Од луди возачи кои со автомобилот поминуваат на пешачки премин или прелетуваат на улица на црвено светло, преку возачи на тротинети кои тивко ви приоѓаат од грб и ве претркуваат без да употребат ѕвонче, па сѐ до пешаци со затки во ушите кои лежерно си се движат по велосипедските патеки.

Исто така, веројатно многу пати досега возејќи се по стазите одвоени со столпчиња од остатокот на улиците, сте наидувале на вешто паркирани автомобили помеѓу две такви препреки.

Активистите екологисти и велосипедисти настојуваа да се постават столпчиња на сите велосипедски ленти во градот, бидејќи се надеваа дека тие ќе бидат доволни за да се спречи узурпацијата на стазите, за паркирање на автомобили.

Очигледно, тоа не е случај. Лентите во градот каде што веќе има вакви столпчиња постојано се узурпираат од автомобили и мотори кои се паркираат на овие места, а безбедноста на бројните велосипедисти и непреченото одвивање на сообраќајот, се целосно загрозени.

Така е, ако сакате со велосипедот да го заобиколите автомобилот кој се паркирал на велосипедската стаза, мора да излезете од неа, нели?

А дали некој залетан автомобил ќе ве собере, е прашање на среќа.

За тоа дека ваквите столпчиња воопшто не се гаранција, зборува и оваа слика на која наидовме возејќи се по улица Лондонска, веднаш карши Сити Мол, во општина Карпош.

Тука, некои неандерталци, едноставно ги легнале столпчињата и ги залепиле на асфалтот и си ги паркираат тука своите големи автомобили.

Во овој момент, ваквите ленти воопшто не им служат на велосипедистите, но затоа се одличен бесплатен паркинг за автомобилите.

Ама така е тоа на Дивиот Запад, нели?

The post НАМЕСТО ВЕЛОСИПЕДСКА ПАТЕКА, ПАРКИНГ ЗА АВТОМОБИЛИ! Кој ги собори столпчињата од стазата за велосипеди на „Лондонска“? appeared first on plusinfo.mk.

Ваков тип на сигнализација, како што соопшти Општината, беше поставена пред училиштата „Петар Поп Арсов“ во Карпош 4 (од влезот на улицата „Разловечко востание“ и од пристапот на ул. „Трифун Бузев“), пред ООУ „Владо Тасевски“ во Козле (на улица „Јуриј Гагарин“), како и пред ООУ „Војдан Чернодрински“ во населбата Владо Тасевски (на ул. „Дрезденска“).

Столпчињата, наведуваат, треба да ги предупредат учесниците во сообраќајот, да ја намалат брзината на движење и да обрнат поголемо внимание кога се движат во близина на училишта.

Локалната самоуправа ќе постави вакви заштитни столпчиња и пред другите училишта.

– Општината, го подигна нивото на безбедност пред образовните установи, поставувајќи обични и интелигентни „лежечки полицајци“ и метални бариери. Од минатата учебна година, во сите основни училишта беше ангажиран дел од кадарот, со помош на сообраќаен знак, да го регулираат сообраќајот на локалните улици пред почетокот и на крајот на наставата, се наведува во соопштението.

The post Креативни столпчиња за поголема безбедност пред училиштата во Карпош appeared first on plusinfo.mk.