Бродот е изнајмен од руската нафтена групација Новатек и е регистриран во Хонг Конг. Превезува 95.000 тони керозин до терминалот Есо во Осгорстра, во југоисточна Норвешка.

Танкерот Уст Луга отплови од истоимениот руски град Уст Луга во Ленинградската област, се наведува на веб-страницата за следење на поморскиот сообраќај.

Активистите на Гринпис ги врзале гумените чамци со кои пловеле до танкерот за бродот, додека друга група активисти во кајаци развиле транспарент со натпис дека „нафтата додава гориво на војната“.

Портпаролката на компанијата Есо Норвешка изјави дека предметната пратка не потпаѓа под западните санкции против Русија и дека е нарачана пред рускиот напад на Украина.

– Есо Норвешка нема други договори за купување производи со потекло од Русија, додаде портпаролката.

Норвешка иако не е членка на Европската унија, од 18 март ги применува речиси сите санкции што Унијата и ги воведе на Москва.

The post „СТОП ЗА ВОЕНАТА НАФТА“ Активисти блокираа руски танкер во Норвешка appeared first on plusinfo.mk.

Полициски службеник од Куманово е повреден откако во него удрил автомобил додека тој вршел службени дејствија во селото Долно Којнаре. Возачот на автомобилот не застанал на дадениот знак за запирање, а удрил и во друго возило кое било паркирано.

– Вчера во 23:30 часот било пријавено дека на локалниот пат Куманово – село Сопот, кај село Долно Којнаре кумановско, патничко возило удрило во полициски службеник кој вршел службени дејства, не застанувајќи на даден знак за запирање, откако претходно удрило во паркирано патничко возило „цитроен“, со кумановски регистарски ознаки, сопственост на Н.Л. од с. Долно Којнаре, соопшти денеска кумановската полиција.

Полицискиот службеник се здобил со тешки телесни повреди, констатирани во Општата болница во Куманово. Полицијата извршила увид и работи на целосно расчистување на случајот.

The post ТЕШКО ПОВРЕДЕН ПОЛИЦАЕЦ ВО КУМАНОВСКО Службеникот стопирал возило, но возачот удрил во него и побегнал appeared first on plusinfo.mk.

МАР бара да се стопира постапката за донесување бидејќи измените се нејасните и непрецизни и оставаат простор за субјективно и за арбитрарно постапување на надлежните државни органи, за компаниите кои работат во овој сектор создава правна несигурност и неповолна клима за инвестирање.

„МАР укажува дека Законот за минерални суровини е комплексен закон, за чии измени и дополнувања е потребна широка јавна расправа, а не нивно донесување по скратена постапка со еднострани измени предложени од надлежното министерство. Законски одредби кои создаваат правна несигурност и изготвување законски прописи без вклучување на сите засегнати страни е спротивно на начелата за транспарентност и за инклузивност. Нејасните и непрецизни одредби од предложениот текст на Законот, кои оставаат простор за субјективно и за арбитрарно постапување на надлежните државни органи, за компаниите кои работат во овој сектор создава правна несигурност и неповолна клима за инвестирање“, стои во соопштението.

Асоцијацијата смета дека поради комплексноста на предвидените измени и можните ефекти врз работењето на компаниите,треба да се стопира натамошната постапка на усвојување на овој предлог на Законот за изменување и дополнување на Законот за минерални суровини и истиот да биде повлечен, како и да биде формирана работна група, во која покрај претставници на надлежното министерство, ќе бидат вклучени и претставници на МАР, на научната и на стручната јавност, како и на невладините организации, кои заеднички, низ процес на консултации, ќе работат на изготвување на законските одредби.

Оттаму велат дека изминатите месеци реагирале во однос на текстот за предлогот на Законот за изменување и дополнување на Законот за минерални суровини реализирале и работни средби со надлежните државни органи и поднесени конкретни предлози за измени/дополнувања во текстот на Законот. 

The post Асоцијација за рударство: Да се стопира донесувањето на измените на Законот за минерални суровини appeared first on plusinfo.mk.

Останува „цврст“ ставот на Унгарија за ветото на буџетот и фондот за обнова на Европската Унија, изјави денеска унгарскиот премиер Виктор Орбан, додавајќи оти не сака компромис за прашањето за владеењето на правото.

Изјавата на Орбан уследи откако вчера заедно со полскиот премиер Матеуш Моравјецки во Будимпешта соопштија дека ЕУ не може да го условува пристапот до средствата од буџетот и фондот за обнова со владеењето на правото, освен ако ЕУ не го смени основачкиот акт.

Унгарија и Полска минатата недела ставија вето на најновиот повеќегодишен буџет на ЕУ и на планот за обнова. Тие се против механизмот кој дозволува да бидат лишени од средствата во случај на кршење на владеењето на правото (независно судство, политика против корупцијата), оценувајќи го како напад врз нивната независност.

Брисел претходно покрена истрага за Унгарија и за Полска поради наводно поткопување на независноста на судството, медиумите и невладините организации.

Орбан во денешната изјава за унгарското државно радио истакна дека гласовите на Унгарија и на Полска се клучни за буџетот и фондот на ЕУ.

– Поврзувањето на политичките расправи со економските прашања не е законски, туку политичка одлука на неколку земји-членки на ЕУ и на Европскиот парламент. Нашиот став е цврст, нивниот е само политичката волја. Нивниот став може да се смени, нашиот не. Не сакам компромис – истакна Орбан.

Неименуван дипломат изјави дека „Унгарија и Полска со своите изјави се движат се подлабоко и подлабоко во изолација“.

The post Oрбан: Унгарија „цврсто“ останува на ветото за буџетот на ЕУ appeared first on plusinfo.mk.

Портпаролот на институтот, Ив Ванлатем, за медиумите изјави дека прекинот во клиничките тестови за вакцината против ковид-19 на АстраЗенека е доказ дека работата се врши сериозно.

-Тоа е сосема нормална, банална процедура што покажува дека сѐ се следи коректно, како и дека ваквите инциденти се случуваат секојдневно за сите други вакцини што се тестираат- рече тој.

Фирмата АстраЗенека информираше дека привремено се стопираат клиничките тестови откако кај еден од волонтерите се појавија неочекувани нус ефекти од вакцината.

Белгија очекува во текот на пролетта, најверојатно во март, да има пристап до безбедна вакцина против ковид-19, потврди портпаролот на институтот за јавно здравје на земјата, и нагласи дека е многу веројатно други земји во Европа како и САД да ја добијат вакцината пред Белгија.

– Вакцинацијата ќе обезбеди сигурен имунитет на лично и на колективно ниво, на најбрз и најефикасен можен начин – рече Ванлатем за медиумите денеска.

Тој додаде и дека студиите за вакцината против ковид-19 се одвиваат побрзо од вообичаеното, но со голема претпазливост.

– Не преземаме ризици во однос на фазите на развој на вакцината, и сметаме дека за секоја од вакцините во напредна фаза на болеста, овие студии ќе покријат помеѓу 30 илјади и 90 илјади лица за да имаме докази за ефикасноста на вакцината – рече портпаролот.

Дотогаш се повикуваат граѓаните да продолжат да ги почитуваат мерките за заштита, носењето маска, дезинфекција на рацете и физичка дистанца.

The post Белгија: Нормално е што АстраЗенека го запре тестирањето на вакцината против ковид-19 по инцидентот appeared first on plusinfo.mk.

Како што информираат, стaнува збор за три активни проекти, од кои за еден се досега исплатени финансиски средства (Гери Ван Симон ДООЕЛ), а кои се предмет на мониторинг од страна на меѓународна ревизорска куќа. За активните проекти на останатите две компании (МСТ Солушн и Лини 08 ДООЕЛ) досега не се исплатени финансиски средства од Фондот.

– Овој чекор следи по објавените податоци од УЈП и Генералниот секретаријат на Владата, што укажуваат на несоодветен однос на овие компании кон работниците, особено во време на глобална пандемија со ковид-19. Истото, сериозно влијае врз угледот, а со тоа и капацитетот на овие компании за реализација на предвидените проекти. Потсетуваме дека капацитетот, како и поширокото влијание на проектите се дел од критериумите за евалуација и доделување на финансиска поддршка од Фондот, стои во соопштението.

Додаваат дека одлуката во однос на натамошниот статус на овие проекти ќе биде донесена од страна на Комитетот за одобрување на инвестиции на Фондот, а по завршување на процедурите пред надлежните институции задолжени за реализација на државната помош за минимална плата.

Фондот за иновации и технолошки развој, истакнуваат, спроведува строги процедури и механизми за заштита на јавниот интерес и средства, што важи за сите корисници, без исклучок.

The post ФИТР најави запирање на финансиите на сите компании што се најдоа на листата на УЈП appeared first on plusinfo.mk.

Станува збор за третман кој го развивала британската компанија „Synairgen“ со седиште во Саутемтон, во кој бил користен протеин наречен интерферон бета. Тоа е протеин кој телото го произведува за да се одбрани од вирусна инфекција.

Во третманот, протеинот се инхалира директно во белите дробови на пациентите. Првичните резултати покажуваат дека тој за 79 отсто ги намалува шансите хоспитализираните пациенти со ковид-19 да дојдат до тешка клиничка слика, како што е потребата од механичка вентилација.

Како што пренесува „ВВС“, од компанијата „Synairgen“ велат дека веројатноста пациентот да се излекува се зголемува за два до трипати, како и дека значително се намалува опасноста од губење на здивот.

Покрај тоа, од девет на шест дена се скратува и просечното време на пациентите поминати во болница.

Во клиничкото испитување учествувале 101 доброволец. Станува збор за пациенти кои биле хоспитализирани во девет болници во Велика Британија, кај половина од нив бил применет овој третман со протеин, додека кај другата не бил, по што тие биле набљудувани.

Овие резултати сè уште не се објавени во научно списание, а засега не е објавено ниту целосното истражување. Меѓутоа, научници за „ВВС“ наведуваат дека ако резултатите се потврдат и во понатамошните поголеми испитувања тогаш тоа ќе значи и менување на „правилата на игра“ во борбата со ковид-19.

The post Британска компанија откри протеин кој помага при ширењето на ковид-19 appeared first on plusinfo.mk.

– Не можеме повторно да ја запреме економијата. Мислам дека научивме дека, ако ја запрете економијата, создавате поголема штета, не само економска, туку и во други области – изјави Манучин за Си-Ен-Би-Си, најавувајќи дека во следниот месец американската економијата ќе добие финансиска инјекција од повеќе од еден трилион долари.

Финансиската помош ќе биде насочена кон хотелската индустрија што е особено погодена од пандемијата, патниот сообраќај, индустријата за забава и рестораните, кажа Манучин

The post Манучин: Не можеме повторно да ја прекинеме работата на економијата appeared first on plusinfo.mk.

Како што соопшти владината прес-служба ваков заклучок донела денеска владата.

Министерот за внатрешни работи Наќе Чулев, пак, се повика на одлука на Управниот суд , со која се поништува слична одлука на владата од февруари која се однесува на распределувања во МВР.

The post Влада: Во МВР да запрат незаконските распределувања appeared first on plusinfo.mk.