Вицепремиерот и министер за транспорт Александар Николоски на својот фејсбук профил објави видео од реконструкцијата на обиколницата во Крива Паланка.

„Рехабилитација на обиколницата Крива Паланка која води до соседна Бугарија. Многу значаен проект на Коридор 8 кој е продолжение на експресниот пат Страцин – Крива Паланка и патна врска со граничниот премин Деве Баир кој е главна врска со Бугарија. Обиколница на Крива Паланка е проект со кој го поттикнуваме регионалниот развој и соработка, во исто време обезбедуваме побрз транспорт и безбеден сообраќај“, напиша вицепремиерот Николоски.

The post 📽️ ОБИКОЛНИЦАТА ВО КРИВА ПАЛАНКА Е ВАЖНА ВРСКА ОД КОРИДОР 8 Се работи на реконструкција и рехабилитација на патот appeared first on plusinfo.mk.

Сообраќајот на регионалниот пат с. Страцин – Кратово од 15:17 часот попладнево се одвива наизменично по една коловозна лента поради случена сообраќајна незгода, соопшти АМСМ.

Претходно АМСМ информираше дека сообраќајот на патот бил во целосен прекин од 15:05 часот.

The post НЕЗГОДА НА ПАТОТ СТРАЦИН-КРАТОВО Сообраќајот се одвива по една лента appeared first on plusinfo.mk.

Пуштањето во употреба на патиштата не е за чочек, туку за работа, порача владејачката партија.

Владејачката партија ВМРО-ДПМНЕ реагираше на обраќањето на опозициската СДСМ во врска со завршувањето на патниот правец низ Фаришката клисура, дел од експресниот пат Дреново – Градско. Од владејачката партија порачуваат дека кога СДСМ зборува за инфраструктурни проекти, граѓаните првин се сеќаваат на зурли, тапани и на чочек.

„Чочекот е единственото што СДСМ знаат да го прават кога станува збор за капитални инфраструктурни проекти“, стои во соопштението на ВМРО-ДПМНЕ, во кое се потсетува на моментот кога, како што велат, „дружината на СДСМ со плехот влезе во тунелот при пуштањето на готовиот автопат Демир Капија – Смоквица“.

Оттаму тврдат дека опозициската партија ги кочела проектите што ги наследила, наведувајќи како пример дека автопатот Миладиновци-Штип бил готов, но „СДСМ го кочел 2 години бидејќи требало само да постависигнализација.

„Ама и не е човек да им се лути – толку знаат и толку умеат“, велат од ВМРО-ДПМНЕ и додаваат дека проектите не ѝ припаѓаат на ниедна партија, туку се реализираат за доброто на граѓаните.

Од партијата истакнуваат дека Владата предводена од ВМРО-ДПМНЕ е „посветена и интензивно работи на реализација на капитални инфраструктурни проекти“, наведувајќи го пуштањето во употреба на експресните патишта Страцин – Крива Паланка и Градско – Дреново, како и изградбата на најтешкиот дел од таа делница – Фаришката клисура.

Паралелно со тоа, велат од ВМРО-ДПМНЕ, се работи на Коридорите 8 и 10Д, а во план е и изградба на експресна пруга од Табановце до Гевгелија.

„Владата, предводена од ВМРО-ДПМНЕ, ги поставува и ги гради темелите на промените. Доаѓа времето на Македонија“, заклучуваат од владејачката партија.

„Се китат со туѓи перја“

Реакцијата на ВМРО-ДПМНЕ доаѓа по изјавата на пратеникот на СДСМ, Миле Талески, кој тврди дека опозициската партија со посебно задоволство го одбележува завршувањето на патот низ Фаришката клисура – дел од експресниот пат од Дреново до Градско, нарекувајќи го „проект од огромно значење за Прилеп, Битола, Ресен и за целиот Пелагониски регион“.

– Горди сме затоа што СДСМ во својот мандат заврши над 90% од работите на овој проект. Завршени беа 2 тунела со вредност од околу 6 милиони евра, асфалтирани беа над 95% од патот, изградени беа сите клучни конструктивни елементи: 21 мост, 11 потпорни ѕидови, 15 пропусти, 1 вијадукт, 1 галерија – рече тој.

Според него, проектот – вреден над 33 милиони евра и долг 10,2 километри – „го заврши Владата на СДСМ“, а ВМРО-ДПМНЕ „за цела една година успеа да санира едно свлечиште, да постави бетон од 10 метри, дел од сигнализацијата и од оградите“.

– И она најважното за нив – да се китат со туѓи перја, да се сликаат пред камерите и да го претставуваат овој проект како свој – рече тој, но додаде дека сепак е добра вест што патот конечно е завршен и им се заблагодари на вредните градежни работници, инженери, проектанти и сите други кои работеле и учествувале во реализацијата на проектот.

The post ВЛАДАТА ГО ЗАВРШИ НАЈТЕШКИОТ ДЕЛ ОД ЕКСПРЕСНИОТ ПАТ ГРАДСКО – ДРЕНОВО Социјалдемократите знаат само за зурли, тапани и за чочеци, посочуваат од ВМРО-ДПМНЕ appeared first on plusinfo.mk.

Инвестициона вредност за изградба е во вкупно вредност од 93,7 милиони евра од кои 80,20 милиони евра се финансира со средства од Светска Банка и грант средства 13,50 милиони евра.

Како што посочуваат од Владата, експресниот пат се градеше во две фази и тоа: Лот 1 делница, Длабочица – Страцин (Чатал) во должина од 15.55 километри Инвестициона вредност на изградба е 43,75 милиони евра, финансиран со средства од Светска Банка и грант средства, и Лот 2 делница, Крива Паланка – Длабочица во должина од 10 километри е завршено во рок.  Инвестициона вредност на изградба е  50,54 милиони евра, финансиран со средства од Светска Банка и грант средства.

Изведувач на работите на Длабочица-Чатал првично беше италијанската „Tirrena Scavi“ но поради слабиот прогрес договорот беше раскинат и работите ги продолжи Страбаг, а втората делница ја градеше „Гранит“. Надзорот над двете делници го вршеше ДИВИ Македонија.

The post ОД ДЕНЕСКА ЌЕ СЕ ВОЗИ ПО ЕКСПРЕСНИОТ ПАТ Се пушта во употреба патот Куманово (Страцин) – Крива Паланка appeared first on plusinfo.mk.

Намалена видливост до 100 метри поради појава на магла има на Страцин, соопшти јавното претпријатие „Македонија пат“.

Сообраќајот на останатите државни патишта се одвива тековно во зимски услови, по претежно влажни коловози. По усеците и клисурите можна е појава на поситни одрони кои, како што велат од ЈП „Македонија пат“, редовно се чистат.

Оттаму апелираат на внимателно управување со возилата, почитување на поставената сообраќајна сигнализација и прилагодување на брзината кон условите на патот.

Дежурните екипи се постојано на терен и ги одржуваат сите патни правци проодни.

The post МАГЛА НА СТРАЦИН Видливоста е до 100 метри appeared first on plusinfo.mk.

Според информациите од портпаролот на Секторот за внатрешни работи – Куманово, Живкица Чавдаревиќ, несреќата се случила попладнево, околу 15:50 часот кај селото Страцин, клучката кај местото „Чатал”, спој на регионалниот пат од Општина Кратово со магистралниот пат А2, Куманово – Крива Паланка.

Чавдаревиќ посочи дека во незгодата дошло до директен судир помеѓу две патнички моторни возила, голф со регистарски ознаки од Општина Македонска Каменица и патничко моторно возило марка БМВ, со тетовски регистарски таблички.

– За жал, сообраќајната незгода заврши фатално за еден од патниците во возилата кои учествувале во незгодата, а четири лица се здобиле со телесни повреди и пружена им е потребната медицинска помош. МВР работи на утврдување на причините за несреќата, подетални информации ќе бидат објавени во текот на утрешниот ден – рече Чавдаревиќ.

The post Еден загинат, четворица повредени во сообраќајка кај Страцин appeared first on plusinfo.mk.

– Се рехабилитира комплетната коловозна конструкција со асфалтирање во два слоја и се изведува санација на 3 моста и 10 плочести пропусти. Се гради заштита на косини со армирано бетонски и габионски ѕидови и се поставува заштитна мрежа заради безбедност. Долж делницата се реновираат и градат 7 паркиралишта и 8 автобуски станици и се изведуваат работи за комплетна обнова на хоризонталната и вертикалната сигнализација по целата траса, како и електричното осветлување на патот што поминува низ населеното место Страцин – рече  Спасовски.

Делот од патот што моментално се  рехабилитира e во вредност од 7,2 милиони евра, пари од буџетот на  Јавното претпријатие за државни патишта.

– Во меѓувреме тече тендерска постапка за рехабилитација на дополнителни 15 километри со средства од ИПА програмата. Значи само за рехабилитација на регионалниот пат Куманово-Страцин инвестираме преку 14 милиони евра – информира Сугарески.

Тој додаде дека модернизацијата на Коридор 8 е од клучно значење како за регионално поврзување и зголемена соработка на нашата земја со соседна Бугарија, така и за унапредување на транспортот, брз и безбеден превоз на стоки и патници и генерално создавање услови за зголемена конкурентност и развој на регионот и економски раст на државата.

Покрај рехабилитацијата на регионалниот пат Куманово–Страцин, во овој дел од земјата се  рехабилитира и постоечкиот пат Ранковце – Крива Паланка, се реконструира и се гради трета лента на патниот правец Крива Паланка – граничен премин Деве Баир, а се гради  и нов експресен пат од Ранковце до Крива Паланка.

The post Се рехабилитираат 16,6 километри од патот Куманово-Страцин appeared first on plusinfo.mk.

Уште едно лице им подлегна на повредите здобиени во сообраќајната несреќа што се случи вчера на патот Куманово-Крива Паланка кај село Страцин, информираа денеска од МВР.

Починал 23-годишен сопатник, откако бил пренесен за укажување лекарска помош, а вчера од здобиените повреди почина 55-годишен возач на едното од возилата кои учествуваа во несреќата.

Сообраќајката се случи вчера во 9,40 часот кај местото „Чешмиче“ пред село Страцин меѓу две патнички возила „фиат пунто“, едното со кумановски регистарски ознаки управувано од 55-годишниот возач Б.Ѓ. од село Железница и второто со кратовски регистарски ознаки, управувано од 26-годишниот И.М од Битола.

– Во незгодата од здобиените повреди починал Б.Ѓ., додека сопатникот од истото возило Ф.Ѓ.(23) од сeло Железница и И.М. биле пренесени во Комплекс клиники „Мајка Тереза“ во Скопје за укажување на лекарска помош, каде Ф.Ѓ – починал, информираат од МВР.

Увид извршиле јавен обвинител и полицијата.

The post Уште една жртва во вчерашната сообраќајка кај Страцин, почина 23 годишно момче appeared first on plusinfo.mk.