Земјите од Г-7 во рок од четири месеци ќе пуштат на пазарот до 100 милиони барели сурова нафта и дизел од своите стратешки резерви, со цел ублажување на пазарните притисоци и намалување на цените на горивата – соопшти денеска францускиот претседател Емануел Макрон по видеосостанокот на лидерите на групата. Тој истакна дека мерката ќе се спроведе во координација со Меѓународната агенција за енергија (ИЕА), при што членките на Г-7 се обврзаа да не воведуваат никакви ограничувања или забрани за меѓусебен извоз на енергенси.

Според деталите од договорот, значајни количини дизел ќе бидат пуштени во оптек уште во првите 20 дена од почетокот на акцијата. Макрон нагласи дека во однос на слободниот извоз бил „многу јасен“ и американскиот претседател Доналд Трамп, кој претходно најавуваше можни кратења на извозот на американски гас.

Овие одлуки „треба да ги намалат цените на горивата“, рече Макрон.

Членките на Г-7 истовремено ги повикаа сите глобални производители да се воздржат од извозни блокади кои би можеле дополнително да ги зголемат тензиите на пазарот, а најавија и меѓусебна координација во распоредот за одржување на рафинериите за да се спречи истовремено затворање на капацитетите.

Претседателот на Европскиот совет, Антонио Кошта, преку платформата Икс ги поздрави координираните мерки за одговор на глобалната енергетска ситуација. Тој најави дека кризата на енергетските пазари и начините за заштита на европските граѓани, компании и индустрија ќе бидат клучна тема на претстојниот самит на ЕУ на 15 и 16 октомври, подвлекувајќи дека оваа ситуација дополнително ја нагласува потребата од намалување на зависноста од фосилни горива и забрзување на транзицијата кон домашни извори на енергија.

The post Г-7 ПУШТА 100 МИЛИОНИ БАРЕЛИ НАФТА И ДИЗЕЛ Огромна количина гориво од стратешките резерви ќе стигне на пазарот appeared first on plusinfo.mk.

Европската Унија разговара за ослободување на стратешките резерви на дизел во обид да ги намали глобалните цени на енергенсите, откако американската администрација на претседателот Доналд Трамп соопшти дека размислува за забрана на извозот на дизел со цел да изврши дополнителен притисок врз ЕУ.

– Разговорите се во тек, се одржуваат телефонски разговори“, изјави денеска портпаролка на Европската комисија, додавајќи дека ЕУ ја координира својата позиција во врска со можното ослободување на резервите, но дека конечната одлука ќе треба да ја донесе Меѓународната агенција за енергија (ИЕА).

– Целосно отфрламе каква било забрана за дизелот. Забраната никому нема да му биде од корист – изјави портпаролката на Комисијата.

Наглото зголемување на цените на дизелот и бензинот го натера американскиот претседател Доналд Трамп да размислува за запирање на извозот на дизел во ЕУ. Американскиот министер за финансии Скот Бесент вчера изјави дека Европа треба „веднаш да стави дополнителни количества на располагање“ за да ги намали цените.

Портпаролката додаде дека експертска група претходно оваа недела заклучила оти „нема непосреден проблем со безбедноста на снабдувањето во Европската Унија“, но дека ЕУ се соочува со „криза во поглед на достапноста на енергијата“.

Лидерите на Г-7, групата на водечки светски економии, во која се вклучени и САД, треба да разговараат за глобалната енергетска состојба на видеоконференција, соопшти кабинетот на францускиот претседател. Францускиот претседател Емануел Макрон во текот на ноќта разговарал со Трамп за ова прашање.

Според Европската комисија, цените на дизелот во Европа се удвоиле од почетокот на војната со Иран кон крајот на февруари, додека цените на гасот се зголемиле за 140 отсто.

The post ЕУ РАЗГОВАРА ЗА ОСЛОБОДУВАЊЕ НА СТРАТЕШКИТЕ РЕЗЕРВИ НА ДИЗЕЛ Цените на енергенсите во Европа нагло растат appeared first on plusinfo.mk.

Цените на нафтата утрово стагнираат по големите флуктуации на почетокот на неделата иако Иран сè уште не дозволува танкери да минуваат низ Ормутскиот теснец, што не го спречува извозот на нафта од Блискиот Исток.

Цената на барел на лондонскиот пазар утрово падна за 0,4% на 87,45 долари, додека на американскиот пазар цената на барел се зголеми за 0,3% на 83,75 долари.

Меѓународната агенција за енергија (ИЕА) предложи досега најголем пласман на нафта од резервите со цел да се намалат цените.

Предлогот вчера бил разгледуван на итен состанок на енергетските претставници. Според информациите предлогот  би ги надминал 182-та милиони барели што земјите членки ги пуштија на пазарот во две транши во 2022 година, по руската инвазија врз Украина,  што би било најголемо поединечно ослободување резерви досега.

Предлогот би можел да биде одложен доколку се спротивстави само една земја.

Се очекува денеска земјите да одлучуваат за предлогот.

Според организацијата што ги координира ослободувањата на стратешките резерви, земјите (32) што се членки на МАЕ заеднички поседуваат најмалку 1,2 милијарда барели нафта во јавни итни резерви.

The post ЦЕНАТА НА НАФТАТА СТАГНИРА Меѓународната агенција за енергетика предложи земјите да ги ослободат стратешките резерви appeared first on plusinfo.mk.

Американската администрација се одлучи на овој потег со цел да ја стабилизира цената на горивото во земјата, како и цената на нафтата на светскиот пазар, пишува Њујорк Тајмс.

„Ова е драматична одлука на Белата куќа три недели пред изборите за Сенатот и Претставничкиот дом и по зголемената загриженост за сериозниот раст на инфлацијата оваа зима и војната во Украина. Со овие 15 милиони барели, ќе се потрошат сите 180 милиони барели што ги одобри за продажба претседателот Бајден на почетокот на годинава“, пишува весникот.

The post НАФТАТА ОД СТРАТЕШКИТЕ РЕЗЕРВИ ОДИ НА ПАЗАР Бајден се обидува да ја стабилизира цената на горивата appeared first on plusinfo.mk.

Литиумот (клучната компонента на електричните батерии) и ретките земји (стратешки метали потребни за производство на чипови, ЛЦД екрани, воена опрема или турбини на ветер) „наскоро ќе бидат уште поважни од нафтата и гасот“, рече претседателката на Европската комисија Урсула фон дер Лајен во својот говор за „Состојбата на ЕУ“.

Додека „потребите на ЕУ за ретки земји ќе се помножат со пет до 2030 година“, а оние од литиум ќе се зголемуваат со електрификацијата на економијата, „мора да избегнеме повторно да се најдеме во ситуација на зависност, како за нафтата и гасот“, предупреди таа за време на говорот пред Европскиот парламент.

– Проблемот е што во моментов, една земја го контролира речиси целиот пазар. Речиси 90 проценти од ретките земји и 60 отсто од литиумот се преработуваат во Кина – предупреди фон дер Лајен.

Таа ги повикува Дваесет и седумте да ги „обезбедат своите залихи“.

– Ќе ги дефинираме стратешките проекти долж синџирот на снабдување, од екстракција до рафинирање, од преработка до рециклирање и ќе изградиме стратешки резерви таму каде што снабдувањето е загрозено – потврди таа, ветувајќи законски проект за ова прашање.

Урсула фон дер Лајен истакна дека „овој пристап може да биде ефективен: по лансирањето на европскиот сојуз за батерии пред пет години, две третини од батериите што ни се потребни наскоро ќе бидат произведени во Европа“, а по регулативата за полупроводници претставена минатата година, рече „изградбата на Првата мега-фабрика за производство на чипови (во ЕУ) ќе започне во наредните месеци“.

Брисел си постави цел во февруари да го удвои пазарниот удел на ЕУ во полупроводници до 20 отсто од глобалното производство до крајот на деценијата, за да ја намали зависноста од Азија. За да се постигне ова, Комисијата во февруари објави план со кој се одобруваат 42 милијарди евра јавни инвестиции за овој сектор.

– ЕУ ќе се опреми со средства за да ја гарантира безбедноста на снабдувањето, како што тоа го прават САД на пример, вклучително и со можни ограничувања на извозот во случај на криза, рече комесарот за внатрешен пазар, Тиери Бретон.

The post ЕУ ЌЕ ПРАВИ СТРAТЕШКИ РЕЗЕРВИ ОД ЛИТИУМ Ретките метали наскоро ќе бидат поважни од нафтата и гасот appeared first on plusinfo.mk.

Според агенцијата, слични изјави се очекуваат и од други земји.

Индија пред неколку дена го одби барањето на американската администрација да ја разгледа можноста за ослободување на дел од стратешките нафтени резерви и нивна продажба со цел да се намалат цените на светскиот пазар.

Администрацијата на Џо Бајден претходно побара од владите во Јужна Кореја, Кина, Индија и Јапонија да размислат за продажба на дел од стратешките резерви, иако законодавството во тие земји не ги таргетира стратешките нафтени резерви за продажба. Вашингтон предложи координирана акција за намалување на цените на енергијата и на тој начин да и помогне на глобалната економија да закрепне.

Заедно со САД, четирите азиски економии ги сочинуваат петте најголеми потрошувачи на нафта во светот.

The post САД ЌЕ ПОСЕГНАТ ПО НАФТАТА ОД СТРАТЕШКИТЕ РЕЗЕРВИ Дали други лидери ќе го следат потегот на Бајден? appeared first on plusinfo.mk.