Турција ќе продолжи со делумните ограничувања за да го спречи натамошното ширење на коронавирусот, поради зголемениот број случаи на инфекции и смртност, најави денеска турскиот претседател Реџеп Тајип Ердоган.

– Продолжува полицискиот час од 21 до 5 часот наутро, рече Ердоган по состанокот на владата во претседателскиот комплекс, што траеше повеќе од три часа – пренесе агенцијата Анадолија.

Како дел од мерките, Ердоган кажа дека, исто така, ќе биде ограничено работењето на рестораните и кафулињата што ќе можат да работат со максимум 50 проценти од капацитетот.

– Градовите што се соочуваат со многу висок ризик од коронавирус ќе имаат полициски час за време на викендот – додаде турскиот претседател.

Тој посочи дека од вкупно 81 турски провинции, во 58 или 80 проценти од населението, е класифицирано како многу ризично на коронавирусот.

Категоризацијата на покраините со низок, среден, висок или многу висок ризик се базира на стапката на инфекција и вакцинацијата против коронавирус, што во земјата почна на 14 јануари.

– За време на месецот Рамазан, собирањата за сахур и ифтар, што се одржуваат пред и по постот, се забранети во земјата – кажа турскиот претседател.

Покрај тоа, рече Ердоган, во текот на светиот месец низ цела Турција ќе се воведат заклучувања за време на викендите.

The post Во Турција остануваат строгите мерки и за Рамазан appeared first on plusinfo.mk.

Во отворено писмо, здруженијата на лекари ја предупредија Владата на Андреј Пленковиќ дека без воведување строги мерки, со продолжување на претходниот раст, на крајот на ноември, на 3.000 пациенти со коронавирус ќе им биде потребна хоспитализација.

Тие посочија дека Хрватска нема доволно лекарски тимови и медицински сестри, како и потребната медицинскаопрема за тоа сценарио.

„Нема да можеме повеќе да третираме пациенти со ковид-19, ниту тешки пациенти со други акутни состојби“, предупредија лекарите.

Доколку веднаш не се преземат строги мерки, нивната проценка е дека болниците за 30 дена нема да можат успешно да лекуваат заболени со коронавирусот, ниту оние кои, на пример, добиваат мозочен удар, срцев удар или се повредени во сообраќајна несреќа

The post Хрватски лекари бараат итно воведување строги мерки против ковид-19 appeared first on plusinfo.mk.

Холандија усвои нови мерки откако бројот на нови случаи на коронавирус во вториот бран на епидемијата ги надмина рекордните бројки од април. Мерките ќе вклучуваат задолжително носење маски во Амстердам и другите поголеми градови, забрана за публика на спортски натпревари во следните три недели и затворање на ресторани и барови во 22 часот. Премиерот Марк Руте рече дека патувањата исто така ќе бидат ограничени и ги повика работодавците да организираат работа од дома за што е можно поголем број луѓе.

По зголемувањето на бројот на случаи на ковид-19, Словачка го забрани одржување на повеќето културни и спортски настани. Премиерот Игор Матовиќ рече дека луѓето треба да носат маски, да избегнуваат семејни собири и да се држат на дистанца за да се избегне потребата од воведување нови ограничувања.

Велика Британија воведе нови ограничувања за собири во делови на североисточна Англија, поради зголемувањето на случаите на ковид-19. Од утре, на жителите на седум области, кои вклучуваат урбани центри како Њукасл, Сандерленд и Дурам, ќе им биде забрането да се собираат во домови и да се дружат со лица од други домаќинства. Воведени се ограничувања во домовите, пабовите и рестораните, а луѓето кои не ги почитуваат новите мерки се соочуваат со можност за казни, објави Министерството за здравство.

Во Шпанија, на околу 1,1 милиони жители на Мадрид и околината им е дозволено да ја напуштат својата населба само поради неопходни нешта, како на пример одење на работа, откако вчера мерките за контрола на коронавирусот беа проширени на дополнителни делови од градот. Досега, со мерките се погодени 850.000 жители на југ и југоисток, претежно населени со работници и имигранти, а од вчера наутро се додадени дополнителни 167.000 жители, исто така на југоисток. На жителите на овие населби им е дозволено да излегуваат надвор само кога одат на работа, во болници, училишта, по судови или да се грижат за лица кои зависат од нив. Влегување во тие населби е исто така забрането без валидна причина. Полицијата повремено запира возила и проверува документи со адреса на жителите, па многумина носат потврда од фирмата кога одат на работа. Во случај на неоправдан излез и влез, предвидени се казни од 600 евра.

Бројни региони во Италија најавија построги мерки на отворено за да се спречи ширењето на коронавирусот. Сицилија објави дека сите странски патници ќе мора да бидат тестирани при пристигнувањето и ќе мора да се јават на лекар. Од утре задолжително ќе се носи маска во јавност за лицата над шест години. Мерките ќе бидат во сила најмалку до 30 октомври.

– Со пристигнувањето на сезоната на грип, влегуваме во деликатна фаза на епидемијата, рече претседателот на тој јужен италијански регион, Нело Мускумечи.

Минатата недела јужниот италијански регион Кампанија воведе мерка за задолжително носење маски во јавност, која ќе трае најмалку до 4 октомври. Маски мора да носат и жителите на северозападниот пристанишен град Џенова. Во Италија, маските се задолжителни во продавниците, возовите и другите затворени простори во најпрометните периоди.

Од ковид-19 досега во светот починаа 1.000.010 лица, пробивајќи ја новата психолошка граница во пандемијата што ја уништи глобалната економија, преоптовари здравствени системи и го смени начинот на живот.

Врз основа на септемврискиот просек, за 24 часа во светот од ковид-19 умираат повеќе од 5,4 илјади луѓе, односно 226 лица во еден час или секои 16 секунди умира по еден заболен од оваа болест.

The post Ковид-19 ги принуди земјите од ЕУ на враќање на построгите мерки appeared first on plusinfo.mk.

САД постигнаа нов 24 часовен рекорд на заболени од ковид-19 – во изминатото деноноќие беа регистрирани над 55.274 инфекции, повеќе од претходниот ден кога беа забележани 54.771 – јави Ен-пи-ар.

Земјата се подготвува за утрешното славење на Денот на независноста, но властите и здравствените работници се на штрек поради она што некои експерти го нарекуваат втор бран на пандемија која се шири најмногу во јужниот дел на САД.

На брифингот синоќа, д-р Ентони Фаучи, главниот инфектолог на САД, изјави дека доколку нема стриктно запазување на мерките за носење маски и физичка дистанца, можно е дневниот пораст на новозаболени да достигне и 100,000 сличаи.

Порастот на инфекциите принуди голем број на сојузни држави да преземат мерки за намалување на ширењето на вирусот.

Флорида стана жариште откако во изминатите недели бројот на инфекции се зголемуваше постојано. Државниот оддел за здравство синоќа објави нов рекорд од над 10.000 новозаболени за едно деноноќие. Епидемијата лесно се прошири откако државата дозволи отварање на бизнисите во мај, и не воведе режим за носење маски и физичка дистанца.

Тексас е уште едно жариште на епидемијата. Гувернерот Грег Абот вчера издаде наредба за обврзно носење маски во окрузите каде има барем 20 регистрирани случаи на коронавирус. Бројот на новопримени во болниците се зголемува, а во државата во изминатот деноноќие биле регистрирани речиси 8.000 нови случаи.

Во Канзас, минатата недела бројот на новозаболени се зголемил за 46 проценти, исто така и таму е издадена наредба за обврзно носење маски (со некои исклучоци) и држање физичка дистанца од шест фита (околу два метри).

Арканзас на почетокот на мај најпрва ги отвори бизнисите, државата сега се соочува со бран од нови заболувања кој дојде во јуни. Болничките капацитети со полни со сериозно болни пациенти, додека здравствените работници повикуваат на носење маски и држање физичка дистанца.

Во Аризона пак, речиси еден од четири тестови за короновирус излегува позитивен. Во Калифорнија, уште еден епицентар на коронавирусот, во изминативе две недели позитивните тестови се покачија за 37 отсто, додека хоспитализациите се зголемени за 56 отсто.

Полицијата во Лос Анџелес денеска најавија дека започнува со казнување на лицата кои ќе бидат фатени без маски во јавните места. Казната е во висина од 300 долари.

The post Во САД рекордни 55.274 новозаболени, строги мерки и казни за неносење маски appeared first on plusinfo.mk.