Во најтешките денови од февруари 2022 година, украинскиот претседател Володимир Зеленски го повикал тогашниот генерален секретар на НАТО Јенс Столтенберг од бункер во Киев и го молел да воспостави зона на забранет лет над Украина. Столтенберг сведочел дека барањето било одбиено, јави британскиот „Тајмс“.

– Зеленски ме повика од бункер, на само неколку километри од руските тенкови. Рече: Прифаќам дека нема да пратите копнени сили, иако не се согласувам, но ве молам затворете го небото над Украина – изјавил Столтенберг.

Тој потсетил дека Зеленски се повикал на примерот на Босна и Херцеговина, кога НАТО воспостави воздушна контрола за време на конфликтот во поранешна Југославија.

Меѓутоа, Столтенберг објаснил дека таков потег би значел директен судир меѓу алијансата и Русија.

– Разбирам зошто го барате тоа. Но ако НАТО затвори украинско небо, ќе мораме да ги уништиме руските противвоздушни системи во Белорусија и Русија. Тоа значи директна војна меѓу НАТО и Москва, а ние не сакаме тоа да се случи – рекол поранешниот генерален секретар.

Од друга страна, Москва уште во септември предупреди дека секоја зона на забранети летови би значела отворен воен судир со Западот. Заменикот на рускиот Совет за безбедност Дмитриј Медведев ја нарекол идејата „провокација“, а амбасадорот во Брисел Денис Гончар изјавил дека таквите барања претставуваат „директно поттикнување на војна меѓу НАТО и Русија“.

Во јули 2024 година, портпаролот на Стејт департментот Ведант Пател изјавил дека САД не се подготвени да разговараат за воспоставување зона на забранети летови над Украина.

The post ЗЕЛЕНСКИ МОЛЕЛ ЗА ЗАТВОРЕНО НЕБО, СЕ ПОВИКАЛ НА ВОЈНАТА ВО БиХ? Еве што му одговорила Алијансата во 2022 година appeared first on plusinfo.mk.

Тој во интервју за германската медиумска куќа„Табела“ нагласи дека дипломатските преговори и компромисот можат да го отворат патот за договор кон прекин на огнот.

– Потребна ни е линија за прекин на огнот, и секако ова треба да ги вклучи сите области кои моментно се под руска контрола. Но, гледаме дека тоа можеби нема да биде реално остварливо во блиска иднина. Ако линијата за прекин на огнот значи дека Русија продолжува да ги контролира сите окупирани територии, тоа не значи дека Украина мора засекогаш да се откаже од територијата – рече Столтенберг.

Поранешниот прв човек на НАТО ја истакна важноста за обезбедување безбедносни гаранции за Киев во замена за какви било територијални размислувања како дел од договорот за прекин на огнот.

Иако членството во НАТО е опција, поради што Украина денеска испрати своевиден ултиматум, Столтенберг  наведува дека „има и други начини за поддршка на Украина“.

The post ПРИВРЕМЕНО ОТСТАПЕТЕ МУ ТЕРИТОРИЈА НА ПУТИН Столтенберг упати предлог до Украина appeared first on plusinfo.mk.

– Потребна ни е линија за прекин на огнот и, се разбира, идеално, таа треба да ги покрива сите територии кои Русија во моментов ги контролира, но гледаме дека тоа не е многу реално во блиска иднина. Украина би можела привремено да отстапи дел од своите територии за ова цел – рече тој, пренесува германската телевизија Тагесшау.

Столтенберг изјави и дека е важно владата во Киев да добие безбедносни гаранции во замена за привремени отстапки на територија. Според него, тоа би можело да биде членство во Алијансата, но има и други начини за вооружување и поддршка на Украинците.

НЕМА МИР АКО УКРАИНА ЈА ИЗГУБИ ВОЈНАТА Тоа ќе донесе руска окупација, посочи Столтенберг

The post РУСИЈА ДА ГИ ЗЕМЕ ОКУПИРАНИТЕ ТЕРИТОРИИ, НО ПРИВРЕМЕНО Столтенберг си го смени мислењето appeared first on plusinfo.mk.

Руте призна дека ситуацијата на украинското бојно поле е тешка, но додаде дека напредокот на Русија има многу висока цена, пишува NL Times.

– Според неодамнешните проценки, руските загуби се движат од околу 1.000 убиени или ранети дневно. А тоа е само мал дел од вкупно 500.000 кои се веќе убиени или ранети – рече Руте.

Јенс Столтенберг денеска му ги предаде овластувањата на генералниот секретар на таа организација на Руте на состанокот на Северноатлантскиот совет во седиштето на НАТО во Брисел.

– Моја обврска ќе биде да работам на спроведување на ова и на приспособување на нашата Алијанса на се покомплексниот свет. Не постои ништо што не можеме да го постигнеме заедно – изјави Руте.

The post ПРАВОТО НА САМООДБРАНА НЕ ЗАВРШУВА НА ГРАНИЦАТА СО РУСИЈА Наследникот на Столтенберг призна дека состојбата во Украина е тешка appeared first on plusinfo.mk.

Двајцата говореа пред претстојниот денешен состанок на Советот НАТО-Украина во рамките на Самитот на Алијансата во Вашингтон. Лидерите на земјите од пактот во завршната декларација на состанокот на Северноатлантскиот совет – највисокото политичко тело за одлучување во НАТО, ветија дека патот на Украина кон членство во организацијата е неповратен.

Столтенберг потврди дека не може да прецизира конкретни датуми за пристапување на поранешната советска република во западната воена алијанса, но наведе голем број конкретни мерки за изградба на „мост за членство“.

ЗеленскиЖ се заблагодари на НАТО за помошта што и ја дава на Украина и повика на нејзина брза испорака.

Во усвоената декларација Алијансата официјално се обврза следната година да обезбеди воена помош за Киев во износ од 40 милијарди евра.

– Патот на Украина кон членство во НАТО сега е неповратен – нагласи Зеленски.

The post ИДНИНАТА НА УКРАИНА Е ВО НАТО Патот е неповратен, му рече Зеленски на Столтенберг appeared first on plusinfo.mk.

НАТО официјално се обврза да обезбеди воена помош за Украина во висина од 40 милијарди евра следната година, стои во заклучната декларација усвоена од шефовите на државите и владите на земјите-членки на Алијансата на состанокот во Вашингтон.

Унгарија, која се спротивставува на воената помош за Украина, доби право да не ја дава истата.

Унгарскиот премиер Виктор Орбан, кој на самитот јасно го кажа својот став за конфликтот, порача дека дека НАТО мора да го донесе мирот, а не војните околу него.

На третиот ден од вашингтонскиот Самит на НАТО, лидерите на Алијансата ќе имаат состанок со нивните колеги од партнерските земји од азиско-пацифичкиот регион – Австралија, Нов Зеланд, Јапонија и Јужна Кореја, како и со високи претставници на Европската Унија. Самитот ќе заврши со заседание на Советот НАТО-Украина на ниво на шефовите на држави или влади, на кое ќе се зборува за поддршката на Алијансата за Киев.

The post 40 МИЛИЈАРДИ ЗА УКРАИНА, НО УНГАРИЈА НЕ УЧЕСТВУВА „Алијансата да донесе мир, не војна“ appeared first on plusinfo.mk.

Во текот на вчерашниот ден премиерот на Македонија, Христијан Мицкоски, се запозна со претседателот на САД, Џозеф Бајден, како и со генералниот секретар на НАТО, Јенс Столтенберг, а разгпвараше и со италијанската премиерка Џорџа Мелони.

Премиерот Христијан Мицкоски ја предводи македонската делегација на самитот на НАТО на кој се одбележува 75 години од алијансата.

„На официјалниот почеток на НАТО самитот во Вашингтон. За државните интереси, за јакнење на демократијата и за подобар живот на нашите граѓани“, објави Мицкоски на Фејсбук во друштво на американскиот претседател, Џозеф Бајден, и на актуелниот претседател на НАТО, Јенс Столтенберг.

– За нас како малоброен народ е важно на овој собир да ги донесеме најзначајните одлуки кои што ќе моделираат иднината на човештвото во следните декади, за што и ние ќе го дадеме својот придонес. Како држава сме подготвени да го додадеме својот придонес на сето она што претставува вредност. Тука сме заедно со нашите сојузници за да ја потврдиме нашата посветеност, како и досега, така и во иднина, дека ќе го промовираме мирот, стабилноста и владеењето на меѓународното право – претходно истакна Мицкоски.

Тој рече дека владата останува посветена на исполнување на обврските, односно минимум 2% од БДП да бидат инвестирани во модернизација на армијата, „нешто коешто е многу важно затоа што само на тој начин ќе ги следат современите чекори и ќе ја следат најголемата светска одбранбена алијанса што некогаш постоела“.

Премиерот Мицкоски изрази и задоволство што заедно со останатите лидери на земјите членки на НАТО присуствува на одбележувањето на 75-годишнината од формирањето, на како што рече, на најголемата одбранбена алијанса во светската историја.

The post 📷 2% ОД БДП ЗА МОДЕРНИЗАЦИЈА НА АРМИЈАТА Мицкоски се запозна со Бајден на самитот на НАТО appeared first on plusinfo.mk.

Генералниот секретар на НАТО во заминување, Јенс Столтенберг, денеска изјави дека Алијансата била однапред информирана дека унгарскиот премиер Виктор Орбан е на пат да ја посети Москва за да разговара со рускиот претседател Владимир Путин.

Столтенберг на самитот на НАТО истакна дека Орбан патува во својство на премиер на Унгарија и дека во Москва нема да го претставува НАТО, чијашто членка е Унгарија, пренесуваат светските агенции.

Орбан претходно денеска пристигна во Москва и по пристигнувањето рече дека со таа посета ја продолжува мировната мисија, откако неодамна го посети Киев каде разговараше со украинскиот претседател Володимир Зеленски.

The post НАТО ЗНАЕШЕ ДЕКА ОРБАН ЌЕ СЕ СРЕТНЕ СО ПУТИН Тој не ја претставува Алијансата на средбата, вели Столтенберг appeared first on plusinfo.mk.

„Извонредна чест е да се биде назначен за генерален секретар на НАТО. Алијансата е и ќе остане камен-темелник на нашата колективна безбедност. Водењето на оваа организација е одговорност што не ја земам лесно“, напиша тој на платформата Икс.

Руте на 1 октомври ќе го замени Норвежанецот Јенс Столтенберг на функцијата генерален секретар.

Мандатот на Столтенберг од 2014 година, кога првпат беше именуван, досега беше продолжуван четири пати.

Амбасадорите од 32 земји на НАТО ќе го ратификуваат назначувањето за време на состанокот на Северноатлантскиот совет, политичкото раководно тело на Алијансата, во Вашингтон на 9-11 јули.

The post РУТЕ ВО СТОЛЧЕТО НА СТОЛТЕНБЕРГ Ова е извонредна чест, рече холандскиот премиер appeared first on plusinfo.mk.

– Не е прашање дали треба, туку мораме да ги продолжиме таквите инвестиции. Тоа е во интерес на Алијансата на која што сме член, но сметаме дека тоа е и во наш национален интерес – изјави Муцунски, потврдувајќи ја посветеноста на земјата на исполнување на обврската за издвојување на средства до Буџетот за одбраната на ниво најмалку два проценти од националниот БДП.

Муцунски изрази задоволство од средбата со Столтенберг, која ја оцени како позитивна и срдечна и на која ги потврдил заложбите на новата Влада, предводена од премиерот Христијан Мицкоски, поврзани со нашето членство во НАТО, како поддршката на политиката за одбрана и одвраќање и континуираната поддршка на Украина.

Шефот на дипломатијата додаде дека со Столтенберг разговарале за претстојниот самит на НАТО во Вашингтон на кој ќе се одбележат 75 години од формирањето на Алијансата и каде што шеф на нашата делегација ќе биде премиерот Мицкоски.

– Планираме активно учество каде што ќе се носат клучни одлуки поврзани со иднината на Алијансата и ние секако ќе бидеме активен чинител во придонесувањето на тие идни политики – додаде Муцунски.

Тој потенцира дека покрај 100-процентната усогласеност на земјава со заедничката надворешна и безбедносна политика на ЕУ, дополнително еднакво значајно е тоа што таа како мала држава го прави како членка на НАТО.

– Заштитата на поредокот на меѓународното јавно право е многу значајна. Oд таа гледна точка, тoa што се случува во Украина, но и од безбедносна гледна точка не смее да се дозволи кога било да се повтори. Нашите заложби како политички така и безбедносни ќе продолжат во насока на поддршка на Украина и ставање на што е возможно побрз крај на тој тажен воен конфликт – заклучи Муцунски.

Дводневната работна посета на Брисел министерот Муцунски ќе ја продолжи со средби со претставници на Европската Унија.

The post МОРАМЕ ДА БИДЕМЕ ОДГОВОРНА ЧЛЕНКА НА НАТО Тоа е во наш национален интерес, рече Муцунски на средбата со Столтенберг appeared first on plusinfo.mk.