– Речиси сите домаќинства ќе добијат еднократна исплата од 150 евра (167 долари) – изјави во Виена канцеларот Карл Нехамер.

Околу 750.000 луѓе кои се наоѓаат во многу тешка финансиска ситуација ќе добијат дополнителни 150 евра.

Освен тоа, државата одлучи да ја суспендира паушалната стапка за зелена електрична енергија оваа година, со што на секое домаќинство ќе заштеди околу 100 евра, а на просечно трговско претпријатие околу 67.000 евра, соопшти австриската Влада.

– Пакетот за помош, чија вкупна вредност изнесува 1,7 милијарди евра, е наменет „да спречи итни случаи“ –  истакна министерот за финансии Магнус Брунер.

Во Австрија, како и во многу други земји, цената на електричната енергија драстично се зголеми во изминатите месеци.

Во декември зголемувањето на трошоците за енергија е околу 24 отсто во однос на истиот месец во 2020 година.

The post 150 ЕВРА ПОМОШ ЗА СТРУЈА НА ДОМАЌИНСТВАТА ВО АВСТРИЈА Дали нашата влада размислува за ваква мерка? appeared first on plusinfo.mk.

– Имаме предвидено средства во буџетот, и тоа ќе го направиме, затоа што сметаме дека само така знаеме кога на граѓаните и на стопанството им е потребна помош од страна на Владата – рече Битиќи.

Тој соопшти дека се планирани три различни мерки  кои ќе се се финансираат со 65 милиони евра.

– Мислам дека во јавноста се даде една погрешна информација, 65 милиони евра се поделени во три различни мерки. Една од мерките е набавката на јаглен, затоа што само набавката на дополнителните количини а јаглен ќе ни овозможи дополнително производство на електрична енергија, која е далеку поевтина од таа која што можеме да ја набавиме на берзата. Само за споредба, сегашната цена на производство на јаглен е за четири пати пониска од што можеме да ја набавиме на берзата и затоа ние се стремиме на набавка на јаглен, на отворање нови количини на јаглен од нашите извори иако се со слаб капацитет – рече Битиќи.

Другите мерки, дополни, се за да оперираме. Во моментот се случува снабдувачите не електрична енергија за стопанството, но и за јавните институции ги раскинуваат договорите и таму ние сакаме да го вклучиме државниот капацитет, т.е. ЕЛЕМ Трејд, кој во суштина ќе набавува струја со подобра цена од другите набавуваат.

-Направивме еден сет на мерки и тој чини 65 милиони евра кои што сметаме наредните шест месеци ќе направи да осигураме дека ниту домаќинствата, ниту стопанството треба да се грижи за нивната иднина и околу енергетската криза – порача Битиќи.

The post 65 МИЛИОНИ ЕВРА НЕ СЕ САМО ЗА НАБАВКА НА СТРУЈА Битиќи појасни дека со тие пари се финансираат 3 мерки appeared first on plusinfo.mk.