Мотоциклист од Скопје е повреден во сообраќајна несреќа што се случила на магистралниот пат кај превојот Стража.

Според информациите од полицијата, во несреќата учествувале три возила – „цитроен“ со кичевски регистарски таблички управувано до С.Ј (69), „рено“ со скопски таблички управувано од Љ.А.(43) и мотоцикл „кавасаки“, исто така со скопски регистарски ознаки.

Несреќата била пријавена вчера околу 18:40 часот во ОВР Кичево.

Во судирот повреден бил 45-годишниот мотоциклист И.М. од Скопје. Тој бил пренесен во Медицинскиот центар во Кичево, каде лекарите му констатирале повреди.

На местото на несреќата увид извршила полициска екипа, а причините за судирот се утврдуваат.

The post ПОВРЕДЕН МОТОЦИКЛИСТ ВО НЕСРЕЌА КАЈ СТРАЖА Се судрија две возила и мотоцикл appeared first on plusinfo.mk.

Сообраќајот на државните патишта се одвива непречено по претежно влажни коловози. Поради појава на магла се бележи намалена видливост на планинскиот премин Плетвар до 100 метри, Крушево и Стража до 50 метри, Маврово до 40 метри, патен правец Штип – Неготино (кај Серта) до 50 метри и на патниот правец Тетово – село Лисец до 30 метри, соопшти вечерва АМСМ.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на постѕуавената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Во сила е законската обврска за задолжително поседување на зимска опрема во возилата.

The post МАГЛА ГИ ПОКРИ ПЛЕТВАР, СТРАЖА, МАВРОВО Намалена видливоста кај Штип-Неготино, Тетово-Лисец и кај Крушево appeared first on plusinfo.mk.

Вицепремиерот и министер за транспорт Александар Николоски денеска изврши увид во работните активности на ЈП „Македонија пат“, во рамки на подготовките и справувањето со снежните наноси кои се очекуваат во наредниот период. Тој ги посети пунктовите на јавното претпријатие на планинските превои Стража и Пресека.

Николоски изјави дека сите државни патишта се проодни, нагласувајќи дека тоа е резултат на континуираната и пожртвувана работа на екипите на „Македонија пат“, кои секојдневно се на терен и се справуваат со обилните снежни врнежи.

– Денеска сум на терен и можам да потврдам дека состојбата е добра и дека сите патишта во државата се проодни. Сакам да им се заблагодарам на овие луѓе од „Македонија пат“ кои навистина даваат сè од себе за патиштата да бидат чисти и безбедни. Денеска сум на Стража, претходно бев на Пресека, а увидот ќе продолжи и на други локации – изјави Николоски.

Тој упати благодарност до сите вработени во јавното претпријатие, но и апел до граѓаните кои планираат патување да возат внимателно и да ги почитуваат сообраќајните прописи.

– Ги замолувам сите учесници во сообраќајот да користат задолжителна зимска опрема, зимски гуми, а каде што е потребно и ланци, и да ја прилагодат брзината на условите на патот. Ние ќе направиме сè што е во наша моќ патиштата да останат проодни и ова невреме да се почувствува минимално – апелираше вицепремиерот Николоски.

The post СНЕГ НА ПРЕВОИТЕ, ПАТИШТАТА ОТВОРЕНИ Николоски уверува дека екипите на „Македонијапат“ се подготвени appeared first on plusinfo.mk.

Намалена видливост поради појава на магла од 20 до 25 метри има на патниот правец од село Гајре – Попова Шапка и од 50 до 70 метри на планинскиот превој Стража.

Од ЈП Македонијапат информираат дека на одредени патни правци кои поминуваат низ усеци и клисури можна е појава на поситни одрони кои редовно се чистат.

Оттаму апелираат на внимателно управување со возилата, почитување на поставената сообраќајна сигнализација, како и прилагодување на брзината спрема условите на патот.

The post ВНИМАВАЈТЕ КАКО ВОЗИТЕ НА СТРАЖА И КОН ПОПОВА ШАПКА Поради магла намалена е видливоста appeared first on plusinfo.mk.

Како што соопшти АМСМ, забраната важи и за патниот правец крак Маврово – Дебар и е воведена од 15.25 часот.

Од 16:20 часот поради врнежи од снег се воведува забрана за сообраќај за тешки товарни возила на патниот правец Битола – Ресен преку планинскиот превој Ѓавато.

The post ЗАБРАНА ЗА КАМИОНИ НА СТРАЖА И ПРЕКУ ЃАВАТО Поради снег непреоден е и патот Маврово-Дебар appeared first on plusinfo.mk.

По вчерашниот сончев ден, денешниот априлски ден донесе снег.

Од утрово паѓа снег на планинскиот превој Стража, а повторно побеле и Попова Шапка.

„Започна продорот на многу ладен воздух директно од Сибир во нашата Република Македонија. Токму ова веќе условува формирање на секундарен снежен циклон и нагло и значително опаѓање на температурите, дури и за 10 до 15 степени пониски температури ќе имаме до вечерва во однос на оние кои ги имавме до вчера (сабота 5 април)“, пишува Славчо Поповски.

Во следните часови од север врнежите ќе се прошират насекаде во Македонија и повремено ќе бидат обилни и од снег најпрвин на повисоките населени места, планините и секако на скијачките центри. Во текот на доцните попладневни часови од денеска  и вечерва врнежи од снег ќе има и во повеќето градови.

Од утрово под снег е и Белград, а снежни врнежи има низ повеќе градови во Србија.

The post СНЕГ ПАЃА НА СТРАЖА Побеле и Попова Шапка appeared first on plusinfo.mk.

Од 22:50 часот е воведена забраната на патниот правец Гостивар – Кичево преку планинскиот превој Стража во двата правци, а од 23 часот и на патниот правец Маврово – Дебар.

The post СНЕГ ЈА ЗАФАТИ ЗАПАДНА МАКЕДОНИЈА Забрана за камиони на Стража и на патот Маврово-Дебар appeared first on plusinfo.mk.

Сообраќајот на државните патишта се одвива во зимски услови, по наместа влажни коловози. Намалена видливост поради појава на магла до 100 метри има на планинскиот премин Стража, соопштуваат од АМСМ.

Оттаму потсетуваат дека од 15 ноември 2024 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15 март 2025 година.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post МАГЛА СЕ СПУШТИ НА ПРЕМИНОТ СТРАЖА Сообраќајот се одвива по влажни коловози appeared first on plusinfo.mk.

Претходно утрово оттаму информираа дека сообраќајот на државните патишта се одвива по влажни коловози, наместа со остатоци од кашест снег на коловозот, како и дека забрани за тешки товарни возила биле воведени на патните правци Дебар – Маврово, Кичево – Гостивар на превојот Стража и Тетово – Попова Шапка каде за останатите возила е задолжителна зимската опрема.

Утрово од 07:30 часот поради врнежи од снег била воведена забрана за тешки товарни возила преку планинскиот превој Барабарос, а од 08:05 часот забрана за тешки товарни возила е воведена и на патниот правец Кичево – Охрид преку планинскиот превој Пресека.

Од 08:30 часот забрана за тешки товарни возила е воведена и на патниот правец Крива Паланка кон граничен премин Деве Баир. 

The post УКИНАТА ЗАБРАНАТА ЗА ТЕШКИ ТОВАРНИ ВОЗИЛА ЗА СТРАЖА И ЗА КРИВА ПАЛАНКА-ДЕВЕ БАИР Остануваат забраните за Пресека и Барбарос appeared first on plusinfo.mk.

Сообраќајот на државните патишта се одвива по влажни коловози, наместа со остатоци од кашест снег на коловозот.

Забрани за тешки товарни возила се воведени на патните правци Дебар – Маврово, Кичево – Гостивар на превојот Стража и Тетово – Попова Шапка каде за останатите возила е задолжителна зимската опрема.

Од 07:30 часот поради врнежи од снег се воведува забрана тешки товарни возила и преку планинскиот превој Барабарос.

Забрана за движење на камиони од 07:30 часот е воведена на регионалниот пат Р1303, Прилеп – Македонски Брод.

Од 07:30 часот е воведена забрана за движење на тешки товарни возила во двата правци на патниот правец Охрид-Кичево, кај Пресека.

Јавното претпријатие „Македонија пат“ информира дека на патниот правец Страцин-Куманово има магла поради што видливоста е намалена од 100 до 150 метри.

Од Авто мото сојузот на Македонија ги потсетуваат возачите дека од 15 ноември на сила е законската обврска за носење на зимска опрема во возилата без оглед на моменталната временска состојба.

The post ДОКОЛКУ ВОЗИТЕ КАМИОН, НЕ ТРГНУВАЈТЕ НА ПАТ Еве на кои патни правци има забрана за тешки возила appeared first on plusinfo.mk.