ appeared first on plusinfo.mk.

Министерството за спорт продолжува со инвестициите во спортската инфраструктура – по тригодишен застој продолжува изградбата на базенот во СтрумицаОва е уште една потврда за нашата решеност да ги завршиме сите проекти почнати од претходната влада пред многу години и да го подобриме квалитетот на живот на сите оние кои сакаат да се занимаваат со спорт и со рекреација, вели министерот за спорт Борко Ристовски., почнат и оставен недовршен од претходната власт, соопшти Министерството.

Министерот за спорт Борко Ристовски, заедно со градоначалникот на Струмица, Петар Јанков, денеска изврши увид во градежните работи на базенот. Констатирано е дека работите се одвиват според планот и дека базенот ќе биде завршен во предвидениот рок, до крајот на јануари 2027 година.

– Денеска со гордост можеме да објавиме дека она што беше почнато во 2023 година и оставено да се акумулира 3 години, ќе продолжи да се гради со забрзано темпо, што значи дека до крајот на јануари базенот ќе биде завршен и предаден на Општина Струмица. Ова е уште една потврда за нашата решеност да ги завршиме сите проекти почнати од претходната влада пред многу години и да го подобриме квалитетот на живот на сите оние кои сакаат да се занимаваат со спорт и со рекреација. Станува збор за инвестиција од 50 милиони, која е целосно обезбедена од Владата на Република Македонија и од Министерството за спорт. Инвестициите во спортска инфраструктура се еден од нашите приоритети – изјави министерот Борко Ристовски.

Откако ќе биде завршен и пуштен во употреба, базенот ќе биде ставен на располагање на учениците и на граѓаните.

Градоначалникот Јанков ја истакна добрата соработка со Министерството за спорт.

– Голема благодарност до Министерството за спорт за реализацијата на досегашните проекти и за проектите на кои ќе работиме заедно во иднина. Овој базен ќе може да го користат учениците, спортистите и сите граѓани и ќе биде од голема важност за развојот на спортот во нашиот град – рече Јанков.

Базенот во Струмица е еден од објектите кои беа почнати од поранешната Агенција за млади и спорт и потоа со години беше оставен недовршен и запуштен. Министерството за спорт минатата година го откочи проектот.

The post СДСМ ГО ПОЧНА И ГО ОСТАВИ ДА ПРОПАЃА Изградбата на базенот во Струмица продолжува по тригодишен застој appeared first on plusinfo.mk.

Пет лица се лишени од слобода во одделни случаи на семејно насилство што се случиле во Куманово, Охрид, Струмица и Велес, информираат од полицијата.

Во Куманово, 35-годишен маж бил приведен откако физички ги нападнал 31-годишната сопруга и нивните две малолетни деца. Во втор одделен случај во истиот град, полицијата привела и 57-годишник кој, според пријавата, ја нападнал својата 28-годишна ќерка.

Во Охрид, 48-годишен државјанин на Словенија бил лишен од слобода по пријава дека во стан по вербална расправија физички ја нападнал сопругата.

Во струмичко село, 36-годишен маж бил приведен по пријава дека агресивно се однесувал кон својата 65-годишна мајка.

Во Велес, полицијата привела 23-годишник кој, според пријавата, во семејниот дом ја нападнал својата 24-годишна сестра.

Од полицијата информираат дека по целосно расчистување и документирање на сите случаи ќе следуваат соодветни пријави.

The post ХАОС ВО ДОМОВИТЕ Приведени пет лица за напади врз семејство appeared first on plusinfo.mk.

СВР – Струмица до Основното јавно обвинителство – Струмица поднесе кривична пријава против К.К.(36), С.Р.(38), М.Т.(42), С.О.(61) и Ѓ.М.(54), сите од Струмица, поради основано сомневање дека К.К., С.Р. и С.О. сториле кривичното дело „несовесно работење во службата“ по член 353-в, М.Т. го сторила кривичното дело „злоупотреба на службената положба и овластување“ по член 353, а Ѓ.М. сторил кривично дело „бесправно градење“ по член 244-а од Кривичниот законик, соопштија денеска од Министерството за внатрешни работи.

„Пријавената М.Т. во време на сторување на делото вработена како советник – урбанистички аналитичар во Сектор за урбанизам комунални работи и градежно земјиште при Општина Струмица, ги пречекорила границите на своите службени овластувања, така што постапувајќи спротивно од одредбите на Законот за градење и ограничувањето на деталниот урбанистички план, според кој на конкретната локација воопшто не била предвидена градба, изготвила одобрение за реконструкција. Ваквото нешто воопшто не можело да се смета за реконструкција од причина што предвидените градежни дејствија всушност претставувале нова градба. Истото било евидентно и во самиот основен проект доставен од подносителот во постапката, која постапка наместо да се води како постапка за реконструкција, истата имала елементи на спроведена и одобрена постапка за изградба на нов објект. Пријавената С.Р. во време на сторување на кривичното дело – раководител на Сектор за урбанизам комунални работи и градежно земјиште при Општина Струмица, постапила несовесно при вршењето на своите службени овластувања, пропуштила должен надзор во целата постапка и го одобрила предметното одобрение за реконструкција иако знаела, односно морала да знае, дека не се работи за реконструкција туку за изградба на сосема нов објект на место каде што согласно деталниот урбанистички план не е предвидена изградба на објект“ – пишува во соопштението.

Во соопштението се додава и дека првопријавениот К.К. во време на сторување на делото – градоначалник на општина Струмица, исто така, постапил несовесно при вршењето на своите службени овластувања, како што се наведува во соопштението, пропуштил должен надзор во постапката и притоа го потпишал изготвеното одобрение за реконструкција.

Единствен поранешен градоначаник на Струмица со иницијали К.К. е Констадин Костадинов, од редовите на СДСМ, која ја вршеше оваа функција, прво како в.д. градоначалник од 2016 до 2017 година, а потоа од 2021 до 2025 година. На крајот на вториот мандат Костадинов влезе во конфликт со раководството на партијата, по што го замрзна своето партиско членство и не беше кандидат на СДСМ на последните локални избори.

„Пријавениот Ѓ.М. без да чека правосилно завршување на постапката по предметното барање за реконструкција, започнал со градба на сопствена одговорност и ризик, при што под изговорот за реконструкција на постоечки објект на парцела каде согласно ДУП не е предвидена градба изградил нов објект од втора категорија. Пријавената С.О. во време на сторување на кривичното дело во својство на овластен градежен инспектор при Општина Струмица во постапката која ја водела против Ѓ.М., наместо да констатира дека се работи за бесправно градење на градба од втора категорија, односно наместо да констатира кривично дело, кое се гони по службена должност, таа констатирала дека се работи за прекршок од Законот за градење, иако согласно документите кои ги извела како доказ во постапката на инспекцискиот надзор, можела и морала да знае, дека не се работи за реконструкција на постоечки објект, туку всушност се работи за изградба на сосема нов објект“ – се вели во соопштението ан СВР Струмица.

The post КРИВИЧНА ПРИЈАВА ЗА ПОРАНЕШНИОТ ГРАДОНАЧАЛНИК НА СТРУМИЦА КОСТАДИН КОСТАДИНОВ Со соработниците „протнале“ новоградба како реконструкција appeared first on plusinfo.mk.