Во контекст на новиот импулс во процесот на проширување и потсетувајќи на Декларацијата од Гранада, Европскиот совет ќе одржи стратешка дискусија за проширувањето и реформите на својот состанок во октомври 2026 година“, соопшти Европскиот совет по состанокот што се одржа на 18 и 19 јуни во Брисел.

Во однос на Западниот Балкан, Советот го поздравува одржаниот Самит на ЕУ и Западен Балкан во Тиват, Црна Гора, на 5 јуни 2026 година, кој придонесе за новиот замав во процесот на проширување.

Европскиот совет, повикувајќи се на претходните заклучоци, повторува дека ЕУ ќе продолжи со блиската соработка со Западниот Балкан и ќе ги поддржува напорите за реформи на патот кон членство.

Советот останува посветен на напредокот на постепената интеграција меѓу ЕУ и регионот во рамките на процесот на проширување, заснован на заслуги, но и со можност за реверсибилност на процесот.

The post ВО ОКТОМВРИ ЌЕ СЕ РЕШАВА ЕВРОПСКАТА СУДБИНА НА ЗАПАДЕН БАЛКАН Европскиот совет ќе одржи стратешка дискусија за проширувањето appeared first on plusinfo.mk.

Јасни се новите геополитички текови во светот и треба да бидеме паметни, нашата дипломатија да ја фати иницијативата „Три мориња“ на нејзиниот зародиш како геостратешки интерес на државата. Имаме многу да понудиме, имаме начин како да се приклучиме и да соработуваме. Од една страна го имаме најголемиот бизнис коридор во Европа, Коридорот 10, кој се сече со вториот по значење безбедносен коридор на НАТО, Коридорот 8.  Тие ни даваат подобра поврзаност и геостратешка предност и затоа ние како Влада посветуваме големо внимание, енергија и инвестиции да ги доизгрaдиме и модернизираме, рече вицепремиерот Александар Николоски на панел дискусијата „Транспортни коридори – геостратешки предуслов за економски просперитет и безбедносна архитектура во Југоисточна Европа – Иницијатива 3 мориња“ што се одржа денеска во Стопанската комора на Македонија.

Говорејќи за геополитичката позиција на Македонија, вицепремиерот Николоски истакна дека политиките на Владата се насочени Македонија да биде поставена како стратешки партнер на САД во регионот.

– Eден сплет на настани, со мојата посета во Вашингтон, со сегашниот стратешки дијалог што се случува во Вашингтон и со посетата која ќе ја има министерката за финансии во Вашингтон, говори дека ние се обидуваме да се поставиме во регионот како стратешки партнери на САД. Ако на тоа се додаде стратешкото партнерство Влада со Влада што го потпишавме минатиот мај во Лондон со Велика Британија, ако на тоа се додаде Договорот за стратешко партнерство кој го потпишавме во јули минатата година со Унгарија, мислам дека работите се јасни. Најлошата работа што може да се случи на една држава е да не ги сфати новите текови. Ние мора да сме свесни во кои прилики се наоѓаме и кои прилики нѐ чекаат и да ги искористиме – истакна вицепремиерот Николоски.

Зборувајќи за инвестициите на коридорите 8 и 10, тој потенцира дека Владата преку инвестициите го истакнува нивното значење и важност како геостратешка предност во регионот и од аспект на економското влијание и од безбедносен аспект.

– Во однос на Kоридорот 10 имаме функционален автопат, во однос на железницата минатата година потпишавме Договор со Велика Британија да изградиме брза пруга. Во моментов ги работиме подготвителните работи, рокот е да ги завршиме во текот на летото и да почнеме со земјените работи и во рок од 5 години овој проект да биде завршен, како што ветивме. Ако на тоа се додаде гасниот конектор кој го градиме со Грција и треба да биде извор на пет алтернативни мрежи за гас, вчера се потпиша договорот со ЛНГ од САД. Прашање на денови е кога ќе излезе тендерот за изградба на интерконекторот со Србија. Тоа значи дека тивко без многу помпа, ние во Македонија градиме алтернатива на она што се нарекува Турски тек или Јужен поток. Во однос на Коридорот 8 автопатски напредуваме добро. Источното крило го пуштивме минатиот јануари, вториот дел го работиме со ЕУ од Куманово до Страцин. Понатаму, Страцин – Паланка го пуштивме, а го реконструираме и граничниот премин Деве Баир. Интензивно работиме на автопатските делници Тетово-Гостивар, Гостивар-Букојчани. Сега со ЕБОР работиме на делот од Букојчани-Кичево и веќе интензивно се работи Кичево-Охрид. Ако на тоа се додаде целосната реконструкција и проширување на граничниот премин Ќафасан, имаме едно заокружување кое до 2029 година ќе биде целосно функционално – рече Николоски.

Во однос на пругата кон Бугарија, тој очекува меѓу утре и понеделник да излезе тендерот за надзор за трета фаза, а за дваесетина дена и тендерот за изградба за трета фаза кон Бугарија. Во западниот дел се работи со ЕУ за надградба и реконструкција на потегот од Скопје преку Јегуновце, Гостивар до Кичево на постојната траса, а ако се договорат со УНЕСКО ќе се продолжи до Охрид, Струга и границата со Албанија.

Тој ги потенцира и проектите на Коридор 10-д, како и можноста за поврзување на Коридор 10 со Коридор 4 во Бугарија, како инвестиции кои геостратешки ќе овозможат економска предност и безбедност во децениите што следат.

The post МАКЕДОНИЈА ДА СЕ ПРИКЛУЧИ НА ИНИЦИЈАТИВАТА „ТРИ МОРИЊА“ Николоски ја оцени како геостратешки интерес на државата appeared first on plusinfo.mk.

Македонија е првата земја од Европа која има ваков стратешки дијалог со САД, со оваа администрација, рече премиерот Христијан Мицкоски, одговарајќи на новинарско прашање што очекува од стратешкиот дијалог во САД каде има денес македонска делегација.

– Исклучително високо ниво. Теми кои ќе бидат опфатени се дигиталната трансформација, вештачката интелигенција, апликациите и имплементацијата, билатералната соработка, енергетиката, инфраструктурата која ја градиме и во која силно инвестираме. Потоа одбранбената индустрија, соработката во овој дел. Тоа се неколку области во кои што очекуваме да се постигне голем напредок. Истовремено да се промовира една инвестиција во значаен производен објект. Тоа е рудата антимон која ќе се експлоатира во паланечкото село Луке. Редок минерал, што може за нашата економија да значи многу – рече Мицкоски.

Премиерот рече дека истрагите таму се при крај и очекува многу скоро тоа да биде започнато.

– Ќе се извезува во САД. Од инвеститорите ја добив информацијата дека топилницата би се градела во Оклахома во САД, тоа е еден заокружен циклус. Нешто кое што е многу важно за Македонија како држава и за нас како граѓани – рече Мицкоски.

Втората сесија од Стратешкиот дијалог меѓу Северна Македонија и Соединетите Американски Држави ќе се одржи денеска во Вашингтон, информираат од Министерството за надворешни работи и надворешна трговија.

Одржувањето на втората сесија од Стратешкиот дијалог се случува по пауза од четири години, а на неа ќе присуствува висока владина делегација предводена од министерот за надворешни работи и надворешна трговија, Тимчо Муцунски. Заедно со него, на настанот ќе учествуваат и министрите за внатрешни работи Панче Тошковски, за одбрана Владо Мисајловски, за дигитална трансформација Стефан Андоновски, како и министерката за енергетика Сања Божиновска.

„Стратешкиот дијалог претставува значајна платформа за продлабочување на билатералната соработка и унапредување на партнерството со САД, со фокус на клучни области од заемен интерес, вклучително одбраната и безбендоста, кибербезбедноста и технолошката соработка, економијата, трговијата и енергетиката, како и заедничката борба против транснационалните закани на граничната безбедност“, соопшти МНР.

The post МАКЕДОНИЈА Е ПРВА ЗЕМЈА ОД ЕВРОПА ШТО ИМА ВАКОВ СТРАТЕШКИ ДИЈАЛОГ СО САД Се очекува голем напредок во неколку области appeared first on plusinfo.mk.

Американската амбасада во Приштина вчера соопшти дека го суспендира стратешкиот дијалог со Косово, поради, како што наведоа, загриженост за потезите на владата во заминување кои ги зголемиле тензиите и нестабилноста, ограничувајќи ја способноста на САД да соработуваат продуктивно со Косово.

Портпаролот на косовската влада во заминување, Перпарим Криезиу, реагираше со став дека односите со САД остануваат стабилни и покрај оваа одлука на Вашингтон.

Во објава на „Фејсбук“, Криезиу нагласи дека Косово е „најсериозен партнер на САД за стабилност и мир во регионот“.

Според него, Владата, за првпат од прогласувањето на независноста, успеала целосно да го исполни мандатот, придонесувајќи за институционална стабилност и социоекономски развој, и покрај бројните предизвици – пандемијата, енергетската криза и војната во Украина.

Тој додаде дека постапките на извршната власт секогаш биле законски и уставни, насочени кон елиминирање на жариштата на дестабилизација и кон зајакнување на владеењето на правото, особено во северниот дел на Косово.

Криезиу истакна дека Косово ја деполитизирало интеграцијата на српската заедница, заштитувајќи ги граѓаните од илегалните структури на Србија преку мерки како што се вработување и верификација на дипломи од Универзитетот во Северна Митровица.

Во однос на критиките кон Уставниот суд, портпаролот рече дека ставот на премиерот во заминување Албин Курти бил јасен, обвинувајќи го Судот за доцнење во одлуките и нарушување на демократскиот карактер на Републиката.

„Ги поздравуваме и критиките. Кога се конкретни, се трудиме максимално да ги подобриме и исправиме нашите чекори и постапки“, напиша Криезиу, додавајќи благодарност за придонесот на САД за Косово.

The post ВАШИНГТОН ГО СУСПЕНДИРА СТРАТЕШКИОТ ДИЈАЛОГ СО ПРИШТИНА Косово вели дека ќе продолжи да гради доверба со САД appeared first on plusinfo.mk.

– Сметам дека предизвиците никогаш не се толку тешки, кога имаме пријатели и партнери. Северна Македонија гледано низ годините наназад се соочи со огромни предизвици, донесе уште потешки одлуки, а поддршката на САД во целиот временски период беше од огромно значење за нас. Нашиот стратешки партнер беше и сè уште е наша поддршка за европската перспектива за земјава, рече Ковачевски.

Од голема важност за нас, додаде тој, е безусловната подготвеност и готовност на американската администрација да ги преземе сите неопходни чекори за нашата држава што поскоро да ги заврши преговорите со ЕУ, бидејќи тоа е исто така стратешки интерес и на САД.

Тој нагласи дека зајакнувањето на билатералните односи со САД значат модерни закони, безусловно независна борба против корупцијата и криминалот, праведно и правично правосудство, но и правна и економска безбедност на нашата држава.

Шефот на дипломатијата Османи рече дека првата област на интензивирана соработка и приоритетна активност во рамките на планот за активности е владеењето на правото и борбата против корупцијата.

– Утврдивме и посебно поглавје во планот на активности што се однесува на имплементацијата на антикорупциската политика. Предвидени се активности што имаат за цел поддршка на судските реформи, преку споделување на стручно знаење, а се со цел зголемување на кредибилитетот и довербата во судството – рече Османи.

Во делот на економската соработка, Османи го истакна планираното воспоставување соработка со Корпорацијата на САД за финанисирање меѓународен развој (US International Development Finance Corporation – DFC), што, како што рече, е и нашиот долгорочен интерес за отворање на регионално претставништво на оваа институција во Северна Македонија.

– Предвидовме и проекти кои што имаат за цел надминување на енергетските предизвици со кои сите се соочуваме и во таа насока планираме изготвување план за поддршка на енергетска диверзификација. Планираме организирање на голем бизнис форум меѓу двете земји, како и посета на потенцијални американски инвеститори, а ќе се заложиме и за воспоставување директна авиолинија Скопје-Њујорк што има за цел дополнително доближување на земјите и зајакнување на економската соработка и бизнис релациите – истакна Османи.

Министерот додаде дека планот за активности содржи и проекти кои се однесуваат на културната размена, зајакнувањето на образовната соработка, како и зајакнување на врските меѓу академските заедници, кои се насочени кон унапредување на врските меѓу луѓето и доближување на народите од двете земји.

– Со цел успешна практична имплементација на донесениот План на активности, сите министерства, институции и агенции од земјава кои имаат надлежности во спроведувањето на Планот за активности ќе номинираат лица кои ќе ја следат реализацијата на активностите од нивна надлежност и квартално ќе доставуваат информација за нивниот статус и динамика на реализација до Министерството за надворешни работи како координатор на целокупниот процес, заклучи Османи на заедничката прес-конференција со премиерот Ковачевски, посветена на Стратешкиот дијалог со САД.

The post КОВАЧЕВСКИ СЕ НАДЕВА ДЕКА САД ЌЕ НÈ СПАСТРАТ ЗА ЕУ Ќе има и директна линија Скопје-Њујорк appeared first on plusinfo.mk.

– Јас имав вчера едно мое искажување, а и претходно го потврдив на брифингот со вас дека двата новосоздадени инструменти, од една страна, Стратешкиот дијалог со САД и сите механизми што ги има и, од друга страна, отворањето на преговорите со ЕУ се двете страни на ножицата што треба да ја искорне корупцијата заедно со нас преку институциите. Апсолутно го поздравуваме овој засилен ангажман на САД во поддршка на институциите за владеење на правото и за борба против корупцијата – рече министерот за надворешни работи одговарајќи на новинарско прашање на прес-конференцијата со бугарскиот колега Милков.

Османи рече дека веднаш по почетокот на Стратешкиот дијалог, САД финансиски го помага делот за владеење на правото, а сега продолжува со дополнителни механизми преку поддршка од страна на експерти, искористување на нивните механизми, санкционирање, јавно именување…

– И тоа е нешто што ние го побаравме. Кога имавме дилеми дали ќе почнат преговорите или не, јас сфатив дека ќе останеме без таков мониторинг ако преговорите се одложат и не можеме да најдеме заедничко решение со Република Бугарија и тогаш побаравме од САД дајте да ја издигнеме на едно повисоко ниво – рече министерот за надворешни работи.

Тој вели дека „таму пишува за корумпираните актери” што, според Османи, значи дека се работи за еден сеопфатен пристап и го дели ставот дека корупцијата во земјата не е само на ниво на политиката туку на секое ниво.

– Секаде каде што граѓаните се јавуваат на шалтер и бараат услуга од државата има елементи на корупција и ништо не сме направиле ако нема сеопфатен пристап во овој дел. Сеопфатен пристап од портирот на врата до највисокиот функционер во државата – истакна Османи.

Како претставник на ДУИ, рече дека тие го предложиле ветингот и се спремни да предложат закон со којшто ќе бараат институциска проверка на секој кандидат за носител на јавна функција за да се даде можност секој што ќе конкурира за јавна функција да помине низ таков процес.

– Го поддржуваме тој процес, поддржуваме компромисна борба на сите нивоа, од најниско ниво до највисоко ниво и сме спремни да бидеме носители на тој процес, рече Османи.

The post КОРУМПИРАНИ АКТЕРИ НЕ СМЕ САМО НИЕ ПОЛИТИЧАРИТЕ Османи за прозивиката од САД appeared first on plusinfo.mk.

Како што соопшти МНР, на средбата беше изразено задоволство од неодамна одржаниот стратешки дијалог меѓу Северна Македонија и САД, што веќе ги дава првичните резултати под формата на американски грантови наменети за зајакнување на владеењето на правото, културата и одбраната.

– Со одржаниот стратешки дијалог со САД, билатералните односи добиваат нова прецизно дефинирана рамка за понатамошен развој, додека стратешкото партнерство дополнително се зацврстува и надградува. Посветено работиме на дефинирање на идните активности кои произлегуваат од стратешкиот дијалог и имаат за цел зајакнување на рефомските процеси и гарантирање на демократскиот напредок и просперитет на земјава – истакна Османи.

Воедно, на средбата беше поздравено сојузништвото меѓу двете земји во рамки на НАТО, при што беше истакната поддршката за Украина и заедничките заложби за одбрана на современите демократски принципи и вредности, како и силна осуда за руската воена инвазија, стои во соопштението.

The post ПРЕКУ СТРАТЕШКИОТ ДИЈАЛОГ СО САД СЕ ЗАЦВРСТУВА ПАРТНЕРСТВОТО Османи се сретна со Ескобар во Блед appeared first on plusinfo.mk.

Со отпочнувањето на Стратешкиот дијалог меѓу Северна Македонија – САД, се посочува во соопштението, пријателските односи меѓу двете земји се подигнати на ново, повисоко ниво во име на продлабочување на стратешкото партнерство.

Стратешкиот дијалог започна на 2 јуни во Вашингтон, меѓу владината делегација предводена од министерот за надворешни работи Бујар Османи, од наша страна и делегацијата, предводена од помошникот државен секретар на САД за европски и евро-азиски работи, Карен Донфрид, од американска страна.

– Стратешкиот дијалог претставува форум кој обезбедува врамување на билатералните односи и соработката во одбраната, економијата, образованието, транспортот, енергетиката, климатските промени, демократскиот развој, борба против корупција, владеењето на правото, трговијата и други теми од заемен интерес – се наведува во соопштението од МНР.

The post СТРАТЕШКИОТ ДИЈАЛОГ ДАВА РЕЗУЛТАТ За владеење на правото во земјава, САД издвои 4,3 милиони долари appeared first on plusinfo.mk.

The post ВЛАДАТА НА 2 ЈУНИ ЗАПОЧНУВА СТРАТЕШКИ ДИЈАЛОГ СО САД Еве што беше одлучено на денешната 45-та седница appeared first on plusinfo.mk.

Османи појасни дека на денешен ден пред 14 години е потпишана изјавата за стратешко партнерство со САД со што односите меѓу двете држави се подигнаа на уште едно повисоко ниво на стратешко партнерство кое, како што кажа, кулминира со поддршката за нашето членство во НАТО во 2020 година и тоа партнерство се карактеризираше со голема блискост, взаемна доверба и мноштво проекти и иницијативи за поддршка на демокрактските институции за создавање функционална мултиетничка демократија, но и на сите останати сектори.

Тој процес, како што појасни Османи, двете влади го почнуваат во Вашингтон на 2 јуни, како признание за нашите постигнувања воопшто, но и во односите со САД.

– МНР ќе го води тој процес на стратешки дијалог од наша страна, целата Влада ќе биде дел од тој процес во рамки на тематските прироитети кои ги определивме во овие разговори. Бидејќи во меѓувреме ние ги правиме подготовките има меѓуресорка работна група во која се вклучени министри од ресорите кои во овој прв процес што го почнуваме ги определивме како најважни – владеење на правото, политичките односи, антикорупција како еден сегмент, соработка во делот на одбраната, сајбер заштита, економска соработка, инвестиции, создавање на пазарна економија се разбира сорботка во делот на енергијата, и останатите теми во рамки на мултилаатералната соработка кои ги поделивме на тематски целини – информира Османи.

Дијалогот од наша страна ќе го води МНР, а од нивна страна Стејт Департментот.

– Ги определивме како важни приоритети соработката во делот на енергијата, беше многу важно со САД ја да отвориме и темата за одбрана, сајбер заштита, безбедност, меѓутоа и конкретни иницијативи во делот на културата, образованието, движењето на нашите граѓани во САД обратно. Имаме уште цел месец да ја дефинираме агендата, да ги поставиме нашите размислувања, таму ќе одиме цела Влада да ги претставиме нашите приоритети – рече Османи.

The post СЕ ВРТИМЕ ЛИ КОН САД? На 2 јуни владата започнува стратешки дијалог со САД appeared first on plusinfo.mk.