Русија денеска одржа воена вежба на стратешките нуклеарни сили, при што го тестираше и лансирањето на нивната најмоќна балистичка ракета. Со вежбата раководеше рускиот претседател Владимир Путин.

Кремљ соопшти дека е извршено пробно лансирање на интерконтинентална балистичка ракета Јарс од полигонот Плесецк, северозападна Русија. Ракетата е упатена до Камчатка, рута долга 6.000 километри. Максималниот дострел на Јарс е 12.000 километри.

За време на вежбата од подморница во Баренцово Море беше лансирана интерконтиненталната балистичка ракета Синева.

Во воената вежба учествуваа и стратешки авиони бомбардери Ту-95, кои истрелуваа крстосувачки ракети со долг дострел.

On October 22, 2025, Russian President Putin initiated the annual strategic exercise of Russian nuclear forces (aka “Grom”).

According to the Russian Defense Ministry, the following activities took place during the drills:

– The launch of the RS-24 Yars intercontinental… pic.twitter.com/tyVIWUrCl7

— Status-6 (Military & Conflict News) (@Archer83Able) October 22, 2025

„Во вежбата се проверени и вештините на воените командни структури“, се истакнува во соопштението на Кремљ.

Воената вежба е одржана откако вчера беше одложен самитот на претседателот на Русија, со претседателот на САД, Доналд Трамп, на кој требаше да се договори мировно решение за Украина.

The post 🎥 ПУТИН ОДРЖА ВЕЖБА НА СТРАТЕШКИТЕ НУКЛЕАРНИ СИЛИ Русија испали моќни ракети appeared first on plusinfo.mk.